(21)
قصة " ماليش غيركـ " ..
---------------
يوم الخميس : " يوم خطوبة لينا "
نوران : ايه يا عروسه مستعده ؟؟؟
لينا : انتي جيتي يانوران ..
نوران : وجبت معايا فستاني ... انتي فاكره اني هسيبك يعني يوم خطوبتك كدا .. انا صاحيه من الساعه 11 بحضر كل حاجه ممكن تحتاجيها .. انا حتى جبتلك معايا ساندوتشات هههههههه
لينا : طب تعالي ناكل يلا
نوران : متضيعيش الموضوع .. احنا صحاب قبل ما نبقى نسايب صح ولا لا ؟؟
لينا : ليه بتقولي كدا ؟
نوران : انا عاوزه اسالك سؤال
لينا : اسالي
نوران : وهتجاوبيني بصراحه
لينا : اكيد يعني اسألي
نوران : ومش هتعتبريني اخت إلياس ؟؟ هتعتبريني صحبتك ؟؟
لينا : نوران انتي صاحبة عمري ودلوقتي انا ماليش غيرك .. واي حاجه تحصل بيني وبين إلياس انتي هتبقي براها وكأنك مش اخته
نوران : طمنتيني .. قوليلي بقى .. انتي موافقه فعلا ع الخطوبة دي ؟؟ ولا عاوزه تنتقمي من نبيل
لينا : آآ......
نوران بتقاطعها : قلت بصراااااااااااااااااحه
لينا : بصي يا نوران .. انا صليت صلاة استخاره .. ومحستش بحاجه ممكن تمنعني من اني اوافق
نوران : طب قلبك بيقول ايه ؟؟؟
لينا : مش عارفه والله .. انا لسه معلقه بنبيل .. للأسف
نوران : نبيل اللي انتي بتحبيه ومتعلقه بيه .. غير نبيل الحقيقي .. دا انتي علقتي نفسك بصوره جميله انتي رسمتيها ف خيالك .. ومتعرفيش ان كل الرجاله عينهم فارغه وشهواتهم هيا اللي ممشياهم
لينا : منا مش عارفه اشخبط ع الرسمه دي .. لسه في خيالي كأنه معملش اي حاجه .. انا بقنع نفسي ان مفيش حاجه حصلت منه .. بس هوا النصيب اللي منعنا
نوران : انتي اقوى من كدا يا لينا .. لازم تنسيه
لينا بتدمع : طب ازاي .. قوليلي ازاي والنبي ؟؟؟؟؟؟؟؟ ازاي انسى واحد ليه جوايا حاجات كتير .. ازاي انسى واحد اتربيت معاه وحبيته من حبه فيا وخوفه عليا .. ازاي انسى واحد من عيلتي هشوفه في كل مناسبه ؟؟ ازاي انسى واحد حواليا في كل حته ؟؟ هه ازاي ؟؟
نوران : انتي اللي عامله ف نفسك كدا ..
( نوران راحت لـ دولاب لينا فتحته )
نوران بتكمل : تقدري تقوليلي هتنسيه ازاي وانتي معلقه صوركو وانتو صغيرين في درفة الدولاب ؟؟؟
تقدري تقوليلي هتنسيه ازاي لما كل الاغاني اللي بتسمعيها كان هوا اللي باعتهالك ؟؟؟
تقدري تقوليلي هتنسيه ازاي وايميلاته ومسجاته لسه محتفظه بيها
ماتفوقي بقى يا لينا .. خرجي نفسك من الحفره اللي بتعيشي نفسك فيها دي وهتنسيه
امسحي كل حاجه بتفكرك بيه
قطعي صوره
ارمي الهدايا بتاعته
غيري رقم موبايل وغيري ايميلاتك .. متبقيش عايشه على امل انه ممكن فـ يوم يبعت يكلمك او يعتذر او يقولك مبرر .. فاكراني مش واخده بالي منك وانتي كل شوية تبصي ف الموبايل عشان تشوفي باعت يكلمك ولا لا ؟؟ ولا لما كل شوية تقعدي ع اللاب وتفتحي تشوفي في ايميل منه ولا لا ؟؟
اقفلي اي طريق ممن يوصلك منه .. عشان تبطلي تدوري على الأمل الكداب اللي انتي عايشه فيه دا
ساكته ليه ؟؟؟؟ لو انا غلطانه في حاجه قوليلي .. لو بتبلى عليكي في حاجه قوليلي
لينا : انتي صح .. لا مش غلطانه
نوران بنرفزه : انتي بتمثلي عليا انك قوية .. رغم انك عارفه اني حافظاكي وعارفه انتي ضعيفه اد ايه .. بس مش عايزه تبينيلي حاجه ولا تبيني لأي حد حاجه
لينا بتبلع ريقها وهتبتدي تعيط : يعني عاوزاني اعمل ايه ؟؟؟
نوران : عيطي .. صرخي .. انهاري .. اعملي كل اللي انتي حابساه جواكي .. كل اللي مش عارفه تطلعيه قدام حد !!!!!
