موضوع: قصة ( ماليش غيرك ) الحلقة (26) : الإثنين أغسطس 19, 2013 11:18 pm
(26) قصة " ماليش غيركـ " ..
--------------------------------
الحاج عمرو : الو ايوا يا فاطمه في ايه ؟؟
طنط فاطمه : نـ نـ نـ نبيل عمل حاددددثه و مـ مـ مـعنديش حد يوديني المستشفـى
الحاج عمرو : يا ساتر يا رب .. يا ساتر يا رب خمس دقايق وابقى تحت البيت
ام لينا : في ايه ياحاج ؟؟
الحاج عمرو : نبيل عمل حادثه
ام لينا : هـــــــئ لا حول ولا قوة الا بالله
الحاج عمرو : مفيش وقت للكلام انا نازل لاختك
ام لينا : انا جايه معاك يا حاج هلبس الاسدال بس
( لينا اثناء حديث باباها ومامتها .. كان شريط حياتها مع نبيل بيمر قدامها .. وحست بالذنب لما طنط فاطمه قالت انها مش عاوزه تسمع صوتها .. كان كل اللي جه في دماغها ان نبيل توفى .. وانها لو سامحت نبيل على خيانته كان زمانه لحد دلوقتي عايش .. مجاش في بالها انه قضاء وقدر !!
ام لينا : انتي يا بت
لينا بتفوق من السرحان : ايه
ام لينا : اسدالك اهو البسيه ويلا تعالي معايا
لينا وهيا حابسه دموعها : ما بلاش انا يا ماما
ام لينا بتشد لينا جامد : يللللللللااااا ابوكي هيسبنا ويمشي
( كان اصعب حاجه على لينا انها تحبس دموعها عشان تكمل دور البنت القوية اللي تجاوزت حب نبيل وارتبطت بواحد بيحبها .. )
ام لينا : اركبي يا فاطمه بسرعه ( كانت نظرات نسمه لـ لينا وهيا منهاره وبتركب العربيه نظرات غضب وكُره .. وطنط فاطمه وهيا بتركب العربيه كانت بتعيط وبتستعجل الحاج عمرو عشان يوصل المستشفى بسرعه لكن مبصتش خالص على لينا )
ام لينا بلهفه : جوزي ... جوزي فصيلته O .. ياعمرو يا عمرو
( بعد ما الحاج عمرو نقل دم لـ نبيل .. أغمى عليه عشان سنه مش مستحمل الضعف اللي بقى فيه بعد نقل الدم .. )
الدكتور بتسرع : محلول جلوكوز بسرعه
ام لينا : جوزي هيبقى كويس؟؟؟
الدكتور : اه يا حاجه هيبقى زي الفل دا اغماء طبيعي عشان سحبنا منه دم كتير
ام لينا : طب واقف هنا ليه .. روح شوف الواد اللي هيموت
( بعد ما الحاج عمرو فاق من اغمائه .. )
الحاج عمرو بإرهاق : نبيل عامل ايه
ام لينا : الحمدلله يا حاج طلع من العنايه المركزه وبيفوقوه من التخدير اهو
الحاج عمرو بتنهيده : الحمدلله الحمدلله هيا لينا فين ؟
ام لينا : قاعده في الرسبشن مع نسمه مقدرتش تطلع
الحاج عمرو : انا مش عاوزها تحس بالذنب دا قضاء وقدر
ام لينا بخنقه : خلينا في نبيل دلوقتي بعدها نشوف بنتك
-- فـ الرسبشن :
( لينا و نسمه كانو قاعدين ساكتين .. محدش بيتكلم .. كانت كل واحده سرحانه في همومها وبتجيلهم افكار من الشيطان ان نبيل توفى .. وهيعملو ايه من بعده لو اتوفى )
لينا وهيا بتمسك ايد نسمه : ان شاء الله هينور بيتكو تاني
( نسمه بعصبيه سحبت ايدها ومردتش على لينا .. ولينا مقدرتش تمسك اعصابها مع معاملة نسمه ليها )
نسمه في الحمام : انا صحيح من صغري مش بحبك .. بس مالوش لازمه العياط مفيش حاجه هتتغير
لينا ساكته
نسمه بتكمل : انا مش هقولك انتي السبب في اللي حصل لأخويا .. ولا هقولك اخويا منهار من غيرك وعمال بيخبط في الدنيا .. ولا حتى هقولك ارجعي لنبيل .. انا معنديش حاجه اقولها غير حاجه واحده بس : " حسبي الله ونعم الوكيل فـ اللي غلطان في حق التاني " غير كدا معنديش اي تعليق
( حسبنة نسمه فـ الحمام كان ليها صدى صوت .. بس مش في الحمام .. دا كان صدى صوت بـ وجع في قلب لينا .. كأن الحسبنه سكاكين بتتغزر في قلب لينا )
لينا ساكته
نسمه : انا لو حد حبني زي نبيل ماحبك .. لو دخلت اوضته وشفته بعيني بيخوني هكدب عيني واصدقه .. وانتي عارفه ان نبيل عمره ما يخونك .. وعارفه ان إلياس هوا اللي......
