(25)
قصة " ماليش غيركـ " ..
--------------------------------
تاني يوم ..
علي : ياض يا خلللل
خالد : دماغي يالا واجعاني من بيرة مش طايق اسمع صوت حد
علي : مانت شربت كتير ياعم .. قوم طه شوف موبايلك بيزن كل شوية ليه
خالد : تلاقي فيه مسج ولا حاجه مش قادر ابص ف الموبايل
علي : إلحق يالا دي القطعه بتاعتك
خالد بتركيز : نسمه ؟؟
علي : اه ياعم اقرهالك
خالد قام بسرعه : هات الموبايل
( خالد اخد موبايله من علي وقرأ الرساله .. وجري بسرعه على الحمام دخل راسه تحت الحنفيه وعمل لنفسه كوباية قهوه لحد ما فاق من الخمره اللي شربها امبارح )
--
فـ بيت طنط فاطمه :
طنط فاطمه : يلا يا نسمه قومي ساعديني في المطبخ .. اختك خلاص اتجوزت ومفيش غيرك هيساعدني .. قوووووووووومي قامت قياااامتك
نسمه : نعسانه يا ماما منمتش امبارح بدري
طنط فاطمه بعصبيه : قوووووووووووومي اومال هتعملي ايه في بيت جوزك .. خلاص ايام الدلع راحت دلوقتي انتي اللي هتعملي كل حاجه ف البيت
نسمه بقرف : طيييييييييييييييييييييب قمت خلاااااااااااااااااااص
( نسمه بصت في موبايلها ولقت 4 مكالمات فائته )
نسمه فـ سرها : ايه دا .. خالد اتصل عليا .. انا ازاي مصحتش على رنته .. طب أرن عليه دلوقتي .. لا بلاش دلوقتي .. الكلام هيطول وماما واقفالي ع الواحده .. انا هخلص اللي عليا في شغل البيت واطلع اكلمه .. لالا انا هسيبه هوا اما يرن تاني .. اه صح كدا هستنى اما هوا يتصل انا مش هبين اني مدلوقه اوي كدا .. كفايه مسج امبارح واللي حصلي اما ملقتش رد ..
( بعد 4 ساعات .. خالد اتصل )
نسمه : ألو
خالد : انا زعلان منك بجد
نسمه : سوري
خالد : انتي بقيتي تشكي فيا كتير وبتصدقي الناس كلها إلا انا
نسمه : والله غصب عني
( علي كتب على ورقه : إنجز يا عم انا مكلم الصواريخ من بدري واهم تحت البيت طالعين )
خالد وهوا متسرع : خلاص انا مش عايز اتكلم فـ الموضوع دا .. كفايه متكلمناش اسبوع كامل ... انا مش هضيع دقيقه كمان فـ اي خناق مابينا
نسمه : طب انت مسامحني
خالد : طبعا ياحبيبتي مسامحك .. انا لو مكانك هعمل نفس اللي عملتيه
نسمه : طب والشتيمه اللي شتمتها
خالد : معلش ياحبيبتي كنتي متنرفزه بس مش هتكرريها تاني مش كدا؟
نسمه : ربنا يخليك ليا يارب .. ومايحرمني من عقلك ابدا
خالد : يا رب ياحبيبتي .. انا لازم اقفل بقى عشان البطوله هتبتدي اهه
نسمه : ربنا معاك ياحبيبي ويقويك
خالد بيكتم ضحكه : يا رب ياحبيبتي سلام
نسمه : سلام
( خالد قفل المكالمه مع علي وبيضحك جامد )
علي : ايه بتضحك على ايه
خالد : اصلها بتقولي ربنا يقويك هههههههههههههههههههههههههههههههههه
علي : ههههههههههههههههههههههههههههههههه الله يسهلو ياعم .. ماتشوفلي واحده ساذجه اتجوزها انا كمان
خالد : طب قوم افتح الباب خلي الليله تحلوووو
--
بعد اسبوع :-
على باب المدرسه :
فيروز : ياااااااااه يا نسمه بجدددددد انا مش مصدقه ان اجازة نص السنه خلصت .. بجد ملحقتش استمتع بيها
نسمه وهيا دمها محروق من فيروز : ياحبيبتي الدراسه باديه من يوم الأحد .. والنهارده الأربعاء !!!!!! دا حتى كانو اسبوعين وحشين
فيروز : وحشين بالنسبالك ياحبيبتي .. انما انا كنت كل يوم بخرج مع يوسف ويوديني كل يوم مكان شكل .. عارفه احنا مره لقينا نفسنا على طريق اسكندريه تصوري محسناش بنفسنا
نسمه فـ سرها : بوظت حياتي وجايه تقولي أد ايه كانت مبسوطه في حياتها !!!!!!!
