(31)
قصة " ماليش غيركـ " ..
--------------------------------
فـ بيت طنط فاطمه :
طنط فاطمه : لينا ؟؟؟؟؟؟؟؟ لا مش ممكن ايه الزياره الحلوه دي اومال فين جوزك
لينا : إلياس مستنيني في العربية عشان هنروح نتغدى في مطعم هنا جمبكو .. انا قلتله نزلني اسلم على منى ونسمه .. انا عارفه ان كل خميس منى بتيجي تقضي اليوم معاكو
طنط فاطمه : اتفضلي ياحبيبتي .. نورتي البيت والله
طنط فاطمه : يا منى .. يا نسمه .. لينا هنا يا بنات
منى : ايه داااااااااااااا لا مش ممكن ... مالك تخنتي كدا ليه
لينا : انا من ساعة ماتجوزت وانا مش فاكره اني دخلت المطبخ اصلا .. كله اكل من برا هههههههههههههههههههه
منى : يابختك يا لولو .. انا طالع عيني بالساعااااات كل يوم عشان اعمل اكل ومش عاجب كمان
لينا : هههههههههههههههههه ربنا يخليلك عبدالله .. وحشتوني يا بنات بجد
نسمه بابتسامه : وانتي كمان ... ايه يا منى مش هتقوليلها الخبر الحلو بتاعك ؟؟؟
لينا : اوبااااااااااااا انتي حامل ؟؟؟؟
منى بتزغد لينا فـ وسطها : مستنياكي نحمل سوا ياختي
لينا : ههههههههههههههههههههه اومال ايه بقى ؟؟
نسمه : نبيل هيروح يخطب سلمى بنت الجيران ..
لينا بـ فرحه : بجددددددد .. اخييييييييرا بقى هوا فين اباركله ؟؟؟؟
نسمه اترسم على ملامحها الصدمه من ردة فعل لينا : يعني عادي يعني بالنسبالك ؟؟؟؟؟
لينا فـ ثواني سرحت مع نفسها فـ اللي قالته : ايه دا معقوله انا فرحت لـ نبيل بجد ؟؟ معقوله انا خلاص نسيت حبة وبقى إلياس كل حياتي ؟؟ يااااااه وانا اللي فاكره ان الحب الاول دا محدش بينساه بالساهل !!
لينا بـ جدية : ايه يا نسمه .. عيب كدا انا اتجوزت خلاص وعايشه احلى عيشه .. انا فرحانه بجد ان نبيل بص لنفسه شوية .. اهو دلوقتي هعرف اخد نفس عميق زي زمان ..
منى ونسمه مصدومين : هه ؟
لينا بتبصلهم باستغراب : في ايه منك ليها ؟؟؟
نسمه بحرقة دم : مفيش يا لولو .. هوا مش إلياس مستني برا ؟؟؟ هتتأخري عليه
لينا حست بإحراج شديد : اااااه صح يانوسة .. دا تلاقيه زعلان دلوقتي انا مقدرش على زعله
( نسمه بتلوي بوزها شمال ويمين .. ومنى وصلت لينا لحد باب الفيلا ... اما لينا وهيا نازله من اوضة منى اترسمت على وشها ضحكه واسعه اوي .. فـ ان إلياس قدر فعلا ينسيها نبيل .. )
لينا فـ سرها : إلياس هيفرح اوي اما يعرف انه هيودع الكنبه اللي بينام عليها هههههههههههههه
-------
بعد 4 شهور ....
فـ بيت خالد :
( الموبايل بيرن )
علي : ايه ياعمنا .. فايتنا كدا ومبقتش بتخرج معانا .. وغيرت نمرتك وخدتها من الواد شريف مؤذن المسجد
خالد : هههههههههه ربك هداني بقى يابو علي .. ايه بقى اخبارك ايه ؟؟
علي : خرمان اوي يالا .. حاجه بنت ******** .. ومن ساعت ما سبتنا مفيش سجاره متروقة شربتها
خالد : ممممممممممم ربنا يتوب عليك يابو علي. .. انا هقفل بقى عشان هتغدى
علي : طب بقولك ايه
خالد : قوووول يابو علي
علي : معكش ألفين جنيه كدا امشي بيهم حالي
خالد : هتعمل بيهم ايه
علي : مانت سيد العارفين يا خللللل .. ليلة فل كدا تنسيني الكحرته اللي عايش فيها بقالي 6 شهور
خالد : معلش انا اسف مقدرش
علي : بقى كدا ياصاحبي
خالد : مبقاش صاحبك لو اذيتك يابو علي ..
