ارتاح بقى ياقلبى

مجروح أوي
ولا حد ناوي يحس جرحك
من سكات

مكتوب عليك
تعيش وألمك جوه قلبك
للممات

يا قلبي فينك يا بطل
يا أبو ألف ليله وليله
دلوقتي لما يجرحوك
تعمل لي هليله؟؟

وترجع تسامحهم!!!

طبعك غريب يا قلبي أنا
مجروح وبتسامح
لما لثواني بعدت أنا
نسيوا لك إمبارح
والرد كان جارح

بس اللي واجعني أوي
قلقان عليك
إنك ولا إتهزيت .. قوي
وجرحك ماليك

ولا حد حسك يا ولد
ولا حد باقيلك
إياك يشوفوا دمعتك
خبي بمنديلك

عملوا إنهم موسى
وإنت اللي فرعون
منتاش بطلهم يا ولد
ولا حتى يوم هتكون

ده إنت اللي مجنون
ومخيباك طيبتك
هي المشاعر بعزقه؟
ما هو كله من خيبتك

طب بص لحبيبتك
وقول لي بمنتهى
كل الصراحه إنها

تستاهل العمر اللي ضاع
في حبها؟
وإنك تداوي جرحها؟
وإنك تخفف حملها؟
وإنك تكون أمان لها؟

وتبات ليالي بدمعتك
لو شفت مره دمعها؟
وتفرح بنظره منها؟

إتكلم إيه كان سكــتك؟

ما خلااااااااص
حبيبتك نسيتك...

إنت اللي دبت في حبها
وماقولتليش
ده إنت في عينيها
متساويش...

وإن كان عليها يا ولد
بيك أو مفيش

الحياه مهتنتهيش!!

عجبي عليك يا قلبي أنا
لساك عاشقها يا بطل
مش راح تعود لو مية سنه
عدت عليها وإيه العمل؟

إنساها وإنسى اللي خانوك
واللي باعوك واللي هانوك

واللي في ليالي فرحتك
زرعوا بإيديهم دمعتك
وجرحوك...

وإرتــــــــــاح بقى...

إرتـــــــــــــــــــاح بقى...

انا اسف اوى لو كلموضوعاتى بتعبر عنالحزن والجراح
بس هوده اللى انا حاسه وانا بحب اعمل الحاجة اللى انا حاسسها

تسلم با عبدووووووووووووووووو على كلماتك الرائعة وكلامك الحساس تقبل مرورى

الحزن حاله
والحاله هى اصل الابداع

كلامك دليل على ان حالتك عاليه اوى

وملكتك فى الكتابه عاليه

موضوعك عجبنى اوى بودى

الى المزيد

متشكر اوى يا مى على مرورك

بودي بجد يسلمووووووووو علي رقع الاحساس العالي
ةيسلمو علي زوئك بدقه الكلمات وتناسق الابيات
ف انتظار المزيد