(24)
قصة " ماليش غيركـ " ..
--------------------------------
فيروز : خالد كان بيقلع الدبله عشان محدش من البنات يعرف انه خاطب وبصراحه انا اتصدمت لما قالتلي كدا ومتأكدتش الا لما ورتني صوره وهما في اسوان وجبتها معايا بصي كدا ..
نسمه : الحيوان الحقير الـزبالة .. فين الموبايل
فيروز : ايه دا لالالالالا انتي هتعملي ايه ؟؟؟
نسمه : هكلم الحقير دا ألعنه
فيروز فـ سرها : انا بقالي 4 سنين بكلم ولاد ومحدش فكر يخطبني تيجي واحده زي دي من اول ولد تكلمه يروح خاطبها .. والله لأجيبها عاليها واطيها .. ليه يعني هيا احسن مني في ايه ؟؟؟
فيروز : طيب متقوليش اني قلتلك اي حاجه .. كأن انتي تعرفي البنت دي وهيا اللي قالتلك
نسمه : الو
خالد : يا رووووح قلبي لسه كنت بفكر فيكي دلوقتي وبتمنى يكون اتصالك عشان تقوليلي ان اهلك اقتنعو بيا
نسمه : انت تعرف واحده اسمها سها ؟؟؟؟؟
خالد : اه .. دي لسه متخرجه من مدرستكو السنه اللي فاتت .. انتي تعرفيها
نسمه : اه اعرفها .. وشوف الصدف !! شافت صور خطوبتنا وقالتلي انها كانت لسه معاك من كام يوم .. ومش بس كدا .. دا انت كمان كنت قالع الدبله عشان محدش يعرف انك خطبت
خالد : ايه دا ايه الهبل دا !!!! سها مين دي اللي كنت معاها من كام يوم .. انا اصلا كنت في التدريب بتاع المصارعه الرومانيه
نسمه : والله ؟؟؟ يعني مكنتش في اسوان ؟؟؟
خالد : اسوان ايه يا هبله .. انا كنت ف اسكندريه عشان التدريب والبطوله .. في ايه يا نسمه ؟؟؟
نسمه : انت كداب .. انا معايا الصور اللي اتصورتها مع سها في اسوان
خالد : ااااااااه طب استني كدا .. هبعتلك حاجه ع الايميل
نسمه : مش عايزه اشوف اي حاجه ومش عايزه اعرفك تاني .. وانسى انك في يوم عرفت واحده اسمها نسمه ..
خالد : اسمعيني بس يا نسمه
نسمه : وعايزه اقولك حاجه كمان يا خلوده يا حبيبي .. " شتيمه "
( نسمه قفلت السكه في وش خالد وقفلت موبايلها وفضلت تعيط )
فيروز بخباثه : اصلا هوا حيوان وميستحقش دموعك دي
نسمه بانهيار : انا حبيــــــــــــــته يا فيروز حبيــــــــته
فيروز : اللي زيه دا محدش بيعيط عليه .. اساسا انا زعلت لما عرفت انه اتقدملك .. لأنه عاكسني مره وكان عاوز يكلمني معاكي
نسمه بعياط : لأنه خنزير وحيوان
فيروز : بصي يا نسمه .. انا كنت معديه عليكي كدا ف السريع عشان قلت لماما اني رايحالك واخويا وصلني عندك .. و يوسف مستنيني قدام العماره ولو قعدت اكتر من كدا هتأخر عليه وهيسيبني ويمشي وهوا ناوي يتقدملي .. هتكوني كويسه ؟؟
نسمه : فيروز روحي شوفي حالك وانا هبقى كويسه ماشي ..
فيروز : مممممم ماشي .. يلا سي يوووو
---
فـ بيت محمد :
محمد : ماما انا عايزك تتعرفي على واحده اسمها نجاه .. بتروح النادي كل يوم سبت وثلاثاء وخميس
ام محمد : ليه خير هوا انا ناقصه صحاب ؟؟؟
محمد : بصي يا ماما .. دي عمة نوران اللي قلتلك عليها ... وفي مشاكل بيني وبينها ومحتاج حد كبير يشكر فيا .. انا هوديكي كل مره واقعد معاكو شوية واقوم امشي ماشي
ام محمد : طب وصحباتي انا مش هقعد معاهم ..