نسمه من سنانها : ايوا ياختي الله يسهللوووووووو
فيروز : هههههههههههههههههه بصي انا النهارده مش هحضر المدرسه .. يوسف مستنيني عند ميدان سرور .. وهنخرج سوا .. يااااااااااه يانسمه تخيلي 8 ساعات نبقى فيها مع بعض .. عارفه يا نسووومه هيوديني اسكندرية ويقعدني على البحر وهنتغدى ونرجع تاني
نسمه بتاكل في شفايفها : اه ماشي ماشي .. يلا الحقي روحي قبل ما يقفلو باب المدرسه .. سلام يلا
فيروز : ايه سلام دي .. اسمها سي يووو .. يلا سي يوو
نسمه فـ سرها : لا منا هشوفك ان شاء الله =))
( و فـ البريك )
نسمه : بقولك ايه يا مريم مشفتيش فيروز ؟؟
مريم : لا والله مش شفتها خالص من الصبح
نسمه : انا قلقانه عليها جدا بس احنا متخانقين
مريم : ايه دا معقوله متخانقين ..
نسمه : اه متخانقين بس انا قلقانه عليها اوي من ايام الامتحانات مش عارفه عنها حاجه
مريم : طب تحبي اكلمهالك ع الموبايل ؟؟؟
نسمه : لا هيا كسرت خطها وبتستخدم موبايل مامتها
مريم : طب معاكي رقم مامتها طيب؟
نسمه : اه اتفضلي اهووو
مريم : ألووو السلام عليكم
أم فيروز : وعليكم السلام .. مين معايا
مريم : انا مريم يا فيروز
ام فيروز : ازيك ياحبيبتي .. انا مامة فيروز مش فيروز
مريم : اهاااا .. انا تمام ياطنط .. ازي حضرتك
ام فيروز : الحمدلله ياحبيبتي .. هوا في حاجه ؟
مريم : لالا يا طنط .. انا كنت متصله اسأل عن فيروز .. أصل من يوم الأحد وهيا مش بتيجي المدرسه فقلقت عليها
ام فيروز : ازاي يعني مش بتيجي المدرسه من يوم الاحد ؟؟
مريم حست انها عملت مشكله لفيروز : ممممممم خلاص يبقى هيا اكيد بتقعد في حته تانيه .. اصل انا وهيا مش في فصل واحد فمش عارفه اذا كانت بتحضر ولا لا .. فكنت بتصل على الرقم دا بحسبه رقمها
ام فيروز بـ شك : ماشي ياحبيبتي دوري عليها واما تلاقيها خليها تكلمني
مريم : ماشي يا طنط .. باي باي
مريم : ايه دا يا نسمه باينلنا عملنا لفيروز مصيبه .. هيا لسه بتهرب من المدرسه وبتقابل ولاد وتخرج وكدا
نسمه : اه لسه بتخرج .. يانهار اسود احنا كدا عملنا مشكله
ايه دا ايه دا .. دي مامة فيروز بتتصل عليا
مريم : طب مترديش مترديش
نسمه : مش هينفع مردش .. كدا هتتأكد ان في حاجه
مريم : طب ردي كدا وحاولي تتوهيها
نسمه بتبعد عن مريم : الو ازيك يا طنط
ام فيروز : ازيك ياحبيبتي .. انتي ف المدرسه ؟؟
نسمه : اه ياطنط ف المدرسه .. انا بكتب الهوم وورك بتاعنا كله في ورقه عشان ابقى اديها لـ فيروز اما تيجي المدرسه
ام فيروز : يعني هيا مش معاكي في المدرسه
نسمه : لا انا مشفتهاش من ساعت امتحانات نص السنه
ام فيروز : من ساعت الامتحانات ؟؟؟ يعني هيا مكنتش بتجيلك البيت كل يوم عشان تذاكرو الكورس ؟؟
نسمه : لا ياطنط مجتش خالص .. هوا في حاجه ولا ايه
ام فيروز بعصبيه : لا ياحبيبتي انا جايه ع المدرسه اهو .. انتو ف البريك مش كدا
نسمه : اه ياطنط احنا لسه ف البريك
ام فيروز : طب متطلعيش الفصل انا ربع ساعه واكون ف المدرسه
نسمه : حاضر ياطنط مستنيه حضرتك
( نسمه قفلت مع مامة فيروز وحاسه انها انتقمت منها .. وخصوصا ان فيروز وصلت للحاله اللي هيا فيها بسبب قسوة أهلها فـ حبت تشوف الحنيه برا البيت )
مريم : انتي بعدتي ليه كنت عاوزه اعرف بتقول ايه
نسمه : انتي هبله اصلا .. عشان تقول اننا واقفين مع بعض مش كدا .. وانتي صوتك بسم الله ماشاء الله يعني ..
