(19)
قصة " ماليش غيركـ " ..
---------------
فـ عربية الحاج عمرو :
الحاج عمرو : لينا بكرا جايلنا ضيوف عايزك تتشيكي
لينا : مين يا بابا
الحاج عمرو : جايلك عريس
لينا : هههههههههههه لا بجد مين اللي جاي
ام لينا : بجد عريس يا حاج ؟؟
لينا : انتو عايزين تخلصو مني لييييييه
الحاج عمرو : انا مقدرش اخلص منك الحكايه كلها انه شخص مناسب وانتي تعرفيه ومعجبه بيه كمان
لينا : لا ياراجل ههههههههههههههههههه
الحاج عمرو : بــنــــت !!
لينا : ههههههههههههه خلاص انا اسفه .. مين بقى اللي انا معجبه بيه دا ؟؟؟
الحاج عمرو : إلياس اخو نوران
لينا : هههههههههههههه لا والله والكلام دا امتى
الحاج عمرو : في الخطوبه الوقتي
لينا : هوا جه خطوبة منى !!
الحاج عمرو : اه وفاتحني ف الموضوع وادتله معاد بكرا نتكلم فيه .. انا شفتك طالعه بيه السما في موضوعك مع نبيل .. فقلت انك مش هتمانعي
لينا : ممممممممم اللي تشوفه يا بابا
لينا في سرها : هوا ايه البرود اللي انا فيه دا .. من امتى كنت بارده كدا .. انا مش عارفه ازاي متكلمتش .. معقوله انا هكون لإلياس .. طب ليه لأ ؟؟ على الاقل بيحبني .. طب حالته النفسية .. معقوله هتجوز واحد بيفكر يتخلص من اي حد يقف في وشه ؟؟ طب....
الحاج عمرو : سرحانه في ايه مقولتليش رأيك يعني
لينا : هه ؟ منا قلتلك يا بابا اللي تشوفه
الحاج عمرو : اللي انتي تشوفيه مش اللي انا اشوفه ... لو هترضي بيه كان بها .. مش هترضي يبقى مالوش نصيب فيكي
لينا : مممممم مش لما اقعد معاه واشوف هيقول ايه بكرا
لينا فـ سرها : اصلا لو مهما قال انا هبقى عارفه كل حقيقته وكل حاجه عنه .. اي حاجه هتتقال بكرا مش هتكون زي اللي انا عارفاه ..
--
تاني يوم فـ بيت لينا :
الحاج عمرو : منور يا إلياس والله اومال نوران مجتش معاك ليه
إلياس : نورك يا حاج .. اصل عمتي بعافيه شوية فـ نوران قاعده معاها تاخد بالها منها
الحاج عمرو : الف سلامه عليها .. هوا احنا مش هنشوفها ولا ايه
إلياس : لا ازاي طبعا يا حاج .. بس الامور تتوفق وتمشي وان شاء الله الزيارات متتقطعش
الحاج عمرو : ها احكيلي بقى عن نفسك
إلياس : ابتدي منين
الحاج عمرو : الساعه لسه 6 .. وقدامنا الليل بطوله .. هقولك ايه من ساعة ما اتولدت يلا انا مش ورايا حاجه
الياس : ههههههههههه بص يا حاج انا مش هخبي حاجه عليك .. لأن حضرتك لو مسمعتش مني اكيد هتسمعه من غيري
لينا من ورا الباب فـ سرها : ايه دا معقوله هيقوله كل حاجه !! اكيد لأ دا لو قال لبابا كل حاجه بابا هيقفل الليله
الياس سند ظهره على كرسي الكنبه : اما كان عندي 7 سنين كانت نوران عندها سنتين .. وكنا رايحين اسكندريه نصيف وكان معانا شوفير بيوصلنا و الظاهر مكنش مركز فـ عملنا حادثه و .......
لينا فـ سرها : لالالالالالالالالالالا يامجنووووووون انت بتخرب القعده ليه .. ايه دا ايه دا .. هوا انا عاوزه الموضوع يمشي ولا ايه .. مالي كدا خايفه يقول حاجه بابا يرفضه عليها كدا ليه ..
