(18)
قصة " ماليش غيركـ " ..
---------------
فـ بيت لينا :
( لينا تعبت من كتر التفكير في نبيل اللي حبته طول عمرها واتصدمت فـ خيانته ليها .. وفي إلياس اللي اتسببلها في مشاكل كتير جدا .. بس في الآخر ملقتش غيره اللي يحبها بجد ويعمل عشانها المستحيل .. )
ام لينا : لينا ؟؟؟
لينا : ايوا يا ماما انا في اوضتي !
ام لينا : عارفه مين جايلنا النهارده
لينا بزهق : مين ؟؟
ام لينا : طنط وفاء وبنتها
لينا : مممممممم ماشي ينورو
( طنط وفاء دي صديقه قديمه لـ ام لينا .. عندها بنوته في نفس سن لينا .. لكن ربنا أشاء ان يبقى عندها نقص في الكروموسومات " يعني يكون فهمها زي فهم الأطفال " بس هيا بتحب تلعب مع لينا جدا .. وخصوصا ان لينا بتراعي ظروفها وبتاخد بخاطرها دايما وبتلعب معاها زي الاطفال )
بعدها بـ ساعتين :
طنط وفاء : روحي يا سلمى العبي مع لينا في اوضتها
سلمى : ايه تاااا ؟ ألعب مع لينا هيا فييين
ام لينا : بصي اوضتها اهي ادخليلها
سلمى : تعالي معايا
ام لينا : هههههه نسيتي البيت ولا ايه .. طب تعالي اوديكي اوضتها
( سلمى مسكت في ايد ام لينا جامد ودخلت اوضة لينا )
ام لينا : لينا حبيبتي العبي مع سلمى شوية عشان طنط عاوزه تحكيلي حاجه
لينا : حاضر يا ماما ولا يهمك ..
سلمى : هتلعبي معايا آ لينا
لينا : اه يا سمسم هلعب معاكي
سلمى : انا مش اسمي سمسم انا اسمي سلمى
لينا : ماشي يا سلمى تحبي تلعبي ايه
سلمى : مش عاوزه العب انا عاوزه اسمع
لينا : تسمعي ايه يا سلمى .. تحبي نغني سوا
سلمى : لأ
لينا : طب تحبي نشغل حاجه نسمعها سوا
سلمى : لأ
لينا : طب انتي حابه تسمعي ايه وانا اسمعهولك
سلمى : انتي
لينا : طب اغنيلك ؟
سلمى : لأ
لينا : متغلبنيش معاكي يا سلمى عشان انا تايهه اوي و........
سلمى : اسمع دا
لينا : انتي عاوزه تسمعيني وانا بتكلم
سلمى : اه
لينا : يعني مش عايزاني العب معاكي
سلمى وهيا حاضنه دبدوب : لأ
لينا : بصي ياستي .. انا بقى كنت شطوره زيك وقمت عملت الاكل النهارده والاكل طلع حلو اوي ولذيذ .. بس انا مكلتش عشان مكنش عندي نفس .. وبعدها ماما جت قالتلي انك جايه فـ انا فرحت اوي و......
( سكتت لينا وبصت لـ سلمى اوي وهيا مستمعه جدا ليها ومركزه معاها لانها بتحاول تستوعب لينا بتقول ايه في كلامها السريع دا .. )
سلمى هزت راسها عشان لينا تكمل كلام
لينا : عارفه يا سلمى اانا عايشه في دوامه .. حاجات عاوزاها بس الصح اني معوزهاش .. وحاجات مش عاوزاها بس الصح اني اعوزها
انا منكرش يا سلمى اني بحب نبيل ولسه بحبه .. بس اللي عمله مقدرش اسامحه فيه .. هفضل طول عمري ابصله بنظرة قرف .. وكمان هاين عليا اوي انه لحد دلوقتي مفكرش انه يتصل يعتذر .. حتى لو مكنش ليه نصيب فيه .. احنا ف الاخر اهل والمفروض انه مهما حصل يعتذر ..
سلمى : الدبدوب دا ناعم اوي
لينا : ههههههه عارفه ياسلمى انا احيانا بحس ان إلياس دخل في حياتي عشان يعرفني حقيقة نبيل .. يعرفني مين اللي اولى اني احبه واتمسك بيه .. ويعرفني يعني ايه حد يحاول يتخلص من انسان مش صاين العشره اللي مابينا .. اوقات كتير يا سلمى بحس ان لو الياس سابني على عمايا كان هيبقى افضل ليا .. بس اللي انا فيه دا .. يعرفني يعني حد يستغفل التاني سنيــــــــــــن كتيره .. وحد ميرضاش لواحده لسه عارفها انها ترتبط بواحد مش كفؤ ليها .. مش يمكن يا سلمى إلياس دا فيه شيء لله هههههههههه كان حاسس بحقيقة نبيل ومشي ورا مشاعره !
