(22)
قصة " ماليش غيركـ " ..
--------------------------------
فـ بيت إلياس :
طنط نجاه : إلياس ياحبيبي ؟؟
إلياس وهوا ماسك أجنده : ايوا يا عمتي .. انا ف الاوضه هنا
طنط نجاه : بتعمل ايه يا حبيبي ؟؟ مش هتقوم تلبس خلاص مش فاضل الا ساعتين !
إلياس : بكتب شوية حاجات كدا
طنط نجاه : بتحسب تكاليف القاعه ولا ايه .. لو محتاج ياحبيبي فلوس اديلك
إلياس : هههههه فلوس ايه ياعمتي .. مستوره الحمدلله
طنط نجاه : اومال بتكتب ايه بقى ؟؟؟
إلياس : كان جزء من علاجي اني اكتب اي حاجه تحصل معايا سواء خير او شر .. فـ كنت بوصف فرحتي النهارده .. يعني حاجه افتكرها كدا اما الدنيا تضيق بيا
طنط نجاه : قصدك فرحتك بخطوبتك
إلياس : مش بس خطوبتي .. فرحتي بـ ان لينا هتبقى خطيبتي
طنط نجاه : ياسلام .. للدرجادي فرحان .. اومال لما تتجوزها هتعمل ايه
إلياس : انا ممكن اتجنن اكتر منا مجنون ..كفايه انها خلاص هتبقى ملكي
طنط نجاه : والله يابني مش زمان مشفتكش وانت فرحان كدا .. ربنا مايحرمك من الفرحه ابدا ياحبيبي
إلياس : ولا يحرمني منك يا غاليه
طنط نجاه : عارف يا ولا .. لينا هتبقى محظوظه بيك
إلياس : اشمعنا ياعمتي ؟
طنط نجاه : يعني بسم الله ماشاء الله أمور وطويل واسمراني وملو هدومك كدا مش زي المفاعيص اللي بشوفهم الايام دي .
إلياس : ياسلااااام ... مش للدرجادي
طنط نجاه حطت ايدها في وسطها : ليه يا حبيبي انت ناسي اما كنت معاك في السوق والبنات كلهم بيبحلقو فيك .. حقك تتدلع وتتغر كمان انت مش ناقصك حاجه يعني
إلياس : طب ما اتجوزك انتي يا قطه ..
طنط نجاه : لأ اصل انت معاييرك اقل من معاييري
إلياس : ههههههههههههههههههههههههههههه خلاص يا موزه من بكرا هكتب سيرتك الذاتيه في الجرانيل والمجلات وادورلك على عريس
طنط نجاه : هههههههههههههههه يوه جتك ايه يا لوسه .. يلا هسيبك تجهز بقى عشان مأخركش .. قدامك نص ساعه عشان تلحق تجيب لينا ونوران من الكوافير وتروحو الاستديو تتصورو ..
إلياس : حاضر اقل من نص ساعه هكون جاهز ..
--
فـ القاعه :
( إلياس كان معلق على حيطان القاعه من اليمين .. صوَره اما كان صغير لحد صورته وهوا كبير جمب الكوشة .. ومن ناحية الشمال صور لينا وهيا صغيره بالتدريج لحد صورتها حاليا جمب الكوشه برضو .. وكان محضر أطباق نحاس مكتوب عليهم اسمه واسم لينا وتاريخ الخطوبة .. وجوا الطبق ورود صغيره متعلق فيها شوكولاتهات صغيره .. وكان جايب على حسابه اضاءات ومشكلها على اسمه واسمها ومثبتها على الحيطان .. الكل كان مبسوط وفرحان بالجو الجديد اللي إلياس كان عامله.. أو بمعنى أصح الكل كان بيحقد على لينا .. )
إلياس بيبص لينا وهيا قاعده جمبه فـ الكوشه : معاكي دبوس ؟؟
لينا بابتسامه : ليه عاوزني أشكك بيها ؟
إلياس : بصراحه اه .. انا حاسس اني بحلم ..
لينا بضحكه مايصه : لا ياخويا مبتحلمش ..