لينا بانهيار : اديني عيطت وبعدين ؟؟ حصل ايه ؟؟ محصلش حاجه
نوران : عاوزه تعرفي حصل ايه ؟؟
( نوران قربت من لينا بهدوء .. وضربتها قلم على وشها بسرعه )
لينا برقت عينها بعصبيه ومستنيه من نوران تفسير لللي عملته ..
نوران : ايه اتعصبتي ؟؟؟ جواكي بركان غضب مش كدا ؟؟؟ مستنيه ايه ؟؟ اضربيني خدي حقك مني ... اديني اهه انا ضربتك وانتي معملتليش حاجه .. زي بالظبط اما نبيل خانك وانتي مقصرتيش في حاجه
لينا وهيا دايسه على سنانها : نوران امشي من قدامي
نوران : حاضر همشي بس قبل ما امشي انا عاوزه اقولك على حاجه
( نوران قربت من لينا وضربتها قلم تاني اقوى على وشها )
لينا وعينها كلها عصبيه : المررررراااااااااادي مشششش هسسسكتلللللللللك
( نوران شافت الشراسه في عين لينا .. فـ طلعت تجري ع السرير وتنزل منه عشان لينا متوصلهاش )
لينا بعصبيه : دلوقتي بتجري ؟؟ هه ؟؟ عملتي كدا ليه لييييييييييييه ليييييييييييييييه
( لينا قعدت السرير وحطت المخده على وشها عشان يقلل من صوت عياطها )
نوران مدمعه : كنت بطلع الغل اللي جواكي .. كنت بطلع العياط اللي انتي دفناه دا .. حاسه براحه مش كدا يا لينا ؟؟ كتم الزعل والعياط مش حل ..
لينا بانهيار : اه حاسه براحه .. هستفاد ايه دلوقتي من الراحه
نوران : النهارده وانتي في عز فرحك .. لو افتكرتي اي حاجه ضايقتك .. هتفتكري منظرك وانتي منهاره دلوقتي .. وهتقولي ملعون ابو اللي يخليني ازعل وهتتحدي نفسك وهتفرحي عنادا فـ نفسك ووقتها بس هتحسي انك قوية .. وهتقنعيني انك قوية
لينا وهيا متنحه : ايوا .. انا هبقى قوية
نوران : حتى لو قوتك فـ انك ترفضي إلياس .. خليكي قوية وارفضيه قبل ما الاختيار يبقى واقع بالنسبالك ومتقدريش تختاري غيره
لينا : لا ... انا هتجوز إلياس .. هوا هيبقى قوتي
نوران : يبقى مستنيه ايه ؟؟؟ قومي اجهزي .. إلياس من بدري فـ القاعه اللي هتتخطبو فيها .. مصمم يزينها بنفسه ويشرف على كل حاجه بنفسه
لينا بجديه : انا فعلا كنت محتاجه للقلمين اللي ضربتيهم على وشي
نوران بضحكه : يا حبيبتي اي وقت تحسي فيه بالضعف تعاليلي وانا ألطشك دا يوم المنى
لينا : هههههههههههههههههههه يوم المنى !! فكرتيني بـ منى .. عارفه يانوران .. انا ومنى بقالنا سنييييين بنخطط ازاي هنبقى مع بعض في يوم خطوبتي وازاي .......
