(30)
قصة " ماليش غيركـ " ..
--------------------------------
بعد شهر العسل :
إلياس وهوا حاطط ايده ورا ظهره : لولو حبيبتي .. تفتكري لولوس جايبلك ايييييه ؟؟؟؟
لينا بضحكه : انت بتلعب مع بنتك ؟؟؟
إلياس : انتي مراتي وبنتي وحبيبتي واختي وامي وخالتي و.....
لينا بتقاطعه : بااااااسسسسسس بس بس .. وريني جايب ايه
إلياس بيطلع لسانه : لاااااء
لينا : اطلع باللي ورا ظهرك احسن لك
إلياس : طب خمني الاول في ايه ورا ظهري ؟؟؟
لينا : شوكولاته ؟
إلياس : تؤ تؤ
لينا : مممممم هديه ؟؟؟
إلياس : نو نو
لينا : قول بقى انا خلقي ضيق
إلياس : دي تذاكر السفر ... هنرجع مصر
لينا بفرحة مسكت كتفين إلياس : بجدددددد
إلياس بيبص على ايد لينا بكسوف : بجد ياحبيبتي
لينا فاقت لنفسها : سوري بجد مكنتش اقصد
إلياس : حد يفهمها اني جوزها يا جدعااااااااااااااااااااااان
لينا : بجد ماما وبابا وحشوني اوووووووووي
لينا فـ سرها : ونبيل وحشني .. استغفر الله العظيم .. يارب سامحني لما بفكر فيه وانا مراة حد تاني
( شهر العسل اللي مر على لينا .. كان زية زي المصيف بالظبط ..
--
فـ مصر :
( رجعت لينا وإلياس من السفر وسط استقبال من أهل إلياس وأهل لينا .. وخناقات على مين يروح العرسان بيتهم .. )
فـ بيت إلياس و لينا :
إلياس واقف على باب الشقه : ايه ايه ايه
لينا كانت سرحانه وفاقت : ايه ؟
إلياس : ادخلي برجلك اليمين يا عروسه ..
لينا : هههههه ماشي .. بسم الله الرحمن الرحيم
إلياس بعد ما حط الشنط في الشقه : يلا بقى عاوزك تتوضي وتستنيني نصلي ركعتين سوا ..
لينا باستغراب : دا عشان رجوعنا من السفر ؟
إلياس : دا عشان دخولنا لـلبيت اللي هنعيش فيه العمر كله
لينا بتنهيده : اوكي
( لينا دخلت اتوضت وصلّت هيا وإلياس .. وبعد الصلاه )
إلياس بص لـ لينا وهيا بتصلي جمبه : تقبل الله
لينا : منا ومنكم
إلياس قام قعد على ركبته وحط ايده على جبين لينا وقال :
اللهم ألف بين قلبي وقلبها كما الفت بين قلوب عبادك...اللهم سخرها لي كما سخرت البحر لموسى... اللهم اجعل بيننا المودة والرحمة..وارزقنا الصبر والحلم ..واجعلنا على منابر من نور.وأسعدني معها وبقربها..في الدنيا وفي جنة السرور..وأهدنا يا الله لما فيه الخير والصلاح...وارحمنا يا رحيم يا كريم..وصلي على سيدنا محمد وعلى آله وصحبه أجمعين.
مسح إلياس بـ كفّه على وشّه : آمين آمين آمين
لينا بتبص لـ إلياس بإعجاب : آميــــن
إلياس : ربنا يباركلي فيكي يا لينا .. يا بنت ام لينا .. ويهديكي عليا ويلين قلبك عليا .. آميــن يارب
لينا بنفس نظرة الاعجاب وتنهيده : آميـن
إلياس برفعةحاجب وهزار : متبصليش كدا .. بتكثف بقى الله :$
لينا بضحكه عاليه : ههههههههههههههههههههههههههه والله ؟؟
إلياس : فاكره المفاجأه اللي قلتلك عليها فـ خطوبة نوران .. وقلتيلي خليها لـ جوازنا احسن ؟؟
لينا : اها فاكره
إلياس : انا كنت حاسس اني هموت في شهر العسل من كتر فرحتي وانا معاكي .. فـ سبت المفاجأه ع السرير فـ الاوضة ..
لينا : ممممممممم اوك هبقى اشوفها
إلياس بإحباط : اها اكيد اما تفضي بقى ابقي بصي عليها هه
( لينا حست انها أحرجت إلياس .. وان إلياس فعلا صابر عليها فـ كل اللي كانت بتتشرط فيه فـ شهر العسل.. وانه كفايه انه استحمل ينام كل يوم على الكنبه اللي طولها متر ونص من غيرما يشتكي )
لينا بإستعباط : انت تقصد اني اروح اشوف المفاجأه ولا انت هتجبهالي
إلياس وهوا واخد على خاطره : كان قصدي انك تشوفيها
لينا : طب تعال نشوفها سوا
إلياس ابتسم اوووي : بجد ؟؟ طب يلا
لينا دخلت الأوضة .. لقت ع السرير دبدوب احمر كبير .. ومتدبس في ايده ورقه وورد مجفف ..