محمد : يا ماما عندك باقي الاسبوع ابقي روحي اقعدي معاهم .. يعني صحباتك ولا أنا ؟؟
ام محمد : خلاص يا بابا مش كل حاجه تقولي فيها انا ولا فلان .. خلاص حاضر حاضر
محمد : تسلميلي يارب يا امي ... مش لازم اعمل شوية حبشتكنات كدا عشان اصعب عليكي
ام محمد : ودي انا هتعرف عليها ازاي ؟؟؟
محمد : انا هبقى اتصرف واعرفكو على بعض ماشي ؟؟؟؟
--
فـ بيت لينا :
ام لينا : اسكت يا عمرو مش البت منى فرحها هيتعمل الخميس دا
الحاج عمرو : معقوله ؟؟ دا مفاتش على الخطوبه الا شهر
ام لينا : احسن احسن .. دا حتى الخطوبة اما بتطول بتبقى وحشه وفيها مشاكل كتير
الحاج عمرو : انا مش عارف اختك بتفكر ازاي .. بس ما علينا .. ربنا يحفظهم ويبعد عنهم شر العين
ام لينا : فاكر يا عمرو يوم فرحنا .. اما كانت ماما فرحانه لينا ورقصت لأول مره في حياتها والكل كان مستغرب من الست الكبيره اللي كانت بترقص ؟؟
الحاج عمرو بنظره جانبيه : إلا فاكر .. حماتي حبيبتي .. بس خشي ف الموضوع ... انتي عاوزه ايه دلوقتي؟؟
ام لينا : ههههههههههههههههههه انا عايزه افرح ببنتي انا كمان
الحاج عمرو : وانتي مستعجله ليه .. ماتخليها تتعرف على إلياس شوية عشان لو مرتاحتش يبقى كل واحد ويروح لنصيبه
ام لينا : انا بقى واثقه في إلياس .. وعارفه ان لينا هترتاح معاه اوي
الحاج عمرو : وايه اللي مخليكي واثقه كدا ؟؟ اكمنه اخو نوران يعني؟
ام لينا : لا مش عشان اخو نوران .. انت عارف يا عمرو ان إلياس مش عاوز يخرج مع لينا او حتى يتصل على موبايلها .. دايما بيتصل على موبايلي يسلم عليا وبعدها يسلم على لينا
الحاج عمرو : مقولتليش يعني انه بيتصل عليكي .. كمان انا ادتله رقم لينا ليه اللف والدوران يعني ؟
ام لينا : جايالك في الكلام اهه ... الواد عايز يحافظ على لينا .. شفت يا عمرو رغم انه متعلم ومتربي برآآ لكن شوف اخلاقه ازاي .. مش عاوز يخرج مع لينا عشان الشيطان ميلعبش في دماغه .. عاوز يحافظ على بنتك .. ليا حق اثق فيه بقى ولا لأ ؟؟
الحاج عمرو : والله انا كنت فاكره مقطع السمكه يعني ومش بدقق مع لينا في اي اتصال يجيلها .. ويطلع متحفظ كدا ..
ام لينا : عشان كدا بقى انا عاوزه اعجل الجواز .. لحسن الواد يمّل
الحاج عمرو : ومستقبل البنت يعني ؟
ام لينا : متضحكش على نفسك يا حاج .. انت عارف ان المشكله اللي اتعملت على لينا في الجامعه اتكتبت في الملف بتاعها ومفيش جامعه هتقبلها .. يعني بنتك مش هيبقالها الا بيتها وجوزها ..
