(32) والاخيــــــــــره
قصة " ماليش غيركـ " ..
--------------------------------
بعد 4 شهور :
فـ بيت إلياس و لينا :
لينا ووشها منفوخ : اففففف ايه الريحه دي
إلياس : دا البرفان بتاعي
لينا : منا عارفه انه برفانك .. بس مش طايقاه
إلياس : حبيبتي انا بحطه من ساعة ماتجوزنا
لينا : مش قادره استحمله افتح الشبابيك
إلياس وهوا بيفتح الشباك وبيغير اللي كان لابسه : اعملي حسابك دا آخر حمل ليكي
لينا بزعل : ليه بس ؟؟
إلياس : انا خايف اقوم من النوم الاقيكي مخيطه بؤي عشان الحمل مش مخليكي طايقه صوتي
لينا : ههههههههههههههههه مش للدرجادي .. بس هوا لو...
إلياس بيقاطعها بهزار : لو اييييييييييه بس لو اييييييييييه !! انتي عارفه لو الواد اللي في بطنك دا اول مايتولد مقاليش يا بابا انا هعمل فيه ايه ؟؟؟
لينا بضحكه : هههههههههههههههههه هتعمل ايه يعني ؟؟؟ ماهو كدا كدا قدامه بتاع 6 شهور عشان يعرف يقول باء بس مش بابا
إلياس : ولا هعمل اي حاااااااااااااجه .. بس اهو اخلص من مزاجك المتقلب دا .. بذمتك يا شيخه .. من خمس دقايق كنتي قرفانه مني .. ودلوقتي بتهزري وبتطبطبي عليا .. ارسيلك على مزاج بقىىىىىىىىىىىىىىىىىىىىىىىى
لينا : هههههههههههههههههههههههههه آآآآه آآآآآآآه ( لينا بتتألم )
إلياس بخضه : هتعمليها ولا ايه ؟؟؟؟؟؟
لينا بصريخ : آآآآآآآآآآآآآآآآآآآآآآآآآآآه اتصلي على ماما آآآآآآآآآآآآآآه
إلياس شال لينا وعروق وشه برزت من وزنها : هنبقى نكلمها واحنا في طريقنا للمستشفى
--
فـ المستشفى :
إلياس قلقان وعمال بيقرقض في ظوافره : يارب يااااارب يارب سهّل ولادتها يا رب .. يارب يارب
الدكتور : فين إلياس ؟؟؟؟
إلياس : انا إلياس في حاجه يا دكتور لينا كويسه ؟؟
إلدكتور :مبروووووووووووووووك جالك ولد
إلياس : منا عارف انه ولد .. لينا صحتها عامله ايه ؟؟
الدكتور : لينا كويسه وصحتها زي الفل وولدت طبيعي .. ووشها منور مفهوش اي ارهاقات حتى ... يتربى في عزك ان شاء الله
إلياس : اقدر ادخل اطمن عليها ؟؟
الدكتور : الممرضه بتجهزها هيا والبيبي وبعدها تقدر تطمن عليها
( بعد خروج لينا من المستشفى .. قررو يسمو الولد بـ إسم " يزيد " .. )
--
بعد اسبوعين :
لينا : حبيبي نوران هتعدي عليا عشان نروح النادي .. ومنى ونسمه هيحصلونا .. منتا عارف لازم يتمشو عشان حملهم
إلياس : ااااااه انتي هتقوليلي على ايامك .. طب مش ارهاق كدا ليكي وانتي لسه يعني معداش عليكي 40 يوم
لينا : ياحبيبي منا لازم اتمشى واعمل جلسات على بطني .. ولا انت بقى عاوزني ابقى بكرش وتخينه ومدخلش من الباب ؟؟
إلياس : ههههههههههههههه لا طبعا .. روحي كل يوم وخدي راحتك ..
