عدد الرسائل : 668 العمر : 34 تاريخ التسجيل : 02/02/2010
موضوع: رد: تدوين اعضاء منتدى افاق المستقبل لايام الغضب بمصر السبت فبراير 05, 2011 6:18 pm
طبعا انا حزين على اللى جرى فى البلد من خراب ومن تدمير مش فى المبانى او السيارات او السرقات ولكن فى الاقتصاد المصرى واللى تقريبا اتدمر والخسائر اللى بالمليارات اللى تكبدتها الحكومة والناس فاهمة ان البلد هاتنضف مش عارفين ان اللى جاى اصعب بكتيييييييييييير من اللى راح وربنا يسترها على الحكومة الجديدة برئاسة الفريق احمد شفيق وتحاول تنقظ البلد وترجعها الى سابق عهدها بالنسبة ليا بقى انا اول يوم ليا كان يوم الجمعة اللى سموها جمعة الغضب كان عندى امتحان الصبح مفيش موبايل مفيش نت مفيش اى حاجة طبعا صليت فى طنطا وكان الخطيب سياسى من الدرجة الاولى ومتكلمش فى اى حاجة فى الدين الى حاجة عجبتنى فى اليوم دة الناس اللى كانت بتغش بالموبايل ومعرفتش يوميها هههههههههههههههههههههههههه شرانى انا صح؟ خلصت امتحان ولقيت صاحب شركة الاتوبيس شخصيا قدام الكلية كل اللى مشتركين فى الشركة اتجمعو عرفنا بقى ساعتها ان فى مصيبة فى المحلة ركبنا وكنت على احر من نار انى اشوف بعينى المحلة جرالها اية كان كلى حماس على خوف الخوف اللى زرعهولنا السواق قيل بوابة المحلة ياجماعة مش عاوزين داوشة اقفلو الستاير بالذات اللى جنت البنات طبعا كل الباص كان بنات الا 5 اولاد بس هههههههههههههههههههههههه دخلنا المحلة وبعد البوابات ب حوالى 100 متر كدة لقينا الونش تبع الشرطة واقف بعرض الشارع مش هايعدى عربيات خالص نزلنا وخدناها سيرا على الاقدام وشفت بقى الخراب اللى حصل فى البلد وانا ماشى شفت كشافات النور فى الشوارع كلها مكسرة والشارع تقريبا كلة ظلام دامس شفت القسم مولع سواء قسم اول او قسم تانى المحلة شفت عربيات الامن المركزى مدمرة شفت الحرامية وهما ماشيين بالدراجات النارية مستغلة الموقف من الاخر شفت فوضى عارمة لاتوصف وروحت باعجوبة بعد ما سرت حوالى 3 كيلو على قدمى بعد كدة بقى كنا بننزل كل يوم الساعة 10 كدة فى الشارع واللى معاة خشبة واللى معاة شومة و منشاكو وجنزير اهى اى حاجة حماية وخلاص وكان فى ناس معاها طبنجات ودة اللى شفتو بعينى بس سمعت ان فى مناطق تانية فى المحلة كان الاهالى بينزلو ب سيوف طبعا احنا نسمع صوت الشيخ فى الجامع بيردد ( ياجماعة كل الشباب ينزلو الشارع علشان فى بلطجية اقتحمو البرج -منطقة جنبنا- واحمو المنطقة ) وطبعا كنا بنقسم نفسنا اللى مجموعتين الاولى من الساعة 10 الى الساعة 3 الفجر والتانية من الساعة 3 الفجر الى الساعة 8 الصبح -بعد حظر التجوال- وكنا كتير وناس كبيرة وشباب وحتى الاطفال اللى فى الابتدائى كانو معانا واللى مساعد على ذلك ان مفيش شغل سواء حكومى اوى خاص ودة اللى مخلى الناس تسهر براحتها وكنا كتير بنلعب كورة فى الشارع وننزل البلايستيشن ونلعب لحد الفجر بس كانت متعة لكن دلوقتى معدش حد بينزل خلاص مش عارف لية!
