(28)
قصة " ماليش غيركـ " ..
--------------------------------
------------
فـ المدرسه :
فيروز : نسمه تعالي شوية عاوزاكي
نسمه بلوية بوز : خير ؟؟
فيروز : انتي اتصالحتي انتي وخالد صح ؟؟
نسمه : اه اتصالحنا .. اصل في حيوانــــــــه وقعت ما بينا
فيروز : على فكره انا ممكن استخدم نفس السلاح اللي انتقمتي بيه مني .. بس كفايه لحد كدا .. احنا عملنا مشاكل لبعض كتير واظن من النهارده انا من سكه وانتي من سكه
نسمه : انهو سلاح دا اللي تستخدميه ؟؟ قصدك يعني انك تقولي لأهلي اني عرفت خالد من النت وكدا يعني ؟؟؟ بببببببببببب ( صوت بالبؤ ) ولا يهمني محدش هيصدقك اساساااا
فيروز : ابعدي عن حياتي وكفايه المشاكل الي سببتهالي .. انا جسمي لحد النهارده معلم من ضرب بلال .. كفااايه بقى
نسمه : ولو اني كنت محضرالك مصيبه اكبر من كدا .. بس يلا أديكي عرفتي اللي بيلعب معاايا بيحصله ايه
فيروز بصت لنسمه بصه من فوق لتحت : يلا سي يووو
نسمه برفعة حاجب : اسمها سلام ياعونيا الله يرحم ... !!
--
فـ خطوبة نوران :
محمد : خدي اقولك على حاجه
نوران : ايه دا انت اللي جابك هنا .. المفروض انك تستنى برا الكوافير
محمد : انتي مش شايفه هتتخطبي لمين ؟؟ دنا قمررررر .. دا وشي السمح دا تصريح لدخول اي مكان .. واولهم قلوب الناس ( وبيشاور على قلب نوران )
نوران بضحكه : هههههههههههههههههه يعني انت عاوز ايه دلوقتي
محمد : حضرتك انا هشرف على الميك اب اللي هتحطيه ..
نوران : ليه يعني؟؟؟
محمد : عشان شغل الأراجوزات والأحمر والأخضر والمشمر .. مبياكلش معايا .. هيا لحسة كحل وزبدة كاكاو
نوران : زبدة كاكاو ؟؟؟
محمد : اه مش عاجبك ولا ايه ؟؟؟؟؟؟؟
نوران : يعني النهارده فرحه وكدا يعني
محمد : مفيش كداااااااااااااااا .... مش انتي النهارده المفروض انك تبقى اجمل واحده في عنيا ؟؟؟ انا بقى همكيجك على مزاجي
نوران : ياسلام ؟؟؟؟
محمد بيبص في ساعته : يلا مفضلش الا ساعه على الاستديو
نوران : انت بتتكلم جد ؟؟؟
محمد : سيبك من المكياج ... فستانك دا ؟؟؟
نوران بفرحه : اه حلو صح ؟؟؟
محمد : الكمام شفافه يا هانم
نوران : ماهلبس تحته كارينا
محمد : طااااب ماشي .. وفين الشراب ؟؟
نوران : ماتلبسني نقاب بالمره ..
محمد بـ جدية : بجد ؟؟ معاكي نقاب على لون الفستان
نوران : انت هتمشي من قدامي ولا اقوم اروح
محمد بيهزار : حضرتك انتي ممكن تحطي احمر واخضر واسود وفسفوري كمان .. وممكن تحطي وشك في البودره .. وممكن كمان متلبسيش كارينا عادي يعني .... آل تروحي آل هأأأأأووووو دا عند امك .. سوري يعني الله يرحمها حماتي
نوران : ههههههههههههههههههه ايوا كدا .. يلا اتكل على الله استنى ف العربيه انا مبحبش حد يراقبني كدا
محمد : ههههههههههههه لا انا كلمتي مبتنزلش الارض ابدا على فكره ... بس هيا النهارده نزلت عشان بس يوم الخطوبة كدا
نوران : حـــنــــفــــــــــــي
محمد بخطوات سريعه : انا خااااااااااااااارج ههههههههههههههههههههههه
--
فـ بيت إلياس :
إلياس : ااااااااااااه يانا من الحريم .. يلا يا عمتي مش هنلحق الاستديو
طنط نجاه : عشر دقايق بس
إلياس : بقالك ساعتين بتقوليلي عشر دقايق .. ياساتر يا رب .. اشحال مكنش الحاج ميت من السكته القلبيه
طنط نجاه : ماهو مقدر ش يقاومني هههههههههههههههههههههههه
إلياس : ههههههههههههههههههههههه يلا يا عمتي بقى انا مش عايز اسيب نوران لوحدها كل دا
طنط نجاه : انا جهزت اهه ..