مريم : طب قالتلك ايه
نسمه : كانت بتسأل فيروز ف المدرسه ولا لا .. وانا قلتلها انها ف الحمام .. وقالت انها جايه المدرسه
مريم : يالهووووي يالهوووي يانهار اسود .. احنا عملنالها مشكله كبيره
نسمه : لا احنا معملناش .. لما مامة فيروز تيجي انا هوصيها تقول اننا متكلمناش معاها
مريم : اه والنبي انا مش ناقصه مشاكل معاها دي بت أذى اصلا
نسمه فـ سرها : انتي هتقوليلي على اذاها
نسمه : يلا بقى روحي انتي الفصل وانا هستننى مامة فيروز عشان اوصيها متجبش سيرتنا
--
فـ بيت نوران :
طنط نجاه : اما يابت يا نوران اتعرفت على واحده ذوق اوي واخلاق ف النادي
نوران : طب كويس ياعمتو اهو تقعدي معاها بدال ماتقعدي لوحدك كدا
طنط نجاه : وابنها بسم الله ماشاء الله .. حلاوه وطول وعز انما ايه متخيرش عنك
نوران : ههههههههههههههههههه هاتي المختصر المفيد يا عمتي
طنط نجاه : ابنها بقى بيدور على عروسه ..
نوران : مبحبش جواز الصالونات دا ياعمتي
طنط نجاه : طب بس تعالي معايا بكرا النادي وانتي تشوفيه .. بجد واد ذوق اوي اوي اوي
نوران : انتي كمان قعدتي مع الواد
طنط نجاه : مش بيفارق مامته الا اما يطمن انها قاعده مع حد عشان ميسبهاش لوحدها .. وتشوفيه كدا تحسيه روش بس هوا هادي وعاقل وبتاع ربنا وكذا مره يسيبنا ويروح يصلي ف المسجد جماعه
نوران : طيب حلو اوي يا عمتو .. بس انا لو رحت معاكي هتبقى مفهومه انك بتعرضيني على ابنها
طنط نجاه : لا انا مش هرضى بكدا عليكي .. هيا دايما بتمشي قبل ما بمشي بنص ساعه .. بكرا بقى انا همشي قبلها وهتيجي انتي تاخديني كأنك انتي اللي بتوصليني كل مره ..
نوران فـ سرها : يلا اهي جوازه والسلام .. ماكل اللي حواليا اتخطبو ..
نوران: ماشي ياعمتو هبقى اجيلك بكرا ..