إلياس : مابلاش اخويا دي .. قوليلي ياحبيبي كدا
لينا : مش دلوقتي
إلياس : والنبي والنبي والنبي قوليها كدا بسرعه مره واحده وخلاص
لينا بإحراج : يـــا يـا يـا
إلياس : ايووووواااااا يا ايه بقى ؟؟
لينا : يا أخويا هههههههههههههههههههههههههههه
إلياس : ماشي ماشي مسيرك تقوليهالي .. ياحبيبتي
لينا فـ سرها : حبتك زرافه ايه الواد الجرئ دا
( دخل محمد وهوا لابس بدله شيك وحاطط ورده صغيره في جيب الجاكيت )
لينا بتشاور لـ نوران : مش دا محمد
نوران : اه ايه اللي جابه هنا
لينا : اكيد اخوكي عازمه .. انا نسيت موضوعكو خالص .. هوا ايه الجديد ؟
نوران : انتي في ايه ولا ايه .. الناس بتبص عليكي .. هبقى احكيلك بعدين
( نوران راحت وقفت جمب محمد وبصوت واطي : انت بتعمل ايه هنا ؟؟؟ )
محمد : جاي اشوفك .. انا بقالي شهر مستني منك رد .. وموبايلاتك مقفوله ومبتروحيش الجامعه
نوران : انت شايف ان دا وقت مناسب عشان كلام زي دا
محمد حس انه بينحرج : انا اسف اني جيت .. انا كنت فاكر انك موافقه عليا .. بس الظاهر اني غلطان .. استاذن انا
( مشي محمد بخطوات سريعه لـ برآ القاعه وسند على سور السلم .. )
نوران : هوا انت فعلا عايز ترتبط بيا عشان راضي بيا ؟؟ ولا عشان عايز تنتقم لـ نبيل ؟؟
( محمد بيلتفت ومش مصدق ان نوران خرجت وراه .. ومش مصدق ان خطيب لينا هوا إلياس )
محمد بنرفزه : انا بحبـــك افهمــــــــــــي بقـــــــــى .. أنتقم ايه وهباب ايه .. نبيل خلاص مبقاش في باله لينا .. دا هوا اللي قالي اجي واكلمك هنا عشان مش هعرف اوصلك تاني .. حرام عليكي انا بتعذب بقالي شهر وانتي حاطه في دماغك اني عايز انتقم ؟؟ انا مبنتقمش من بنات .. انتي عارفه ان نبيل حتى مقاليش ان إلياس هوا العريس ؟؟؟؟؟ داس على نفسه وعلى مشاعره وخلاني اروح اكلمك في خطوبة اخوكي من حبيبة عمره
نوران : هوا اللي جابه لنفسه .. محدش قالي يخون
محمد : هوا انتي بتكملي التمثيليه اللي اخوكي عملها ولا انتي متعرفيش ان اخوكي هوا اللي كان مأجر اوضة في الفندق وكلم نبيل وقاله تعالى نتفاهم ؟؟؟ ممكن في ظرف نص ساعه نروح للفندق وتشوفي مين كان مأجر الاوضه
نوران : انت بتكدب
محمد : انتي اللي بتكدبي على نفسك .. رغم ان احساسك من جواكي عارف ان نبيل معملش حاجه .. وانا متأكد من كدا .. ولو في حد زرع فكرة اني عاوز انتقم لنبيل منك .. يبقى إلياس هوا اللي حطلك الفكره دي في دماغك
نوران فـ سرها : كنت عارفه ان الياس هوا اللي عمل كدا
نوران : بقولك ايه ....
محمد قاطعها : بلا تقوليلي بلا اقولك .. انا ماشي يابنت الناس .. ولما تتأكدي من كلامي وتتأكدي من نيتي انا رقمي معاكي .. ابقي سيبيلي خبر .. سلالالالالالام
--
( خلصت خطوبة لينا وإلياس والكل راح بيته )
طنط فاطمه : هوا اخوكي لسه مجاش ؟؟
نسمه : لا لسه مجاش .. دا حتى خالد سأل عليه النهارده قلتله عيان
طنط فاطمه : ربنا يستر
--
ع البحــر :
( نبيل كان لسه قاعد على البحر سرحان ومقهور ومش عارف يسعد نفسه رغم انه بيسعد اللي حواليه )
محمد من بعيد بيمشي خطوات سريعه : انت ازاي مقولتليش ان لينا هتتخطب لإلياس ؟؟؟
نبيل بيلتفت لمحمد : لو كنت قلتلك مكنتش هتروح .. وانا مش عايزك تربط نفسك بيا وبمشاكلي
محمد قعد جمب نبيل : يارتني ما رحت اصلا .. تصور يا نبيل بتقولي اني عايز ارتبط بيها عشان انتقملك !!
