(23)
قصة " ماليش غيركـ " ..
--------------------------------
فـ بيت طنط فاطمه ..
طنط فاطمه : اومال فين نسمه ؟؟
نبيل : مش عارف انا مشفتهاش من الصبح
طنط فاطمه : ماتقومي يا منى تشوفيها بتعمل ايه ..
منى : اكيد مخموده يعني يا ماما
طنط فاطمه : وهيا هتنام من العشا لحد الظهر تاني يوم .. اطلعي شوفيها
منى : طييييب
نبيل : اكيد زعلانه عشان اللي عرفناه عن خالد
طنط فاطمه : وهتزعل ليه .. يروح هوا يجي عشرة غيره وكمان دول مخطوبين بقالهم اسبوعين ملحقتش تتعلق بيه
نبيل بحزن : صدقيني يا ماما الواحد ممكن يتعلق بـ حد في خمس دقايق
طنط فاطمه : قوم شوف شغلك انت عشان متتأخرش
نبيل : سامحيني يا ماما
طنط فاطمه بحزن : اطلب السماح من ربنا يابني مش مني .. انت عصيته وخيبت ظنه فيك اكثر ما خيبت ظني انا
نبيل بحسرة : مش هتتقبل مني صلاه يا ماما
طنط فاطمه : اللي بيعمل حاجه غلط لازم يتحمل نتايجها
نبيل بابتسامه : انا رايح شغلي .. سلام
--
فـ بيت نوران :
نوران : ولا يا لوسه
إلياس : نععععععم بتكلم ف التلفون
نوران : مين هه مين هه ..؟؟؟
إلياس : بعينك مش قايلك ..
نوران : طيب ماشي ... ايوا يا لينا .. معلش ياحبيبتي هوا بيتكلم ف التلفون ومش فاضي يكلمك
إلياس : ايه ؟؟ لينا ؟؟ هاتي الموبايل دا هاااااااااااااااااااتيه
إلياس : الو والله مش حقيقي .. اانا كنت برخم عليها بس .. الو ؟؟ لينا ؟؟
نوران بضحكه عاليه : ضحكت عليك ضحكت عليك .. محدش ع التلفون اصلا ههههههههههههههههههههههههههه
إلياس : انتي بتجري مني يا نوران ... مااااااااااااااااااااشي ماااااااااشي وربنا لوريكي وهردهالك يا جزمه
نوران : عاااااادي اصلا انا عارفه مقالبك كلها وحافظاها
إلياس : كنتي عاوزه ايه ؟؟؟؟؟؟
نوران : كنت هدخل اوضب اوضتك فقلت اقولك واذلك شوية
إلياس : طب يلا شوفي مصلحتك وامشي
نوران : مش هعرف انظف وانتي قاعدلي ع السرير كدا ,, قوم اقعد في الصاله ولا فالبلكونة
إلياس : سبتهاااالك وماشي ياساااااتر ع الحريم حاجه تخنق
نوران : سمعتك وهتوصل لـ لينا
إلياس : طب ابقي اعمليها ياجزمه
نوران فـ سرها : اخيرا طلعته برا اوضته ... يا ترى مخبي ايه وبيعمل ايه في اوضته اللي مبيطلعش منها !! .. وايه المكتب دا .. دا اصلا مش بيدرس عشان يشتري مكتب .. خليني ابص فيه اشوف مداري ايه ..
ايه دا كشاكيل .. فيها ايه دي !!!
" النهارده يوم 16 ابريل 2002 دخلت في حالة انهيار تام لما كنت راكب عربيتي ودوست قطه في طريقي .. المنظر مكنش بشع لكن دخلت في حالة انتكاس لما افتكرت حادثة بابا وماما و...... "
ايه دا دي مذكرات إلياس !!
معقوله كاتب كل حاجه بتحصل معاه في كل الكشاكيل
إلياس : انتي بتعملي ايه ؟؟
نوران بارتباك : هه آآآآ مممم آآ انا بـ بـ بــ بوضت مكتبك ..
