[b][color=violet]مين اكل الكوسه................؟[/color][/b]

مين اكل من الكوسه) سؤال كلنا عارفينه وفى اكيد اللى أكل منه وفى اللى مالقاش كوسه ياكلها , الكوسه اللى اكيد انها بقت الطبق الرئيسى على مائده الحياة, واللى بقت الاساس فى كل حاجه , واكيد لو روحت مكان وماكنتش واكل كوسه او حتى اشتريت كيلو منها يمكن تكون المهمه بالنسبه ليك اصعب ويبقى عليك مهام اكتر ومجهود اكبر اما اللى اكل الكوسه يااااااااااااااااااااااااااه ولا مجهود ولا اى حاجه ...............مش كوسه؟
تخيل شويه كوسه يغير مصير اى حد , وشويه كوسه يرقوك فى عملك , وشوية كوسه لو عندك مريض تدخله احسن مستشفى , وشوية كوسه تخلص اى مصلحه , وشوية كوسه تبقى حاجه وممكن تكون انت شخصيا ولا حاجه .
الكوسه اللى بقت بتقلب الموازين وياحرام لو بجد ماعندكش كوسه او وماعندكش حد يجيبلك قطمه من الكوسه دى لو انت ايه ممكن ماتبقاش حاجه وممكن تبقى لو الصدفه غلبت الكوسه , تفتكر كام مرة جت معاك كده من غير كوسه ؟
ويبقى فى ناس تستحق اكتر واكتر وماتاخدش اللى تستحقه,
فى الاخر مانقدرش نقول غير انها ارزاق واننا ندعى ربنا يوسع رزقنا وينصرنا
بس لحد امتى الكوسه هتبقى هى طبق الموسم
وامتى الكوسه ترخص علشان الكل ياكل منها؟

هههههههههههههههههههههه :::: انا بحب الكوسه بس فى المحشى ::: ومش بحبها فى غير كده ::: بس خلينا واقعينن لو كل واحد كان فى موقف الكوسه صدقونى مش هيتردد لحظه انه يقبلها مادام الكل متعاطف معاها ولو جات له مش هيكرها وهيحيها ::: حتى انتى يا دودو ::: لو اتعرض عليكى تكونى وزيرة فى مقابل شويه كوسه هتحبيها اوى وقتها :::: دى حالة الدنيا ::: فيها طبقات متعلقه بالدرجات وبزود ليها الاكل كمان ::: وفيه طبقات متعلقه بالمحسوبيات ومتعلقه بكوسه البتنجان ::: طبعا محدش يعرفها ::: بس انا عارفها ::: الكوسه اللى بتيجى بالهبل :: هههههههههههههههه :: موضوع جميل جدا دودو ::: تقبلى تحياتى

اشكرك ادمن على مرورك بموضوعى وابداء الراى فيه , وانا اكيد وجميعنا نحب الكوسه اكيد بس لما مابنعرفش ناكلها ونكون مستحقين شئ بتبقى الكوسه شئ قبيح بالنسبه لنا , تقبل كامل احترمى وتقديرى لك