(16)
قصة " ماليش غيركـ " ..
-----------------------------
( إلياس كان مستني في العربيه زي ما لينا قالتله )
إلياس : ايوا يانبيل
نبيل : انا في الفندق اهه انت غرفه كام
إلياس : انا بجيب غدا ليا وليك .. انا عموما سايب المفتاح في الريسيبشن ومديهم اسمك .. استناني في الغرفه عشان ممنوع انتظار النزلاء في الرسبشن
نبيل : مممممممم طب في حد فوق
إلياس : ههههههههههههههههه لا زمانهم مشيوو متقلقش
نبيل: ماشي متتأخرش بس
( نبيل كان مفكر في طريقه يخلص بيها من إلياس .. فـ للاسف جاب معاه مخدرات عشان يخلي إلياس يدمن ويتلهي في حاله وادمانه ويبعد عن حياته .. كان تفكير خاطئ وقاسي من نبيل لكن مفيش في ايده حاجه يعملها غير كدا )
- دخل نبيل غرفة إلياس في الفندق ... ولقى صوت واحده في الحمام .. فمدلهاش اي اهتمام وفضل قاعد مستني إلياس .. وأثناء ما كان مستنيه حس بخيبة أمل كبيره فـ نفسه .. وانه ازاي يعمل حاجه زي دي في انسان مريض .. وفكر في نوران وفي الاذيه اللي هيسببهالها لو إلياس بقى مدمن .. وفجأه نبيل ضحك اوي )
نبيل بيكلم نفسه : ايه شغل الافلام اللي انا بعمله دا
- طلع نبيل المخدرات اللي معاه ودخل المطبخ رماها في الحوض وفتح الميه عليها ..
--
( إلياس وهوا مستني فـ العربيه ... لقى منى جايه بعربيتها .. )
منى : انت بتعمل ايه هنا يا متخلف
إلياس : احترمي نفسك بدال ما اجي اربيكي
منى بصوت عالي : بقولك ايه اللي جابك هنا ؟؟؟؟؟؟
( لينا طلعت هيا ونوران من البيت )
لينا : كويس انك جيتي يامنى يلا بينا
منى : انا مش فاهمه حاجه انتي جايباني على ملا وشي عشان تقوليلي يلا بينا .. هوا جاي معانا ؟؟
لينا : احنا هنمشي وراه بالعربيه
منى بنرفزه : هنروح فين يعني
لينا: هتعرفي بعدين يلا مفيش وقت ماما ممكن تاخد بالها واحنا واقفين كدا
منى بقرف : اتفضلو اركبو
--
( إلياس وصل الفندق وقال لـ نوران .. استنوني هنا ) .. ( رجع بعد شوية وقال لـ لينا هوا في غرفه رقم 64 في الدور الثاني .. انا مش طالع معاكي عشان مش عاوز مشاكل معاه .. اطلعو انتو )
منى : انا مش فاهمه حاجه .. هوا مين اللي نطلعله
لينا : اخوكي
منى : ونبيل هيعمل ايه في فندق زباله زي دا ... يلا نمشي بلاش هبل
لينا : خلاص خليكي انا هطلع انا ونوران
منى : انتي مش خايفه يكون مدبر مصيبه فوق ؟؟؟؟
نوران : لو مدبر مصيبه مكنش هيسيبني انا كمان اطلع
منى : نوران لو سمحتي لا عايزه اسمع صوتك ولا صوت اخوكي ممكن
لينا : يووووهوو انا طالعه اللي عايز يجي يجي
( وصلت لينا لـ غرفه 64 وبصت لنوران وهيا خايفه تخبط على الباب ويطلع نبيل جوا فعلا ..)
نوران : اخبط انا
لينا هزت رأسها بـ آه
( نوران خبطت على باب الغرفه ورجعت لـ ورا وسحبت لينا معاها )
نبيل وهوا بيفتح الباب : ايه التأخير دا كله ... لينا !!
