(17)
قصة " ماليش غيركـ " ..
-----------------------------
في مدرسة نسمه ..
فيروز : ها يا عروسه .. اتفقتو يوم تقابلو فيه خالد ؟؟
نسمه : اه طبعا
فيروز : ها امتى .. ؟؟
نسمه : يوم الثلاثاء الجاي
فيروز : اها ماشي .. هجيلك الصبح اوضب معاكي البيت وعشان ابقى اوضبك كمان
نسمه : مممممممممم مش عارفه يا فيروز .. معتقدش ان منى هتوافق
فيروز : هيا منى صاحبة البيت يعني ؟؟ في ايه انا جايه افرح لصحبتي
نسمه : معلش الشغاله هتوضب كل حاجه وانا كدا كدا رايحه الكوافير مش هحتاجك .. معلش يا فوفا
فيروز فـ سرها : " دلوقتي استعريتي مني ومش عايزه توريني لمنى .. للدرجادي انا وحشه .. ولا انا يعني هخطف خالد وامه منك " !!
فيروز : ماشي براحتك يلا الباص مستنيني سلام
نسمه : سلام
--
فـ بيت طنط فاطمه :
الحاج عمرو : ايه يا ام لينا .. مش هتقولي لاختك الاخبار الحلوه
طنط فاطمه : ايه دا اخبار حلوه ؟؟ هوا انا ورثت ولا ايه
الحاج عمرو : هوا انتو اساسا يجي من وراكو ورث .. دا الولد اللي اسمه عبدالله .. كلمني وحدد معايا على يوم الخميس انه يجي يتقدم لـ منى
طنط فاطمه : ( زغروطه )
طنط فاطمه : منىىىىى يا منى ؟؟؟؟؟؟
منى : ايوا ياماما
طنط فاطمه : بتعملي ايه
منى : بعمل شاي لخالتو
طنط فاطمه : سيبك من خالتك دلوقتي ... عريسك جاي يوم الخميس
منى بتبص على خالتها وجوز خالتها بصات احراج : هه ماشي يا ماما ينور
طنط فاطمه : شوف البتتتتتتت ... اللي يشوفها كدا يقول عليها مش هاممها !! فين الفرحه ؟؟؟؟؟؟؟
منى : هيييييييييييييييييييييييه فرحت .. عاوزه حاجه تاني يا ماما
ام لينا : روحي يا منى اعمليلي الشاي مش هتخلصي من امك النهارده
منى : حاضر يا خالتو ..
( منى ماشيه رايحه على المطبخ وكان الود ودها ترقص وتجري وتصقف من فرحتها .. بس احراج مامتها ليها قدام خالتها وجوز خالتها بالذات خلاها مقلقه لـ مامتها تقول حاجه زي دي قدام العريس وتبان انهم مدلوقين عليه )
--
فـ بيت لينا :
" الحاج عمرو كالعاده .. قبل ما ينام بيدخل يطمن على لينا في اوضتها ويشوفها متغطيه ولا لا .. وبعدها يدخل ينام "
الحاج عمرو : انتي لسه صاحيه يا لينا ؟؟
لينا وهيا بتمسح دموعها تحت البطانيه : ايوا يا بابا
الحاج عمرو : وهتنامي امتى ؟؟؟
لينا : مش عارفه يا بابا .. مشششش عااااارررررفــــــة !!!
الحاج عمرو دخل اوضة لينا وقعد على سرير لينا : امك بتشتكيلي منك
لينا : وايه الجديد يعني .. منا خلاص بقيت مصدر مشاكل وازعاج للكل مجتش على ماما يعني
الحاج عمرو بنرفزه : لما اكلمك تشيلي البطانيه وتكلميني عدل ..
لينا : اهوووو شلت البطانيه
الحاج عمرو بنفس النرفزه : وتتكلمي عن امك بطريقه محترمه عن كدا .. دي امك مش واحده صاحبتك
لينا بتاكل في شفايفها وساكته
الحاج عمرو بهدوء : انتي عاجبك الطريقه اللي كلمتي بيها امك من كام يوم ؟؟؟؟
لينا : ساكته
الحاج عمرو : هسألك تاني .. عاجبك الطريقه اللي كلمتي بيها امك من كام يوم ؟؟؟
لينا : لا
الحاج عمرو : ولما انتي عارفه انها طريقه وحشه معتذرتلهاش ليه وصالحتيها
لينا : ساكته
الحاج عمرو : معتذرتلهــــآآآآآآآآش لييييييييه وصالحتيييييهــــآآآآآآآ ؟؟؟؟؟؟
لينا : هصالحها
الحاج عمرو : يلا قومي
لينا: دلوقتي ؟
الحاج عمرو : اومال بكرا ؟؟؟ قومي يلا ...