لينا: الله انا بحب الدباديب اوووي
إلياس بغمزه : وهتحبي اللي فـ الورقه اكتر
لينا بتجبر بخاطر إلياس : هيبقى اجمل من الدبدوب معقوله ؟؟؟
إلياس : اقرأيه بقى بصوت عالي خليني اسمعه بصوتك
لينا : لا انت هتطلع برا الاوضه .. وهتسيبني اغير هدومي وبعدها هقعد على روقان كدا واقرا حرف حرف ..
إلياس : طب اسمع منه جملة واحده
لينا بتحط صباعها على مناخير إلياس : انا حابه احتفظ بـ الكلام دا لنفسي .. حتى لو انت اللي كاتبه .. مفهوووم
إلياس : هههههههههههههههههه ماشي .. وعلى فكره هيعجبك
لينا :
(((((( محدش يقولي ايه اللي كان مكتوب فـ الورقه ؟؟ .. أديكو شايفيين اهه لينا مش عايزه توريه لحد )))))))
( لينا اخدت الورقه وفتحتها وقرأت اول سطرين .. ورجعت قفلتها تاني وحطتها في درج التسريحه .. وقعدت على السرير بتفكر فـ حياتها .. )
( باب الجرس بيرن )
إلياس : حبيبتي .. في ست كبيره جايه تبارك .. هيا قعدت ف الرسبشن ..
لينا : اووك انا طالعه اهه ..
لينا : ايه دا مش ممكن ... بجددددددددد مكنتش متوقعه اني اشوفك في بيتي نهائي
إلياس : مش تعرفينا ياحبيبتي ؟؟
لينا : دي مس عــــزه .. دي امي التانيه
إلياس : اهلا بحضرتك منورانا والله
مس عزه : والله نورك يا حبيبي .. ألف مبروك ياحبايبي عقبال ما نفرح بالبيبي ان شاء الله
إلياس بابتسامه : ان شاء الله .. استأذن نا بقى اعمل عصير لموناضه ..
مس عزه وهيا مبرقه بفرحه : يا خبــــر انت هتعمل بنفسك .. متعبش نفسك انا في بيت بنتي مش محتاج اتضايف .
إلياس : هيفوتك نص عمرك .. انا بعملها جميله وكدا كدا مش عايز أتعب حبيبتي ( وبيغمز لـ لينا ..
مس عزه بنظره غامضه : ها ايه الأخبار ؟؟
لينا بإحراج : ايه يا مس .. كلو تمام الحمدلله
مس عزه : اومال جوزك وشه قلب ليه لما قلت عقبال البيبي ؟؟
لينا بإحراج وابتسامه : عشان انا بنام في الاوضه وهوا بينام ع الكنبه
مس عزه بتفاجئ : ياخبـــررررر .. وهوا ساكتلك على كدا
لينا بضحكه : اه مش فارق معاه
مس عزه : لينا حبيبتي .. الحاجه دي بتفرق مع كل الرجاله .. بس اللي يسيب مراته على راحتها يبقى بيحبها بجد .. اوعي تفرطي فيه يا لينا
لينا : انا عارفه انه بيحبني يا مس .. بس ......
مس عزه قاطعتها : بس ايه ؟؟
لينا : انا بلعن نفسي لما بفكر فـ نبيل .. مجرد تفكير بس بيخليني أستغفر ربنا وبحس اني واحده خاينه ومش ملتزمة بحرمانية جوزها
مس عزه وهيا ضامه شفايفها : يعني انتي مش عاوزه تفكيرك يروح لبعيد مع إلياس ؟
لينا بإحراج : بالظبط كدا ..
مس عزة بتطبطب على رجل لينا : ربنا يهدي سركم .. ومتقوليش لصحباتك حاجه زي دي ..
لينا : انا مقولتش لماما حتى .. حضرتك اول واحده تعرفي
إلياس بمقاطعه : اللموناضـــة وصــــللللللل .. انا هاخد بقى كوبايتي وهطلع اعمل مكالمه فـ البلكونه .. وانتو خدو راحتكم
( إلياس وهوا طالع من الرسبشن .. طبطب على كتف لينا وقالها اللموناضه هتعجبك هتعجبك )
لينا :
---
فـ بيت طنط فاطمه :
نبيل : حبيبة هارت بلبل من جوا ... هتعملي غدا النهارده ولااجيب وانا راجع من الشغل
طنط فاطمه : ايه دا دفليري ؟؟
نبيل : اسمه دليفري يا ماما هههههههههههههههههه
طنط فاطمه : منا عارفه بس حبيت اشف ضحكتك الحلوه دي
نبيل بيبوس راس امه : هتشوفني دايما مبسوط يا امي .. طب عشان الوش الحلو دا .. انا عازمكو النهارده على أكله هتاكلو صوابع رجلكو وراها ..
