هـــــــل يحـــق للرجـــل ضـــرب المـــرأة ؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]

هل يحق للرجل ضرب المراة.

للاسف لاتزال هذه الظاهره الهمجيه موجوده بيننا رغم التكتم عنها.هذه الظاهره بدات تظهر

على السطح بسبب وعي المراة ورفضها الى القهر والظلم والاستبداد من قبل الرجل.ادراك المسؤلين

ان مثل هذه التصرفات لايمكن السكوت عنها الى الابد.

[ندعوك للتسجيل في المنتدى أو التعريف بنفسك لمعاينة هذه الصورة]

ـ اسباب الضرب في نظري :

ـ البعض يريد ان يبرهن لنفسه ولزوجته على انه سيد البيت المطلق والزوجه ليست

سوى جاريه تطيع اوامر السيد ولتدرك مدى رجولته.

ـ البعض يرى ان المراة هي ملجا لفش الخلق للتنفيس مشاكلهم وضعفهم في الخارج

ولكي يبرهنوا لاانفسهم انهم اقوياء.

ـ عقده من الصغر.في حالت انه تربى على الضرب والاهانه او لانه راى والده يفعل

نفس الشي مع والدته .او انه كان مضطهدا من قبل الاولاد الاخرين.

ـ عدم النضج العاطفي والإنساني، مما يجعله جاف الطباع

جلفاً، وهذه أمور لا علاقة لها بالتحصيل العلمي العادي

والشهادات العليا.

[ندعوك للتسجيل في المنتدى أو التعريف بنفسك لمعاينة هذه الصورة]

السؤال:

ـ هل يحق للرجل ضرب المراة مهما كانت الاسباب وهل تؤيد ذلك.

حبيت اشوف رايكم بكل صراحه ..

لكم مني كل الحب ولاحترام والتقدير

[ندعوك للتسجيل في المنتدى أو التعريف بنفسك لمعاينة هذه الصورة]

موضوعك بجد هادف جدا يا اوشا
اسمحيلى انا هرد عليكى بس الاول هناقشك فى بعض اسباب الضرب

ـ البعض يريد ان يبرهن لنفسه ولزوجته على انه سيد البيت المطلق والزوجه ليست
سوى جاريه تطيع اوامر السيد ولتدرك مدى رجولته.

انا رايى ان الرجوله بالحنان بالرقه وانه يعرف يحتويها كويس الست عموما اما الراجل يحسسها بالحنان والامان بتبقى فعلا تحت امره لانها بتحس انه بيسعدها بالتالى هى كمان هتسعده

ـ البعض يرى ان المراة هي ملجا لفش الخلق للتنفيس مشاكلهم وضعفهم في الخارج
ولكي يبرهنوا لاانفسهم انهم اقوياء.

انا فى رايى ان فعلا المراه ملجا لتنفيس الغضب ولكن بطريقه غير الضرب طبعا
الراجل ممكن ينفس غضبه عن طريق زوجته لو رمى نفسه فى حضنها وساب نفسه يفضفض ليها همومه ومشاكله وطبعا وقتها بيبقى راحته كبيره جدا

ـ عقده من الصغر.في حالت انه تربى على الضرب والاهانه او لانه راى والده يفعل
نفس الشي مع والدته .او انه كان مضطهدا من قبل الاولاد الاخرين.

دى فى نظرى نقطه مهمه جدا لان لو كل راجل عود نفسه انه ميضربش مراته ماكنتش المشكله دى هتظهر من الاساس لانه هيبقى متربى على ان فكره الضرب دى خطا

ـ عدم النضج العاطفي والإنساني، مما يجعله جاف الطباع
جلفاً، وهذه أمور لا علاقة لها بالتحصيل العلمي العادي
والشهادات العليا.

