موضوع: حكايـــــــــة الكتكوت أبو رقبة ملووحة الإثنين سبتمبر 17, 2012 12:24 pm
السلام عليكم ورحمه الله وبركاته
ازيكم يا اعضاء منتدى افاق المستقبل طبعا الدراسه بكره اصل مدرستى مش زى الناس الطبيبعيه على راى وحده هنا فى المنتدى ههههههه عشان كده انا عماله اليومين دول اكتر فى مواضيعى خصوصا قسم اضحك معنا اصلى بحب القسم ده جدا ما علينا من غير رغى كتير انا عملت الموضوع ده فى قسم اضحك معنا عشان هيا تضحك ثانيا هيا متعتبرش انها قصه لانه هبل ههههههههههههههه ما علينا ندخل فى الكلام المفيد
انا افتكرت دلوقتى حكاية قديمة ضحكتنى فقلت أضحككوا معايا * * * زى مابيحصل لبعض الكتاكيت اللى الناس بتربيها فى البيوت
انحشر كتكوت من كتاكيتنا فى باب التقفيصة فأصابته بعض التطورات التشريحية الغير مرغوب فيها
وحملت المصاب والمأسوف على عمره من التقفيصة الى أوضة النوم وعلى السرير كلفتته فى بطانية قديمة وجمبه دفاية كهربائية وصبت على الجرح نص ازازة ميكروكروم وربع كيلو بودرة بيضا معرفش ايه دى
بودرة العفريت باين هههههههههههههههههههههههههه
والشئ الوحيد اللى منعها انها تديله ترامايسين انه ماكانش موجود عندها
بصلها الكتكوت كده باستغراب وهى بتعملله الأسعافات الأولية دى وكأنه بيسأل نفسه : أمال انا دايما بسمع ليه ان الواحد مننا لما بيجراله حاجة أصحابه بيدبحوه وتقريبا قال لنفسه : الظاهر انى أخطات فى فهم الطبيعة البشرية ومش محتاج مسدسى تانى بعد النهاردة
وغمض عينيه ونام
لكنه ماخفش طبعا لأن الاسعافات الأولية دى ولا هاتزق الحوصلة ترجعها صدره تانى
ولا هتعدلله رقبته وتخليه باصص قدام
وفضلت بقى كل ساعة تحطله نقطتين من ازازة قطرة غريبة كده أول مرة أشوف ازازة قطرة لونها فوشيا ههههههههههههههههههه
يومين بحالهم وهو معايا فى أوضة النوم
يخرج راسه من البطانية كل شوية كده
ويبصلى بصة خلفية حزينة وصامتة ويغمض عينيه وافتكر انه مات بس بيطلع نايم وبيحلم كمان
ومبقاش يا عينى ياكل ولا يشرب
وده لأنه حسب نظرية جدتى الفلسفية ان لوية رقبته غيرت مسار الميا فبقت الميا تدخل من بؤه وتلف تلف مسالك غريبة وتخرج من منقاره تانى هههههههههههههههههههههههههههههه
فسألتها سؤال حلزونى : ايه الفرق بين دبح الكتكوت الصغير ودبح الديك الشحط الكبير ؟
فقالتلى بكل ثقة : الكتكوت ميقدرش يدافع عن نفسه!!!!!!!!!!
ولكن فى اعتقادها الديك يقدر يدافع عن نفسه بدليل انه بيحتاج جزار أو حد يقدر يمسكه كويس عشان ميعرفش يفلفص
فقلتلها : الأصول بقى لما نيجى ندبح كتكوت نديله نبلة يدافع بيها عن نفسه ههههههههههههههههههههههه
أو بدل كل ده نطلع قانون بمنع دبح الكتاكيت وتبقى تربيتها للمتعة والفرجة عليها وبس ولو اشتهينا لأكلها نلفقلها تهمة تستوجب الأعدام وندبحها وناكلها
الإثنين سبتمبر 17, 2012 12:24 pm