إلياس : ورجعت انا من لندن بعد ما خدت كورس علاج كانت عمتي بتدفع ثمنه وثمن دراستي وسكني من ورث ابويا .. واتعالجت و .......
لينا فـ سرها : معقوله في انسان الايام دي مش مكسوف من اي حاجه بتحصله وبيتكلم بطلاقه كدا زي مايكون بيقرأ رواية !
إلياس : انا عارف اني اتسببتلها في مشاكل كتير .. واتسببت في رفدها من الجامعه
لينا : لا بقى اسسسسسكت كفايه انت هتدهول الدنيا كدا ....
إلياس : وكنت فاقد الأمل ان لينا تكون ليا .. فـ آآ .. آآ .. اضطريت اني اطمن عليها مع نبيل وكنت بروح وراه واراقبه لحد ماحصل اللي حصل واديني اهو قدام حضرتك .. مش خايف من اي عقوبة او قرار حضرتك تقرره .. انا مش عاوز اتجوز واحده واهلها مش عارفين عني اي حاجه ... ولو قسمتي مش مع لينا والسنين عدت عليا واتقدمت لوحده غيرها هحكيلهم برضو على قصة حياتي ..
الحاج عمرو : يعني نبيل لما اتصاب في ركبته كنت انت اللي عورته
الياس بتوتر : ايوا انا .. ( وفي لحظه حس إلياس ان اعترافه دا غلط )
الياس بيكمل : بس يا عمي انا وقتها كنت عارف ان نبيل مش مناسب ليها واذيته لما حسيت ان لينا مخدوعه فيه وانا مش قادر اثبت عليه حاجه .. بس اول ما عرفت اثبتلها انه مش زي ماكانت فاكراه جريت عليها جري وبلغتها .. انا عملت كدا عشان بحبها
الحاج عمرو : ولد ... انت بتتكلم عن بنتي
الياس : وانا في كورس العلاج علموني اقول كل اللي جوايا ومسبش حاجه مقولتهاش عشان اخلي الناس عند توقعات اي ردة فعل مني
الحاج عمرو : انا مش عارف اقولك ايه
الياس : انا هحطها في عيني وعمري ما هزعلها وعمري ما هغصبها على حاجه حتى لو رفضتني مش هيهمني ... لكن اي حد هيقدملها انا هروح اسأل عليه وهمشي وراه لحد ما اتأكد انه يستحق لينا ..
الحاج عمرو : طيب انا هشوف رأي الوالده ايه ورأي لينا وهبلغك .. نورتنا يا الياس
الياس : دا انا اللي اتشرفت بحضرتك والله .. حضرتك متتخيرش حاجه عن حنية ابويا .. انا صحيح كنت صغير لما توفى بس عمري ما انسى السنين القليله اللي قضتها معاه
( الياس حضن الحاج عمرو بضمه قوية .. وسلم عليه واستأذن ومشي )
لينا : مشي يا بابا ؟؟؟
الحاج عمرو : انتي مقولتليش ليه على كل الاحداث اللي قالها دي
لينا : مكنتش عاوزه حضرتك تسيب اللي بيحصلي وتمسك في الحاجات اللي مكنش المفروض اعملها
الحاج عمرو : يعني انتي عارفه انك عملتي حاجات غلط .. ايه هيا بقى عاوز اتأكد انك عارفه غلطك
لينا : مممممم يعني .. اما رحت الميدان مع منى من غير ما اعرف حد .. واما رحت الفندق وكدبت على ماما