سلمى : مش هتلعبي معايا
لينا : مش انتي قلتيلي اتكلمي معايا .. انا مصدقت لقيت حد اكلمه .. انا كنت هتجنن قريب من كتر ما بكلم نفسي .. دا شيء معقول اني اكلم حد حتى لو مش فاهمني
سلمى : هوا الدبدوب دا بيتكلم
لينا : هههههههه لا مش دا الدبدوب اللي بيغني .. شايفه الدبدوب الابيض اللي هناك ؟؟ دا بيغني
( لينا سابت سلمى تلعب في الدباديب اللي كانت عندها من وهيا صغيره وفضلت تفكر في كل الكلام اللي حصل وكل الافعال اللي حصلت )
--
فـ بيت طنط فاطمه :
طنط فاطمه : يلا يا منى انتي لسه مجهزتيش ؟؟؟ دي خطوبتك النهارده
منى : منا جاهزه ولابسه اهه
طنط فاطمه : ماتحطي حاجه في وشك والبسي حاجه فاتحه دي خطوبه مش جنازه
منى : حاضر يا ماما هيا خالتو هتيجو امتى
طنط فاطمه : عندهم ضيوف ياحبيبتي هيمشو ويجو طوالي
منى : طيب ماشي نسمه فين
طنط فاطمه : اكيد بترغي ف التلفون
منى : هههههههههه طبعا مين هيمنعها ماهي اتخطبت
طنط فاطمه : يعني ايه مش فاهمه
منى : اقصد يعني هيا مخطوبة لازم تبقى ع التلفون يعني مع خطيبها يتعرفو على بعض
طنط فاطمه : هههههههههههه مين يصدق ان مفعوصه زي دي حد يعجب بيها ويتقدملها ..
منى : ليه يا ماما ماهي زي الفل اهي .. روحي انتي شوفي اللي ناقص وانا هغير هدومي ..
--
( نبيل كان في اوضته سرحان فـ مصير لينا اللي مبقاش له الوان .. لا هوا قادر يكلمها ولا قادر يفسرلها اي حاجه .. كان عارف دماغ لينا صعبه ازاي .. وانها مش بتستمع لحد غلطان بالساهل .. )
--
فـ بيت نوران :
الياس : نوران انتي رحتي لـ لينا زي ما قلتلك ؟؟
نوران : ايوا ياسيدي رحت اول امبارح ورجعت قلتلك ايه نسيت
الياس : اومال هيا ليه لسه متصلتش ؟؟؟؟
نوران : اشعرفني انا يعني
الياس : مش انتي بتقولي ان خطوبة منى النهارده
نوران : اه
الياس : طب ما تروحي تباركي وبالمره تفتحي المووضوع مع لينا
نوران : لالالالالالالالا انت مجنون ولا ايه .. دي منى مش بتطيقك ولا بتطيقني
الياس : ممممممممممممم طب والعمل يعني هنفضل كدا لحد امتى ؟؟؟؟؟
نوران : استنى بقى انا مش هروح اكدب على لينا تاني واعيطلها وانت زي الفل مش فيك حاجه
الياس بنرفزه : ميييييييييين قالك مين قاااااااااااااااااااااااااللللللللللك
نوران : الياس سيبني في حالي انا ساعدتك بكفايه
الياس : طب سؤال اخير ... هيا الخطوبه ف البيت ولا ف قاعه
نوران : هيقرو الفاتحه في البيت وبعدها ينزلو الاستديو يتصورو وبعدها يروحو القاعه
الياس : وطبعا لينا وابوها وامها هيبقو هناك
نوران : اه اكيد
الياس : طب حلووو اوووووووي .... قومي البسي
نوران : انت مجنون بقولك منى مش بتطيقنااااااااااااا
الياس : منى مش هتعمل حاجه عشان الفضيحه افهمي بقى وخليكي ذكيه
نوران : مممممممم
الياس : ونبيل اكيد مش هيحضر زي ما عمل فـ خطوبة نسمه صح ولا لا
نوران : ممكن
الياس : يبقى احنا ايه اللي مقعدنا ؟؟؟؟؟؟ قومي بينا نلبس يلااااااااااااااا
--
فـ قاعة الخطوبة :
الياس : نوران .. ابو لينا اهه .. انا هروح اقعد على نفس الطرابيزه وانتي شوفي لينا فين وحاولي متخلهاش تشوفني مع ابوها
نوران : انت هتعمل ايه
الياس : امشي بسرعه قبل ما حد يشوفك ويشوفني يلااااا
--
الياس : ازيك يا حاج عمرو
الحاج عمرو : اهلا يابني .. انت اخو نوران مش كدا
الياس : اه ياعمي انا إلياس
الحاج عمرو : اه اهلا .. انت بقى البطل اللي بينقذ بنتي
إلياس ضحك ضحكه صفرا : حاج عمرو .. انا معجب بـ لينا وبتمنى انها تكون من نصيبي ..
