مشليخة رمضانية

السلام عليكم
هاذ بوشنيخة الحمد لله تتجي زوينة وهي ساهلة وداغيك تتسايب
3سنين وانا تنديرها بنفس الطريقة نتمنى تعجبكم
اولا المقادير
1/2لتر حليب
1/4 الزبدة لذة
شوية نافع البلدي والرومي انا تيعجبني ماداقهم خاصهم يكونوا مطحونين مزيان ونغربلوهم
طبسيل الزنجلان مطخون مزيان باش متقطعش لينا
شوية الملحة مع الطحين مع شوية الخميرة متكونش كثيرة ممكن تسغناي عليها
1كغ طحين يقدر ينقص او يزيد حسب الفورص المهم يكون مزيان بيضة

الطريقة

نخويوا الحليب في الكسونة باش يفيض ملي يقرب يفيض نزيدوا الزبدة
ملي يفيض الحليب ودوب فبه الزبدة نخليوه حتى يبرد ضروري

وفصلت نخدم في القصرية باش نعلكها مزيان
ملي جمعت بالطحين الي يكفيني علكتها مزيان خاصها تبقا شوية قاصحة قطعتها كويرات صغار وضرور تبقاي تغطي باش متنشفش ليك فحال الشباكية
اوا حطيت حدايا طحين باش نخدم بيه
اوا نتومة عارفين تبداي بالبلاصة غليضة ومن بعد دوزي الرقيقة المهم انا ماتكونش رقيقة بزاف يعني انا تنخدمها بين الرقة 0 و 2 كل واحد كيفاش عندوا المكينة
ومن بعد هاذ المرحلة ندوزا باش تقطع لينا
ونبداو نقصم حسب القدر الي بغينا واش صغيرة او كبيرة وشحال من خيط
انا تندير بين 22و24 وملي تنعيا تنولي ندير عيني ميزاني
اوا نقطعوهم بالسكين
او احنا تنحطوا في البلاطوا مانساوش نغطيوها بميكة باش متنشفش لينا لان ملي نبداو نقليوا غادين يتحلوا
اوا ملي نكملوا كلشي ندوزا القليان
اوا هاذ المرحلة معروفة سخنت الزيت مزيان والعسل وجدت نهار السبت في الليل باش يتعقد مزيان
انا هنا ضروري من يساعد او غير بوحدك الا قدرتي شديت سفوت ديال الشوا ملي تنحط شي وحدا تندورها من وست بالسفوت باش تحل ماتجيجش مجموعة وتجي مشبكة
اوا هاكة تنقلي ونحط في العسل
وخاصها تشرب مزيان ومن بعد الكسكاس باش تسقطر ونخليكم مع المراحل الاخيرة
ملي ساليت خديت شوية اللوز وقليتوا وطحنتوا ماشي بزاف هو الي تنزوقوا بيها حيث الجلجلان تنخليه انا الشباكية
وفي الاخير درتها في البواطة كل صف تنرشوا باللوز
سمحوا ليا الاطولت عليكم ويني ملي درتها قلت نشارك اخواتي في الله نتمنى نكون عرفت نشرح مزيان
غير قبلوا عليا وانا عند اي استفسار مرحبا بيكم ودعاو معايا بالذرية هادشي لبغيت او عواشركم مبروكة