الحاج عمرو بتنهيده : عموما الموضوع دا فات وعدى .. انتي وامك كنتو سامعين طبعا اللي قاله
لينا : اها
الحاج عمرو : وامك فين ؟
لينا : راحت تبص على العربيه اللي راكبها هههههههههههههه
الحاج عمرو : ههههههههههههه امك طول عمرها بتحب تتفرج ع العربيات .. انا كنت هجيبلها بالمهر عربيه =))
لينا : ههههههههههههههههه اهي جات اهيه
ام لينا : كنتو بتتكلمو عليا ؟؟
الحاج عمرو : هههههههه لا اقعدي خلينا اسمع رأيك
ام لينا : مش لما نعرف بنتك كدبت علينا في ايه تاني
الحاج عمرو : الموضوع دا عدى خلاص وبناقص عتابه بخيره وشره
ام لينا : ممممممم انا مش مطمناله خالص وخصوصا حالته النفسيه دي .. افرض اذى بنتي
الحاج عمرو : والله هوا عن نفسي عاجبني وحاسه راجل ومش محرج من تصرفاته ولا بيكدب بخصوص حاجه عملها غلط
لينا فـ سرها : هوا فعلا مكدبش في اي حاجه .. انا مشفتش انسان كدا .. معقوله شخص زيه يجي في اول مقابله ويهد الدنيا كدا ويكون مستني موافقة بابا وماما
الحاج عمرو بيكمل : وانتي يا لينا مش هتقولي رأيك
لينا باحراج : منا مش عارفه .. اللي تشوفوه
الحاج عمرو : مفيش حاجه اسمها اللي تشوفوه .. انتي ايه رأيك .. آه موافقه ولا لا مش موافقه
لينا : طيب ممكن تسيبني افكر
الحاج عمرو : ممكن ليه لأ .. ماهوش هيطير
ام لينا : طيب بدام كدا بقى والدنيا لسه بدري .. انا عاوزه اروح لفاطمه اختي
الحاج عمرو : ماشي هتروحي معاها يا لينا ؟؟؟؟
لينا : ما انت عارف يا بابا مش هينفع
الحاج عمرو : انتو اهل في الاول والاخير .. ومش هتقاطعي ولاد خالتك لاخر العمر .. يلا قومي البسي
لينا : حاضر
( لينا مش قادره تقول لباباها انها لسه بتحب نبيل ومش عايزه تشوفه او تكلم اي حد على صلة بيه .. لكن دايما بيجي في دماغها انها احسن منه وهوا ميستهلهاش .. ولازم تعرفه انه مش اخر واحد في الدنيا .. فقررت تتعامل طبيعي وتعرف نبيل انه مش لوحده بيسافر وبيعيش حياته .. هيا كمان هتعيش حياتها ومش هتبص لورا )
لينا وهيا عند باب اوضتها : بابا
الحاج عمرو : هتروحي لخالتك يا لينا
لينا : لا مش بناديك عشان كدا .. بابا اناا آآ .. انا موافقه على إلياس
الحاج عمرو بنظره جانبيه : طب منا عارف هههههههههههههه
لينا بضحكه صفرا : هه انا ربع ساعه واجهز
--
فـ بيت طنط فاطمه :
ام لينا : مش هتباركي لـ لينا يا فاطمه
طنط فاطمه : اباركلها هوا في عريس ولا ايه
ام لينا : اه متقدملها واحد ولسه ماشي من عندنا
طنط فاطمه فـ سرها : ياعيني عليك يانبيل اما تسمع الخبر .. بس ميصحش من اختي انها تيجي كدا بعد زيارته على طول .. هيا جايه تشمت في ابني ولا ايه !!