إلياس : ياختي ياختي .. ايه يا عمتو دا .. اوعي تكوني ناوية تعلقي راجل كركوبه كدا
طنط نجاه وهيا بتضرب الياس على كتفه : اختشي يا ولد يلا
-
فـ قاعة الخطوبة :
( نبيل كان بيرقص بـ فرحة لـ محمد وسايب كل مشاعره تحت رجله .. بيوفي بـوعده لـ محمد .. لما اتفقو زمان انهم يفرحو لبعض اوي فـ خطوبة كل واحد فيهم .. كان وقتها نبيل بيعشق لينا .. ومحمد هوا اللي كان بيدور على البنت المناسبة لسه .. والنهارده كان العكس !! )
( أما لينا كانت حاسه ان فرحة نبيل ورقصه فـ القاعه رساله ليها بيقولها فيها : أنــــــــــــــــا نــــســـيـــــتـــــــك ! .... فـ لينا كمان قررت انها توصله نفس الرساله .. واللي في الحقيقه رسالتها كانت اقوى من رسالة نبيل ليها ... و إلياس كان برضو حاسس ان نبيل بيوصله رساله ويقوله فيها : انـــا مـــش هــامــــمــــنــي وجــــــودك انــــت و لينـــــــا وهـــفرح لــــصاحبي .. لكن كانت ردة فعل إلياس هيا الاسرع ..
فـ وسط ما نبيل كان بيرقص ... إلياس راح للدي جي .. ومسك المكيروفون بـ يلّم فيه الناس المرتبطه عشان يرقصو سوا ..
إلياس : الأغنيه دي .. لأختي وحبيبتي ومصححة أخطائي .. و لـ كل اتنين حبيبة بيحبو بعض .. وطبعا لـ حبيبتي .. حبيبتي أنـــا " لينــا "
لينا فـ سرها : وتحدي السعاده ابتدى !
( اشتغلت اغنية : بحلم بيك – سامو زين )
وابتدو المرتبطين يرقصو سلو مع محمد ونوران .. ونبيل راح قعد على الكرسي .. زيه زي السناجل .. بيتفرج على لينا وإلياس وهما بيرقصو
نبيل فـ سره : معقول السعاده اللي لينا فيها دي بجد ؟؟
لينا فـ سرها : معقوله نبيل هيصدق اني سعيده بجد ؟؟
نبيل فـ سره : بس دي مش لامسه إلياس اصلا .. اكيد بتمثل عليا
لينا بنظره جانبيه على نبيل .. وفـ سرها : ايه دا .. دا بيتفرج علينا
( هنا لينا مسكت ايد إلياس ورقصو سلو بــــجــــد وكأنهم فـ فرحهم )
إلياس : اانا مش مصدق نفسي
لينا بتفوق من السرحان : اشمعنا ؟
إلياس : بقى انا برقص معاكي وايدي في ايدك وقريبه مني كدا ؟
لينا : تحب نقعد ؟
إلياس : انتي بتهزري لا طبعا .. عارفه يا لينا .. انا دايما بسمع عن البنات اللي هيموتو ويرقصو سلو ويعرفو اي اتنين بيرتبطو بيقولو ايه في رقصتهم .. بس انا حاسس نفس اللي البنات بتحسه .. انا مستني الرقصه دي من زمان اوي ... وكنت عامل حسابي اني انولها فـ الفرح بس ..
لينا بتضحك وبتميل راسها لـ ورا : ياسلااااااااام
إلياس بيقرب من لينا كأنه بيلاعب طفل صغير : يخربيت جمال ضحكتك يا شيخه ..
لينا بنفس الضحكه : هههههههههههههههه ماشي يا سيدي
نبيل فـ سره : مفيش حاجه هتخلي لينا تضحك كدا الا حاجه مبسوطه بيها .. انا شكلي كنت غلطان .. بقى انا اللي كنت فاكر اني هصحي الجرح بتاع لينا اما تشوفني مبسوط النهارده .. وتيجي تكلمني ونرجع زي زمان .. انا شكلي كنت غلطان .. هيا سعيده بجد !