طنط فاطمه : ممممممم مشويات ؟؟
نسمه : لالالالالا سي فووود صح ؟؟؟ ( sea food )
نبيل : غلللللللللللللللللللللط ... فول وطعمية .. هوا انا حيلتي جنيه احلق بيها ذقني
نسمه : كل مره تقول كدا وتجبلنا احلى اكل
نبيل : يووووه بقى دايما طيب وعلى نياتك ياض يا نبيل ... هاااااااااااا انجزو فول ولا طعمية ؟؟؟؟
طنط فاطمه : ههههههههههههههههههههههه امششششي يا مجررررم
( كانت فرحة طنط فاطمه بـ نبيل فرحه متتوصفش .. كأنها كانت حابسه نَفَسها شهووووور وفجأه اتنفست )
---
فـ بيت طنط نجاه :
طنط نجاه : ياعيني عليكي ياحبيبتي مش مكتوبلك تفرحي
نوران : في ايه ياعمتي ..
طنط نجاه : لا حول ولا قوة الا بالله ... أبو محمد توفى
نوران : ابو محمد ؟؟؟؟؟؟؟؟؟؟؟؟؟؟؟؟؟؟ لا اله الا الله .. انتي عارفه من امتى ؟؟؟
طنط نجاه : من الفجر ياحبيبتي ...
نوران : وجايه تقوليلي العصر ياعمتي ... يقولو علينا ايه بس ... انا هلبس واروح بيت ماما سعاد ..
طنط نجاه : وصليلهم التعازي يا حبيبتي وانا عهدي عليكو بالليل
نوران : يوصل ان شاء الله
--
فـ بيت الحاج عمرو :
ام لينا : انا مش مرتاحه للبت لينا ..
الحاج عمرو : ليه بس ماتسيبي البت تفرح بجوازها
ام لينا : انت شفت لينا عملت ايه لما اهل إلياس صممو ان العرسان تروح في عربيتهم واحنا صممنا انهم يروحو معانا ...؟؟؟
الحاج عمرو : عادي يعني كان لازم تحل الموضوع
ام لينا : بس مش لدرجة انها تقول لإلياس .. اركب انت مع عمتك وانا هركب مع بابا وماما .. ميصحش برضو
الحاج عمرو وهوا يقرأ جورنال : خلاص ابقي وعيها ع الحاجات دي .. وعرفيها الذوق ايه عشان متحصلش مشاكل بعد كدا
ام لينا : بس انا برضو مش مطمنالها ..
الحاج عمرو : يابااااااااااااااااااااي عليكي .. نامي يا ولية ناااااامي
----
فـ بيت لينا وإلياس :
إلياس : لينا حبيبتي .. احنا هنأجل مرواحنا للقاهره كام يوم كدا
لينا : اوك .. هوا حصل حاجه ؟؟
إلياس : أبو محمد خطيب نوران .. توفى الفجر
لينا : لا اله الا الله .. ربنا يرحمه يا رب.. طب نوران كويسه ؟؟
إلياس بابتسامه : بتحآول تخفف عن محمد اهيه .. ربنا يكون في عونه والله !
لينا افتكرت اللي حصل لـ أبو إلياس : انت عارف يا إلياس .. مفيش حد يغلى على ربنا .. و اي حد بيموت بيلاقي عيشه افضل من اللي احنا عايشنها .. وخصوصا بقى لو سايبين وراهم رجاله زيك كدا يدعولهم فـ كل ركعه وكل سجده ..
إلياس بيتفت لـ لينا بـ اهتمام : هيا نوران قالتلك
لينا : لا .. بس سمعتك وانت بتصلي كنت بتدعيلهم
إلياس : .. انا هقوم ألبس واروح معاهم .. هتيجي معايا ولا ...؟؟
( لينا كانت متأكده ان نبيل هيقف جمب صاحبه ومش هيسيبه ابدا )
لينا : لالالالا انا هبقى أعزي نوران فـ بيت عمتو
إلياس فـ سره : احسن برضو عشان متقابليش نبيل
إلياس : براحتك ياحبيبتي .. يلا استأذن انا
إلياس فـ سره : هيا كانت تقصد ايه لما قالت " حد جميل زيك " قالتلي جميل هههههههههه طبعا منا زي القمر .. معقوله ابتدت تحن أخيرا .. يااااااااارب استجيب لدعائي ورجائي ليك
---
--تابعونا في الحلقه الجايه^^
الأربعاء أغسطس 21, 2013 7:58 pm
