السلام عليكم
من غير كلام كتير
النهاردة كنت بشوف الأخبار
ولقيت أخبار عن ماتش الأهلى والزمالك اللى فات ومعرفش مين اتوقف ماتش ومين اتوقف 3 ماتشات
المهم يعنى ماما كانت فى الأوضة وأول ماشافت كلمة الأهلى والزمالك
مسكتنى من زمارة رقبتى لحد مالسانى طلع لبرا
وده بقى لأنها بتعانى كل مايكون فى ماتش مهم للأهلى
وخاااااااصة لو مع الزمالك
ليه بقى؟
أقوللكوا ليه
الماتش اللى فات
قعدت بقى أستنى الماتش
طبعا الماتش كان الساعة 5
أنا قعدت أستناه من قبلها بربع ساعة
يمكن يغيروا رأيهم ويقدموه شوية
هههههههههههه
وقاعدة بقى عالكنبة مبحلقة للتليفزيون
وكل شوية أبص للساعة
أستنى شوية وأبص تانى
لحد ماحسيت ان يا اما ساعتنا مشلولة
يا اما العقارب عندها كساح
المهم عدوا الخمس دقايق على خير
وابتدى الماتش
وأنا بقى قاعدة بتفرج
وكلى ثقة ان الأهلى هايكسب كالعادة يعنى
هههههههههههههه
والحماس بقى عمال يسخننى لحد ماشميت ريحة شياط
ومرة واحدة ألاقيلكوا الزمالك جاب جون
يالهوىىىىىىىىىى
طبعا بقيت مزبلهة
أااااااااااااخر ازبهلال
وقعدت بقى أقول
حراااااااااااااااااااام
وماتفهموش كنت بقول حرام على ايه أصلا
بس يمكن كل ده من تأثير الصدمة
المهم فضلت قاعدة زعلانة كده
وحاطة ايدى على خدى زى اللى ابنها مات
وفجأة الأهلى جاب جووووون
لولولولولولولولولىلىلىىىى
وهيييييييييييييييييه
جوووووووووون
جووووووووووووووون
هيييييييييه هيييييييييييييه
وطبعا كل الكلام ده ومعليه صوت التليفزيون على اخره
وعمالة أتنطط عالكنبة
وفى الوقت ده ماما كانت فى الأوضة جمبى
طبعا قامت اتنطرت
وجات تقوللى فى اييييييييييه
يا بنت المجنونة
يارب تتغلبوا عشان ترحمينا بقى
قلتلها
أه
كده تضربينى بخنجر فى قلبى
قالتلى جاتك ضربة فقلبك
هههههههههههههههه
فقلتلها طب استنى كده وهتشوفى
هنقطعهم دلوقتى
قعدت بقى تتفرج معايا مع ان ملهاش فى الكورة
واحنا بنتفرج بتقوللى ايه
هو عصام الحضرى راح فين
ههههههههههههههههههه
قمت عملالها كده
وقلتلها استنى يا ماما هقوللك بعد الماتش
وأنا بقى قاعدة بتفرج بكل أعضائى مش بعيونى بس
هههههههههه
تلاقى الايد بتتفرج وبتخبط فى الكنبة
والرجل بتتفرج وبتخبط فى الأرض
والشعر بيتفرج
وبيتنعكش لفوق ضد اتجاه الجاذبية
والطحال والمرارة برضو بيتفرجوا عشان يتفقعوا
وكل شوية أصرخ وأصوت
واقولله شوووووووووووط
ماتشوط يابن ال ................
وماما تشتمنى
ياعم العب بقى انت خايف تجرىىىى
وماما تشتمنى
هههههههههههههههه
وأخر مالست زهقت قامت سابتلى الشقة كلها
ولبست عبايتها وطرحتها
وجريت على برا
ههههههههههههههههههه
طبعا أنا ماصدقت وقلتلها بقى عشان خاطرى خليكى برا انتى وولادك عشان الواحد يعرف يتفرج براحته
وماتجوش الا لما الماتش يخلص
والحمد لله قعدت بقى أتفرج براحتى
مع انى اتعكننت من التخلف اللى حصل فى الماتش
وكل مرة أقول انا أستاهل
ومش هتفرج على ماتش تانىىىىىىى
وبرضو بتفرج
وأول لما ماما جات من برا بتقوللى هاه عملتوا ايه
قلتلها اتعادلنا
قامت مطلعالى لسانها وقالتلى أحسن
وسابتنى ومشيت
وانا فضلت زحلانة على اللى حصل فى الماتش
اوعوا يازملكاويه تزعلوا
احنا فى النهاية اتعادلنا
وكلنا فى النهاية أبناء ستاد واحد
هههههههههههههههههههه
كانت معكم فرخه فروخه
وطنطكوا منمن من امام احدى شاشات التليفزيون
لولولولولولولولوللولولى
هههههههههههههه
ومع السلامه
الإثنين سبتمبر 17, 2012 12:43 pm