إلياس : انا محضرلك مفاجأه .. تحبي اقولها دلوقتي ولا احوشها لـ فرحنا
لينا : لا حوشها لـ فرحنا .. النهارده ليلة نوران خلينا نفرحلها
( خطوبة نوران كانت خطوبة تقليديه جدا .. وخصوصا ان نوران ومحمد مبيعرفوش يرقصو .. فـ قضو الوقت كله قاعدين يبتسمو للناس من الكوشـة .. )
--
بعد اسبوعين .. فـ بيت لينا :
الحاج عمرو واقف على باب اوضة لينا : خلاص هتتجوزي وتسيبينا
لينا بابتسامه : انا عمري ماهسيبكو .. انا هطلب من إلياس بعد شهر العسل انه يجيبكو تعيشو معايا
الحاج عمرو بضحكه : كلهم بيقولو كدا .. انا نفسي قلت كدا لأمي ههههههههههههههههه
لينا : هههههههههههههههههه بس انا ماليش غيركم والله .. وعمري ما هنسى التضحيات اللي عملتوها عشاني وعشان سعادتي .. شعرك الأبيض دا انا عمري ماهنسى إبيض ليه ..
الحاج عمرو متأثر بكلام بنته : تراني تأثرت لحظه لحظه ابكي
لينا وهيا بتحضن ابوها : ههههههههههههههههههههههه انتو اللي هتوحشوني بجد
الحاج عمرو : طب يالا بقى إلياس مستني تحت مع امك .. هتروحو تتمو على لوكيشن القاعات
لينا : مش احنا حاجزين من الشهر اللي فات ؟؟؟
إلحاج عمرو : إلياس ياستي مش عاجباه القاعه وقال هيختار قاعه على ذوقة وعاوزها تبقى في اسكندرية !!
لينا : اسكندريه !! طب وصحابي ؟؟ هييجو ازاي كدا
إلياس : سألته نفس السؤال .. قال انه مأجر اتوبيس كبير وهيودي كل اللي مش هيعرفو يجو ويرجعهم تاني
لينا : الواد دا مجنون وربنا
الحاج عمرو : عيب بقى .. خلاص هيبقى جوزك لازم تحترميه في وجوده وفي غيابه ^^
لينا : هههههه حاضر يا بابا ... ماشي يلا انا نازلالهم بقى
--
لينا : انا سمعت انك غيرت القاعه .. ليه دي اجمل قاعه في دمياط
إلياس : في قاعات روعه في اسكندرية
لينا : طب مفكرتش في صحباتي اللي ممكن باباهم ومامتهم ميوافقوش اصلا انهم يروحو اسكندرية
إلياس بتوتر : انا اسف والله .. انا فكرت ان دي ممكن تكون ازمه للي معندوش عربيه .. والله اسف بجد .. طب نحبي نرجع الحجز ؟؟
لينا بزعل : خلاص تلاقيه اتاخد اصلا
إلياس : والنبي يا شيخه ماتزعلي .. الاهي يارب يجيلي شلل في بطني ومغص في رجلي .. يااارب يجيلي .....
لينا قاطعته بضحكه : ههههههههههههههههه خلالالالاص في ايه
إلياس : انا مش عاوزك تزعلي .. دا خلاااص بكرا الفرح
لينا بتبلع ريقها : مش زعلانه
إلياس : طب قوليلي كدا بحبك
لينا برفعة حاجب : انا عايزه اروح
إلياس بضحكه : بتعشقني بتعشقني هههههههههههههههه
لينا : ههههههههههههههه
--
يوم الفرح .. فـ اسكندرية ..
( منى دخلت على اوضة المكياج اللي لينا بتجهز فيها .. )
منى : ايوا بقى شوف مين كانت هتتجوز من ورايا
لينا بفرحه : منـــــــى انتي جيتي من السفر امتى ؟؟؟؟؟؟
منى : لسه امبارح .. بس مقلتش لحد اني جايه كنت عاملاها مفاجأه
لينا : بجد مفاجأه حلوه والله .. ها احكيلي عملتي ايه ؟؟؟
منى : قضينا يومين في شرم الشيخ وبعدها عدينا ع الغردقه .. وطلعت في دماغ عبدالله اننا نروح بيروت
لينا : الله بيروت
منى بابتسامه صفرا : ليه انتو هتقضو شهر العسل فين
لينا : والله ماعرف !
منى : انتي كل حاجه كدا متعرفهاش !
لينا : والله يا منى مش عارفه اقولك ايه ..
( لينا بتشاور للكوافيره فـ انها تسيبهم شوية )
لينا بتكمل : انا قلبي مقبوض من الصبح ومش عارفه في ايه
منى فـ سرها : دا اكيد من خنقة نبيل .. القلوب دايما بتحس بوجع بعض
لينا : هـــــى .. منى ؟ انتي معايا
منى بتبلع ريقها : نبيل
لينا وكأنها كان نفسها منى تجيب سيرة نبيل : ماله نبيل هه ؟
منى : نبيل يا لينا.....
( ام لينا بتدخل الاوضة وتقاطعهم )
ام لينا : ايه دا يا لينا .. انتي طلعتي الكوافيره برا ليه .. مفيش وقت ياحبيبتي ..