الحاج عمرو : هدخلها جامعه مفتوحه .. انا مستحيل اسيب بنتي معاها ثانوية عامه .. هيا مش اقل من بنات خالتها .. حتى لو هضطر اني اسفرها او ابنيلها جامعه ادرسها فيها .. بس بنتك هتكمل دراستها يعني هتكمل دراستها
ام لينا : طب فكر يا حاج كدا في اقتراحي وانت هتلاقيه مناسب .. ووقتها بقى إلياس ممكن ياخد لينا وتكمل دراستها في لندن
الحاج عمرو : انا مش عاوز زن .. انا هفكر وهبقى اقولك على قراري
ام لينا : حاضر يا حاج خد راحتك
---
فـ فرح منى :
( الكل كان ساكت وهادي وغرقانين في مشاكلهم . وبيحاولو يدارو على الحزن اللي جواهم بضحكات صفرا بتتوزع على كل اللي يجي يسلم على التاني .. لكن اتنين بس في القاعه كانت الفرحه من قلبهم ( عبدالله منى )
عبدالله بيتكلم من سنانه : انتي حاسه اللي انا حاسه
منى : ههههههههه ربنا يخليك ليا
عبدالله : هههههههههههههههههههههههههه لا مش قصدي احساس فرحتي وقلبي اللي هيطير .. اقصد الوشوش اللي قدامنا دي .. مش فرحانه من قلبها
منى : كل بيت وفيه ظروفه وبلوته .. بس مكنش هينفع حد يفوت فرحنا .. هتبقى عيبه عليهم ..
عبدالله من سنانه : طب واحنا ذنبنا ايه اننا نشوفهم كدا
منى : كلها كام ساعه ومش هنحتاج لحد
عبدالله : ياااااا ساتر بجد .. ياريتهم ماكانو جم .. انا مش شايف حد فرحان .. انا شايف ناس بتبص في الساعه تشوف باقي اد ايه على البوفيه هههههههههههههههههههههه
منى : هههههههههههههههههههههههههه تيجي نقوم طيب
عبدالله : ع البوفيه برضو ؟؟؟
منى : ههههههههههههههههههههه لا .. اقصد نخرج نتمشى برا القاعه
عبدالله : نفسي والله بس هتبقى عيبه يا مونمون
--
( نسمه كانت في فرح اختها .. متضايقه ومخنوقه لأنها مش هتعيش فرحة اليوم اللي كانت مستنيه تعيشه مع خالد .. وكل شوية المواجع تزيد عليها لما حد يسلم عليها ويقولها : " عقبالك يا نسمه .. هوا عريسك فين خليه يشهل بقى عشان الفرحه تبقى اتنين " ... نسمه مقدرتش تستحمل مباركات المعازيم .. فـ راحت قعدت في اخر القاعه فـ طرابيزه مش عليها اضاءه كتير .. )
نسمه فـ سرها : كأن الدنيا بتلف بيا .. في خطوبة منى كنت انا وخالد قاعدين على طرابيزه في اخر القاعه .. والنهارده انا قاعده لوحدي !! .. في خطوبة منى خالد كان ماسك ايدي وبيطبطب عليها كأنه بيطمني .. النهارده محتاجه اي حد يطبطب عليا .. أأأأي حد !!
--
إلياس فـ ودن لينا : عارفه يا حبيبتي .. فرحنا هيبقى احلى من كدا بكتير
لينا بابتسامه خفيفه : ان شاء الله
إلياس : عارفه وشوش الناس الوحشه دي .. مش هتدخل الفرح
لينا بضحكه : هههههههههههههههههه انت واخد بالك منهم ؟ انا بحسب انا بس اللي حساهم زعلانين
إلياس : طب تعالي كدا
( إلياس اخد لينا من ايديها ووقفو في زاوية من القاعه بحيث انهم يشوفو كل المعازيم )
إلياس : شايفه اول طرابيزه .. الراجل دا متخانق مع مراته
لينا : ياسلام وانت اشعرفك ؟؟
إلياس : شايفاه ازاي قاعد على الكرسي ومدي ظهره لمراته .. ومراته لاويه بوزها
لينا : ههههههههههههههههههههههههههه صح والله
إلياس : بصي على الطرابيزه اللي عليها خالتك .. بتضحك بالعافيه كأن جواها هموم الدنيا رغم ان النهارده فرح بنتها .. وبصي على نبيل بيلعب في موبايله ازاي وعمال بياكل في شفايفه
لينا فـ سرها : نبيل مش عوايده انه ميفرحش في المناسبات .. يمكن هوا فعلا زعلان عشان سبته
إلياس بيكمل : طبعا نبيل عامل نفسه ندمان عليكي .. بس هوا في الاساس مش عارف يبص في وشك
لينا بتبص لإلياس بطرف عينها وفـ سرها : كأنه بيقرأ افكاري الغلط وبيصححهالي .. معقوله في حد زي إلياس كدا
إلياس بيكمل : وشايفه الطرابيزه اللي عليها نسمه .. قاعده وسانده راسها على الحيطه زي مايكون ماتلها حد
لينا : اه هتفسح خطوبتها من خالد .. طلع بيخونها
إلياس : هههههههههههههه
لينا : بتضحك على ايه ؟
إلياس : اصل افتكرت .. كما تدين تدان
لينا : قصدك على نبيل واللي عمله فيا يعني .. انه اتعمل في اخته ؟؟
إلياس : اه .. بس انا مش عاوزك تفتكري اليوم دا .. كأنه محصلش
لينا فـ سرها : على كدا حياتي كلها محصلتش !!
