اسال روحك لثومه

[ندعوك للتسجيل في المنتدى أو التعريف بنفسك لمعاينة هذه الصورة]

انا اسمحولى هارجع بيكم للزمن الجميل
وجيبتلكم كلمات اغنيه حلوه اوى لام كلثوم

يارب تعجبكم
بس ركزو فى الكلمات

اسأل روحك اسأل قلبك

قبل ما تسأل إيه غيرني

أنا غيرني عذابي في حبك

بعد ما كان أملي مصبرني

غدرك بيه .. أثر فيه

و أتغيرت شوية شوية

أتغيرت ومش بايديه

وبديت أطوى حنيني اليك

وأكره ضعفي وصبري عليك

واخترت أبعد وعرفت أعند

حتى الهجر قـدرت عليـــــــــه

شوف القسوة بتعمل ايه

*****
كنت زمان بلاقيك بحناني

بحر مّحبية وبر أمان

كنت باحس ان أنت زماني

يومي وبكره وبعده كمان

كنت باشوفت بعيون حبي

وانت بعيد أو انت بقربي

أقرب من بسمتي لشفايفي

أقرب من احسايس لقلبي

بعد الود اللي رعيتهو لك

بعد الحب اللي وهبتو لك

بعد العمر اللي أنا عشتو لك

فيه ايه تاني أقدمهو لك

غدرك بيه أثر بيه

وأتغيرت شويه شويه

اتغيرت ومش بايديه

وبديت أطوي حنيني اليك

وأكره ضعفي وصبري عليك

واخترت أبعد وعرفت أعند

حتى الهجر قـدرت عليــــــــه

شوف القسوة بتعمل ايه

*****
أنا ما نسيتش الحب وعهده

ولا أيـــــامـــه ولا ليــاليــــــه

أما أن كان ع الحب لوحده

من غير ظلمك أهــلا بيـــــــه

دنا حيرني هـواك

أنا عـــلشان أنــساك

با بعد عن كل مكان

رحته ولو مــرة معـاك

وأهرب من أقرب ناس

يعرفوا قـصـتي و يـاك

وباغير أي كــــــــلام

بيجيب سيرة لذكـراك

وصلتني للحال ده بايدك

بعد ما كانت روحي في ايدك

سبتك ومفيش حد ف عمري

يشغل بـعدك قـلـبي وفكــري

غدرك بيه أثر فيه

واتغربت شويه شويه

اتغربت ومش بايدية

*****
أسأل روحك .. أسأل قلبك

قبل ده كله اتغيرت ليه

أنا غيرني غذابي ف حبك

لكن أنت غيـــــرك أيــه

هوه حناني عليك قساك حتى عليه

والا رضاك كمان خلاك تلعب فيه

والا تسامح روحي معاك غرك فيه

أنا يا حبيبي صحيح با أتسامح

الا في عــزة نفسي وحبي

وأما يفيض بي ما باعرف أصالح

وأعرف آجي كتير على قلبي

غدرك بيه أثر فيه

وأتغيرت شويه شويه

اتغيرت ومش بايدية

وبديت أطوي حنيني اليك

وأكره ضعفي وصبري عليه

واخترت أبعد وعرفت أعند

حتى الهجر قدرت عليه

وأنت يا عمري لو بمكاني

كنت ح تعمل غير كده ايه

وأسأل روحــك

الكلمات دى بتاعت عبد الوهاب محمد
والحان محمد الموجى