طنط نجاه : تعالي الساعه 3 وربع العصر بالظبط .. عشان هيا بتيجي الساعه 3 وبتقعد معايا هيا وابنها لحد 3 ونص وبعدها ابنها بيمشي وهيا بتفضل قاعده معايا
نوران : يا تخطيطك يا عمتو ... ماشي 3 وربع بالظبط هتلاقيني ف النادي عندك
--
فـ بيت لينا :
الحاج عمرو : لينا ؟؟؟؟
لينا من اوضتها : ايوا يا بابا جايه اهه
لينا : خير يا عسل
الحاج عمرو : ههههههه خير ياحبيبتي .. امك مستعجله ع جوازك .. انتي ايه رأيك
لينا سرحت شوية : اللي تشوفوه يا بابا انا معنديش مشاكل
الحاج عمرو : مش ناويه تكملي دراستك ؟؟
لينا بحزن : ما خلاص يا بابا بقى .. احنا هنعيش الكدبه اللي بنقولها للناس
الحاج عمرو بتنهيده : طيب تحبي الخطوبه تتطول اكتر ؟؟؟؟
لينا : عادي يا بابا مش فارقه .. إلياس انسان كويس ومش عايز الخطوبه تطول هوا كمان .. فخلاص مش مشكله
الحاج عمرو : مش شايفه نفسك لسه صغيره
لينا بتريقه : صغيره مين يا حاج صلي ع النبي .. انت عاوز تصغر نفسك وخلاص .. ايه مش شايف الشعر الأبيض ولا اييييييه ..
الحاج عمرو : ههههههههههههههههه يعني انتي معندكيش مشاكل
لينا : لالالالالا
الحاج عمرو : طيب بدام دا رايك ورأي امك وإلياس .. يبقى خلاص نتمم الجوازه .. ايه رأيك كمان شهر ؟؟ نكون جبنا الحاجات اللي ناقصه في جهازك
لينا بتسرع : اوكيه موافقه
( رجعت لينا على اوضتها تاني .. وهيا مغيره فكرتها تماما عن إلياس وناسياله كل حاجه عملها فيها زمان .. بس بتلوم نفسها لأنها مش قادره تنسى نبيل .. حب عمرها كله )
--
اما عبدالله ومنى ..
سافرو على شرم الشيخ يقضو شهر العسل فيه .. وكانت بالنسبالهم هيا دي الجنه ومافيها .. فتحو قلبهم لـ بعض وقالو على مشاعرهم ناحية بعض من اول ماكانو قاعدين في مدرج الجامعه لحد ما اتخطبو واتجوزو
--
فـ بيت طنط فاطمه :
طنط فاطمه : نبيل ياحبيبي تعال اوضتي عاوزاك في كلمتين
نبيل : اتفضلي يا ماما
طنط فاطمه : انت عارف يابني ان اختك منى اتجوزت ونسمه اختك مصممه على خالد ومنى كان عندها حق فـ اننا نصبر عليه لحد مانشوفه اتغير فعلا ولا لا
نبيل : طيب وانا وافقت على كدا .. لزومه ايه بقى نفتح المواضيع دي تاني
طنط فاطمه : انا عاوزه افرح بيك يابني
نبيل وقف وبعصبيه : انا مش بفكر اتجوز خالص
طنط فاطمه : ليه ياحبيبي .. اخواتك اللي اصغر منك كلهم هيتجوزو وانا عاوزه افرح بإبني الوحيد
نبيل بنرفزه : يعني يا ماما عايزه تفرحي وانا يتنكد علللي خلفوني
طنط فاطمه : ليه يابني بتقول كدا .. انا عندي ليك عروسه ادب واخلاق ومعاها ماجستير كمان وبجد حرام تروح من ايدك
نبيل : مفيش واحده احسن من لينا يا ماما
طنط فاطمه : اكيد يا حبيبي مفيش حد احسن من بنت اختي .. بس اهي خلاص هتتجوز الشهر الجاي !!
نبيل بصدمه : خلاص يا ماما متفكرنيش
طنط فاطمه : انت اللي لسه حاططها في دماغك يا نبيل .. وتبقى عيبه كبيره اوي اما تفكر في واحده هتجوز واحد غيرك
نبيل : بس انا مش عاوز غيرها يا ماما
طنط فاطمه : فووووق بقى خلاص لينا مش من نصيبك
نبيل : يبقى محدش من نصيبي .. ومتفتحيش الموضوع دا معايا تاني لو سمحتي
--
ع البحــر ..