لينا : طب ماتخليها بكرا
الحاج عمرو : بكرا هيبقى حسابك معايا انا مش مع امك .. انما النهارده امك هتنام وهيا راضيه عنك .. قومي يلا
( خرج الحاج عمرو م اوضة لينا وهوا قابض كف ايده وضاغط على سنانه من كتمته لـ عصبيته طول ماهو بيتكلم .. وخرجت لينا وراه وراحت اعتذرت لمامتها وفضلت تنكش فيها لحد ما رضيت )
--
فـ بيت نوران :
نوران : ايه يا لينا عامله ايه
لينا : الحمدلله تمام ... الياس عارف انك متصله
( طبعا نوران كانت بتكلم لينا ع السبيكر لان إلياس فضل يتحايل عليها عشان يسمع صوتها ... وشاور لنوران عشان تقول لـ لينا لأ )
نوران : مممممممم لأ مش عارف اني بتصل عليكي
لينا : طيب انتي اخبارك ايه
( إلياس بيكتب لـ نوران جواب كل سؤال تسأله لينا )
نوران : زفت
لينا : مش هيكون ازفت من اللي انا فيه .. خير مالك
نوران : ممممم إلياس ياستي
لينا : عمل ايه تاني ؟؟
نوران : معملش .. دا قافل على نفسه في اوضته وزعلان ومكتئب ومن ساعة ما حوار نبيل حصل وهوا مش على بعضه ومش عايز ياكل حاجه .. يادوب بيطلب ميه يشربها
لينا : ليه يعني كل دا ؟؟
نوران : مممممم زعلان على زعلك وكل ما اقوله مش هتاكل حاجه يقولي ماليش نفس هيبقالي نفس ازاي وانا كنت السبب في خنقة لينا .. كان ممكن افضل ساكت عاللي شفته بس انا مفكرتش قبل ما اروح البيت واقولكو على خيانه نبيل
لينا فـ سرها : ايه دا ! دا طلع بيحس اهه
لينا : بجد ؟؟ !!!! اخوكي زعلان عليا
( الياس كتب لـ نوران على الورقه بخط كبييير " بيحببببببببك يا لينا " )
نوران : اه زعلان اوي .. مش بيحبك يا لينا لازم يزعل عليكي
لينا : مكنش بيزعل ليه لما كان بيرعبلي حياتي قبل خيانه نبيل ؟؟؟
نوران : مين قالك ؟؟ دا كان اسوأ من كدا بكتير عشان آآ .. عشان كدا كنت واقفه في صفه
لينا فـ سرها : يااااااا حلاوه
لينا : بس انتي عارفه يانوران .. انا محتاجه فتره انسى فيها نبيل وبعدها يحلها ربنا
نوران : اكيد طبعا ... معلش يا لينا شيلتك هم بزياده
لينا : لا ولا يهمك ابقي تعالي زوريني ماما مانعاني م الخروج
نوران : حاضر ماشي عنيا ..