علي : خلاص ياعم الشيخ .. بناقصك خالص ياعم
( علي قفل السكه من غير مايسمع كلمة زياده من خالد .. وخالد كل اللي عمله انه ابتسم وقال فـ سره : فـ داهيه صحوبية المصلحة .. واتصل على طول على نسمه عشان يصبح عليها )
---
فـ بيت إلياس ولينا ..
( إلياس كان راجع من الشغل وبيفتح باب الشقه .. لقى لينا واقفة ورا الباب ومخبيه حاجه ورا ظهرها )
إلياس : أن أن آآآآآن ... عاملالي مفاجأه ولا ايه ؟؟؟؟
لينا مبينه سنانها وبتهز راسها بـ آه
إلياس بيحط مفاتيحه على الكونسول : ايه ؟؟
( الكونسول دا .. حاجه كدا بتتحط جمب مدخل البيت وبيبقى ليها مرايا )
لينا مسكت ايد الياس وبتشده لـ السفره : عملتلك تورته
إلياس : يم يم .. تورته كدا قبل الغدا .. وكمان 3 شموع .. لالالالا كتير عليا .. تسلم ايدك ياعمري
لينا : طعمها حلو
إلياس وهوا بيلتهم التورته وبؤه مليان : تجنن يا حياتي .. بس ايه المناسبة بقى واشمعنا عليها 3 شموع ؟؟
لينا : انت ملاحظ ايه ع الشموع ؟
إلياس وهوا بيبلع : اتنين كبار وواحده صغيره
لينا بتعض على شفايفها : طب فهمت حاجه
إلياس : ولا الهوا .. هوا انا فاضي .. آكل ولا افكر ؟؟؟
لينا وهيا بتقعد جمب إلياس على نفس كرسي السفرة : ههههههههههههههههههههههههه ..
الشمعه الاولى .. دا انت
والشمعه التانيه .. انا طبعا
والثالثه .. ( اخدت ايد إلياس وحطتها على بطنها )
إلياس بيمسح بؤه بايده وبيقوم : ايه ؟؟؟؟ بجد ؟؟؟؟ حامل ؟؟؟
لينا : ااااه هتبقى بابا إلياس
( إلياس شال لينا وفضل يلف بيها )
لينا : نزلني يامجنون بدوووخ
إلياس نزل لينا : مش مصدق انك حامل .. يعني انا هيبقى عندي كائنات كدا تقولي بابا جعاااانين .. الله
لينا : هههههههههههههههه انت فرحان للدرجادي
إلياس : قولي هموت من الفرحه .. قولي هتجيني سكته قلبيه مـ الفرحة .. قولي ........
لينا بتقاطعه : بس بس بس بعد الشر عنك .. ربنا مايحرمني من وشك البشوش اللي بحب اشوفه فرحان كدا دايما
إلياس : ولا يحرمني من ام عيااااااااااااااااااااالي .. انا مش هسيب حد الا اما اقوووووووووووووووووووله
إلياس بيفتح باب الشقه وبينادي على البواب : يا سليمان ياسليمان .. لينا حاااااامل
لينا بتشد إلياس من التيشرت : يانهار اسود .. ادخل يامجنون الجيران تسمع
إلياس : خليهم يسمعوووووووووو ( وبيمسك بطن لينا ) انا هيتقالي يا بابا ..
( طبعا خبر حمل لينا ..وصل للناس كلها .. وكل الناس فرحتلها ما عدا شخص واحد .. وهوا نبيل )
--
فـ بيت طنط فاطمه :
نبيل : يلا ياماما انا نازل عاوزه حاجه وانا راجع ؟؟
طنط فاطمه : هتقابل سلمى ؟؟
نبيل : اه انا عازمها على العشا ..
