انتو مش بتشوفوا الناس ديه ولا ايه

السلام عليكم ورحمه الله وبركاته
ازيكم يا رجاله
ازيكم يا بنانيت

عملين ايه

النهاردة وانا مروحة البيت ماشية ومتقوليش انا مروحه من فين ههههههههه عمالة أفكر فى موضوع كده خفيف نفرفش فيه
بدل الملل ده ومش لاقية
واذ فجأة طأت فى دماغى انى اتكلم عن البشر اللى بنشوفهم كل يوم وفى كل شارع
زى مثلا:


1-تلاقى اتنين ستات قاعدين قدام باب بيتهم
واحدة لابسة جلابية نبيتى والتانية جلابية بنى
ورابطين قمطة خالتى نبوية
وتلاقى فى الايام دى واحدة عندها برد
وماسكة كيلو مناديل وشغالة هاتسىىى
هاتسى
هاتسىىىىىىىىىىىىى
لازم 3 مرات ورا بعض
وعمالة تمسح فى مناخيرها لغاية ماتبقى شبه بينوكيو
هههههههههههههههه
والتانية تقوللها
يا عينى يام حنان ياختى مانا قلتلك ريحى نفسك
اشمعنى هو يعنى لابس 3 ترنجات فوق بعض هيخففك
واهو فى الاخر النتيجة واحدة
بلا وكسة
وقاعدين كل واحدة راكبة فوق ودان التانية
ومش بعيد يكونوا بيفرزوا غسيل العروسة الجديدة اللى سكنت قدامهم
وواحدة تقول للتانية
شايفة يختى الغيارات البيضا
مصفرة ازاى
يعععععععععععع
دى ايه العروسة المعفنة دى
والتانية تقوللها
ولا العبايات بتاعتها والوانها
وكله اسود اسود
اخييييييييييييييه
امال فين الشفتشى والهشك بشك
اااااااااااااااه يا زمن
كانت تيجى تشوفنا واحنا عرايس كنا بنعمل ايه
وتقوم عاوجة بؤها وتعمل الحركة اياها دى كأنها بتتعجب يعنى
بس مش عارفة اكتبها ازاى
هههههههههههههههههه
وطبعا مابيسيبوش واحدة رايحة ولا جاية
الا لما يفصصوها
وممكن تشرق وروحها تطلع بسببهم
ودول انا بسميهم
قوقة وزعقوقة
هههههههههههههههههههههههههه



2-تلاقى شوية ولاد فرافير ومعفنين
وداخلين مسابقة فى احسن واحد يسقط بنطلونه من غير مايقع
وكل واحد حاطط وسط البنطلون تحت ركبه
وموقف شعره زى زعافة الحيطان
وحاطط عليه كيلو جل
وماشى بياكل لبانة ويتنفخ ويتفرد اول مايشوف بنت جاية قدامه
زى مايكون لسة خارج من تحت ايد فطاطرى



3-تلاقى بقى بنات أشكال والوان لانهم الاغلبية العظمى فى اى شارع
شوية بنات راجعين من الكلية
*واحدة منهم حاطة كرنباية تحت طرحتها وتقوللك موضة

*والتانية عاملة حواجبها 88 ولزقاهم فى قورتها من فوق وشبه ام لهب
وحاطة فوق عينيها وتحت عينيها ابيض ابيض ابيض
زى ماتكون رايحة تزور مبيض محارة
وباقى وشها روجاجو احمر
لما بتبقى شبه العفاريت
ده غير طن البودرة اللى مغرقة بيها وشها

*والتالتة لابسة أخضر فى فوشيا
وطرحة حمرا وتقوللك أصلى بحب الألوان الفرايحى
وهى شبه عروسة المولد

*وتلاقى واحدة منهم قابلت واحدة صاحبتها فى الشارع
تقوم ماسكاها بقى بوس واحضان وتتكلم كلمة
واموااااااااااااااااااااه
وتفضل تحضن فيها
ودلوقتى بقت فى احضان موضة
يعنى تلاقى كل واحدة مكلبشة فى كتف التانية وعمالة تروح يمين وشمال
زى مايكونوا واقفين على فوق التيتانيك
عارفينه طبعا الحضن دهيا سلام
وفى الاااااااااااااااااخر يطلعوا جيران فى نفس العمارة
بس بيحبوا يلفتوا الانظار