إلياس : المكتب انا موضبه .. ومتقربيش منه تاني مفهوم ؟؟؟
نوران فـ سرها : ليه ؟؟ ليه مش عاوزني اقرب من المكتب .. انت اكيد كاتب اليوم اللي نبيل كان بيخون لينا ومش عاوزني اقرأه
نوران : حاضر حاضر فيها ايه يعني دي شوية كشاكيل .. الظاهر بتاعت الحسابات بتاعتك
إلياس: اه دي حاجات تبع الشغل واي حاجه تضيع انا هضيع معاها
نوران فـ سرها : دا انت هتضيع فعلا لو بتكتب كل حاجه ..
إلياس : يلا انا مش عاوز اوضتي تتوضب .. عمتي قالتلي اقولك الغدا جاهز
نوران بتوتر : آآ آه آه ماشي ياحبيبي يلا ناكل بقى ..
--
فـ بيت طنط فاطمه :
منى : ايه دا ايه دا ايه دا ... نسمه بذات نفسها ماسكه كتاب وبتذاكر
نسمه : والنبي سيبيني في حالي
منى : انتي عارفه ان الكلمه دي بتخلي الناس تلزق اكتر ههههههههههههههه
نسمه : منى بجد مش رايقه
منى : طب منا ممكن اساعدك .. قوليلي بتفكري في ايه ... انا عارفه انك ماسكه الكتاب وسرحانه جواه .. بتفكري في ايه بقى
نسمه : بصي يامنى انا هقولك بس مش عاوزه نرفزه ولا محاضرات
منى : طيب ماشي قولي بقى
نسمه : بصي انا فكرت وقررت اني هفضل مع خالد
منى : قولتيلي كدا امبارح .. وقلتلك ان المشكله في نبيل وامك هيوافقو ازااااااااااي ؟؟؟؟
نسمه : انتي هتقنعيهم
منى : انا مبقنعش حد وهوا فعلا مش مناسب ليكي
نسمه : منى انتي اخدتي الشخص اللي حبتيه وانا كمان من حقي اخد الشخص اللي حبيته ..
منى : بس انا خدت شخص دخل من الباب الأول .. مش دخل من النت وبعدها من التلفون ولما قولتيله مش هنتكلم تاني راح جايب امه ودخل من الباب .. مش دي الاصول
نسمه بعياط : وانا مش هكون لحد غيره ومش مذاكره ومش عاوزه اكلم حد فيكم محدش بيحبني ولا عاوز يشوفني سعيده
منى : متقوليش كدا يا نسمه .. احنا عايزينك تبقي سعيده العمر كله مش يومين وخلاص
نسمه بتقرب من منى وتمسك ايدها : ارجوكي يا منى انا بحبه وعاوزاه .. حتى لو كان بيكلم بنات قبلي .. هاتيلي ولد مش بيكلم بنات .. وكمان هوا حلفلي انه مبقاش على علاقه بأي بنت
( منى اول مره تحس ان اختها ضعيفه كدا .. متعوده على اختها نسمه المغروره اللي متحبش تقبل بأي حاجه أقل منها )
منى : خلاص هتكلم معاهم
نسمه : بجد ؟؟؟ دلوقتي حالا يلا انزلي كلميهم يلا يلا
--
( منى كانت نازله على السلم .. وطنط فاطمه ونبيل كانو بيبصو عليها وهيا نازله )
طنط فاطمه : شفتي اختك
منى : آه شفتها
نبيل :بتعمل ايه يعني
منى : كانت ماسكه كتاب وسرحانه
نبيل : عادي عادي انا مش عارف البت دي طالعه بليده لمين
منى بتاخد نفس عميق : ماما .. نبيل .. نسمه عاوزه تتجوز خالد وموافقه عليه كدا ..
نبيل : اختك عيلة وبتهزر
منى : هيا مقتنعه ان الشباب كلهم كدا وممكن يتغيرو
طنط فاطمه : مش كلهم بيتغيرو !!
نبيل : وهيا اساسا متمسكه بيه ليه .. هيا تعرفه اساسا .. دا يادوب اسبوعين يعني
نبيل فـ سره : انا مالي بتكلم زي الأبهات كدا ليه .. انا مقتنع ان الحب بيجي في ثانيه وبقول عكس اللي مقتنع بيه !!
