كلامك الاخير لو فاكر انة غير حاجة
يبقى بتحلم ومش عارف انك مميز بالسذاجة
بقيت عامل كبير واللى يخلفك تقولوة هش
واجة نفسك يللى دلوقتى عايش بألف وش
اللى يولع يولع" دا كلامك برضو ولا انا بهرء"
ناوى تعمل اللى فى دماغك برضو واللى مش عاجبة يفلء
موهبتك فى الاقناع عظيمة مفيهاش اى غلطة
تقدر تقنع اى طوبة حمرة انها زلطة
انا محتار انت اتغيرت ولا انت اصلك كدة
للاسف انا عارف الاجابة ودماغى متأكدة
كان نفسى اكون عايش في وهم انى فعلا جرحتك
كل مرة تثبت انك بتاع مصلحتك
على نفسك خليك كبير ابعد عنى وشوف طريقك
فكك منى ولما تاكل نفسك ابقى نشف ايدك
صدقنى طول ماأنت كدة موش هاتلاقى اللى زيك
ابسط ياعم وعيش حياتك محدش هايضيئك
مصلحتك ماشى ورا مصلحتك
وبرحتك قاعد بتحور بتدارى غلطك وبجحتك
انت بتسأل اية الكلام اللى السعدنى بيقولة دة
واهم نفسك بالبرأة دى جرأة مؤكدة
القضية بينى وبينك موش بينك وبين الناس
اطمن انت في السليم قدامهم ياأستاذ
صدقنى اللى يفرط فيا دايما هو الخسران
انا حيران ازعل عليك ولاموش فارقة يامان
ماأنت عارف ان مصلحتك فوق كل حاجة
والشئ اللى مالو لزمة عندك بتحطو فى التلاجة