نبيل : اتصور جدا هاهاهاهاها .. دي تلاقيها افكار الشيطان إلياس
محمد :انا قلتلها على حقيقة الفندق .. وسبتها وهيا مقتنعه ان دي من عمايل إلياس
نبيل : حصل خير .. حصل خير ... البحر كان بيسأل عليك ياصاحبي ههههههههههههه
محمد : هههههههههههههه هوا احنا لينا غيره
نبيل : كان عندك حق .. وسع البحر زي وسع مشاكلنا ومالوش نهايه زي همومنا بالظبط
محمد : الدنيا سقعت ماتيجي نروح ؟؟
نبيل : يلا
--
تاني يوم :
فـ بيت نوران :
نوران بتكلم نفسها : معقوله محمد يكون صادق في كلامه .. انا مستبعدش ان إلياس يعمل كدا بس هوا حلف لي ان مالوش اي يد في اللي حصل !! انا هروح بكراالفندق بنفسي واتأكد زي ما محمد قالي .. بس مش عارفه هطلب كدا من ادارة الفندق اازاي !!! طب لو إلياس فعلا اللي كان مأجر الاوضه وطلع نبيل برئ هعمل ايه ؟؟ ما كدا كدا مش هقدر اقول لـ لينا .. ومش هقدر اواجه إلياس عشان معكننش عليه فرحته .. طب المظلوم نبيل هشيل ذنبه .. ايه دا ايه دا .. دا إلياس ممكن يجراله حاجه لو لينا عرفت الحقيقه وسابته !! .. افضل حاجه اعملها اني انسى الموضوع وكأن محدش قالي حاجه .. الجهل حلو الجهل حلو ..
نوران : انت بتلعب ايه ؟
إلياس : بلعب ماتش كوره ع البلاي ستيشن مش شايفه يعني ؟؟؟
نوران : طب انا زهقانه
إلياس : اتحزم وارقصلك يعني ولا اغنيلك ولا اعمل ايه .. جوووووووووووووووووووووووووووول ... وشك حلو يا نوران
نوران : انت رخم على فكره .. انا هروح اكلم لينا ؟؟
( إلياس رمى دراع البلاي ستيشن .. )
إلياس : ايه ؟؟ هتكملي مين ؟ لينا ؟؟
نوران : دلوقتي فضيت لي مش كدا
إلياس : هههههههههههههههههه عادي .. سلميلي عليها كتييييييييييييير وقوليلها إلياس بيموت فيكي وبيعشق التراب اللي بتمشي عليه
نوران وهيا رايحه اوضتها : لما تبقى تتجوزها ابقى قولها الكلام دا بنفسك ..
--
فـ بيت طنط فاطمه :
نبيل : نسسسسمه .. نسمه ؟؟؟؟؟
نسمه من اوضتها : ايوااااااا انا ف الاوضه
نبيل : تعااالي انزلي عاوزينك
نسمه فـ سرها : عاوزيني ؟؟ استر يا رب
( نسمه نزلت الصاله .. لقت مامتها واختها ونبيل مستنيينها )
نسمه : ايه في حاجه ولا ايه ؟؟
نبيل : بصي .. انا الفتره اللي فاتت كنت مشغول بمشاكلي .. بس النهارده اا قررت اني انشغل بيكو انتو وبس واحميكو واحافظ عليكو ..
نسمه: مممممم كويس
منى : محدش يقدر يجي جمبنا يا بلبل .. انا ليا اخ بالدنيا كلها
نبيل بابتسامه : وعشان كدا انا سألت على عريس كل واحده فيكو
منى بضحكه : ههههههه وقالولك ايه بقى على عبدالله
نبيل : عبدالله راجل محترم وفي حاله واهله ناس امراء
نسمه بتوتر : و و و و خالد ؟؟
نبيل : خالد دا بقى اللي مشكله .. انا سألت عليه ناس كتيره اوي على أمل ان حد يقول حاجه مختلفه عن اللي سمعته ملقتش !!