الحاج عمرو : آ.....
إلياس بيقاطعه : انا عارف انها لسه خارجه من تجربة نبيل .. بس انا عاوز اخد من حضرتك كلمه دلوقتي .. انها تكون من نصيبي مش من نصيب حد تاني .. وانا هشيلها في عينا الاتنين ومش فارق عندي معاها شهادة ايه ولا فارق عندي تجارب سابقه ولا فارق معايا اي حاجه تخلي حضرتك قلقان من مستقبلها ... انا حاببها زي ما هيا بحلوها ووحشها .. وطول عمري هفضل احافظ عليها حتى لو مكنتش من نصيبي .. لينا يا حاج خدت بالها من اختي سنين كتيره اوي .. ولو مكنتش حلالي هتفضل اختي وهبقى دايما جمبها وانقذها من اي حاجه
الحاج عمرو : انت جايب الجرأه دي منين ؟؟؟؟ عموما دا مش مكان مناسب نتكلم فيه عن الموضوع دا ... مستنيك بكرا الساعه 8 ..
إلياس : بجد يا حاج مستنيني بكرا ..
الحاج عمرو : ياخي مش عارف الولاد بيخافو مني ليه .. اول مره اقابل واحد جرئ زيك كدا
إلياس : ههههههه ما انت عارف يا حاج انا متعلم برآ .. واتعلمت ان الحاجه اللي اعوزها احارب عشانها ومخليش للكسوف حاجز بيني وبين اللي احتاجه ..
الحاج عمرو وهوا بيطبطب على كتف إلياس : مستنيك بكرا يا بني وان شاء الله خير
( إلياس سلم على الحاج عمرو .. وباسه في راسه ومشي )
إلياس : الو انتي فين ؟؟
نوران : انا بدور على لينا لسه مش لاقياها الظاهر كدا مع منى ف الاستديو
إلياس : طب اطلعيلي خلاص كل حاجه اتظبطت
نوران : يعني ايه
إلياس : اطلعي بس وهبقى افهمك فـ البيت
نوران : اووك احسن برضو..
--
خالد : ايه يا موزه الجمال دا كله .. ايه الفستان الجميل دا .. هياكل منك حته
نسمه : هههههههه ياسلاااام ... يعني فستان خطوبتي مكنش حلو والفستان دا عجبك
خالد : لا طبعا مقصدش .. بس ف خطوبتنا الكل كان مركز معانا مكنش ينفع اقولك حاجه عشان احنا مفهمينهم اننا مش على علاقه سابقه
نسمه : ممممممم ماشي .. وانت كمان على فكره زي القمر
خالد : هي هي هي طول عمري شيك وابن ذوات يانسومه
نسمه : بس بس بس متتغرش اوي كدا
خالد : طب بقولك ايه .. ماتيجي نقعد في اخر القاعه
نسمه : اشمعنا ؟؟
خالد : الناس اللي قاعده ورانا مركزه معانا بس متبصيش عليهم
نسمه : طب روح انت اقعد في طرابيزه ورا .. وانا هروح اظبط المكياج واجيلك
خالد بيغمز : احبك وانتي بتكتكي كدا .. يلا مستنيكي
( رجع خالد لطرابيزه في اخر القاعه .. والاضاءه عليها شبه معدومه )
خالد : تعالي يا خطيبتي يا مراتي يا كل حاجه في قلبي
نسمه : ايه دا ابعد .. انت مقرب كدا ليه
خالد بنرفزه : في ايه يا نسمه احنا مخطوبين ودي احلى فتره في حياتنا
نسمه : خلاص انا اسفه مش قصدي والله اني ازعلك .. بس انا جديده عا لحاجات دي مش فاهمه اعمل ايه
خالد : انا مش عاوز غير اني امسك ايدي وسيبيني احلم معاهم
نسمه وشها احمر : بس كدا ايدي اهيه
خالد بيبوس ايد نسمه : الللللللللله ايدين دي ولا ورد
نسمه بكسوف : بس بقى امسكهم وانت ساكت
خالد : مش قادر اسكت .. شوفي قلبي بيدق ازاي
( خالد اخد ايد نسمه وحطها على صدره عشان تشوف نبض قلبه !! )
نسمه : مش حاسه بحاجه هههههههههههه
خالد : انا حاسس بحاجات كتير اوي وبجد نفسي لو نتجوز بكرا
نسمه : حيلك حيلك دا لسه قدامي كتيييييييييير
خالد : وانا مستنيكي العمر كله .. انا مش عاوز اروح النهارده عاوز افضل ماسك ايدك كدا ..