دى على فكره مرتبطه بالنقطه اللى قبلها لانها بتبقى من طباع الانسان والبنى ادم لما بيتربى على حاجه بيكبر عليها وبتبقى طبع فيه

نيجى بقى لسؤالك المهم جدااااااااااااا
انا فى رايى ان تطبيق ما قاله الله عز وجل هو الفاصل فى الموضوع ده
ربنا قال

بسم الله الرحمن الرحيم
الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيّاً كَبِيراً }النساء34
صدق الله العظيم

ربنا فى الايه دى عرفنا ازاى نعاقب المراه
اولا العظه _ثانياالهجر فى المضجع_ثالثا الضرب
اذا كان ربنا قال اخر شئ تفكر فيه الضرب يبقى احنا نعصيه ليه ؟؟؟؟؟؟؟؟؟؟؟

واخير قول الرسول صلى الله عليه وسلم
رفقا بالقوارير

معلش انا طولت عليكى اوووووووووووووووووووى
بس الموضوع بجد استفزنى وحبيت اكتب فيه واقول رايى

تحياتى ليكى

عندك حق ياميوووويه فى كل اللى قولتيه بس ياميوووويه

ناس كتير بقى مش بتعمل بالايه مش ربنا قال

اولا العظه _ثانياالهجر فى المضجع_ثالثا الضرب

لا هما بقى بالعكس بيضربوا الاول يعنى لو كل واحد

اخد بكلام ربنا واتعملنا بيه اكيد ماهايحصلش ضرب ولا الكلام دا

وعلى فكرة بردوا بترجع لتربيه فى الاول من الاهل يعنى اكيد هو متربى على كدا

ومش طولتى ولا حاجه ياحببتى دا رايك وانا احترمتوا جدا

يسلمووووو ميويه ياعمرى ونووورتى متصفحى

موضوع جميل يااوشا وذات نقاش هام فعلا
انتى ذكرتى فى الاول ان دى ظاهرة همجية بس مش معنى دة اننا نتغاضى عنها
وانا عجبنى راي ميوية جدا فى اللى قالته انتى بتقولى ان البعض بيعتبر المرأة مركز للتنفيس عن المشاكل انا معاكى فى دة وجدا كمان بس مش يبقى بالمنظر دة مش بالضرب يبقى بالمشاورة والكلام الطيب حتى لو اختلفوا دة مش معناه انها عصيته بس دى دماغه عمرك ماهتقدرى تغيريها وفعلا انا مع ميوية بردة ان اللى نشا على طبع عمرة مابيغيره
اما عن سؤالك
بصى يااوشا هو ممكن فى اوقات يحق له بس مش معنى كدة انه يستغل الحق دة
انا من وجهة نظرى ان لازم كل فرد فى المجتمع يعرف حدودة واخرها اية عشان ميتعداش فيها ويعمل مشاكل احنا فى غنا عنها وانا طبعا مش بأيد الضرب حتى لو من حقه المفروض انه يتناقش الاول ودة رايى شخصيا واذا كان بعد النقاش يتطلب ضرب بس فى حقه يبقى من حقه انه يحصل بس برده احب اقول فى الاخر راعوا ربنا فى بعض
وموضوعك جميل يااوشا وفعلا يستحق النقاش ربنا يوفقك وتزيدينا جمال وتالق دايما

بسم الله الرحمن الرحيم
.
السلام عليكم ورحمة الله وبركاته
.
أولاً لك جزيل الشكر اختي العزيزه على طرحك لهذاالموضوع الذي لم ارى في السابق الاهتمام الكبير به ...
.
ثانيا ً بالنسبة لأسئلتك سأجيب عنها من وجهة نظري الشخصية : : :
السؤال

ـ هل يحق للرجل ضرب المراة مهما كانت الاسباب وهل تؤيد ذلك.
ـ اليس من واجب الاهل الوقوف في جانب المراة؟
ـ ماهو واجب المجتمع والدوله امام هذه المشكله؟
ـ هل قيام مؤسسات خاصه تساعد على حماية المراة الحل البديل؟
.
.
الاجابة
- لا أعتقد ان من حق الرجل ضرب المراة لأي سببٍ كان لان هناك طرق عدة للتعامل مع المراة الا وهي اللين واليسر والكلام الحسن ولنقل مثلاً ان الزوج او الاخ او الاب الذي يضرب المراة او الفتاة لانها اخطئت وتعذروا بانهم يضربونها لانها اخطئت فأقول لهم عفواً انتم اخطئتم حين استخدمتم اسلوب الضرب فلنقل مثلاً ان فتاة مراهقة اخطئت وقام والدها او اخاها بضربها ما الذي سيحدث ستقوم بالعناد (( في اغلب الاحيان )) وستخطئ مرة واثنتان وثلاث وقد يتغير الخطاء فقد ترتكب خطاء اكبر لكن لو اننا استخدمنا معها الاسلوب اللين اللطيف فستقتنع وسيكبر اخاها او اباها بعينها (( في اغلب الاحيان )) .
- نعم من الواجب على الاهل الوقوف بجانب المراة المظلومة .
- اعتقد ان واجب المجتمع والدولة انشاء مؤسسات لحماية حقوق المراة بطريقة صحيحة واقصد حمايتها من الاضتهاد .
.
.
مجرد وجهة نظر
.
.
.
لك أرق تحــــــــــــــية بالكون عزيزتي اوشا وتقبلى مرورى
.