لينا : .. مين هياخد باله من الواد
لينا : ابوه بقى ربنا يخليه
إلياس : لالالالالالا افرضي عيط اعمل ايه ؟؟
لينا : مش هيعيط دا نايم دلوقتي كمان دادا ليلى هتبقى معاه يعني
إلياس : اه اذا كان كدا ماشي .. طب هتتأخري
لينا : هيا ساعة زمن انا مش هضيع دقيقه اتفسح فيها مع حد .. وابني وجوزي في البيت
إلياس : متحرمش منك يا حبيبتي ... طب ماشي الساعه 6 هكون عندك بالعربيه الجديده ؟؟؟
لينا : اه تمام .. ماشي سوق بالراحه
--
( الساعه 6 ) :
لينا : ايوا يا إلياس .. انت فين كدا الدنيا بتمطر
إلياس : منا ماشي على راحتي اهه الأسفلت ناعم اوي ..
لينا : ماشي ياحبيبي مستنياك
إلياس : ايه الصوت اللي عندك دا
لينا : دي نوران الحمل تاعبها اوي ولازم تروح المستشفى
إلياس بخضه : طب محمد فين ؟؟
لينا : في شغله
إلياس : طب انا جاي اهو .. لينا ؟؟
لينا : ايوا ياحبيبي
إلياس بـ بطئ : ب ح ب ك
لينا : ههههههههه وانا بموت فيك .. خلي بالك من الطريق
إلياس: حاضر يا قلبي وانتي خلي بالك من نفسك ومن نوران
( إلياس بعد ماقفل مع لينا .. افتكر المخاطر اللي كان الدكتور بيقولهاله على تأخير اي وجع يحصل لأي واحده اثناء الحمل .. بدون استشارة الدكتور او الفحص .. فابتدى يسـرع فـ سواقته )
( بعد عشر دقايق )
لينا : انتو اتاخرتو ليه
منى : الدنيا بتمطر برا مقدرش أسرع في السواقه .. وكمان واحنا جايين كان في حادثه ع الطريق
لينا : يا ساتر يارب .. نوران تعبانه اوي ولازم تروح المستشفى وإلياس ف الطريق
منى : طب ماتقولي كدا من بدري .. سايبانا نرغي .. انا هوديها المستشفى متضمنيش الياس يوصل امتى ..
لينا : طب ماشي وانا هكلمه اقوله اننا رايحين هناك ويجيلنا عالمستشفى
نسمه : اووووووووووووف حتى الخروجه مش هتهنى بيها
--
فـ العربيه :
لينا : إلياس مش بيرد عليا .. ليكون ساب الموبايل ف العربيه ونزل يدور علينا ف النادي
منى : طب ماهو اكيد السيكورتي هيقوله يعني اننا مشينا .. اهيه الحادثه اهيه ..
نوران : يااارب يااااااارب مش قادره بطني بتتقطع
لينا : هوا دا منظر يفرح يا منى عشان ابص عليه ؟؟؟؟
نسمه بتبص عالحادثه : دي عربية بورش شكلها جديد
لينا فـ ثواني قلبها وقع في رجلها وبتبص على الحادثه وهيا بتقول يارب اكون بيتهيألي يارب اكون بيتهيألي
نسمه : مالك ؟؟
لينا : مش عارفه اشوف العربيه .. اصل الياس اشترى عربية بورش جديده
نسمه : ممممممم لا اللي زيه بسبع ارواح يختي
نوران : بسرعه والنبي يا منى
منى : عربية الاسعاف طالعه من الحادثه وانا هخرم وراها ..
( المنظر قدام باب الطوارئ .. كان زي المناظر اللي بتبقى فـ الأفلام .. سرير طوارئ نازل من عربية الاسعاف .. وكرسي متحرك نازل من عربية منى )
نسمه : انتي متنحه كدا لييييييييه يلا الممرضه سبقت
لينا : قلبي مقبوض اوي
نسمه : براحتك انا طالعه من منى ونوران
لينا : انا جايه معاكي
--
بعد نص ساعه :
( طنط نجاه و ام لينا و إلحاج عمرو داخلين من باب المستشفى وشهم مخطوف وطنط نجاه وام لينا بيعيطو .. ومتجهين لانتظار غرفة العمليات )
الممرضه : انتي عندك نزيف يا مدام .. البيبي سقط
نوران بتعيط : سقط يعني ايه؟؟
الممرضه : الظاهر ان رحمك صغير ومش متماشي مع حجم البيبي فـ اتخنق ومات جواكي بس الدكتور اللي يحددلك توفى امتى .. عشان كدا جالك نزيف
نوران : لا حول ولا قوة الا بالله .. الحمدلله على كل شيء الحمدلله على كل شيء
لينا : انا قلبي كان مقبوض من بدري
نوران : انا لسه قلبي مقبوض .. معرفش محمد ردة فعله ايه. .. انا الحمل تاعبني من البدايه انا دلوقتي ارتحت ..