طبعا الشوارع من الساعة 8 هس اسكت والمحلات مش بتفتح الا الصبح والبنوك كلها قافلة وعليها حراسات من الجيش
انا مرة نزلت الشوارع مع اصحابى نشوف الوضع اية واية اخبار المظاهرات كان من يومين تقريبا لقيت ناس كتير ماشية فى الشارع وبتقول عبارات على الريس انا مقدرش اقولها -كلام مستفز خارج- وناهيك بقى على الاشاعات اللى بتتقال من اللى معاهم الميكرفونات والناس الهبل (سامحونى فى اللفظ) بتهيص وتردد وراة واحدة هذة الاشعاعات _الريس بيطلب من قطر اللجوء على انة سياسى _بقينا الان نصف مليون شخص فى المحلة ملحوظة:ـاستاد القاهرة لما يبقى مليان على عينة بيبقى 80 الف شخص ودة يفوق اللى شفتة بعينى بكتير دة اللى فاكرة وكمان اللى لاحظتة انها كانت سلمية ولاحظت حاجة كمان اللى بيقودو هذة المظاهرات اخوان مسلمين سواء رجال او نسوان وانا اعرفهم شخصيا
هو دة اللى شوفتة طبعا الجيش مش بيتدخل ومفيش تواجد للشرطة على الاطلاق بس وهو دة الوضع اللى فى المحلة لغاية دلوقتى
هو الرد كبير شوية بس علشان انقل الصورة كاملة على اللى حصل وشكرا
الكونتيسه (((الغاليه))) عضو ذهبى
عدد الرسائل : 4379 العمر : 33 تاريخ التسجيل : 23/09/2009 الاوسمه :
***************
عن خاطره (احبك كيف اوصلها لك)
***************
وسام افضل موضوع بقسم حوار خاص جدا
مقدم من المشرفه (اميره فى مملكتى)
عن موضوع
(احذرى فتاتى والا ستندمى)
موضوع: رد: تدوين اعضاء منتدى افاق المستقبل لايام الغضب بمصر السبت فبراير 05, 2011 11:40 pm
انا مكنتش متوقعه ان حد هيستجيب للموضوع ده ويدخل يشارك فيه وطبعا ما تفاجاتش لما لاقيت انك اول رد يا سعدنى لانك دايما جرئ فى ردودك ومواضيعك
وانت ابدا مش طولت ولا حاجه بالعكس انا متوقعه ان الردود كلها فى الموضوع ده هتبقى طويله
انا قرات ردك بتفصيل وبهتمام شديد وبجد انت كنت دقيق جدا فى وصفك وده اللى انا عاوزاه
ياريت لو فى اى جديد ابقى ضيفه
انا متشكره جدا لردك واهتمامك تسلم يا عبد الرحمن الى التميز دائما
???? زائر
موضوع: رد: تدوين اعضاء منتدى افاق المستقبل لايام الغضب بمصر الأحد فبراير 06, 2011 4:09 pm
انا بقه مش هظل هو يوم وحده بس الى شفت فيه ان مصر خالص احتلت من المخربين يوم الاحد الاى فات شوفت يوم قولت خالص البلد خربيت بجد جت واى المفاجاه المنطاقه كله بى تصوت واجرى ياد هت السكيكن والشوم والحريم تصوت بصيت من البلكونه لقت الوضع ده نزلت قولت اشوف فى اى لقيت المنطقه كله على وضع استعداد لى شن حرب قصواء رجعت اجيب سلحى السف والشومهامى رقعت بى الصوت فكرنى انا بتخنك من كتر ما هبيت فى الناس بعد شويه فهمه والوضع وهيا الى حدفت السلاح بعد ما شفت المنطقه كله مسكه سلاح ومفيش تصف ساعه كله قال خالص ده اشعه مفيش حد دخل المنطقه زمن ساعه الكل فى حاله زعر غير طبيعى وشويه اسمع ان اثنين من صحابى ماتو امام القسم وملهمش فى السياسيه وطيبن جدا قلوا ريحن نتفرج جلهم قضهم من عند ربنا اتنين شباب واى والورده دمهم راح هدار الله منهم لله الى جبو من الخوف واىالقلق لى الناس بس بعد كده بى كام ساعه والوضع هدى دخل المنطقه انما فى الخارج وضع لا يرضى بشر مفيش حد راح شغله ولا فاتح محله ولا اى حاجه خالص هدوء تام بس الحمد لله انهارده الشرطه نولت الشارع من جديد وبقى اطمئنان الى حد ما
الكونتيسه (((الغاليه))) عضو ذهبى
عدد الرسائل : 4379 العمر : 33 تاريخ التسجيل : 23/09/2009 الاوسمه :
***************
عن خاطره (احبك كيف اوصلها لك)
***************
وسام افضل موضوع بقسم حوار خاص جدا
مقدم من المشرفه (اميره فى مملكتى)
عن موضوع
(احذرى فتاتى والا ستندمى)
موضوع: رد: تدوين اعضاء منتدى افاق المستقبل لايام الغضب بمصر الثلاثاء فبراير 08, 2011 3:13 pm
ميرسى اوى يا اسلام انت كمان ردك مليان تفاصيل وحلو اوى
متشكره جدا لاهتمامكم يا شباب
وانا كمان هاجى اعمل تدوينى
يسلموووووووووو لردك اسلام
الى التميز دائما
الكونتيسه (((الغاليه))) عضو ذهبى
عدد الرسائل : 4379 العمر : 33 تاريخ التسجيل : 23/09/2009 الاوسمه :
***************
عن خاطره (احبك كيف اوصلها لك)