لينا : ماشي .. ومين كمان شايل هم ؟؟
إلياس : شايفه الطرابيزه اللي قاعده عليها واحده تخينه وكل شوية تبص ف الموبايل
لينا : اه مالها دي كمان عايزه تعمل ريجيم ؟؟
إلياس : ههههههههههههههههههههههه لا دي مستنيه مسج مهم جدا عشان كدا كل شوية بتبص ف الموبايل
لينا : ما ممكن بتبص ف الساعه
إلياس : ياسسسسسلام ماهي لابسه ساعه في ايدها
لينا : اه صح هههههههههههههههههههههههه
( إلياس فضل يخترع احزان وهميه للمعازيم .. وكان أغلبها حاجات تضحك )
لينا : انا هعيط من كتر الضحك كفايه
إلياس : انا بدام شايفك بتضحكي يبقى مش هبطل كلام ..
لينا : لا بجد بطّل .. منى بصت عليا ولقتني بضحك مش عاوزاها تقول اني بتريق عليها
إلياس : طب بذمتك بذذذذذذمتك في واحده تعمل طرحتها اسبانش .. وتطلع ودن والودن التانيه جوا الطرحه
لينا : هههههههههههههههههههههههههههههههههههههههههههههههههههههههههههههههههههه انت خدت بالك من ودانها كمان
إلياس : ولا كرفتة العريس .. في حد يلبس قميص وكرافته لون واحد
لينا : ههههههههههههههههههههههههههههههههههههههههههههههههههههههههههههههههههههههه انت عارف ان في فرحنا ...
( لينا سكتت لأنها قالت " فرحنا " كانها مبسوطه بـ إلياس وموافقه بيه )
إلياس : اه هيحصل ايه في فرحنا ؟؟
لينا : ههههههه عادي .. الناس هتتريق علينا برضو
إلياس : انا اساسا هكون زي القمر .. وانتي زي القمر لوحدك .. ولو حد حب يعلق .. مش هيلاقي حاجه يقولها غير انه يحسدنا
لينا : ان شاء الله .. معلقتش يعني على طرابيزة ماما وبابا
إلياس : حمايا وحماتي ؟؟ وماله أعلق .. شايفه باباكي لازق في ممتك ازاي وبيتوشوشو ويبصو على العرسان ازاي ؟؟
لينا : بيعملو زينا ولا ايه هههههههههههههههههههههههههههههههههههه
إلياس : لأ .. هما كبار عن كدا .. ابوكي وامك بيفتكرو يوم فرحهم واللحظات الحلوه فيه
لينا : فعلا .. بابا وماما من النوع اللي يفتكرو الذكريات مع بعض كل شوية
إلياس : شفتي ؟؟ اساسا اما مكشوف عني الحجاب
لينا فـ سرها : اشك في كدا
لينا : ههههههههههههههههههههههههه ماشي يا عم البركة تعال نقعد بقى بدال ما حنا واقفين كدا ..