لينا قاطعتها بانهيار: إلياس إلياس .. كل حاجه إلياسسس .. إلياس دا هوا اللي وقف جمبي بعد اللي اخوكي عمله
نسمه اخدت ازازة الصابون السائل ورمته على الأرض بعصبيه : اخويا معملش حاجه مخانكيش .. دا كان رايح يشوف حل مع إلياس كان رايح يحميكي وانتي ؟؟؟؟؟ انتي نسيتي كل اللي عمله من واحنا صغيرين وكااااااااااااام مره زعقلي وضربني عشان قلت عليكي كلمه وحشه .. كان مستعد يتخلى عن اخته عشان يكسبك .. وفي الاخر انتي عملتي ايه ؟؟؟؟؟؟ سبتيه واتخطبتي لواحد مجنون
نبيل بابتسامه خفيفه : ويطولي في عمرك يا امي و بتنهيده : وتجوزي عيالي
الدكتور : نسيب الكابتن يرتاح بقى ..؟
طنط فاطمه : هوا مينفعش يروح معانا ؟؟
الدكتور : لا هيفضل تحت المتابعه 24 ساعه كمان .. وبعدها هكتبله على اذن خروج
طنط فاطمه : شكرا يا دكتور انا مش عارفه اشكرك ازاي
الدكتور : الشكر لله يا حاجه .. حياة نبيل كانت مكتوبه عند ربنا .. والبركه في الحاج عمرو .. لولاه مكنش نبيل فايق دلوقتي .. انا هسيبكو بقى خمس دقايق بعدها همنع الزياره عشان يرتاح شوية
نبيل : هوا جوز خالتي هنا ؟
طنط فاطمه : هوا اللي وصلنا المستشفى هنا اما الاسعاف اتصلت عليا من موبايلك
( لما طنط فاطمه روحت البيت .. نبيل قعد يفكر في اللي حصله .. ويلوم نفسه على القلق اللي سببه لممته .. واتأثر جدا لما الممرضه حكتله ممته كانت منهاره ازاي )
نبيل فـ سره : كنت هضيع نفسي عشان واحده بحبها .. ونسيت الناس اللي هيضيعو عشان بيحبوني بجد ..
( نبيل أخد وعد على نفسه انه مش هيسيب لينا تأثر عليه بالطريقه دي تاني .. )
في نفس اللحظه الباب خبط ..
ام لينا بابتسامه : الف سلامه عليك يا حبيبي .. اوعى تخضنا تاني عليك .. انت الواد الوحيد اللي في العيله مش عايزين نخسرك بقى ..
نبيل : الله يسلمك يا خالتو .. انا مكنتش اعرف ان حضرتك هنا..
ام لينا : منقدرش ياحبيبي نسمع ان حصلك حاجه ونبقى قاعدين مكانا .. يلا قوم يا بطل بقى متقلقناش عليك كدا ..
نبيل قاطعها بـ وقاحه : أصلهم عُبــــــــــــط .. زيك كدا بالظبط .. فاكريني ملاك .. بس انا شيطان .. انا فعلا شيطان .. والحادثه اللي حصلت عشان كنت سكران .. نبيل بيكمل بنرفزه : انا حقير وابن كلب يا لينا .. انا منفعكيش يا بنت خالتي .. انتي مناسبة جدا لـ إلياس .. وصدقيني انا نسيتك من زمان وعشت حياتي وعملت كل اللي كنت حارم نفسي منه عشاااااااانك ( وبيشاور بصابعه ) .. وان شاء الله في فرحك انا هفرحلك من قلبي وهرقصلك كمان .. عارفه ليه ؟؟ عشان احنا مش هنروح من بعض في حته .. احنا للأسف أهل !