نبيل : كنت عارف اني هشوف خلقتك هنا
محمد : ايه يا عم داخل حامي كدا ليه .. روّق كدا
نبيل : امي عايزه تجوزني .. واخداها تحدي مع خالتي .. بدام لينا اتخطبت يبقى انت تخطب .. بدام لينا هتتجوز الشهر الجاي يبقى انت كمان تتجوز .. حاجه تقرف
محمد مبرق : هيا لينا هتتجوز الشهر الجاي
نبيل : اه هتتنيل
محمد : امك عندها حق يا نبيل .. انت لازم تنسى ومش هتنسى الا لما تخطب واحده تانيه
نبيل : هوا انا كنت ناقصك يا أخي .. اديني سايبلك المكان
محمد قام يجري يمسك نبيل : فوق بقى يا نبيل .. متبقاش عامل زي النسوان يا اخي
نبيل : انا مبعملش زي النسوان انا بدافع عني حبي .. اووووووعى
محمد بنرفزه وبيفضفض عن نفسه : ياخي ملعون ابو الحب اللي يعمل فينا كدا .. اللي يبهدلنا بالشكل دا .. اللي يخلينا نتذلل للناس عشان ترضى بينا .. ويخلينا زي الحريم منامش الا ودمعنا نازل .. احنا لازم نفوق يا نبيل .. لازم نعدي المرحله دي .. لااااااازم .. اييييه هتخسرني عشان بقولك اتجوز وحب وعيش وانسى ؟؟؟؟؟؟؟؟؟؟ انا عاوز اللي يقنعني واقنعه حرام عليك يا أخي انت بتخليني انا كمان اتعلق في ذيل نوران زي العيال.. قوّيني عشان اقوّيك
نبيل وهوا حابس دمعته وبيبلع ريقه : يعني انت عاوزنا نعمل ايه .. نروح شرم الشيخ ونشرب خمره ونخرج مع نسوان بالعبيط ؟؟؟ انت عاوز كدا ؟؟ عاوزنا نعيش ؟؟؟ الهم اللي فينا دا عشان بنعصي ربنا ... عاوز الفرج من ربنا ازاي وانت مش هتتقبل منك صلاه 40 يوم ؟؟؟؟ عاوز ربنا يستجيب لدعائك ازاي وانت سادد الطريق اللي بينك وبينه بالذنوب .. اعيش ازاااااااااي وانا كل حاجه في حياتي غلط .. الحاجه اللي كانت بتخليني امشي مستقيم رااااااحت راااااااااااااااحت .. راحت ومش راجعه
محمد : انا مرحتش شرم الشيخ .. ولا شربت خمره ولا خرجت مع نسوان .. وطريقي لربنا مش مسدود
نبيل بحسره : يبقى تخرس خالص مش من حقك تقولي ايه الصح واعمله .. انا كل حاجه في حياتي غلط وزفت وقرف
محمد بصدمه : نبيل صاحبي يعمل كدا ؟؟
نبيل : وألعن من كدا سيبوني بقى في حالي خلوني امشي اخبط في الناس يمكن افوق في الاخر
( نبيل مشي بخطوات سريعه لـ عربيته وركب ومشي وفضل ماشي على الطريق بسرعه خطيره وهوا منهار وبيعيط لأول مره في حياته )
--
فـ بيت لينا :
طنط فاطمه منهار : ايـ يـ يـوا يا لينـا بـ بـ بـ بابا فـ فـ فين ؟؟
لينا : موجود يا خالتو .. في ايه ماله صوتك .
طنط فاطمه بزعيق جامد : انا مش عاوزه اسمع صوتك ناديلي ابوكي
لينا بتجز على سنانها : يا بابا .. يا بابا
الحاج عمرو بفزعه من صوت لينا : ايه في ايه ..؟؟؟؟؟؟؟؟؟
لينا : خالتو بتتصل ومنهاره وعاوزاك مش فاهمه منها حاجه
الحاج عمرو : الو ايوا يا فاطمه في ايه ؟؟
طنط فاطمه : نـ نـ نـ نبيل عمل حاددددثه و مـ مـ مـعنديش حد يوديني المستشفـى
----
--------------
--تابعونا في الحلقه الجايه^^
الإثنين أغسطس 19, 2013 11:16 pm
