(14)
قصة " ماليش غيركـ " ..
بعد ما الحاج عمرو ساب نوران تروح جامعتها .. فكر انه يروح للجامعه يعرف في ايه ؟؟
فقال فـ نفسه خليها بكرا .. يمكن بنتي فعلا عيانه ومحتاجه اجازه ومش عاوزه تقولي
--
الصبح الساعه 7 ونص ... صحي إلياس من النوم نشيط جدا
وابتدى يحضر فـ اللي هيعمله مفاجأه لـ لينا
نوران : إلياس !
إلياس : ايوا ياقلبي في حاجه
نوران بابتسامه : ياقلبي ؟ ايه اللي مصحيك بدري كدا
( إلياس قرب من أخته وحط ايده على كتفها .. وبصلها زي ما يكون لسه راجع من السفر )
إلياس : انا عارف ان بتصرفاتي خليتك تتمني اني أسافر تاني ومجيش مصر خالص ..
نوران : انت اخويا يا إلياس متقولش كدا
إلياس : سيبيني اكمل .. انا مهما عملت مش هعرف اعتذر عللي عملته فيكي .. ولا في الأذيه اللي سببتهالك انتي والناس القريبه منك .. بس انا عاوزك تعرفي اني بحبك .. بحبك اوي ومش عارف ازاي اعبر عن حبي .. انا طول عمري بتعامل من الناس كلها على اني مجنون .. وانا عارف اني مجنون .. بس انا مجنون بيكي انتي .. انا مجنون لينا
نوران : إليـــاااااااااس انا اختك مش لينا
إلياس : منا عارف بس بجرب عليكي الكلام اللي كنت هقوله لـ لينا
( نوران حز فـ نفسها الكلام اللي مطلعش ليها ..وخصوصا انها الوحيده اللي واقفه في صفه ولحد دلوقتي ملقتش اعتذار من اخوها )
نوران : مممممممم وانت هتقولهولها فين ؟؟
إلياس : ما دا اللي انا عايزك تساعديني فيه
نوران : انت عارف ان مفيش بيني وبينها كلام .. ومش هقول كدا تاني عشان بجد بتقطع من جوايا وانا بقول لكل حد ان مبقاش ليا علاقه بـ لينا ومعرفش عنها اي حاجه
إلياس : كل حاجه هتتصلح
نوران : ازاي وانت اخويا !!
( إلياس سكت وبصلها فجأه بصة عتاب )
نوران : انا آسفه مش اقصد ان انت عشان اخويا كل حاجه بتبوظ .. انا اقصد لو في حاجه هتتصلح يبقى انا مش هقف معاك .. هقف ضدك وانت اخويا مش هقدر اقف ضدك
إلياس : لالالالالالالالا هيتصلح مننا احنا الاتنين
نوران : عاوزني اساعدك ازاي طيب ؟؟
إلياس : انا عاوزك تكلمي واحده صاحبة لينا .. وتقوليلها تعزمها على حفلة هنعملها في النادي .. وانا متكفل بكل المصاريف
نوران : يعني اخليها تعزم لينا على اساس ان هيا اللي عامله الحفله ؟
إلياس : ايوا .. ومش بس لينا .. تعزم صحابها كلهم عادي
نوران : مممممممم ماشي اعتبر الموضوع تم
إلياس : النهارررررررده ماشي ؟؟؟ انا رايح اهو احجز في النادي .. الحفله هتبقى بكرا من الساعه 6 المغرب ماشي ؟؟
نوران : ماشي
--
تاني يوم فـ جامعة لينا الظهر :
السيكيورتي : حضرتك جاي ولي أمر لطالب هنا ؟؟
الحاج عمرو : اه انا جاي اروح بنتي عشان تعبانه
السيكيورتي : طب ممكن اتشرف بـ بطاقة حضرتك ؟
الحاج عمرو : اه اوي اوي .. اتفضل
السيكيورتي : اه اه الاستاذ عمرو محمد .. العميد سايب لنا خبر بحضور حضرتك
الحاج عمرو : العميد ؟؟ هوا اشعرفه اني جاي اصلا ؟
السيكيورتي : حضرتك هتفهم كل حاجه اما تدخل للعميد .. اتفضل معايا أوصل حضرتك لمكتبه
( الحاج عمرو كان ماشي متنح من كلام السيكيورتي .. وبيسأل نفسه : هوا العميد مستني حضوري ليه !! هوا بعتلي اصلا طلب استدعاء ولي أمر !! )
الحاج عمرو : طب بقولك ايه
السيكيورتي : اتفضل حضرتك
الحاج عمرو : هوا العميد سابلك خبر اني جاي امتى
السيكيورتي : امبارح حضرتك