طنط فاطمه : مش واجب بقى يا حبيبي تلبسو الدبل ؟؟
نبيل : انتي عارفه ياماما انا وقتي ضيق اوي بسبب الشغل الحر دا مبيبقالوش مواعيد .. وبقالي شهرين في القاهره بخلص شغل الشركه هناك .. واما جيت اطحنت ف الشغل تاني.. والنهارده اهه كان نص يوم .. وكمان انا بتعرف عليها ولسه معرفش حتى بتحب لون ايه .. بس ان شاء الله قريب يا امي .. ضغط اخر السنه خلاص راح
طنط فاطمه : ماشي ياحبيبي المهم راحتك .. سلملي عليها بقى
نبيل وهوا بيقفل الباب : يوصل يا أمي
--
فـ مطعم :
( نبيل كان قاعد في المطعم محرج من سلمى .. وخصوصا انه عمره ماتحط فـ موقف تعارف مع بنت قبل كدا .. لأن من ساعت مالينا اتولدت وهوا متعلق بيها .. اما سلمى بقى كانت سرحانه )
نبيل : احم ( بـ يكح )
سلمى بتبصله بـ نظره حزينه : ايه
نبيل : بصي انا عمري ماتحطيت في موقف زي دا .. يعني عمري ماقعدت مع بنت لوحدي .. مبعرفش يعني اجيب كلام وكدا
سلمى : اها .. لا ولا يهمك .. احنا ممكن ناكل ونروح على طول
نبيل عدل قعدته : انا والله ما اقصد احرجك بس فعلا عاوز اتعرف عليكي وانا اسف ان ظروف شغلي خلتني معلقك 4 شهور
سلمى : ممممممممم بس انا اجتماعيه يعني واتحطيت كتير اوي في موقف زي دا
نبيل : بجد ؟؟ اتقدملك حد يعني واتكلمتو وكدا
سلمى بابتسامه : كتير
نبيل : طب ابوس ايدك غششيني فـ جملة كدا ولا كدا
سلمى : ههههههههههههههههه انت طيب اوي يا نبيل
نبيل بيبربش بـ عينه : منا عارف .. طب قوليلي بقى .. رفضتيهم ليه ؟؟
سلمى : عشان كنت صريحه
نبيل : طب ودلوقتي ؟؟ صريحه برضو
سلمى : اكيد
نبيل : طب غششيني فـ سؤال كدا ولا كدا اختبر بيه صراحتك
سلمى : قعدتي مع اي حد بيتقدملي مبتكملش عشر دقايق .. بسبب سؤال واحد دايما بتسأله
نبيل مركز : ها .. ايه هوا
سلمى : بتسأل دايما نفس السؤال : انتي ارتبطتي قبل كدا ؟؟
نبيل سند ظهره على الكرسي وبضحكه : سلمى انتي ارتبطتي قبل كدا ؟؟
سلمى : هههههههههههههههههههههههههههههههه اه ولسه مرتبطه
نبيل عدل قعدته تاني : لسه مرتبطه ؟
سلمى : بص يا نبيل .. انتو جيرانا من زمان .. ومامتي وممتك صحاب اوي .. بس انت زي اخويا .. اي حد كان بيسألني السؤال دا واقوله اني لسه مرتبطه .. كان بيقوم وبيمشي وبكون مبسوطه من كدا .. بس انت غير عنهم ..
نبيل بابتسامه : ازاي ؟
سلمى : يعني مش عارف اي حاجه في اي حاجه
نبيل بضحكه : طب عرفيني
سلمى : بص يا نبيل .. انت عارف اني في سنه ثالثه جامعه دلوقتي .. انا مرتبطه بواحد معايا في الجامعه وبنحب بعض من ثانوي ونقل من كليته القمه لـ كليتي عشان يكون معايا ..
نبيل بـ تركيز : طب متقدمش ليه ورحمك من المواقف اللي بتتحطي فيها مع اللي بيتقدمولك
سلمى : عشان حالته على اده .. بياخد 600 جنيه في الشهر .. وبيشتغل من اعدادي في ورشة خشب .. ومبيلاقيش حتى وقت ينام فيه .. وكل دا عشان يجمع حق الشبكه وميخلنيش أقل من حد .. مش معقول بعد دا كله .. أروح اتجوز واحد جاهز متعبش في حياته ولا اتمرمط عشان يجمع قرش .. ولا مؤاخذه يعني يانبيل
نبيل بيهز راسه موافق على كلامها : انتي كلامك صح وصراحتك انا هحترمها جدا .. بس انا عندي سؤال بقى
سلمى : اتفضل
نبيل : هوا ليه مش بتقولي لممتك الكلام دا عشان تبطل تدورلك على عرسان وتفتح الباب لأي حد يعوز يتجوز بنتها ؟
سلمى : عشان ماما مش عاوزه الا الفلوس .. عمرك سمعت عن ام رضيت ان بنتها تستنى واحد لحد مايبقى عندها 27 سنه والناس تقول عليها انها بايره ؟
نبيل : الكلمه دي وحشه .. واقعها صعب .. صعب ان حد يقول على بنت بايره لمجرد ان بقى عندها 27 سنه او حتى 35 سنه .. ماممكن تتجوز و جوزها يطلع عينها وفخلال شهر يتطلقو ......
سلمى : اهو احنا بقى مجتمع شرقي.. بيؤمن ان لقب مطلقه أحسن مليون مره من لقب عانس !!