لينا وهيا حابسه دموعها وبتاخد نفس عميق : عموما الف سلامه عليك .. اسيبك ترتاح
( خرجت لينا من اوضة نبيل وجرحها بقى اكبر .. وصدقت فعلا كل كلمه نبيل قالها دفاعاَ عن كبريائه .. و نبيل اول ما لينا خرجت من الاوضة .. لف وشه ناحية الحيطه وعيّط لأنه استغل فرصته الوحيده اللي كانت هترجعه لـ لينا فـ انه يعمل لنفسه كرامه وكبرياء وعزة نفس .. ومكنش حابب لينا تبصله بـ شفقه .. !! )
--
فـ بيت فيروز :
( فيروز دخلت البيت لقت مامتها قاعده وبصالها بصة نرفزه .. )
فيروز بتوتر : السلام عليكم ..
ام فيروز : وعليكم السلام ..
فيروز : انا هنام شوية عشان تعبانه من المدرسه ..
ام فيروز : مش هتتغدي ؟
فيروز : لالا ماليش نفس ( طبعا الاخت واكله على بحر اسكندريه )
ام فيروز فـ سرها : انا هبعت اخوها بكرا يشوفها بتروح فين وقت المدرسه .. وبعدها حسابها يبقى معايا
--
فـ النادي :
طنط نجاه : ايه دا يا سعاد انتي لسه واصله ؟
طنط سعاد ( ام محمد ) : اه ياحبيبتي في معاد كل يوم
طنط نجاه : كان نفسي والله اقعد معاكي بس انا هنا من 11 الصبح وبنت اخويا هتيجي توصلني
سعاد فـ سرها : اخيــــــــــــــرا هخلص من المقابلات دي ..
سعاد : ايه دا بجد .. كان نفسي اتعرف عليها من زمان .. انتي قولتيلي اسمها ايه ؟
طنط سعاد : الله جميل الاسم دا ... اكيد هيا كمان منوره زي اسمها
طنط نجاه : ههههههههههههه من ناحية النور فـ هي منوره بسم الله ماشاء الله عليها .. مش عشان بنت اخويا يعني بس هيا فعلا منوره حياتي
طنط سعاد : طبعا مش تربيتك ياحبيبتي
طنط نجاه : اهي جت اهيه
نوران مبرقه : محــمد
محمد بيمثل انه مصدوم : نــــــــــوران
طنط نجاه : ايه دا انتو تعرفو بعض ؟؟
نوران وإلياس فـ وقت واحد : ( دا – دي ) ( محمد – نوران ) اللي كنا هنتخطب
طنط سعاد : ايه دا مش ممكن .. لا مش ممكن بجد ؟؟ يا محاسن الصدف
( نوران بتبص لمحمد بربشة عين ورفعة حاجب .. بتقوله في البصه انا عارف انك مدبر المقابله دي من زمان .. ومحمد مبتسم ابتسامه خبيثه كأنه بيرد عليها ويقولها آآآآه انا مدبر المقابله دي )
طنط نجاه : والله كان نفسي اقابلك يا حماده من زمان اوي والله
طنط نجاه بتبص لـ نوران : في الوقت اللي تحبوه طبعاااااا مش كدا يا نوران
نوران بتبص لمحمد برفعة حاجب : كدا يا عمتي ينورو في اي وقت
( نوران كانت مبسوطه من جواها عشان محمد فكر انه يوصلها بأي طريقه .. واتأكدت ان محمد مش عاوز ينتقم لنبيل منها .. هوا عايزها حلاله يصونها وتصونه .. بس كانت الأزمه اللي هتواجه نوران .. هيّ ازاي هتقنع إلياس ان محمد شخص طيب وكويس ؟ )
--
فـ بيت الحاج عمرو :
( إلياس بيتصل على تلفون البيت )
الحاج عمرو : السلام عليكم
إلياس : وعليكم السلام .. ايوا ياعمي ازي حضرتك
الحاج عمرو : الحمدلله يابني
إلياس : انا بتصل على موبايلات البيت كله .. وكل الموبايلات مقفوله وبقالي كتير بتصل على تلفون البيت ومحدش بيرد
الحاج عمرو : معلش يابني امبارح كنا في أزمه وعدت الحمدلله ..
إلياس : هوا لينا حصلها حاجه ؟؟
الحاج عمرو : لا يا ابني دا ابن خالتها عمل حادثه فـ كنا بنوصل أهل بيته للمستشفى
الإثنين أغسطس 19, 2013 11:18 pm