( في ثواني معدوده .. ربط الحاج عمرو رجوع لينا امبارح بدري .. بـ وش اصفر مخطوف وبمزاج متعكر .. بـ كلام السيكيورتي عن الاستدعاء )
السيكيورتي : اتفضل حضرتك انا بلغت السكرتاريه والعميد فـ انتظار حضرتك
الحاج عمرو : متشكر يابني
( دخل الحاج عمرو مكتب العميد .. ولأول مره طاطا راسه وبص فـ الأرض لأنه عارف ان الموضوع اكيد كبير )
العميد : اهلا اهلا .. انت أبو الطالبه آ آ آ آ
الحاج عمرو بتوتر قاطعه : لينا .. لينا عمرو محمد
العميد باستهزاء : لينــــــــــاااااااا
الحاج عمرو : هوا في حاجه حصلت ياسعادة العميد ؟
العميد : هيا بنتك مش حكتلك اللي حصل ؟؟
الحاج عمرو : انا بنتي مقالتليش حاجه اصلا .. انا كنت معدي من قدام الجامعه عشان آخدها ولقيت السيكيورتي اما شاف بطاقتي قالي ان حضرتك متوقع حضوري النهارده
العميد : دا حقيقي
الحاج عمرو بتوتر : ممكن افهم من حضرتك ايه اللي حصل
العميد : من كلامك يا فندم عرفت انك متعرفش حاجه عن الخناقه اللي حصلت ف الجامعه امبارح
الحاج عمرو : خناقه ؟؟
العميد : يا فندم بنتك امبارح اتسببت في خناقه بين طالب دراسات عليا .. وبين متشرد من الشارع
الحاج عمرو : بنتي انا !! انا بنتي بتمشي جمب الحيط
العميد بسخريه : هههههههههههههههههههههه هوا انا مقولتش لحضرتك ان الولدين دول اتخانقو على بنت حضرتك ... وانت عارف انا اقصد ايه يا فندم
الحاج عمرو بنرفزه : لا مش عارف حضرتك .. ممكن حضرتك توضح احسن ؟؟؟
العميد : يعني بنت حضرتك معشمه الولدين دول بالحب واتخانقو عليها .. مالهاش تفسير تاني اوضح من كدا
( الحاج عمرو عارف تربيته لبنته وانه لا يمكن لينا تعشم اي حد بالحب بسبب حبها لـ ابن خالتها نبيل .. فاتعصب جدا على العميد )
الحاج عمرو بصوت عالي : دي بنت حضرتك اللي مش هتختلف حاجه عن بجاحة حضرتك هيا اللي تعشم الرجاله بالحب ويتخانقو عليها .. مش بنتي انا
( قام الحاج عمرو من على الكرسي واتوجه للباب عشان يخرج من مكتب العميد )
العميد : انت اتجننت يا حضرة ؟؟؟؟؟؟؟؟؟؟ انت عارف اني ممكن أمنع بنتك من انها تلتحق بأي جامعه تانيه حتى لو خاصه ؟؟
الحاج عمرو وهوا بيفتح باب المكتب وبرفعة حاجب : مش انا اللي اسمح لـحد مهما كانت نفوذه انه يقول كلمه وحشه على بنتي واسكت عشان مبوظش مستقبلها .. المستقبل دا ربنا اللي كاتبه .. وحضرتك ممكن تموت دلوقتي حالا ومستقبل بنتي يفضل منور قدامها .. لا انت ولا مليون زيك يقدرو يتحكمو فـ أخلاق بنات الناس .. بدام متعرفش بنتي يبقى مالكش الحق انك تتكلم عليها ربع كلمه .. وانا أبقى مرآ لو سبتها في الجامعه دي دقيقه واحده (سوري على اللفظ )
( طلع الحاج عمرو بكل ثقه وكبرياء من مكتب العميد واتوجه لعربيته وشغلها ومشي بيها لحد مابعد عن الجامعه شوية .. وبعدها ركن العربيه عند البحر وفضل قاعد فيها بيفكر في كلام العميد .. ومرعوب من ان كلامه يطلع صح ويكون هوا اللي معرفش يربي وان هوا بس اللي شايف بنته ملاك .. ولأول مره فـ حياته تنزل دمعه مقهوره من عينه .. ومش عارف يروح يعاتبها ازاي ولا حتى ينطق كلمه من كلام العميد .. فـ شغل عربيته وراح شغله تاني وقال اما يرجع من الشغل يحلها الحلال )
--
فـ بيت محمد :
ام محمد : ايه يابني مفيش خبر من اهل نوران ؟؟ دا الخطوبه متأجله اسبوعين اهه !!