طنط فاطمه : بجد ؟؟ الف الف مبروك يا لينا ايوا كدا خلي فرحتنا تكمل
لينا : الله يبارك فيكي يا طنط .. اومال فين العروسه
طنط فاطمه : انهي واحده ما الاتنين اتخطبو
لينا : ههههههههههه ربنا يتمملهم على خير .. منى فين منى ؟
طنط فاطمه في اوضتها ياحبيبتي هيا ونسمه اطلعيلهم
لينا : ميرسي يا طنط .. بالإذن بقى
لينا فـ سرها : ايه ردة الفعل الغريبة دي .. معقوله خالتي فرحانه عشان هتخطب !! ولا هيا برضو عاوزه تحسسني اني مش اخر بنت فـ الدنيا !! انا كدا لازم ارسم الوش المبسوط قدام الكل وافرح بـ إلياس قدامهم كلهم
لينا : بناااااااااااااااااااااااااااااااااااااااااااات انا هتخطب
نسمه بحقد : لا يا شيخه بسرعه كدا ؟؟
منى : عيب يا نسمه .. الف الف مبروك يا لينا .. ايوا كدا خلينا نتجوز كلنا في يوم واحد
نسمه : اتكلمي عن نفسك
منى بصت بصة زعل لـ نسمه : ومين بقى اللي امه دعياله دا ؟ واحد اعرفه
لينا بانشكاح : ههههههههههههههه مش هتصدقي مين
منى : مين بقى بطلي رخامه
لينا بتنهيدة حب : إليـــــــــــاس
منى : إلياس ؟؟
نسمه : هههههههههههههههه المجنون ؟؟؟
منى بنرفزة : نسمه اطلعي برا انا عاوزه اتكلم مع لينا لوحدنا
نسمه : سايبهالكو تغرق سلالالالالالالالالالالالالالالالالالالام
--
( نسمه طلعت من اوضة منى .. وراحت على طول لأوضة نبيل )
نسمه : انت عارف ان خالتي ايمان هنا ؟؟؟
نبيل : لينا معاها ؟؟؟
نسمه : اه
نبيل : طيب انتي عايزه ايه دلوقتي سيبيني لوحدي
نسمه : جايه اقولك ان خالتو ولينا .. جايين يقولولنا ان لينا هتتخطب
نبيل : هتتخطب !! بالسرعه دي ؟؟
نسمه : ومش اي حد .. دا الياس ؟؟
نبيل : ايه ؟؟؟ اوعي اوعي
نسمه : انت رايح فين استنى
نبيل : رايح للمعتوهه بنت خالتك افوقها شويه
نسمه : ماتخلي عندك كرامه ابوها قالك مفيش نصيب متقلش من نفسك دي جايه فرحانه وشمتانه فيك
نبيل بصوت عالي : اووووووووووووعي من وشششي انا هلطشها جوزين اقلام يفوقوها
نسمه : يلا خش .. يلا قلل من نفسك .. ادخل
نبيل : اخرسي خالص خشي شوفيها بالحجاب ولا لا
نسمه : اووووووووووووهوووه بقى انا مالي انا نازله اقعد مع ماما اولعو كلكو
--
فـ بيت نوران :
نوران : وانا افهم ايه يعني من اللي انت قلته دا ؟؟ كما ن انت مجنون تقول لأبو لينا قصة حياتك كدا
الياس : بقولك ايه انا عارف انا بقول ايه .. وعارف دماغ ابوها عامله ازاي .. اطلعي انتي منها ولو اتصلت عليكي وقالتلك على اي حاجه .. اعملي نفسك متعرفيش اي حاجه ... بس عارفه انا متفائل خير ولينا هتبقى من نصيبي انا .. انا وبــــــس
--
خالد : الو ياحبي
نسمه : ايوا يا خالد
خالد : مال صوتك
نسمه : مفيش اصل بنت خالتي عندنا واخويا مخنوق شوية وطلع خنقته عليا
خالد : ولا يهمك ياعمري .. بقولك ايه ..
نسمه : قول ياحبيبي
خالد : واحد صاحبي زي اخويا بالظبط ... عيد ميلاد خطيبته بكرا وعامله في كافيه .. وانا هروحه وهسهر شوية تحبي تيجي معايا
نسمه : مفهاش كلام جايه طبعا .. هقول لماما بس وهبلغك بالتمام .. اوك ؟؟
خالد : اوكي ياحبيبتي .. يلا انا هقفل شكل الدنيا مكهربه عندك ههههههههههه
نسمه : بصراحه جداااااااااااااا .. سلام ياحبيبي
خالد : سلام ياعمري
---
--------------
--تابعونا في الحلقه الجايه^^
Aya#
الإثنين أغسطس 19, 2013 10:42 pm
