إلياس : انا ببوس ايدك عادي !! في ايه يعني انتي مراتي ؟؟
لينا : معلش
إلياس : طب اي اوامر تاني ؟؟؟
لينا بخوف : ولو تشوف مكان تاني تنام فيه يبقى احسن من انك .. ( وبخجل ) من انك تنام جمبي
إلياس : انتي بتتكلمي كأني واحد غريب .. انا جــــووووووزك
لينا : خلاص انا هنام الكنبه وانت نام عالسرير
إلياس وهوا ماسك اعصابه : حاجه كمان ؟؟؟؟؟
لينا : بعد اذنك بقى عاوزه اغير هدومي
( لينا لآخر يوم في بيت باباها كانت مقتنعه بـ إلياس .. ومستسلمه بالأمر الواقع وبتحاول تنسى رفض نبيل ليها يوم الحادثه .. لكن المنظر اللي شافت بيه نبيل قبل زفتها كان صعب تنساه .. لأنها كانت مهيئه مشاعرها على إن نبيل مبيحبهاش ومش فارق معاه ولازم هيا كمان متحبوش وميفرقش معاها .. لكن ظهوره في يوم فرحها بـ البهدله اللي كان فيها رجعلها ذكريات زمان كلها .. فـ مبقتش طايقه إلياس بالمرررررره )
إلياس بهزار : هوا مفيش غيرك عاوز ياخد شاور ولا ايه .. بقالك نص ساعه ف الحمام ايييييييه
لينا فتحت باب الحمام وطلعت راسها : زعلان على نص ساعه !
إلياس : دنا باخد الشاور في عشر دقايق .. وببقى متدلع كمان
لينا بلوية بوز : انت بقى
( لينا كانت لابسه بجامه واسعه وبـ كُم .. مستورة يعني كأنها مش عروسه .. )
إلياس بص لـ لينا بصة زعل وقام من ع السرير : الفطار جه
لينا حست بالأوفر اللي كانت فيه فـ وقفت محرجه جمب الكنبه
إلياس : اقعدي
لينا : لا مش عاوزه
إلياس : وانا مش هفطر من غيرك
لينا : ممممممم
( قعدت لينا تفطر مع إلياس وهيا سرحانه )
إلياس : لا مش وقته سرحان .. احنا ورانا بروجرام طويل اووووووووي ولازم نلتزم بيه .. يعني يادوبك تقومي تلبسي
--
( لينا وهيا قدام المرايا ... وقف إلياس على باب الاوضة بيتفرج عليها وهيا بتلف الطرحه )
لينا اخدت بالها ان إلياس بيبص عليها : انت بتبص على ايه ؟
إلياس : على فكره ممكن متلبسيش الطرحه يعني .. انا مش متعصب اوي وكمان بالطرحه ممكن تلفتي نظر الناس أكتر
لينا : هوا انا متحجبه عشان الناس ولا عشان ربنا ..
إلياس : مقصدش والله .. انا اقصد يعني لو حابه تمشي بشعرك يعني اكمننا في شعر العسل يعني وانتي شعرك العسلي دا عسل اوي وهوا مفكوك كدا
لينا بجدية : إلياس ممكن أخلص لبس ؟؟؟؟
إلياس حاسس يإحباط : اوووك
( لينا فتحت علبة الاكسسوار بتاعتها .. ولقت السلسله اللي نبيل ادهالها يوم ما اتخرجت من الثانوية العامه .. بصت عليها بـ حب .. فخدتها لبستها )
فـ مطعم فالنمسا :
إلياس : في هنا شوربة ضفادع
لينا : يع الله يقرفك
إلياس : دي جميله والله .. دا في عصير جرآد كمان
لينا كانت بتاكل سلطه : بس بقى انا هروح الحمام وانت اطلبلي اي حاجه
إلياس فـ سره : أخيرا قامت
( إلياس كان مشتري لـ لينا عقد ألماس بمناسبة جوازهم وحب يقدمهالها فـ اول خروجه ليهم .. لينا رجعت من الحمام ) لينا : ايه دا الأكل لحق يجي ؟ اومال فين اكلك انت
إلياس بـ حب : هيتأخر شوية
( لينا بسدة نفس شالت الغطا من على الطبق بتاعها ولقت علبة العقد الألماس مفتوحه وعامله اضاءات حلوه في الطبق )
لينا برفعة حاجب وابتسامه : كان لازم افهم يعني ان دا مش اكل ^^
إلياس : بجد عجبتك ؟؟؟
لينا : اه جميله ميرسي
إلياس حاطط ايده على خده وساند على طرابيزة الاكل : إلبسيها بقى
لينا افتكرت انها لابسه عقد نبيل فـ مسكته : هه لا خليها بعدين بقى
إلياس : ممممممم براحتك
ثالث يوم :
( لينا صحيت قبل إلياس وطلعت برا تبص عليه .. لقت رجله طالعه برا الكنبه والغطا واقع ع الارض .. وإلياس فاتح بؤه ونايم )
لينا بصوت عالي : هههههههههههههههههههههههههههههههههههه
إلياس فتح عين واحده وبنعسان : بتضحكي على ايه ؟؟؟
لينا : على منظرك وانت نايم
إلياس : عادي على فكره بكرا تاخدي على كدا
لينا : طب يلا عشان نلحق البروجرام
-- ( إلياس وهوا بيتمشى مع لينا فـ النمسا .. شاف كرسي مكسور .. فـ راح قعد عليه عشان يقع عشان يخلي لينا تضحك .. ويشوف ضحكتها اللي محروم منها من ساعة كتب الكتاب )
لينا : ههههههههههههههههههههههههه وكمان كنت بتعزم عليا اقعد ؟؟؟؟؟؟؟
خالد مش عاوز يقول لنسمه انه كان بيخونها وهما مخطوبين : اقصد اني كنت محتاج وقت عشان كل الناس تعرف رقمي الجديد .. وبدام خلاص الكل عرفه .. يبقى عمري ما ازعلك
نسمه : ويا ترى صحابك دول فيهم بنات بقى وكدا
خالد : الاهي يا رب اتسخط قرد لو الرقم دا مع بنت غيرك وغير امي
نسمه : ربنا يخليك ليا يارب ..
( خالد لأول مره يحس بفرحة نسمه بيه بحق وحقيق .. فرحتها وهوا اتغير فعلا عشانها )