موضوعك جميل اوشا

وفعلا الظاهرة دى بقيت منتشرة كتير ومش بس اقتصرت على الضرب وصلت كمان للقتل

سبحان الله انا بستغرب للبيعمل كدة حد بعد ما زوجته توهبله كل حياتها لااقل سبب يقوم يضربها حتى لو كان السبب كبير فى حاجات كتير ممكن تحل المشكلة بالعكس الضرب هيعقد الامور أكتر وخصوصا لو فى أطفال وشافوا ولدهم بيهين أمهم ازاى والله عن تجربة ولحظتها ان الاطفال ال بتشوف ابوهم بيهين ولدتهم بالضرب بيحصلهم مشاكل كتير بيبقوا خايفين من والدهم وبيحصلهم مشاكل كتير وعقد برغم انهم لسه اطفال والمشكله هنا بتكون اكبر

انا بتمنى ان لو فى اى بيت مشكلة يحاول الزوج يحلها بهدوء بعيد عن الاطفال ويحاول يكون عقلانى وانسان فى نفس الوقت مش حيوان وهمجى
يبعد عن الضرب ممكن يحس ف الوقت دة ان الانسانة دى عاشرته وعاشت معاه ع حلوه ومره واتحملت كتير عشانه

والله وقتها استحاله يمد ايده عليها ويحاول يهدى ويبعد الشيطان لانه بيحاول يخرب عليه حياته

معلش اوشا طولت عليكى

تقبلى مرورى

ياهنونه انتى بتقولى يحق له الضرب ماشى يحق له

بس مش فى كل الاوقات وكمان المفروض مانضربش نتعلم من الايه

اولا العظه _ثانياالهجر فى المضجع_ثالثا الضرب

وللاسف ياهنا فى ناس كتير بقى مش بتعمل بالايه

بيضربوا ودا طبعا غلط جداااا

يسلمووووووو هنونه ياحببتى على مرورك الكريم ياقمرايتى

يسلمووووووو مصطفى على مروك الكريم

وياريت فعلا يامصطفى الكل يتعامل كدا بالمعامله دى

المعامله الحسنه مش ضرب والعنف اللى بيتعاملوا بيه

لآن العنف بيولد عنف اكبر منه

وياريت تكون انت بتتعامل كدا بامعامله حسنه ههههههه مش ضرب هههههههههههه

والله ياايمى عندك حق فعلاوالاطفال بيحصلهم عقدة وبيكونوا

خايفين من ابوهم وتحسى ان هما بيكونوا قريبين من الام اكتر

وياريت كل راجل فعلا عندة مشكله يحلها بالهدوء بس تقولى لمين

للناس الهمجيه دى بجد فى ناس كتيرا كدا فظيعه فى موضوع

الضرب دا وربنا يهدى الجميع

يسلموووووو ايمى ياعمرى منووورة متصفحى ومش طولتى ولا حاجه

زائر

انا قريت موضوعك اوشا وقريت الردود ومعنديش اي حاجه اقولها بجد بعد ال الاعضاء قبلي قالوه ماشاء الله استوفوا الموضوع
يسلمووو حبيبتي علي تألقك واختيارك المتميز للموضوع

تقبلي تحياتي ومروري

يسلموووووو ميوووش ياعمرى ومروك اسعدنى ياحببتى

ولا يهمك ياقمرى هما وفروا عليكى الكتابه وتعبك

كفااايه انك نووورتينى فى الموضوع ياقمرايتى