لينا : ان شاء الله هتهمه راحتك اكتر .. وكمان لسه اهه الدكتور هنشوف هيقول ايه .. وايه الحل
منى : مكنش ليها لازمه تكلمو عمتو نجاه تقلقوها .. اديها قلقت خالتي
نوران بتبص باستغراب لـ لينا : انتي اتصلتي على عمتي
لينا : والله ابدا .. ولا حتى كلمت ماما
نسمه بتمشي بخطوات سريعه : لينا .. تعالي
لينا مشيت مع نسمه : في ايه طيب مودياني على فين ؟
نسمه : دا ممتك وباباكي هنا .. ونبيل وطنط نجاه وماما جت
لينا : وهما كلهم جايين عشان نوران .. يابختك يا نوران
نسمه : بصي استني هنا ف الاستراحه وانا هناديلك باباكي اوك ؟
لينا : طب منا رايحه معاكي ..
نسمه : ممممم لا خليكي هنا انا هاجي بسرعه اوك
الحاج عمرو جاي من بعيد : لينا
لينا : ايه يا بابا اللي جابكو نوران كويسة والله و ......
الحاج عمرو بيقاطع لينا : لينا إلياس عمل حادثه
لينا متفاجئه
الحاج عمرو : عاوزك تمسكي اعصابك عشان إلياس في اوضة العمليات وطالبك
لينا بتعيط وبلهفه : فين اوضة العمليات ؟؟؟؟؟؟؟؟؟؟؟؟؟؟
--
الدكتور : مدام لينا ؟؟
لينا وهيا بتبص على الازاز بتاع اوضة العمليات : ايوا انا
الدكتور : متخلهوش يتكلم كتير
لينا : هوا حصل ايه ؟؟
الدكتور : عنده ضربه في المخ جامده
لينا : وحالته عامله ايه ؟
الدكتور : حالته صعبه وربنا يستر
( لينا دخلت لـ إلياس وشافت راسه مربوطه ومتوصل باكسجين .. وقعدت جمب إلياس )
إلياس بصوت واطي : لينا
لينا كاتمه عياطها : الدكتور قالي متتكلمش ياحبييي ان شاء الله تقوم بالسلامه وتنور بيتك
إلياس : في كشاكيل في اوضتي في بيت عمتي .. عاوزك تقريها
لينا : كشاكيل ايه يا إلياس .. خلينا فيك دوقتي
إلياس : لو نبيل اتقدملك مترفضهوش
لينا : انت بتقول ايه ؟؟؟ انا مراتك
لينا بصت للدكتور مستغربه : هوا ممكن يكون فقد الذاكره ؟
إلياس بيكمل : ناديلي نبيل
لينا بتبص للدكتور : دكتور هوا في ايه ؟؟
الدكتور نزل راسه في الارض وطلع ينادي على نبيل
إلياس شاف نبيل وبتنفس صعب : خلي بالك منها
لينا انهارت عياط : انت بتقول ايه .. انا مراتك .. احنا متجوزين .. انت مش فاكر يزيد ابننا ؟؟
إلدكتور : مينفعش يامدام اللي بتعمليه دا .. لو سمحتو اتفضلو معايا برا ..
( بعد نص ساعه .. نوران شايفه فـ عين اخوها الموت .. انهارت وفضلت تعيط بأعلى صوتها .. ومحمد دخل اوضة الإنعاش مسك نوران وسحبها لـ برا المستشفى .. لينا شافت منظر نوران .. عرفت ان دي النهاية )
الدكتور منزل راسه : البقاء لله ..
