(27)
قصة " ماليش غيركـ " ..
--------------------------------
فـ مدرسة فيروز :
بلال : انا مش عارف يا ماما انتي مصممه تيجي معايا ليه !!
ام فيروز : عشان اشوف اختك بتعمل ايه وقت المدرسه
بلال : طب منا قلتلك امبارح انا هروح وهراقبها .. وهموتهالك لو لقتها بتخرج برا المدرسه بعد ما بوصلها
ام فيروز : انا بقى جايه معاك عشان اربي بنتي قبل ما تموتها
بلال : بصي بصي دي خرجت فعلا .. انا بقى هربيهالك
( فتح بلال باب العربيه .. وممته شدته بسرعه )
ام فيروز : انا غلطانه اني جبتك معايا اصلا .. ماتخليني اشوف الجزمه دي هتروح فين
بلال : مش قادر استنى .. انا هجبهالك من شعرها وبـ جوزين اقلام تقولنا هيا كانت رايحه فين
ام فيروز بنرفزه : ولـــد متوجعش دماغي وخليك ماشي وراها
بلال بعصبيه : ماشي يا ماما اما نشوف
( خرجت فيروز من باب المدرسه بتبص حواليها و ركبت مواصله وراحت لـ ميدان سرور )
يوسف نزل من عربيته بيبوس دماغ فيروز : انا مش قلتلك ياحبيبتي بلاش تركبي مواصله واركبي تاكسي احسن
فيروز : انت عارف عقبال ما تاكسي يقفلي هيكون السيكيورتي بتاع المدرسه اخد باله مني
يوسف: مش مشكله ياحبيبتي .. اركبي بقى النهارده هنروح راس البر وهجيبلك اكسسوارات شفتها امبارح خطيييييييره بجد
فيروز وهيا بتقفل باب العربيه : God bless you حبيبي
( طبعا يوسف عشان عنده اخوات صغيرين .. متعود انه يقفل الأبواب بالقفل اول مايركب العربيه .. في نفس الوقت .. بلال ساب عربيته في وسط الميدان واخدها جري على عربية يوسف .. وبـ عز قوته خبط على شباك العربيه اللي جمب فيروز )
بلال بعصبيه شديده : افتحي يابنت الكلب .. افتحي بقولك .. قسما بالله نهايتك على ايدي يا********
( يوسف فتح قفل الباب بتاعه .. وفتح الباب ولسه هينزل .. بلال لف الناحيه التانيه بسرعه عشان يضرب يوسف .... وفي نفس الوقت فيروز فتحت القفل بتاعها ونزلت من العربيه تجري .. وبلال زق يوسف جامد وجري ورا اخته ومسكها من طرحتها جامد لدرجة ان الدبابيس اللي فـ الطرحه وقعت كلها .. ومشي بيها لحد عربيته فـ وسط تجمع من الناس .. اللذيذ ف الموضوع ان محدش اتدخل بين بلال واخته .. كأن الكل كان فرحان من المنظر اللي بيشوفه !! ...
--
( في بيت فيروز )
( فيروز كانت مستخبيه في ظهر مامتها ومرعوبة من اللي بلال ممكن يعمله فيها .. )
بلال بعصبيه وصوت عالي : وديني لـ اقتلهالك .. حتة حشرة في ثانوية عامة تجيب راسنا الأرض ؟؟؟؟؟؟؟؟؟؟؟؟؟؟؟؟؟
ام فيروز : انا هتصرف معاها خش اوضتك انت
بلال بنفس العصبيه : هوا انا مش عارفك ؟؟؟؟؟؟ بتسكتيني عشان اسيبها في حالها ..؟؟؟؟؟؟؟؟؟؟؟؟ دا بعدها .. دا اخر يوم ليها في الدنيا
ام فيروز بعصبيه : ولـــــــــد قلتلك اطلع على اوضتك .. وانتي تعالي هنا انا معرفتش اربيكي وهربيكي من اول وجديد
( ام فيروز مسكت فيروز من شعرها ودخلتها اوضتها .. وبلال كان قاعد وايده بتاكلة والشر هيطلع من عينه )
بلال من ورا الباب بصوت عالي : بتستغفليني كل يوم وبتطلعي من المدرسه وتخرجي مع ابن الـ****** دا ؟؟؟؟؟؟؟؟؟؟؟؟ وكمان في الاجازه كنت بوصلك لـ نسمه ومبتطلعيش عندها وبتخرجي معاه ؟؟؟؟؟؟؟؟؟؟؟؟؟؟؟؟؟؟؟؟ انتي حسابك معايا بعدين .. لو فاكره ان امك هتحوشك عني ( وبيعلي صوته ) تبقي غلطااااااااااااااانه
فيروز : هوا حلال عليك وحرام عليا ؟؟؟ ما انت بتخرج مع البنات ليه مرحتش قتلتهم ؟؟؟