نبيل : روحي ناديلي اختك
منى : محرجه تنزل ..
نبيل : لا هيا واقفه ع السلم اهيه بتسمع اللي بنقوله ... انزلي يا هبله
نسمه بإحراج : نعم عاوز حاجه
نبيل : ايه اللي انا سمعته دا ؟؟
نسمه بخوف : عادي انا عاوزه اتجوزه ومحدش يقدر يغصبني على حاجه
نبيل : ليه يا روح ماما فاكره نفسك في امريكا ولا حاجه ؟؟
نسمه بعياط : سيبوني في حالي بقى انتو مش فاهمين حاجه .. وانت يانبيل كنت متوقعه انك اكتر واحد تفهمني
نبيل فـ سره : زي منا قلت .. حبتــــه !
نبيل : مش هتتجوزيــــــــــــه
( نسمه طلعت على اوضتها بتعيط .)
منى : طب بص يانبيل .. مينفعش نفسخ خطوبتها بعد اسبوعين .. كدا كدا نسمه قدامها مش اقل من 3 سنين ... ولو هوا وحش هيبان وساعتها هيا اللي هتقولك انا عاوزه افسخ خطوبتي .. لو فعلا اتغير يبقى حرام نتدخل مابينهم
نبيل بصوت واطي : انا غلطت في الاول اني مسألتش عليه .. وابوكي قبل مايموت وصاني عليكو وانا مش هخالف وصيته عشان ست الهانم بتحب !!
--
فـ بيت لينا :
لينا وهيا بتبص لـ دبلتها : بقالي سنين بحلم بـ دبلة نبيل وفي الآخر ألبس دبلة حد تاني !! حد كنت فاكراه بيخرب حياتي وطلع في الاخر بيفوقني !! هوا انا ليه لسه بحلم باليوم دا .. ليه بفكر فيه .. ليه منساش وافرح زي كل البنات اما بتفرح !!
( إلياس بيتصل )
لينا فـ سرها : واهو بيتصل !! انا حاسه اني اخدت القرار الغلط .. انا كنت عارفه ان القرار دا هيدمر نبيل وهيزعله وهيخليه يندم عليا .. بس انا ذنبي ايه اتعلم الدرس معاه ..
( لينا بتكنسل على إلياس .. وبتتصل على " مس عزة " اللي كانت بتدرسها الرياضه في ثانوي .. )
لينا : السلام عليكم
مس عزه : لينااااا .. عاش من شافك ياحبيبتي .. ايه رحتي الجامعه كدا ونسيتيني
لينا : انا مقدرش انسى حضرتك .. انتي كنتي امي التانيه فـ المدرسه
مس عزه : وما زلت ياحبيبتي زي ماما .. ماله صوتك ؟
لينا : مخنوقه اوي يا مس .. ومش عارفه اروح لمين .. حتى اللي كنت برتاح وانا بكلمهم وافضفضلهم مبقاش من حقي اكلمهم .. ومبقاش ينفع افضفضلهم !
مس عزه : طب قوليلي مالك يمكن اقدر اساعدك !
لينا : فاكره نبيل يا مس ؟
مس عزه : هههههههههههه الولد اللي كان بيستنى قدام المدرسه كل يوم والبنات بيعاكسوه ؟
لينا : اها هوا
مس عزه : ماله بقى ؟؟
لينا : لقيته في فندق مع بنت
مس عزه بتفاجئ : هـــــــــائ .. اخص عليه كان باين عليه محترم
لينا : وانا اتخطبت لواحد كان بيتشاكل مع نبيل وعمل بينا مشاكل كتير
مس عزه : بتحبيه الولد دا ؟
لينا : لأ .. انا اتخطبت له عشان ....