محمد أخد تنهيده : مش عارف يا ماما .. اخوها بيسافر كتير وكلها كام يوم وسفره يقل ونعمل الخطوبه
ام محمد : ع البركه يابني عاوزه افرح بيك بقى
محمد : ان شاء الله يا امي .. انا طالع اوضتي بقى انام لي كام ساعه كدا
ام محمد : ماشي ياحبيبي .. ربنا ينورلك طريقك يارب ويجعلها وش السعد عليك
محمد بابتسامه حزينه : يا رب يا امي
( طلع محمد لـ اوضته وكان حاسس انه عاوز يعيط من كلام امه وفرحتها انه اخيرا هيخطب ويتجوز .. ومن كل الأحداث اللي عرفها من نبيل .. ومن عدم استيعابه انه ممكن يسيب واحده زي نوران ويظلمها عشان اخوها عنده حاله نفسيه ) ..
فضل محمد قاعد ع السرير مش جايله نوم وبيفكر في حاجات كتيره اوي .. وفجأه قال لـ نفسه .. محدش هينفعني فـ أمري الا ربنا .. وقام واتوضا وصلّى صلاة استخاره وقعد يدعي كتير ان ربنا يلهمه القرار الصح اللي فـ مصلحته هوا ونوران
نام محمد .. وصحي من النوم بعدها بـ ساعه .. ضحك ضحكه عبيطه وقام بسرعه ولبس أحلى وأشيك لبس ونزل من البيت ..
--
فـ بيت لينا :
( ام لينا سمعت باب الشقه بيتفتح .. )
أم لينا : انت جيت يا عمرو .. ربع ساعه هحمر فيها الفراخ وناكل على طول
الحاج عمرو هز راسه بـ أوكي ودخل على اوضته
( ام لينا دخلت وراه الاوضه لانها حاسه ان فيه حاجه )
أم لينا : مالك ياحبيبي ؟
الحاج عمرو : ماليش يا حبيبتي هيا لينا فين ؟
أم لينا : هههههههه هناديهالك .. الله يرحم زمان مكنش حد يقدر يعدل مزاجك الا انا .. دلوقتي بقى في بنتك الوحيده طبعا المقارنه مختلفه 180 درجه
الحاج عمرو وهوا بيطبطب على كتف أم لينا : انتي الخير والبركه ودايما ولولاكي مكنتش وصلت للي انا فيه دلوقتي .. يلا يا ولية فين الفراخ اللي هتتحمر الربع ساعه خلصت
ام لينا : هههههههههههههههههههههههههه هوا مفيش كلام حلو بينتهي بـ حلو ابدا
الحاج عمرو ضحك ضحكة هاديه : مانتي لو كنتي بتحمري صوابع زينب كانت انتهت بـ حاجه حلوه
ام لينا : هههههههههههههههههههههههههههههه يلا غير هدومك وانا هناديلك على لينا .. البت دي متنحه النهارده ومش عارفه مالها
الحاج عمرو : قالتلي انها تعبانه
ام لينا : تلاقيها بقت زي الفل انا هناديها تغرف الأكل وانت غيّر يلا بسرعه
(( على السفره ))
الحاج عمرو بـ تكشيره : عملتي ايه النهارده ف الجامعه
لينا فضلت باصه لطبقها : لا انا مرحتش النهارده كنت تعبانه
الحاج عمرو : وتعبانه من ايه ؟ بطنك واجعاكي
لينا : اها
( لينا حبت تغير الموضوع عشان محبتش تكدب على ابوها اكتر من كدا )
لينا : بابا ساره صحبتي كلمتني .. وعزمتني بكرا على حفله عاملاها في نادي ,, ممكن اروح اغير جو .. انا بقالي كتير مخرجتش
الحاج عمرو كاتم عصبيته : هتروحي مع حد
لينا : اه هاخد منى معايا
الحاج عمرو : هيبقى الساعه كام
لينا : الساعه 6 المغرب
الحاج عمرو : خلي نبيل يوصلكو عشان مشغول
لينا : ماشي
( لينا حست ان باباها عارف حاجه .. لانه من صغرها وهوا بيوصلها في كل حته تروحها .. سواء هيا او منى بنت خالتها .. بس قعدت تدعي ان يكون احساسها بيخونها وباباها ميعرفش حاجه فعلا )