بلال شايط وبيرزع الباب برجله : انا راجل واعمل اللي انا عاوزه
فيروز : وانا بنت وعاوزه اعمل اللي انا عايزاه .. مترضاش بحاجه ليك وتمنعها عليا
بلال بيرزع ف الباب وبيحاول يدخل يربي فيروز : بتقارني نفسك بيا يابنت ***********
فيروز بوقاحه : ومقارنش ليه ؟؟ ولا هوا عشان انت راجل يبقى هتخش الجنه وانا عشان بنت هخش النار ؟؟؟؟؟؟؟؟؟؟؟؟؟؟؟ راضيها ومبسوط اوي من البنات اللي ليل نهار بتخرج معاهم ومخنوق من اللي بترفض تكلمك ونسيت ان انت عاوز اختك ترفض تكلم ولاد .. ليه يعني على اساس ايه ؟؟؟؟؟؟؟
ام فيروز بتصرخ : بسسسس بقىىىىى حراااام علييييييكوووووو ... يارب خدني عشان ارتاح منكو .. عيشة تقصر العمر
بلال بعصبيه : انا سايبهالكو وماشي
( خرج بلال من البيت ورزع الباب وراه جامد .. وفضلت ام فيروز ساعه ساكته مش بتتكلم .. وبعدها ابتدت تتكلم مع فيروز .. مره بهدوء ومره بزعيق لحد مافهمتها ان المرحله اللي هيا فيها صعبه ازاي وازاي تقدر تقاوم مشاعرها ومتبصش لحد تاني .. كان درس فيروز بتسمعه بتركيز ,, لكن في نفس الوقت عرفت ان نسمه ورا المصيبه دي .. " لما بلال قالها على خروجاتها لـ نسمه فـالاجازه " )
--
فـ بيت نوران :
طنط نجاه : اسكت يا إلياس مش احنا قابلنا اهل محمد ف النادي
إلياس : محمد سليمان ؟؟
طنط نجاه : اه ياحبيبي .. دا انا وممته صحاب من زمان .. والنهارده نوران كانت جايه توصلني وعرفت ان دي مامة محمد
إلياس : طب بقولك ايه .. متقعديش معاها تاني
طنط نجاه : ليه يابني كفا الله الشر دول ناس كُـمّـل وميتعيبوش
إلياس : دا صاحب الولد اللي عاوز يخطب لينا بالعافيه .. واكيد عايز نوران عشان ينتقم لصاحبه
طنط نجاه : لا يابني متقولش كدا دا بيصلي كل صلاه في وقتها وبيؤم الناس فـ النادي كمان
إلياس لاوي بوزه : بصي ياعمتي خدي رأي نوران وشوفيها عاوزه ايه
( إلياس كان كل طموحه انه يبقى لـ لينا .. وأول ما خطب لينا .. أخد عهد على نفسه انه عمره مايبقى اناني تاني .. )
طنط نجاه : اختك موافقه بس قالتلي انك مش هتوافق
إلياس : خلاص ياعمتو انا موافق والف الف مبروك
( إلياس راح لـ اوضة نوران )
إلياس : نوران انتي موافقه على محمد
نوران بتوتر : ممممم اللي انت عاوزه هعمله
إلياس : هههههههههههه هوا انا ماسكلك عصايه ؟ بجد بجد عاوزه محمد ولا لا ؟؟
نوران : بجد بجد ؟؟ اه :$
إلياس : خلاص الف الف مبروك يا حبيبتي
نوران : يعني انت مش معترض ؟؟
إلياس بابتسامه : لأ .. محمد انسان كويس وهيحافظ عليكي
نوران : طب وانتقامه لـ نبيل ؟
إلياس بضحكه وهوا رايح لاوضته : مفيش راجل بينتقم من بنت حلوه زيك
نوران فـ سرها : وانا اللي فكرت إلياس هيسوق الجنان عليا !! يا رب احفظهولي يا رب
--
فـ كافيـة :
علي : ولا يا خللللل
خالد : ايه ؟
علي : ايه ياعم مالك قافش كدا ليه .. فرفش كدا دي الليله لسه مبتدتش
خالد وهوا سرحان : هوا انت مش قرفان يالا من عيشتك ؟؟
علي بـ غمزة : قرفان ايه ياعم مالها عيشتنا ياعم .. حد طايل ياعم الفرفشه اللي احنا فيها دي .. حشيش ونسوان ودماغ عمرانه .. وفوق دا كله الجيب عمران
خالد بنرفزه : ماهو دا قررررف .. يعني انا اما اتجوز واخلف الناس تقول ايه لولادي ؟؟ ابوكو حشاش وبتاع نسوان
علي : ايه ياعم النبرة الجديده دي ياعم .. ابوس حشيشك آشيخ ماتفوقني من الدماغ
خالد : انا ماشي
علي : استنى ياعم انت ياعم .. رايح فين .. طب مين هيحاسب .. طب والبنات يا عم .. يا خللللل !!!!!