( قفلت نوران مع لينا .. وفضل إلياس يشكر اخته انها قالت كل حرف هوا كتبهولها على الورق .. فـ انتهزت نوران الفرصه دي )
نوران : بقولك يا إلياس
إلياس : عيووووووووووون الياااااااااااس
نوران : محمد كلمني
إلياس : محمد محمد ؟؟ اللي متقدملك دا
نوران : اها
إلياس : سيبك منه ملعون ابو اللي يزعلك
نوران : يزعلني ايه .. دا كلمني وعاوز يتمم الخطوبه
إلياس برفعة حاجب : لا يا راجل .. بعد كل اللي عملته ف صاحبه ؟؟؟
نوران : قالي انك زي اخوه ومحدش بيتخلى عن اخوه مهما عمل
الياس : لا اصيل والله .. بس مفيش جواز منه
نوران : ممممممم ممكن اعرف السبب
الياس : خليكي ذكيه يعني .. يكلمك بعد اللي حصل مع نبيل ويقولك نتمم الخطوبه بأسرع وقت .. معناها ايه غير انه عايز ينتقم لصاحبه بأسرع وقت ؟؟؟
نوران فـ سرها : صح .. ليه لأ .. ايه اللي هيجبره يرتبط بيا وهوا اساسا ملحقش يحبني عشان يضحي ويكمل الخطوبه .. اكيد عاوز ينتقم لصاحبه .. انا لسه فاكره القلم اللي ضربهولي قدام المطعم .. اكيد إلياس عنده حق .. اكيييييييييد
الياس : سرحتي في ايييييه
نوران : انت عندك حق .. اكيد عاوز ينتقم مني
الياس : واكيد نبيل اللي بيخططله كل دا
نوران : تصدق صح .. دا نبيل لحد دلوقتي مفكرش حتى يكلم لينا او يعتذرلها
الياس بتوتر : مممممم وهوا هيوريها وشه ازاي يعني بعد اللي عمله
نوران : ممممممممم طب انا هقوم انام عشان صدعت
الياس : اوووك تصبحي على خير .. وشيلي من دماغك فكرة انك تتخطبي لمحمد دي .. ماشي ؟؟
نوران : حاضر ماشي
--
يوم الثلاثاء :
طنط فاطمه : اهلا وسهلا بـ حضرتك
ام خالد : اهلا ياحبيبتي بيكي .. انا مكنتش عارفه ان ابني بيحب
طنط فاطمه : بيحب ؟؟
خالد بيبص لـ ممته بصه كأنه بيقولها بسسسسس هتفضحينا : اصل ماما يا طنط مش مصدقه اني اعجبت ببنوته اخلاق زي بنت حضرتك
ام خالد : وانا ابني ايه مبيعجبوش العجب .. غلبت اقوله يتجوز يقولي مفيش بنت كويسه .. انا مبسوطه ان ابني اخيرا لقى بنت الحلال
طنط فاطمه بضحكه صفرا : اه .. ههههههه ربنا يتمم على خير
ام خالد : افهم من كدا انكو موافقين على خالد ؟؟
طنط فاطمه : والله انا عن نفسي بقول الف مبروك .. بس طبعا رأي نسمه مهم .. وكمان رأي جوز اختي عشان هوا زي باباها بعد وفاة الحاج الله يرحمه
ام خالد : طبعا طبعا الله يرحمه .. واحنا هنتشرف بمعرفته امتى
طنط فاطمه : انا بعتذر والله كان المفروض انهم يكونو موجودين من نص ساعه بس الظاهر الدنيا زحمه
ام خالد : اه ياحبيبتي الدنيا زحمه اوي .. دا الواد خالد منزلني من البيت قبل المعاد بساعتين وفضلنا مستنيين تحت لحد ما المعاد اللي محددينه جه
طنط فاطمه : ربنا يبشر بخير .. اهوم جم اهه ..
( طنط فاطمه راحت فتحت الباب لخالتها وجوز خالتها .. ونبيل مكنش عاوز يخرج من اوضته خالص وقال لممته لو سألو عليا قوليلهم اني مسافر .. اما ام خالد فكانت بتهمس فـ ودن خالد عن أد ايه هيا مبسوطه انه عرف ناس ولاد حلال كدا .. وبتقوله هوا فين العروسه اللي غمزت في السناره بتاعتك مش هشوفها ولا ايه )
( دخل الحاج عمرو واتفق مع ام خالد فـ كل تفاصيل الجواز والخطوبه .. ونادى على نسمه عشان تدخل تقعد معاهم ويتممو قراية الفاتحه .. وكان خالد جايب معاه عقد وخاتم دهب هديه لـ نسمه فـ قراية فتحتها )
--
فـ بيت لينا :
الحاج عمرو : مش شايفه ان اختك اتسرعت فـ خطبتها لـ نسمه ؟؟
ام لينا : ما انت عارف يا حاج .. جوزها متوفي وهيا شايله مسؤولية كبيره ومصدقت انها تلاقي حد محترم زي خالد ومستنيها تخلص دراسه .. اكيد مكنتش هترفضه عشان نسمه لسه في ثالثه ثانوي .. ااذا كان العريس عاوزها صغيره اصلا
الحاج عمرو : طب كان اولى انها تقرأ فاتحه منى الاول بعدها نسمه
ام لينا : مفرقتش بقى يا حاج .. ماهو منى اهه هتتخطب بعد بكرا .. مفرقتش مين الاول
الحاج عمرو : يلا ربنا يجعلهم ازواج صالحه ويرزقهم الذريه الصالحه
ام لينا : امين يارب .. عقبال لينا يا حاج
الحاج عمرو بحزن : لينا ! هوا مين هيقبل بـ لينا لما يروح يسأل عنها ف الجامعه ويقولوله اترفدت عشان الولاد اتخانقو عليها
ام لينا : بس يا حاج بالله عليك .. انت عارف اخلاق بنتك ولولا اني عارفه بنتي متربيه ازاي انا كان زماني جبتها من شعرها وصدقت فيها كل اللي اتقال
الحاج عمرو : دا اللي مصبرني عليها بس احنا لسه متلكلمناش معاها ف موضوع نبيل
ام لينا : سيبها شوية يا حاج دي برضو لسه خارجه من صدمتها فـ نبيل
الحاج عمرو : ومين سمعك .. دا طول عمره بنقول عليه اخلاق .. ومن كلامنا عنه لينا حبته .. انا مصدوم فيه جدا ما بالك البنت
ام لينا : انت عارف يا عمرو .....