طنط فاطمه : خير يانبيل ؟؟ انت عرفت ايه وقالولك ايه ؟؟؟
نبيل : للأسف يا ماما ميشرفناش انه يبقى نسيبنا .. ومينفعش يكون خطيبها
نسمه كانت حاسه ان هيغمى عليها : عـ عـ عـرفت ايه ؟
نبيل : سمعت انه بتاع بنات ومش سايب وحده في دمياط الا وهوا مكلمها ومعاكسها ومعشمها بالجواز .. دا غير الحشيش والخمره وخروجاته الحمرا اللي بتبقى آخر الليل .. وانا مش هرضى ان اختي تتجوز واحد زي دا والخطوبه تتفسخ حالا ..
طنط فاطمه بتبص لـ نبيل بحسره : وهيفرق ايه عن شباب اليومين دول ؟؟ ماكلهم زي بعض ولاد كلب ( طنط فاطمه تقصد نبيل واللي عمله في الغردقه )
نبيل : ماما لو سمحتي .. انا بتكلم ف ان النوع اللي زيه دا .. مبيتغيرش بعد الجواز ..
( نسمه مقدرتش تستحمل اللي عرفته .. فقامت وراخت على اوضتها وهيا هتموت وتعيط )
طنط فاطمه : نسمه ..؟؟ مالك؟
منى وهيا كانت عارفه حقيقة خالد : تلاقيها متفاجئه بس ..انا هطلع اشوفها ..
( منى طلعت لـ نسمه لقيتها نايمه على سريرها ومغطيه راسها بـ البطانيه )
منى : نسمه لو عايزه تتكلمي او تفضفضي مع حد انا موجوده
نسمه : منى لو سمحتي سيبيني في حالي
منى : انا عارفه انك مقهوره وحاسه انك اتخدعتي .. بس انتي مش غلطانه .. انتي وثقتي في حد ميستاهلكيش
نسمه : انا ههزأ اللي خلفوه
( مسكت نسمه موبايلها ودموعها على خدها عشان تواجه خالد باللي عرفته عنه )
نسمه بصوت مبحوح : ألو ؟؟
خالد : يامليون اهلا وسهلا .. ازيككك ياعمري
نسمه : عمري ايه بقى !!
خالد مستغرب : ايه ياحبيبتي فيكي ايه .. ماله صوتك
نسمه بعصبيه : انت كدبت عليا ياخالد .. كلامك كله كذب في كذب
خالد : انا مش فاهم حاجه هوا في ايه ؟؟؟
نسمه : انت قلتلي اني الوحيده في حياتك وانك عمرك ماتكلمت مع بنت غيري .. ولما سألنا عليك قالولنا انك سافل وحقير وحيوان وبتلعب بالبنات
خالد : نسمه حبيبتي اللي قالك كدا كداب وازاي تصدقيه دا بيضحك عليكي
نسمه بعياط : ماهو لو واحد بس اللي قال كدا هقول انه بيكدب .. انما دي دمياط كلها بتقول عليك نفس الكلام .. انا مش عارفه ليه مسألناش عليك قبل ما نتخطب .. ليه ؟؟ ليه خدعتني ؟؟
خالد : نسمه افهميني .. انا هقولك على حاجه واتمنى انك تفهميني ..
انا صحيح مكلم بنات قبلك .. بس انا كنت بدور ع الانسانه اللي تدخل قلبي وتكون شريكة حياتي .. ولما لقيتك بطلت كل حاجه
نسمه : وليه لما سألتك قولتلي اني اول واحده ف حياتك
خالد بصوت عالي : عشان مكنتش عاوز اخسرك .. انا بحبك ولو مكنتش بحبك مكنتش اتقدمتلك
نسمه : ما انت معشم البنات كلها بالجواز .. اشعرفني انك صادق
خالد : الايام هتثبتلك
نسمه : ولو اثبتتلي وسامحتك .. اهلي هيقتنعو بيك ازاي دول ناويين يفسخو خطوبتنا
خالد : انتي هتقنعيم وهتحاولي .. اوعي تسيبيني يا نسمه اوووووعي
نسمه : سلام
منى : وانتي مصدقه الكلام اللي قاله دا ..
نسمه : اه مصدقاه وخالد بيحبني بجد
منى فـ سرها : وبعدين معاكي يانسمه !!
( منى نزلت لمامتها ونبيل )
طنط فاطمه : اختك عامله ايه
منى : ممممم مش مصدقه الكلام اللي طلع على خالد وبتقول لو هوا وحش كدا مكنتش اتقدملها واتخطبو .. وانه اتغير وكدا
--
--------------
--تابعونا في الحلقه الجايه^^
الإثنين أغسطس 19, 2013 10:54 pm