نبيل : بس انتي لسه عندك 21 سنه مش بايره يعني و.........
سلمى بتقاطعه : انا مقلتش ان حد قالي يا بايره .. بس عشان استنى كريم مش هتكون خطوبتها قبل 4 سنين !! وعشان يجمع حق العفش هناخد سنين تانيه .. ومش عارفه هقدر استنى ولا لا .. انا بحط نفسي في مواقف بايخه عشانه .. وهوا مفيش في ايده حاجه .. كل ما يسمع من واحده صحبتي ان في حد اتقدملي يقولي متستننيش .. انا مشواري طويل وهتملي من الانتظار .. ومبقتش لاقيه اللي يشجعني
نبيل : استنيه يا سلمى .. وانا هساعدك تستنيه
سلمى بابتسامه : ازاي بقى ؟؟؟
نبيل : اتصلي على كريم وقوليله يجيلنا المطعم .. هـ نوصل سوا لاتفاق يريحنا احنا الاتنين من ضغط الأمهات ..
سلمى بتركيز : طب قولي الحل كدا ..
نبيل : خليني الاول اكون صريح معاكي ... انا كمان بحب واحده ومتعلق بيها جدا من اول ما اتولدت .. هيا بنت خالتي مش حد غريب .. بس للأسف اتجوزت واحد تاني وانا شفت ايام مايعلم بيها الا ربنا فـ فراقها .. ومش هسمح لـ اختي الصغيره انها تعاني من نفس اللي شفته
( سلمى بتتابع بتركيز رهيب )
نبيل بيكمل : وعشان انا كمان امي عاوزه تفرح بيا .. وهسببلها فـ أذى نفسي لو رفضتك ..
سلمى عاوزه الحل بسرعه : اه اه كمل
نبيل : فـ انا وانتي هنتخطب .. سنتين ثلاثه اربعه مش مهم .. وكريم هشغله معايا في الشركه هيكون مساعدي الخاص .. وهتوصى في مرتبه .. يعني ان شاء الله خلال 5 سنين هيكون مجمع حق الشبكه وحق العفش وحق الفرح وشهر العسل كمان
سلمى بضحكة سخرية : كريم صعيدي يا نبيل .. مش هيقبل ان حد يصرف عليه و.....
نبيل بيقاطعها : وميييين اللي قال اني هقوله ع الجزئية دي ؟؟؟ انتي بس كلميه ونتفق على موضوع الخطوبه اللي هيبقى كدا وكدا دا .. منها راحه ليكي ومنها راحه ليا
سلمى : طب والخروجات ؟؟ هتفضل السنين دي كلها متجيش عندنا البيت ومتخرجنيش زي اي واحد بيخطب واحده ؟؟
نبيل : انا ممكن اعتذر عن المجيه للبيت .. لكن الخروج .. كل اسبوع هاجي اخدك من البيت ونقعد انا وانتي وكريم وندردش سوا
سلمى بتفتح شنطتها تطلع الموبايل : انا حاسه اني بعيش فيلم اتفرجت عليه قبل كدا .. انت بتعمل معانا كدا ليه ؟؟
نبيل : عشان عارف يعني ايه حب .. ويعني ايه تتجوزي واحد وقلبك مع واحد تاني .. وعارف اضراره واللي الشيطان بيزينه فـ عقل البنت وقتها ..
سلمى : انا بجد مش عارفه اشكرك ازاي .. انا حاسه برغبه شديده اوي اني احضنك واكسر عظمك من الفرحه اللي خلتني فيها
نبيل اتكسف : لا انتي لازم تتعودي تحطي فلتر على بؤك .. عشان الكلام دا لو اتقال قدام قعدتنا مع كريم انا هروح لامي بـ عين واحده وانتي هتروحي من غير سنان .. دا صعيدي يممممممممممااااااااا
سلمى : ههههههههههههههههههههههههههههه
( كريم رحّب جدا بـ اتفاق نبيل معاه .. وخصوصا ان سلمى كانت حكياله على حكاية نبيل .. من ساعة ما لينا اتخطبت والبهدله اللي بقى فيها .. فـ كان مقتنع جدا بـ رأي نبيل في الحب وحماية احبابه .. وخلصت القعده بـ كلمة : اتفقنـــــــــــــا
--
اما نوران ومحمد .. فـ هما كتبو كتابهم لكن معملوش فرح او زيطه نظرا لوفاة أبو محمد .. كانت نوران مش فارق معاها اي حاجه .. غير انها تكون حلال محمد وبسسسسس
---
--تابعونا في الحلقه الجايه^^
الأربعاء أغسطس 21, 2013 8:01 pm