ام لينا بتكلم الكوافيره : كملي كملي ..
ام لينا بتكلم منى ولينا : ابقو اشبعو من بعض بعد الفرح مش وقته
منى بابتسامه : طب ان هطلع بقى هستنى ف القاعه
( لينا كان فضولها هيموتها عشان تعرف منى كانت عاوزه تقول ايه على نبيل )
--
وقت الزفه ..
( لينا كانت طالعه من اوضة المكياج .. والكوافيره بترتب ذيل الفستان )
نبيل بـ صوت مهدود : مـتســيبـينيـــش .. لو دموعي فارقه عندك متسبينيش
لينا وعيونها اتملت دموع .. وبـ بلعة ريق : اتـــأخــرت أوي يا نبيل
لينا أخدت نفس عميق و رفعت فستانها : يلا ياماما
--
بعد الزفه :
( إلياس قعد لينا ع الكوشة .. و مسك المكروفون )
إلياس : انا حابب أعرف الكل .. اني مجنون
( المعازيم بيضحكو )
إلياس بيكمل : لا بجد حقيقي انا مجنون
لينا فـ سرها : هيعيد حفلة سارة تااااااااااااااااااني
إلياس : وعشان اثبتلكو اني مجنون
( إلياس قلع جزمته وقلع شرابه .. ووطى وقلع لينا جزمتها فـ وسط ذهول تام من لينا والمعازيم )
إلياس بيشد لينا عشان يقومها وبيكمل : وعشان انا مجنون بقى .. الفرح مش في القاعه ..
( مشي إلياس هوا ولينا خطوات سريعه خارجين من باب القاعه ومتجهين لـ شط اسندرية .. والمعازيم الشباب خرجو وراه بيهيصو .. اما الكبار كانو شايفين انه شغل عيال .. فـ فضلو فـ القاعه )
إلياس بيكمل : الفرح هنـــــــــــا
الشباب والبنات : هوووووووووووووووووووه
إلياس فـ المايك : هااا ايه رأيك ؟؟
لينا رغم كآبتها من موقف نبيل : ههههههههه انت مجنون
إلياس : سامعيييين ؟؟؟ قالت انا مجنون .. كدبت انا ؟؟؟
( إلياس كان موضب قاعده تانيه على البحر بـ كوشة عباره عن كرسيين على شكل صدف .. وكان حاطط شموع صناعيه وعامل بيها ممر لـ الكوشة الجديده .. وإلياس كان مشمر بنطلون البدله .. وفستان لينا بقى كله طينه من تحت )
إلياس : يلا ياشيخنا .. اكتب كتابنا بقى عشان نرجع القاعه
الشيخ وهوا مش عاجبه الوضع : ربنا يهديك يابني .. قول ورايا ......
--
خلص الفرح .. اللي محدش عارف يوصف جماله و ذوق إلياس فـ انه يوضب حاجه على البحر .. " لما عرف ان لينا بتحب من صغرها تمشي حافيه على الشط " ..
إلياس فـ الأوتيل : يــااااه أخيرا بقيتي ليــا
لينا بابتسامه : ميرسي عللي عملته فالبحر .. واللي عملته ف الفستان هههه
إلياس : هههههههههههههههههه سيبك من الفرح دلوقتي .. في عشاء هنا ف الاوضه .. هتتعشي ولا نـ......
لينا بتقاطعه بتوتر : انا مرهقه من الفرح .. وهموت و انام
إلياس بيقرب من لينا : انا عاوزك تعرفي اني عمري ما هغصبك على حاجه ... انا مأجر يخت نسهر فيه انا وانتي .. فـ خلينا ناكل لقمه وننزل نتفسح ايه رأيك ؟
لينا بـ ارتياح : ماشي
إلياس : مش هنتأخر هما ساعتين زمن ونرجع تاني .. عشان نلحق ننام عشان هنصحى 9 الصبح
لينا بفضول : ليه ؟
إلياس : هنروح النمســـــــــا نقضي شهر العسل اومال انتي فكرك هنقضيه فـ مصر ؟؟
لينا : وايه لازمته المصاريف دي كلها ؟؟؟؟ وكمان مش لازم اقول لبابا وماما
إلياس بيقاطعها بفرحه : انا قايل لأبوكي وامك وخدت جواز سفرك وعملتلك تذكره .. وكل حاجه مرتبها .. هاتي بقى موبايلك دا ونقفله ونرتاح من الناس ونتبسط شوية
لينا بـ نفس عميق : ماشي .. ناكل بقى ؟
إلياس بضحكه : ناكل يا حبيبتي
----
--تابعونا في الحلقه الجايه^^
الأربعاء أغسطس 21, 2013 7:36 pm