***************
وسام افضل موضوع بقسم حوار خاص جدا
مقدم من المشرفه (اميره فى مملكتى)
عن موضوع
(احذرى فتاتى والا ستندمى)
موضوع: رد: تدوين اعضاء منتدى افاق المستقبل لايام الغضب بمصر الثلاثاء فبراير 22, 2011 10:23 pm
انا طبعا تدوينى من مدينتى طنطا
احنا كان عندنا مظاهرات فى منطقه المحطه وقدام المحافظه وكده بس طبعا ماكنش بنفسس الاعداد المهوله فى ميدان التحرير
طبعا انا كبنت فضلت قاعده فى البيت بس كنت بسمع من بيتنا حاجات كتير اوى اهمها انى سمعت ضرب نار فى سجن طنطا العمومى وبعدها الشباب قالو ان فى ناس بتحاول تخرج المساجين
وبرضو بابا بحكم انه بيروح شغله وكده شاف قسم اول طنطا وهو بيتحرق وعربيه المطافى واقفه تتفرج !!!!!!!!! وشاف كمان الناس وهى عماله تسرق القسم اللى طالع يجرى بكرسى عجل وفرحان بيه واللى جابو سلالم وفكو التكيفات بتاعت القسم وسرقوها
وكمان عرفنا ان القسم اللى عن منطقه القرشى باظ خالص واحنا عند ناصيه شارعنا نقطه ماكنش فيها عسكرى يوحد ربنا ههههههههههه كان قاعد فيها ناس تانيه خالص
وكمان عندنا منطقه كده كانت الحكومه بتحط فيها العربيات اللى بتتاخد مخالفات عربيات وموتسيكلات وتكاتك وكل حاجه تبع المرور راح ناس سرقو كل الحاجات دى ووزعوها على بعض
وكمان فى منطقه جمبنا ناس اتهجمو عليهم وسرقوهم بس احنا طبعا منطقتنا شبابها عملوا بصراحه الواجب وزياده بامانه عملوا مجهود لا يوصف
كان الشباب كلهم ومعاهم حريم كمان واقفين بعصيان وسكاكين وسيوف على فكره الحريم كانت بتعملهم شاى وكده والشباب دول بقى كانو واقفين عند كل شارع اتنين تلاته وكان معاهم نمر بعض اللى يشكو فيه يتصلو ببعض ويروحوله اقسم بالله احنا شكو فى ناس كانو واقفين لاقيت فجاه الشارع عباره عن ناس وارض الشارع مش باينه بجد عملوا مجهود لا يوصف
بجد انا من هنا بحيى كل شاب دافع عن بيته وعرضه واهله الشباب دول يستحقوا فعلا انهم يبقو مصريين
انا كده عملت تدوينى اتمنى من بقيت الاعضاء انهم يعملوا تدوينهم
دمعه حزينه عضو فعال
عدد الرسائل : 103 العمر : 41 تاريخ التسجيل : 13/10/2010
موضوع: رد: تدوين اعضاء منتدى افاق المستقبل لايام الغضب بمصر الثلاثاء يونيو 07, 2011 7:48 pm
ازيكم جميعا معلش ردى متاخر قوى بس غصب عنى موضوعك حلو قوى ميويه انا كمان عايزه ادون حكيات كتير عايزه احكلكوم على ميدان التحرير وعن اللجان الشعبيه عندنا نبتدى بلجان الشعبيه طبعا يوم جمعه الغضب الشهيره اتصلات مقطوعه تماما فجاه سمعنا واحنا فى بيوتنا القسم البساتين بيتنهب وبيولع رعب وخوف اكيد حستوا كلكم بظبط بيه ضرب نار فى كل مكان فجاه الناس اتلمت فى شارعنا كتيييير جدااا وفجاه لقيت ناس بتوزع بعضها وبيقولوا خمسه هنا وخمسه يقفوا هنا والستات تحرص من البلكونات فضلاناعلى كدا لغيه حولى الساعه 9 وبعدين مفيش حاجه بتحصل قولنا الرجاله تطلع والستات تحرص فى البلكونات لو سمعت حاجه يندهوا فى الشارع وبعد نص ساعه تقريبا لمحت شاب عندنا بيجرى وناس بتجرى وراه بسلح الستات صرخت مفيش ثانيه اقل من ثانيه كانت كل الرجاله فى الشارع كلهم كله كان بيطمن على كله كله كان خايف على كله فا قرروا انهم يعملوا ورديات ويقسموا بعض الرجاله كانت بتنام فى بيوتها بلبس خرجهم وجزمهم مستنين حد ينده عارفين كنت خايفه لحد الموت والرعب على اخواتى يجرلهم حاجه بس لقيت نفسى فرحانه بشباب بلدى الى كانوا بيقوله عليهم مش رجاله مغيبين اليومين دول كانوا فيهم ابشع انواع بلطجه النظام واروع مافى شعبنا من صفات وحشتنى قوى الايام ديه المره الجيه احكلكم عن التحرير والى كان بيحصل فيه معلش طولت عليكم
الكونتيسه (((الغاليه))) عضو ذهبى
عدد الرسائل : 4379 العمر : 33 تاريخ التسجيل : 23/09/2009 الاوسمه :
***************
عن خاطره (احبك كيف اوصلها لك)
***************
وسام افضل موضوع بقسم حوار خاص جدا
مقدم من المشرفه (اميره فى مملكتى)
عن موضوع
(احذرى فتاتى والا ستندمى)
موضوع: رد: تدوين اعضاء منتدى افاق المستقبل لايام الغضب بمصر الخميس يونيو 09, 2011 10:52 pm
الجمعة فبراير 04, 2011 6:11 pm