لينا : ايه اتفاجئت ..؟؟
واحده من جوا الأوضة : مين اللي ع الباب
( نبيل التفت وراه على الست اللي اتكلمت .. وبمجرد ما رجع بص لـ لينا تاني .. كان لينا سحبت ايد نوران ومشيت )
نوران : انا اسفه
لينا : بتتأسفي على ايه يا غبيه .. انا اللي طلعت غبيه فعلا ودموعي كل شوية تنزل على الانسان اللي مكنتش عاوزه اخسره .. انتي شايفاني يعني بعيط ولا زعلانه حتى عشان تتسأسفي
منى : انت يا نبيل
نبيل : والله العظيم دي اوضة إلياس وهوا اللي جابني هنا
منى : الحقير دا هوا اللي جاب لينا ونوران هنا
نبيل بزعيق : وانتي ازاي متصلتيش عليا
منى : انت هتركبني الغلط ؟؟؟؟؟؟؟؟؟؟؟؟؟؟ انا معرفتش حاجه الا لما جيت هنا .. انت هتفضل تتكلم كدا مش هتلحق لينا
نبيل : لأ
منى : نعم ؟
نبيل : اما تروح البيت هجيلهم زياره واقعد معاها افهمها انا مش هعمل زي الحيوان إلياس واخانقها واخليها تنهار ف الشارع
--
فـ بيت لينا :
لينا : مااااااااامااااااااااا
ام لينا : انا في المطبخ
لينا بقوه وبرفعة حاجب : بصي يا ماما .. مش انتي كنتي عايزه تعرفي مالي؟؟
ام لينا : ايه ؟
لينا : ابن اختك كل يوم والتاني يروح اوتيلات مع بنات وبيخوني .. عرفتي في ايه ؟؟؟ لوسمحتي بقى انا عاوزه افسخ خطوبتي منه لأن في واحد بيحبني وانا موافقه عليه
ام لينا : دا اللي اتخانق عشانك في الجامعه
لينا بـ انفعال وبأسلوب وقاحة : ايواااااااااا بغض النظر عن اللي قالك عللي حصل .. فهوا اه اللي اتخانق عشاني ف الجامعه وهوا اللي قالي على نبيل .. وانا شفته واتاكدت بنفسي .. اقولك على حاجه كمان ؟؟؟؟ انا اتفصلت من الجامعه ,,, حابه تفرحي اكتر ؟؟؟؟ الولد دا هوا اللي ضرب نبيل بسكينه في ركبته مش وقع على ازاز ولا حاجه .. اقولك على المفيد ؟؟؟؟؟؟؟؟؟؟؟ انا تعبــــــــــــــــــــــــــــــــت وزهقــــــــــــــــــــــت يارب خدني بقى عشان كلكو ترتاحو مني
( طلعت لينا من المطبخ وراحت اوضتها وقفلت الباب بالرزع .. وام لينا فضلت ساكته من وقاحة بنتها معاها .. ومستنيه الحاج عمرو لما يجي عشان يتصرف مع بنته .. لأنها لو اتصرفت معاها هتسيبها مشوهه )
((((( بيني وبينكو كـ مؤلفة وقرّاء يعني ..... ام لينا دي شخصيه صعبه بحته)))))
--
نوران : لينا .. انا هروح عشان مش هينفع اكون ف البيت النهارده
لينا : وهترجعي لإلياس
نوران : عادي بقى مش هياكلني
لينا : مممممممممممم هوا عموما انا متوقعه ان النهارده يوم مش هيخلص .. فالأفضل انك تروحي فعلا
نوران : يلا بقى هبقى على اتصال بيكي واعرف منك الاخبار
لينا : اوك
نوران : لينا ؟
لينا : نعم
نوران : انتي كلمتي ممتك بطريقه وحشه اوي
لينا : بقولك ايه الله يرضى عليكي .. متزوديش همي
نوران : خلاص خلاص .. اشوف وشك بخير
لينا : سلام
---
فـ مطعم :
علي : بقولك ايه يا عم خالد ماتصحصح معانا كدا بدال مانت سرحان ..ايه بتفكر في ايه تاني
خالد : موضوع نسمه ياعم ... البت ماشيه عدل ومبتغلطش .. لولا بس اني عارفها ع الموبايل مكنتش اترددت اني اتقدملها
علي : طب وماله ياعم موبايل .. مافي بنات بتدخلها من الباب وفي الاخر بيطلعو شمال .. مش انت بتقول عدله ومحترمه .. خلّص الموضوع بقى عشان امك وعشان تصحصحلنا بقى
خالد : طب واللي يسألني عرفتو بعض ازاي ؟؟؟؟؟
علي : عادي ياعم انت قريب صحبتها ياعم وشفتها في اي حفلة يعني هيا مش بتروح حفلات