نوران بتقاطع : باااااااااااس بس بس .. مش قلنا مش هنفتكر ذكريات ؟؟؟ كمان الكلام دا اما كنتي هتتخطبي لـ نبيل .. دلوقتي نبيل بح .. راح .. مات .. يبق يغور هوا وذكرياته ولا ايييييه ؟؟؟؟؟؟
لينا : عندك حق .. انا هقوم اغسل وشي وألبس ونروح سوا للكوافير .. انا عاوزه آكل جو القاعه .. عاوزه دمياط كلها تتكلم عن فرحتي وسعادتي وجمالي وجمال خطيبي وجمال القاعه اللي زينها بنفسه
نوران : طب يلا مستنيه اييييييييه
---
فـ بيت نبيل :
طنط فاطمه : نبيل ..
نبيل : نعم
طنط فاطمه : انا محستش بيك وانت راجع امبارح .. اتبسطت في الغردقه ؟؟
نبيل : اه اتبسطت .. اتبسطت اوي .. مسبتش في نفسي حاجه الا اما عملتها .. دلوقتي بقى الست لينا تقدر تقول عليا خاين وزباله وتقرف مني
طنط فاطمه بصدمه : ولللللللد .. انت عملت ايه ؟؟؟؟؟
نبيل : ايه ؟؟ عملت اللي كنت مانع نفسي منه عشانها .. مش خلاص هتتخطب ؟؟؟ مش خطوبتها برضو النهارده ؟؟
طنط فاطمه وهيا بتعيط : انا مكنتش متوقعه انك تعمل كدا يا نبيل .. عايز تروح النار يا نبيل ؟؟ مش عاوز ربنا يقبل منك صلاه ؟؟ دا انت كنت بتصلي وبتصوم كل اتنين وخميس .. فجأه كدا نسيت كل حاجه تقربك من ربنا ورحت تعصيه ..
نبيل : ماما لو سمحتي انا مش عايزه اتكلم ف الموضوع دا .. كفايه الاحساس المقرف اللي انا فيه
طنط فاطمه بحسره : مش اد احساسي بالقرف منك يابني
( خرجت طنط فاطمه من اوضة نبيل وهيا مصدومه من اللي قاله .. كانت حاسه انه خذلها وانها معرفتش تربي صح وكانت مش قادره تتخيل ان ابنها ممكن يزني ويدخل النار بعد كل العبادات اللي ربتها عليه وهوا صغير )
نبيل : ماما
طنط فاطمه : متقوليش ماما .. انا استعر اقول عليك ابني
نبيل : كان غصب عني يا ماما .. الابواب كانت مقفله في وشي
طنط فاطمه : وانا علمتك ايه اما الابواب تتقفل في وشك ؟؟؟ تروح الغردقه ولا تروح لربنا ؟؟؟ اتبسطت اما خسرت الجنه اللي بتبني فيها من وانت صغير .. فاكر الحور العين اللي قلتلي انا هفضل احمي نفسي من شهواتي عشان اكون مع الحور العين ؟؟؟
نبيل بندم : ماما انا مخنوق لوحدي .. انتي فاكره انك حاسه بقرف لوحدك .. كفايا اللي انا حاسه .. حرام بقى انا مش ناقص
طنط فاطمه : انا رايحه خطوبة لينا بنتي .. ليها حق متوافقش عليك
( طنط فاطمه دخلت اوضتها ورزعت الباب .. ونبيل رجع اوضته وهوا مهموم ومخنوق ومتضايق من اللي عمله .. ومتضايق اكتر انه قال لممته عللي عملة )
نبيل : الو
محمد : بلبل .. ازيك ياحبيبي
نبيل : مش كويس ..انا مخنوق اوي ..