4-تلاقى اتنين موظفين حكومة لسة راجعين من الشغل
وكل واحد لابس نضارة كعب كوباية
والبدلة اياها دى بتاعة أستاذ رمضان مبروك ابو العلمين حمودة
وحاطط الجرنان تحت دراعه
وكرشه قدامه مترين زى مايكون حامل فى الشهر التاسع وعلى وش ولادة
واحتمال يكون ماسك بطيخة يفرح بيها العيال
وفى الايام دى بيبقوا غالبا ماشيين يتكلموا فى السياسة
او بيشتموا على الحكومة والله أعلم


5-تلاقى راجل قاعد قدام باب بيته لييييييييييييل نهار
وكل اللى بيعمله انه يكحححححح
يفضل يكح يكح لغاية ماتحسى انه بيطلع فى الروح
وده مش مرض لا قدر الله
لالالالالالالالالالالالالا
دى طفاسة فى شرب السجاير ويبقى خلاص هيموت
وبرضو ميرميش السيجارة الا لما يحلف أمها ويخليها يطلعلها بؤ وتقولله انها
مش باقى فيها ولا نفس خلاص على كده





7-تلاقى واحد ومراته ماشيين مبوزين ومش طايقين بعض
الراجل ماشى هناااااااك قدام وماسك ابنه فى ايده وراسم 111 بين حواجبه
والست ماشية ورا لوحدها ونفسى تمسك زلطة ترزعها فى دماغه وترتاح
زى ماتكون بتجرى وراه مش ماشية معاه
وهو كل شوية يبص وراه بقرف ويقوللها يللا مدى شوية بلاش لكاعة
أوففففففففففف




8-وعلى النقيض تماما تلاقى اتنين ماشيين مع بعض
واحتمال 2 % يكونوا مخطوبين و98% يكونوا ماشيين كده يعنى ولا مخطوبين ولا حاجة
وتلاقى البت مزوغة من المدرسة ومتعلقة فى دراع الواد زى مايكون هايطير منها وناقص تلبسه كلبشات
وفى الغالب بيكون الواد حاطط دراعه على كتفها
زى الفرخة اللى حاضنة عيالها تحت جناحها
فيه الخير والله
وبرضو فى الغالب بيبقى هو مسقط البنطلون
وهى محزقة الجيبة
اه ماهى لازم تبقى مزة قدام سبع البرمبة




9-تلاقى شوية عيال مفعصين لسة فى ابتدائى وبيلعبوا فى الشارع
واول مايلاقوا واحدة معدية واحد منهم لسانه مترين يروح يعاكسها
ايه يا مززززززززززززة
اموت انا واعيد السنة
طب عبرينا طيب
وناقص ياخدها بالحضن
ماهى زى اخته الكبيرة برضو



10-وأخيرا وليس اخرا
تلاقى راس كده خارجة من الشباك
ولما تدققى تلاقيها راس ست بتنده على ابنها
يا وااااااااااااااااد
انت يا واد يا زعتر
يا وله تعالى ابوك زمانه جاى من الشغل
وانت شبه الكلب الجربان
يخربيت الكورة وسنينها
انت يا وللللللللللللللللللله



=============================

وطبعا فى غير دول كتيييييييييييييييير

اوىىىىىىىىىىىىىىىى

طبعا الموضوع للهزاااااااااااااااااااااااار ومفيش زعل

اصلا هوا فى حد يزعل من الهوار
يلا ياريت تحكولى عن اللى بتشفوهم فى الشارع
هههههههههههههههههه
لو حكيتو ده يبقى استلطاف منكم
ههههههههههههههههههه

ومعلش اذا كنت طولت فى الموضوع وعلى فكره انا اتكلمت فى الموضوع عن الرجاله والبنات متكلمتش عن حد معين عشان محدش يزعل
يلا
فى امان الله