خالد : انت شايف كدا
علي : اه ياعم اي عاقل شايف كدا يعني
خالد : خلاص هتصل عليها بعد السهره
علي : ايوا بقى يا عرييييييييييييييس
خالد : عريس ايه انت كمان .. الجوازه دي انا مش معتبرها حقيقي يعني .. انا بقضي مهمه وخلاص
علي : ياعم افرح ياعم .. واتصل بيها بقى دي اكيد هتطير من الفرحه .. وافرد وشك كدا عشان يبان عليك انك فرحان من صوتك
خالد بضحكه ساخره : هــه متخافش على صاحبك
-
فـ بيت طنط فاطمه :
خالد : مساء الخير
نسمه : ايه يا خالد مش انا قلتلك متتصلش عليا تاني عشان منى اختي
خالد : طب ولو قلتلك اني حكيت لماما عليكي وهنيجي نقابل باباكي يوم الخميس .. هتخليني اتصل عليكي ولا ايه
نسمه : بجد يا خالد والله العظيم
خالد : بجد ياحبيبتي .. اخيرا خلاص هنبقى لبعض
نسمه : ياااااااه دا كان حلم بالنسبالي بجدددددد
خالد : واديه اتحقق اهه وهيبقى واقع يوم الخميس
نسمه : اللللللللللللللله ... طب انت هتقولهم ايه ولا انا هقول ايه
خالد : لا دا شغل اختك بقى ... اانا من سن منى وممكن تقول اني كنت زميلها في الجامعه وواحده صحبتها عرفت اني بدور على عروسه صغيره فقالتلي عليكي
نسمه : واللللله فكره ومنى مش هتقول لأ بدام هتتقدم
خالد : اه محدش ف الجواز بيقول لأ هههههههههههههههههه
نسمه : ههههههههههههههههههههههههههههه
خالد : يلا انا هقفل بقى وانتي ظبطي الموضوع مع اختك وكلمي ابوكي وانا هاخد رقمه منك اما يوافق واحدد معاه معاد .. ماشي
نسمه : مااشي تمام .. خالد ؟؟
خالد : عيون خالد
نسمه : انا بحبك اوي والله العظيم
خالد : وانا كمان يا عمري بموت فيكي
نسمه : باي بقى ^_____________^
خالد : باي
--
فـ بيت نوران :
محمد : ألو
نوران : الو مين معايا؟؟
محمد : انا محمد
نوران : محمد !! ازيك يا محمد هوا انت جبت رقمي منين
محمد : مش مهم من مين انا كنت عاوز اتكلم معاكي
نوران : مالوش لازمه الكلام ... انا عارفه ومقدره الموقف اللي اتحطيت فيه .. وصدقني مش هلومك لو صرفت النظر عن الخطوبه ..
محمد : مين قال اني صرفت نظر ؟
نوران : اومال انت متصل ليه ؟
محمد : عشان اقولك ان مهما حصل انا هكون حلالك .. وعمر ما ظروف اي حد تخليني ابعد عنه .. وإلياس بقى أخويا زي ماهوا اخوكي ومفيش أخ بيتبرا من اخوه ..
نوران بفرحه : انت بتتكلم بجد ؟؟
محمد : وجد الجد كمان .. انتي ملكيش ذنب في كل اللي حصل وانا متمسك بيكي وشوفي المعاد اللي يناسبك انتي واخوكي وعمتك واجي اتمم الخطوبه ولو كتبت كتاب كمان انا معنديش مشاكل وجاهز من كل حاجه
نوران : انت بجد حد ربنا يبارك فيه .. انا محظوظه بيك يا محمد
محمد : انا اللي محظوظ بيكي في حياتي .. ويلا بقى انا مش هعطلك اكتر من كدا .. خلي بالك من نفسك وهستنى منك اتصال او مسج
نوران :ماشي .. لا اله الا الله
محمد : محمد رسول الله
--
فـ بيت لينا حصلت مناقشات طويله جدا جدا جدا بين لينا ومامتها وباباها .. لكن لينا مقالتش كل حاجه عن إلياس ,, كان كل كلامها عنه على انه بطـــل مش منافق ولا مخادع .. رسيت المناقشات على ان الحاج عمرو اتصل على نبيل وقاله كل شيء قسمه ونصيب سواء كنت غلطان او لأ لينا مش ليك
كان الكلمتين بتوع الحاج عمرو .. نازلين على ودان نبيل زي الصاعقه .. مقدرش حتى يرد ويقول حاجه .. سكت !