الحاج عمرو : عمرو كدا حاف ؟؟؟
ام لينا : ههههههههه عارف يا حاج ... ربنا رازقنا بصبر على بنتنا ملهوش حدود .. احنا لو اب وام تانيين كنا ربينا لينا من اول وجديد
الحاج عمرو : صلي ع النبي يا موووونـّه .. نربي مين اول وجديد .. دا بنتي تتحط فـ محميه عشان متنقرضش
ام لينا : ههههههههههه طول عمرك بتضحك وتهزر في اكتر الاوقات اللي المفروض نزعل فيها
الحاج عمرو اتنهد وابتسم ابتسامه خفيفه : الحمدلله على كل شيء
ام لينا : الحمدلله
--
فـ بيت لينا :
نوران : لونّـــاااااااااا ازيك يا عمري وحشاني
لينا : وانتي كمان يا نور .. تعالي خشي اتغدي معانا
نوران : لا انا جايه بس اطمن عليكي .. اما بشوفك بفرح وبنسى الهم اللي انا فيه
لينا : ليه خير حصل حاجه ولا ايه
نوران ابتدت تعيط : محصلش
لينا : لا حصل .. خشي مش هتروحي الا اما تحكيلي في ايه
نوران : مفيش بس إلياس تعبان اوي يا لينا .. ومش مصدق انك كويسه ووشه بقى اصفر ومعدوم من كتر ماهو شايل ذنبك ومش راضي ياكل
لينا فـ سرها : معقول بيحبني للدرجادي !! بقى اللي خاني يسافر مع اصحابه يتفسح .. واللي عرفني حقيقة نبيل هوا اللي يحبس نفسه ف الاوضه ومياكلش
نوران : لينا .. انتي معايا ؟؟
لينا : معاكي اه .. طب والعمل ف اخوكي دا
نوران : انا اصلا كنت جايه اطلب منك طلب بس رجعت ف كلامي
لينا : اطلبي يا نوران .. هوا في بينا طلب وبتاع .. اي حاجه تطلبيها هنفزها
نوران : انااا كنت عاوزاكي ... آآآآآ مممم
لينا مسكت ايد نوران : عايزاني اكلم الياس واقوله اني كويسه عشان يطلع من الخنقه اللي هوا فيها ؟
نوران بابتسامه : طول عمرك بتقري عنيا
لينا : حاضر ياستي هكلمه وهخليه يطلع يخلص ع المطبخ كله .. اتبسطي ؟
نوران بضحكه واسعه : طبعا اتبسسسسسطت ربنا يخليكي لياااااااا ياااااااااااااااااااااااااااااااارب
لينا : يلا روحي بقى
نوران : انتي مش قلتي في غداء
لينا : لا دي عزومة مراكبيه
نوران : طب جعانه
لينا : اتكلي على الله يا حاجه .. شوفيلك سندوتش تأزأزي فيه يلا
نوران : واطتتششششيه هههههههههههههههه
لينا : هههههههههههههههههههههههههههههه
قفلت لينا الباب وكان كل تفكيرها .. ازاي إلياس طلع بالحنيه دي كلها وبالاحساس اللي هوا فيه دا كله !! وازاي الفكره اللي كانت واخداه عنه طلعت كلها غلط × غلط !!
---
--تابعونا في الحلقه الجايه^^
الإثنين أغسطس 19, 2013 3:26 pm