مس عزه بتقاطعها : اظن عشان تعاقبي نبيل ؟
لينا : اه .. وطلعت بعاقب نفسي
مس عزه : ودا اكبر غلط
لينا : هوا حضرتك ممكن تسامحي حد خانك ؟؟
مس عزه : لو بحبه .. وحاسه انه ندمان عللي عمله هسامحه
لينا : ولو هوا اصلا محاولش يعتذر .. زي ما يكون مصدق اكشفه عشان يبعد
مس عزه : يبقى تطلعي نفسك من الوهم اللي انتي فيه .. وصلي استخاره وشوفي هترتاحي مع الولد اللي اتخطبتيله ولا لا
لينا : حاضر .. ميرسي يا مس .. مش عارفه من غيرك كنت هعمل ايه
مس عزه : انا معملتش حاجه يا لينا .. ابقي طمنيني عليكي ياحبيبتي كل شوية
لينا : حاضر يا مس .. لا اله الا الله
مس عزة : محمد رسول الله
--
( إلياس بيتصل )
لينا : الو
إلياس : ايه ياحبيبتي كنت بتصل عليكي بتنكنسلي
لينا : اه معلش .. كنت هعمل مكالمه ضروريه
إلياس : لا ولا يهمك .. انتي اخبارك ايه ؟؟
لينا : الحمدلله
إلياس : انتي عارفه يا لينا اني عشت برا مصر .. ومعرفش في الاصول بتاعت المصريين اوي .. بس انا عارف اوي ديني .. وعارف ان مش من حقي امسك ايدك او حتى اخرج معاكي لوحدنا
لينا بتقاطعه : انا مش فاهمه انت عاوز توصل لإيه
إلياس : انا عايز احافظ عليكي من نفسي
لينا : يعني عاوز ايه برضو
إلياس : انا مش عاوز فترة الخطوبه تطول .. عشان مش عاوز نفسي الأمارة بالسوء توزني فـ اني اتجاوز حدودي .. !!
لينا : والله يستحسن برضو
إلياس : طيب كويس انا قلت استشيرك انتي الاول .. عشان بعد كدا اي قرار اخده هستشيرك فيه .. يعني لو لقتيني مره بتصل بقولك .. آكل كنتاكي ولا ماكدونالدز متستغربيش
لينا : هههههههههههه ماشي ياسيدي متشكره على الكلام الجميل دا
إلياس : انا لو اطول اجيبلك السما هجبهالك
لينا : ماشي ياعمرو دياب .. انا هقوم اصلي عاوز حاجه مني
إلياس : انتي بتصلي يا لينا ؟؟
لينا : اه الحمدلله
إلياس : وانا هحافظ على صلاتي وهصلي كل فرض بفرضه ومش هأخره .. بس عشان خاطري تدعيلي
لينا : حاضر عنيا وانت كمان ابقى ادعيلي .. سلام
إلياس : سلام ياعمري
--
فـ بيت طنط فاطمه :
فيروز : ازيك ياطنط عامله ايه
طنط فاطمه : اهلا ياحبيبتي منوره .. كويس انك جيتي اطلعي لـ نسمه بقى عشان قافله على نفسها ومش عايزه تكلم حد
فيروز : اوكي يا طنط .. يلا سي يووو
طنط فاطمه : سيوهاتك معاكي ياحبيبتي =))
فيروز : ايه يا نسمه ايه اللي انتي عاملاه ف نفسك دا ؟؟؟؟
نسمه : مش عايزين يجوزوني خالد
فيروز : بصي بقى بصراحه .. انا صحبتك وعاوزه مصلحتك
نسمه : هتقوليلي انتي كمان سيبيه يبقى روحي بيتك احسن
فيروز بخباثه : انا صحبتي سها مسكت موبايلي وكانت بتشوف الصور اللي عليه ولقت صورتك انتي وخالد في الخطوبة .. وقالتلي ايه دا معقوله خالد خطب؟؟ فسألتها انتي تعرفي خالد .. قالتلي طبعا دا لسه كان معايا من كام يوم ومشفتش في ايده دبله خالص
نسمه بصدمه : من كام يوم ؟؟؟؟؟؟؟؟؟
فيروز : اه .. وكمان كان بيقلع الدبله عشان محدش من البنات يعرف انه خاطب وبصراحه انا اتصدمت لما قالتلي كدا ومتأكدتش الا لما ورتني صوره وهما في اسوان وجبتها معايا بصي كدا ..
نسمه : الحيوان الحقير الـ...........
--------------
--تابعونا في الحلقه الجايه^^
الإثنين أغسطس 19, 2013 10:59 pm