محمد : طب انا قاعد ع البحر .. ماتيجي تقعد معايا
نبيل : ماشي مسافة السكه
--
على البحر /
نبيل : ايه انت اللي مقعدك لوحدك كدا ..؟؟ انا قلت هلاقي الشله موجوده
محمد : اصل انا كمان مخنوق
( نبيل جه قعد جمب محمد ع الرمل .. وبص للبحر )
نبيل : انت لسه بتروح تشكي همومك للبحر
محمد : البحر واسع اوي يانبيل .. مش لاقيله نهايه .. زي مشاكلي بالظبط
نبيل : انت ايه اللي خنقك كدا ..
محمد : ما انت عارف ... دايما البنات هما اللي بيخنقوني
نبيل : اها .. نوران ؟؟
محمد : ايوا
نبيل : انت متمسك بيها ؟
محمد : انا عارف ان اخوها هوا سبب مشاكلك كلها .. بس انا....
نبيل بيقاطعه : مفيش بس .. نوران بنت كويسه متضيعهاش من ايدك
محمد : بس باينلها هيا اللي عاوزه تضيع مني .. انا كلمتها وقلتلها اني متمسك بيها وهيا كانت فرحانه اوي بيا .. وطلبت منها تحدد معاد مع اخوها وعمتها عشان نيجي نتمم كل حاجه ..
نبيل : طب حلو اوي ايه المشكله ف كدا ؟
محمد : المشكله ان الكلام دا بقاله شهر !! لحد دلوقتي متصلتش
نبيل : طبيعي جدا انها متتصلش .. لانها بنت .. اتصل انت وشوف المعاد اللي اتحدد
محمد : انت فاكر اني متصلتش .. اتصلت بس رقمها مقفول على طول انا خايف تكون غيرته ومعرفش اوصلها تاني
نبيل : طب منتا عارف البيت .. ماتروح ترن الجرس وتتكلم مع عمتها
محمد : مش عاوز اتصدم من اي حاجه .. مبحبش حد يحرجني .. افرض إلياس طردني عشان انا صاحبك ولا نوران رفضتني .. اعمل ايه ..
نبيل : مش انا كلمتك وقلتلك اني مخنوق اوي ؟
محمد : معلش انا اسف يا نبيل .. دخلتك مش مشاكلي .. ايه اللي خانقك يا بلبل
نبيل : سيبك مني دلوقتي .. انت عارف المشاكل اللي انا فيها دي بسبب ايه ؟ بسبب اني كنت خايف حد يحرجني.. فضّلت اني اكون ساكت ومتكلمش ولا ادافع عن نفسي عشان محدش يحرجني ومحسش الاحساس اللي انت بتقول عليه دا !!
محمد : طب والعمل ؟ انا مش عارف اوصلها .. وصعبه اوي اروح لها البيت .. وبقالي 4 ايام بستنى الصبح على امل انها تروح جامعتها مش بتروح !
نبيل : انا هخليك توصلها النهارده ..
محمد : بجد ؟ ازاي وانت صلتك بـ لينا انتهت خلاص
نبيل بضحكه صفرا : هيا انتهت اه بس متنساش انها بنت خالتي .. والنهارده خطوبتها ونوران هتبقى موجوده
محمد : بجد نوران هتبقى موجوده .. ايه ؟ استنى قلت ايه ؟؟
نبيل : خطوبة لينا النهارده
محمد بيحط ايده على كتف نبيل : انا اسف يا بلبل .. شغلتك بمشاكلي وطلعت انت متدهول اكتر مني !! طب قولي ايه اقدر اعمله عشانك وانا اعمله
نبيل : تقوم دلوقتي تروح الخطوبة وتكلم نوران وتعرف ايه ظروفها ماشي ؟؟
محمد : طب انت ذنبك ايه تروح معايا وتنكد على نفسك
نبيل : انا هبقى مستنيك هنا .. عاوز افضفض مع البحر شوية ..
محمد : ههههههههههههه نبيل انت جدع اوي .. متشكر يا صاحبي جميلك دا في رقبتي وعمري ماهنساهولك
نبيل : يلا إلحق وضب نفسك .. وانت هتلاقيني مستنيك هنا
محمد بيقوم ينفض هدومه من الرمل : ماشي .. سلام يا بلبل
نبيل : سلام يابو حميد
--
--------------
--تابعونا في الحلقه الجايه^^
الإثنين أغسطس 19, 2013 10:53 pm