لينا : لالالالالالالالالالالالالالالالالالالالالالالالالا
لا
لا
دا وعدني انه يكون معايا
وعدني اننا نعيش ابننا احسن عيشه
وعدني يربيه معايا
( ام لينا بتحضن لينا .. ولينا بتزقها وبتمشي خطوات سريعه ناحية اوضة الانعاش )
الحاج عمرو مسك لينا وهوا بيعيط من انهيار لينا ..
لينا بعياط جامد : ممتش يا بابا .. بيضحكو عليا .. هوا لسه عايش انا حاسه بكدا .. إلياس عايش يا بابا .. هوا قالي هيجي هوا جاي .. هوا في البيت مع يزيد مستنيني ارجع ..
الحاج عمرو : يابنتي ارتحمي عليك .. حرام اللي بتقوليه دا .. دا اعتراض على قضاء ربنا
( لينا فضلت تعيط في حضن ابوها وهنا اغمى عليها ... ونبيل جري وشال لينا مع الحاج عمرو وودوها للطوارئ )
نسمه : معقوله يا نبيل بتعيط ؟؟ بعد كل اللي عمله فيك بتعيط عليه
نبيل : بعيط عالحاجه الوحيده اللي اتمنتها .. ولما حصلت ملقتش القلب اللي اتمنيت الامنيه دي عشانه
نسمه : طيب امسك نفسك انت راجل
نبيل بيبص لـ نسمه وجع يعيط تاني .. فـ نسمه عيطت وقعدت جمب اخوها
(((((((((((( كفايه نكد لحد كدا )))))))))))))
--
بعد اسبوع :
( لينا راحت اوضة إلياس فـ بيت طنط نجاه .. ودورت على الكشاكيل بتاعته .. لقت كشول مكتوب عليه 2012 .. فتحته وقرأت منه من اول ذكرياته من ساعة ما جه مصر .. لحد يوم جوازه بيها .. كانت الجزئية دي محطوطه تحت عنوان كبير اوووووي اسمه : " ماليش غيرك " )
( عرفت لينا حقيقة خيانة نبيل .. لكن مكنش فارق معاها اي حاجه حصلت في الماضي .. )
بعد 6 شهور :
( ام لينا و طنط فاطمه اتفقو انهم يجمعو العيله ويقعدو ع البحر .. )
يزيد : بهر بهر بهر
العيله كلها بتضحك : بهررررررررر
نبيل : ربنا يحفظهولك يا لينا
لينا بابتسامه : امين يارب .. عقبالك بقى اما نفرح بيك
نبيل بابتسامه : ان شاء الله اول ما يزيد يدخل الحضانه انا هوديه وهجيبه كل يوم
لينا : انا هتعلم السواقه مش عاوزه اتعبك معايا
نبيل : دا ابني انا ..
لينا : دا ابن إلياس
نبيل : وابني انا دلوقتي .. انتي نسيتي؟؟ إلياس قالي اخلي بالي منكم
لينا : يزيد دا عمري دا كله .. انا هخلي بالي منه شكرا يانبيل .. على كل حاجه عملتها معايا وانت عارف اني ظلمتك .. وكل حاجه استحملتها مني .. وكل الوجع اللي سببتهولك
نبيل بابتسامه : انا مش فاكر اي حاجه
لينا بصوت عالي : عن اذنكو ياجماعه همشي يزيد شوية
--
( لينا وهيا بتلعب مع يزيد على الشط .. جالها مسج على موبايلها من نبيل )
نبيل كان كاتب : انا اسمي نبيل .. من عائلة مرموقه .. و شاب امور ووسيم وعندي 29 سنه .. وعندي شقه وواد شقي اسمه يزيد .. وبحبك .. المهم تتجوزيني ؟؟
لينا قرأت الرساله وافتكرت كلام إلياس اما قالها على كشاكيل ذكرياته .. وقبولها لجواز نبيل فـ بعتتله الرد وكان
[ I Will ♥]
---
يلا كل سنه وانتو طيبين
القصه خلصت
ونبيل ولينا اتجوزو وخلفو بنتين كمان
وبقو يزيد .. و رؤى وعلياء
---
يا رب تكون القصه عجبتكمـ^^
#omnia_mony
الأربعاء أغسطس 21, 2013 8:06 pm