إلياس : يلا ياعمري
لينا :
--
فـ نفس الوقت :
علي : ايوا يا برنس
خالد : ايه يا شقيق
علي: معايا بنتين انما ايه .. صواريخ يا لا .. جاي ولا اشوف الواد معتز
خالد : جاي يا معلم .. وحشتني صواريخك ياض يا علي .. ايوا كدا رجعنا لأيام العز ... مسافة السكه واجيلك .. انت في الشقه اياها ؟
علي: ايوا ياعممممنا .. بقولك ايه .. هات ازازتين بيره كدا واي حاجه نلفها .. يلا سلام
خالد : سلام
--
( خلص فرح منى وعبدالله .. وراحو بيتهم عشان يبتدو فرحتهم اللي على حق .. وروحت الناس لبيوتها شايله نفس همومها والابتسامه الصفرا على وشوهم .. )
نسمه فـ سرها : طول عمري بقول امتى منى تتجوز عشان الاوضة تبقالي لوحدي .. ولما اتجوزت عرفت اني كنت غلطانه .. دلوقتي بدال ما اعيط بصوت مكتوم قبل ما انام .. عشان منى متسمعنيش بعيط .. هعيط طول اليوم وبصوت .. انا مش عارفه انا عملت ايه في حياتي عشان اقابل واحد زي خالد .. يا ترى هوا عامل ايه في حياته .. ياترى مكتئب زيي !! انا هقوم افتح الياهو بتاعي اشوف فيروز فاتحه ولا لا ..
( نسمه فتحت ايميلها .. ولقت ايميل من خالد )
نسمه بصوت مسموع : ايميل من خالد !! ياترى باعتلي فيه ايه ؟؟ الايميل دا بتاريخ يوم السبت اما شتمته وقفلت في وشه السكه .. اه دا تقريبا بعد المكالمه بدقايق
.. طب افتحه ولا لأ .. لا انا هسيبه كدا .. لا انا هفتحه هوا قالي في المكالمه انا هبعتلك ايميل ..
ايه دا !! ايه الوقاحه دي .. دا باعتلي صور ليه هوا وسها .. ايه دا ايه دا ايه دااااااااااا
الصور مكتوب عليها تاريخ 12-1-2011 .. يعني الكلام دا السنه اللي فاتت .. فيروززززز الحيـــــواااااااااااااااااااااااانـــــــــه غيرانــــــــــــــــــه منــــــــــــــــــــي عشـان خالد خطبني ومخطبهــــــاش ..
طب انا هعمل ايه دلوقتي !!!!!!!!!!!
انا ظلمت خالد .. اووووووووووووف وشتمته بأمه يالهووووي هيقول عليا ايه بت لسانها زفر !!! كلو من الحيوانه فيروز .. والله لأوريها الحيوانه دي
فكري يانسمه فكرررري فكرررررررري هتعملي ايه مع خالد ... مممممممممم اكلمه طيب ولا اعمل ايه .. طب لو كلمته هقول ايه !!!!!!!!!!!!!
ياااااا ربي مش عارفه اعمل ايه .. انا هبعتله مسج .. ايوا انا هبعتله مسج .. هوا دا
( مسكت نسمه موبايلها بتردد وخوف وأحراج من اللي عملته مع خالد .. فتحت مسج جديد وكتبت : فيروز الحقيره جت قالتلي انك كنت مع سها في اسوان وورتني الصور بس كانت شايله التاريخ منه .. انا لسه فاتحه الايميل بتاعك حالا وعرفت الحقيقه .. كلمني ارجوك .. )
نسمه فـ سرها : ايه بقى !! .. عدت ساعه ومبعتليش رد !! ياريتني ما بعتله مسج .. انتظار الرد دا وحش اوي ..الله يسامحه على الاحساس اللي انا حساه الوقتي ... بس والله حسابك معايا يافيروز الكلبه بكراااااا والله لأبوظ حياتك زي مابوظتيهالي
--------------
--تابعونا في الحلقه الجايه^^
الإثنين أغسطس 19, 2013 11:03 pm