--
جه الليل .. ودخل الحاج عمرو كعادته يبص على لينا وهيا نايمه يشوفها متغطيه او سايبه النور والشباك مفتوحين ولا لأ .. لقى لينا صاحيه
الحاج عمرو : انتي صاحيه
( لينا غطت وشها عشان باباها ميشوفهاش وهيا بتعيط )
لينا بصوت محشرج : اه يا بابا صاحيه هنام اهه
الحاج عمرو بص عليها وهيا مغطيه راسها بالبطانيه وقلبه مش مطاوعه يبوسها في راسها زي كل يوم
الحاج عمرو بصوت ناشف : تصبحي على خير
لينا : وانت من اهله يا بابا
--
فـ بيت نوران :
إلياس : ها اتأكدتي ان لينا جايه اكييييييييييييييد
نوران : ايوا ساره كلمتها قالتلها مسافة السكه
إلياس : طب يلا واحنا يادوب نروح هناك .. متكلميهاش خالص وابعدي عنها لحد ماتيجي الفرصه ماشي
نوران : اللي انت عاوزه
إلياس : يلا يلا متأخرين
--
فـ حفلة ساره :
( لينا كانت قاعده جمب منى وسرحانه والهموم باينه فـ وشها )
منى : مالك في ايه
لينا : مفيش
منى : ياسلام ؟؟ على اساس اني اول مره اشوف وشك بالمنظر دا ؟؟ هوا حصل جديد
لينا حبت تغير الموضوع : اسكتي مش انا شفت عبدالله
منى ضحكت اوي : بجد ؟؟؟ فين ؟
لينا : كان مستني عند الجامعه و..........
( فجأه سمعو صفارة عامله زي صفارة الحريق .. وأنوار القاعه اللي في النادي ابتدت تتخافت )
منى : ايوا بقىىىىىىى .. انا بحب المنظر الخافت دا .. اكيد عاملين مفاجأه لسارة
( النور ابتدى ينور من تاني .. بس المرادي .. كان في قلب كبير قاعد على الكنبه اللي بتبقى كوشة فـ الخطوبات ..
البنات كلها فضلت تقول : اوووووووووووووووووووووووووو
على اساس ان اللي قاعد في كنبة الكوشه دي حد يخص سارة
بس ف الحقيقه .. دا كان إلياس .. وكان مشتري لبس عباره عن قلب كبير اوي وهوا واقف جواه ( زي الشخصيات الكرتونيه في اعياد الميلاد )
قام إلياس من على الكنبه والكل مبسوط من المنظر الحلو دا
حتى لينا ومنى
مسك إلياس المايك واتكلم :
انا جاي النهارده .. عشان اعبر عن حبي لأغلى انسانه في حياتي .. انا أتسببت ليها في مشاكل كتير ولو قلت كتير يبقى مش بوصف الحجم الحقيقي
( كل البنات كانت عايشه جو رومانسي ومبسوطين وبيغمزو لساره .. لكن ساره كانت عارفه ان كل الحفله دي لـ لينا .. )
إلياس بيكمل :
انا جاي النهارده باللبس المجنون دا .. عشان انا فعلا مجنون .. انا مجنون بواحده وبحبها وبموت فيها
( قلع إلياس الماسك اللي كان لابسه .. وكل البنات قاله اوووووووووووووو .. الا لينا ومنى برقو عينهم وشهقو جامد )
إلياس بيكمل :
انا مجنون بيكي يا لينا .. ((( اوووووووووووووووه من البنات )))) وبقالي اسبوع بفكر في اي حاجه اثبتلك بيها اني مش بتاع مشاكل واني غير الشخص المتهور اللي انتي عارفاه .. واني شخص عاقل مش مجنون .. بس انا فعلا مجنون ولو عملت ايه اانا عارف انك مش هتغيري فكرتك عني
( إلياس فتح سوستة اللبس اللي كان لابسه .. وقلعه .. كان لابس بدله والقميص مكتوب عليه " انا آسف .. تتجوزيني " ومسك في ايده بوكيه ورد وراح لـ لينا )