--
فـ بيت نوران :
نوران : الياس انت صاحي
إلياس : انتي شايفه ايه
نوران : انا عاوزه اتكلم معاك في اللي حصل النهارده
إلياس : خير ؟؟
نوران : هوا انت ليك يد في اللي حصل في الاوتيل دا ؟؟
إلياس : انتي عبيطه لا طبعا .. انا كنت بفكر اني انسحب من حياة لينا وقلت اطمن عليها فبتديت اراقب نبيل .. وشفته دخل الفندق مع البنات وجيت اعرف لينا حقيقته بس دا اللي حصل
نوران : ممممممممممممم
إلياس : انتي مش مصدقه ولا ايه
نوران : عادي يعني مصدومه
إلياس : متعرفيش لينا عملت ايه ؟؟
نوران : باباها كلم نبيل وقاله كل شيء قسمه ونصيب
إلياس قام من على سريره من فرحته : بجدددددددددددددددددددددد
نوران : اها بجد
إلياس : طب مقالتلكيش حاجه عني
نوران : مممممممم اما كنت في بيتها .. سمعتها بتقول لمامتها انها هتوافق عليك
إلياس : انتي بتهزري قولي والله العظيم
نوران : ياسيدي والله العظيم
إلياس بضحكه واسعه : نوران ؟؟
نوران : ايه ؟؟
إلياس : انا بمووووووووووووت فيكي انتي اجدع اخت ف الدنيا دي كووووووووووووووووووووووووووولللللللللللللللهااااااااااااااااااااااا
نوران : مش عاوزه الا سعادتك .. ممكن بقى متبقاش تعمل اي حاجه مجنونه معاها وراعي اللي هيا ضحت بيه عشانك
إلياس : انتي بتوصيني على روحي وعمري وقلبي ؟؟ انا عمري ما هزعلها .. انا اموت ولا يوم اخليها تدمع عشاني
نوران : ربنا يقدم اللي فيه الخير .. يلا انا هقوم انام ..
إلياس : تصبحي على خير يا عنيـــــــــــــــــأ من جوااااا
--
الحاج عمرو : ألو
عبدالله : ايوا يا عمي .. حضرتك فاكرني انا عبدالله اللي كنت كلمت حضرتك عن بنت اخت حضرتك الأنسه منى
الحاج عمرو : ازيك يا بني معلش مكنتش مركز ياحبيبي .. اؤمر ياحبيبي
عبدالله : ولا يهمك ياعمي .. انا بس كنت عاوز اخد موافقه من أي حد من طرف منى اني اجي اقابل اي حد .. اي حد
الحاج عمرو بضحكه بسيطه : هههههه انت مستعجل ليه يابني .. انا عموما كلمت مامتها وهيا مرحبه بيك في اي وقت
عبدالله : الخميس الجاي كويس ؟؟
الحاج عمرو : ماشي يا سيدي الخميس ... وألف مبروك مقدما
عبدالله : الله يبارك فيك ياعمي
الحاج عمرو : يلا لا اله الا الله
عبدالله بضحكه واسعه : محمد رسول الله
--
فـ بيت عبدالله :
عبدالله : مااااااااااااااااااااااماااااااااااااااااا
ام عبدالله : ايه ياحبيبي بتزعق ليه
عبدالله بفرحه : هنروحلهم يوم الخميس .. هنروحلهــــم يوم الخميــــــــٍسسسس
ام عبدالله : انا مخلفه مجنون والله مخلفه مجنون ... لسه باقي 6 ايام وفر فرحتك دي ليوم الخميس
عبدالله : اانا مش هكشر خااااااااااالص لحد يوم الخميسسسسسسسسس يسسسسسسسس
ام عبدالله : مخلفه عاهات انا !!
--
فـ مدرسة نسمه :
نسمه : فيروووووووووووووووووووووووووووووز مش هتصدقي اللي حصل
فيروز : اييييييه ايه ايه اللي حصل
نسمه : خالد كلمني امبارح وقالي انه هييجي يتقدملي
فيروز بصدمه : بجد ؟
نسمه : ايوا والله واتفقت مع اختي على انها تقول انه تبع صحبتها وزميلها وكدا .. ووافقت وقلنا لبابا .. وهيقابله بقى يوم الثلاث خلااااااااااص
فيروز بحقد جواها : اها .. طيب مبروك انا عايزه اركز مع شرح الميس .. نتكلم بعدين
( فضلت فيروز بتحقد على نسمه .. لأنها بقالها 4 سنين بتكلم ولاد ع الموبايل وعمر ما حد فيهم اتقدم لها .. وخصوصا انها كانت عارفه ومتأكده ان خالد دا لعوب ومش بتاع جواز .. وكان من جواها مش قادره تفرح لصحبتها .. وفي نفس الوقت بقت مش طايقاها ولا عايزه تجيب سيرتها )
--تابعونا في الحلقه الجايه^^
الإثنين أغسطس 19, 2013 3:25 pm