نسمه : الناس هتاخد بالها كدا
خالد : همسكها تحت الطرابيزه محدش هيشوف حاجه
نسمه بكسوف : ممممممم انا مش عارفه دا صح ولا غلط
خالد بنرفزه : انتي ليه مصممه تزعليني قلتلك احنا مش بنعمل حاجه عيب او حرام ولو خدتك دلوقتي بالاحضان محدش يقدر يقولنا حاجه
نسمه : لا ازاي حرام طبعا
خالد : بقولك ايه مفيش حاجه اسمها حرام .. في حاجه اسمها اتنين مخطوبين وبيعيشو اجمل ايامهم
نسمه : ممممممممم
خالد : افضلي قوليلي مممممممم كدا وضيعي الموضوع
نسمه : مش بضيع الموضوع والله بس اللي هوا ....
خالد قاطعها : مفيش اللي هوا .. طب ايه رأيك بقى اني مش مروح الا لما احضنك
نسمه : هــــأأأأ ( اتخضت يعني في ايه )
خالد : تعالي بقى
( خالد شد ايد نسمه وحط ايده على كتفها وضمها ضمه خفيفه )
نسمه : اوعى بقى
خالد : في ايه تاني انتي مش مبسوطه اني حضنتك ؟؟؟ انا كنت مستني اللحظه دي من زمان
نسمه : لا مش مبسوطه ممكن بقى نروح نقعد في طرابيزه تانيه
خالد : ليه ما هنا كويس
نسمه : خلاص يبقى تقعد باحترامك
خالد : انا محترم على فكره .. بصي على الاتنين اللي هناك دول
( خالد بسرعه البرق باس نسمه في خدها )
نسمه : خالد انت بتعمل ايه قلتلك مش بحب كدا
خالد : وانا قلتلك اننا مخطوبييييين ونعمل اللي نعمله
نسمه : بس مش دلوقتي لما نكتب الكتاب ايه السفاله دي
خالد : وتقدري تقوليلي لما نكتب الكتاب ونتجوز هنبقى واخدين على بعض ازاي ؟؟؟؟؟
نسمه : عادي زي الناس
خالد : والناس بتاخد على بعضها في الخطوبه .. شوفي انتي عملتي ايه دلوقتي عشان مسكت ايدك وحضنتك بالعافيه . . لو فاكره اننا لما نتجوز هقبل بيكي كدا تبقى غلطانه .. خلينا ناخد على بعض احسن
نسمه بنرفزه : منى وصلت من الاستديو انا هروح امسكلها الفستان ..
خالد : مبنعملــــــــــــــــــــش حاجه حــــــــــــــــــــــــــرااااام دا حقــــي لأني خطيبـــــــك
((((( نصيحة من المؤلفة : خدو بالكو يا بنات الكلام اللي فات دا كله غلط وحرام .. و مفيش حاجه اسمها حقوق الخطوبه .. لان الخطوبه متعتبرش عقد .. تعتبر حجز للبنت بسسسسس مش تملك ... فخلي بالكم الخطوبه مش زي كتب الكتاب )))))
--
فـ عربية الحاج عمرو :
الحاج عمرو : لينا بكرا جايلنا ضيوف عايزك تتشيكي
لينا : مين يا بابا
الحاج عمرو : جايلك عريس
لينا : هههههههههههه لا بجد مين اللي جاي
ام لينا : بجد عريس يا حاج ؟؟
لينا : انتو عايزين تخلصو مني لييييييه
الحاج عمرو : انا مقدرش اخلص منك الحكايه كلها انه شخص مناسب وانتي تعرفيه ومعجبه بيه كمان
لينا : لا ياراجل ههههههههههههههههههه
الحاج عمرو : بــنــــت !!
لينا : ههههههههههههه خلاص انا اسفه .. مين بقى اللي انا معجبه بيه دا ؟؟؟
الحاج عمرو : إلياس اخو نوران
--------------
--تابعونا في الحلقه الجايه^^
الإثنين أغسطس 19, 2013 7:39 pm