إلياس بيكمل : دموعك دي غاليه عليا .. وانا عارف اني كنت السبب فـ انها تنزل الفتره اللي فاتت .. انا ابن كلب وحيوان وزباله .. انا ندمان اني اتسببتلك في ضيقه .. انا عاوزك ليا .. والله العظيم ما متخيل حياتي من غيرك .. انا حاسس انك هتعوضيني عن امي اللي اتحرمت منها عشان كدا عملت كل اللي عملته على أمل انك متبقيش الا ليا .. لينا ؟؟ تتجوزي واحد مجنون عنده حاله نفسيه وكان فاكر انه اتعالج واول ما شافك حس بـ ايام ما كان صغير وامه وابوه اتوفو في حادثه ؟؟؟ تتجوزي الواحد دا يا لينا ؟؟ تتجوزيني ؟؟ والله العظيم هحافظ عليكي وعمري ما هزعلك تاني يا عمري
( لينا كانت حابسه دموعها من النزول .. ومكنتش عارفه تعمل ايه غير انها خدت شنطتها وقامت عشان تمشي .. )
إلياس وهوا ماسك دراع لينا بحنية : مش هسيبك تمشي .. مش كل مره هتمشي وتسيبيني كدا .. انا تعبــان يا لينا والله العظيم تعبــان من غيرك .. قولولها يا جماعه اني بحبها .. قولولها توافق عليا
( البنات اووووووووووووووووووووووووووووه )
( لينا بعصبيه شدت دراعها ولأول مره تمد ايدها على حد .. ضربت ألياس قلم على وشه وكملت مشي .. مسكها إلياس تاني )
إلياس : اعملي فيا اللي انتي عاوزاه ... لو عايزه تقلعي جزمتك تضربيني بيها اعملي كدا .. بس اوعديني انك هتبقي ليا
لينا بعياط : كفايه بقى حرام عليك كــفـ.........
( وقعت لينا اغمى عليها ... والبنات اتجمعو حواليها وفضلو يفوقو فيها .. وإلياس يبعد البنات عنها .. مش عاوز حد غيره يفوقها .. فاقت لينا وقامت بتدور على شنطتها وعلى منى عشان يمشو )
إلياس : انا مش هـ مل .. وهفضل على طول احبك حتى لو حصل ايه ..
منى : اساسا انت لو راجل مكنتش عملت زي الـ**** ووريتنا وشك بالهبل اللي انت عملته من شوية دا وسيبنا في حالنا بقى حرام عليك
إلياس بعصبيه : انتي متتكلميش خالص :@
منى : انت مين يعني عشان تزعقلي كدا ؟؟؟؟؟؟؟؟؟؟؟؟؟ حيا الله واحد مجنون .. يلا يا لينا
( منى سحبت لينا من ايدها جامد وركبتها عربيتها وروحتها البيت )
-
فـ بيت لينا :
الحاج عمرو سمع لينا وهيا بتفتح الباب الساعه 7 ونص ووشها كله متلخبط مكياج
الحاج عمرو : ها اتبسطي ؟؟
( لينا مش من طبعها انها تقع في مشاكل وتعرف تحلها .. كانت دايما بترجع لأبوها وامها تستشيرهم فـ كل حاجه .. )
لينا على وشك انها تعيط : هوا انا ينفع اعيط في حضنك ومتسألنيش مالك ؟؟
( الحاج عمرو متضايق من لينا لسه انها مخبيه عليه موضوع فصلها من الجامعه )
الحاج عمرو : ( شاور بإيده تعالي )
لينا حضنت باباها : انا بتبهدل يا بابا .. بقالي اكتر من شهر مش بنام .. انا مش قادره استحمل اي حاجه بتحصلي انا معرفش انا أذيت مين في حياتي عشان يحصلي كل دا !!
الحاج عمرو : اسألك دلوقتي مالك ولا لأ ؟؟
لينا بصوت عياط عالي : آآآآه آآآآآآآه
--تابعونا في الحلقه الجايه
الإثنين أغسطس 19, 2013 3:18 pm