( خالد ركب عربيته وطلع على البحر .. نزل الميه وفضل يبعد وهوا مش بيعرف يعوم .. وكان احساسه انه غرقان في الذنوب زي غرقه في الميه كدا .. وكل شوية يزق جسمه لـ فوق عشان ياخد نفس ويرجع يغرق تاني .. كان عارف انه عشان يتنفس من اول وجديد لازم يجاهد ويزق نفسه لـ قدام )
مراقب الشط بيصفر : انت ايه اللي موديك بعيد كدا ؟؟
خالد : عادي .. كنت بشم هوا
مراقب الشط : طب لو سمحت ياباشا الميه فيها سحبان .. ولازم تبقى في بداية الشط
( خالد مكنش غرضه انه يغرق نفسه او ينتحر .. كان ايمانه انه لما ينزل البحر ذنوبه كلها متطلعش معاه )
--
فـ بيت خالد :
خالد : ازيك يا ست الكل
ام خالد : اهلا ياحبيبي مالك مبلول كدا ليه
خالد : كنت قاعد ع البحر والموجه جت عليا
ام خالد : طب ياحبيبي انت مش هتروح لأهل خطيبتك زياره ؟؟ انت عمرك ما رحتلهم البيت من ساعة خطوبتكو .. وعدا شهر ونص اهه !!
خالد : ايه رأيك نعزمهم على الغدا بكرا
ام خالد : معنديش مانع ياحبيبي .. اهلا وسهلا بيهم
خالد بابتسامه : انا هطلع اخد دش وانام
ام خالد بتبص ف الساعه : تنام ؟؟ دا الساعه لسه 8
خالد : زهقان والله يمّـا
ام خالد : طب ماتخرج مع صحابك ياحبيبي زي العاده ؟
خالد : مفيش صحاب تاني .. انا مش هخرج من البيت الا ع المسجد
ام خالد : بركاتك ياسيدنا الشيخ هههههههههههه
خالد : بتكلم بجد
ام خالد : انت عمرك ماركعتها !
خالد : عشان مكنش عندي حاجه اخاف عليها .. دلوقتي في نسمه
ام خالد : اخص عليك يعني مكنتش خايف عليا
خالد : انتي امي .. وعارف اني مهما عملت هتسامحيني دايما ومش هتسيبيني .. بس الناس التانيه .. الناس النظيفه .. لو عرفو وساختي هيسيبوني .. وانا مش عاوز اخسرهم
ام خالد : ربنا يثبتك على هداه ياحبيبي
ام خالد فـ سرها : معقوله الواد خلاص هيبطل طيش !!
--
فـ السوق :
إلياس : ايه يا عروسه ؟؟؟؟
لينا بـ حزن : ايه؟
إلياس : كدا كلو كامل ؟؟
لينا : اها تمام
إلياس : هوا انا ليه حاسك زعلانه ؟؟ ومش مبسوطه اننا هنتجوز
لينا بصت لـ إلياس بصه بتقوله فيها يعني انت مش عارف ؟؟؟؟؟
إلياس : انا عارف ان كل مره تجيبي حاجه لـ بيتنا بتسرحي في نبيل
لينا بتبلع ريقها : لا طبعا
إلياس : انا مش متضايق .. بس انا مش عاوزك تتضايقي .. اللي حصل حصل .. وانتي قوية ومش هتسيبي الافكار دي تدخل دماغك تاني .. مش كدا ؟
لينا بتهز راسها : اه
--
فـ شغل نبيل :
محمد : الوووووو بلابيلـــــــــــو
نبيل : هههههههههههه حماده باشا ... ازيك يا باشا
محمد : الله الله الله .. ايه الصوت الرايق دا ؟؟ وحشتني صوتك الحلو دا يابلبل
نبيل : عارف لو مكنتش في شغلي .. كنت قلتلك كلمه وحشه
محمد : هههههههههههههههههههه باركلي يا بلبل
نبيل : ايه خطبت يا واد ؟؟
محمد : خطبت يا بابا
نبيل : مين اللي امها داعيه عليها ؟؟ نوران ؟
محمد بتنهيدة حب : آآآآآه نوران
نبيل : الف الف الف مبروك ياحبيبي .. هتعملوها على الأد كدا ؟؟
محمد : لا طبعا .. احنا رحنا بس قرينا فاتحه ولبسنا الدبل .. انا بتصل اعزمك على الحفله بقى هتبقى الاسبوع الجاي وهلبسها الشبكه هناك
نبيل : مممممممم
محمد : انا عارف انك مش هتعوز تيجي عشان إلياس واللي اكيد لينا كمان هتكون موجوده و.....
نبيل بيقاطعه : لالالالالالا انا خلاص نسيت العالم دي .. هجيلك يا شقققق .. هوا انا ليا أخ غيرك
محمد : هههههههههههههههههه بقولك ايه انا عاوزك ترقصني عشان معرفش ارقص
نبيل : عنيا يا ذوووق
( نبيل كان عارف انه منسيش لينا .. لكن لازم يبص لقدام .. ويبطل يحلم بـ واحده هتبقى حرم واحد تاني .. )
--تابعونا في الحلقه الجايه^^
الأربعاء أغسطس 21, 2013 7:34 pm
