(13)
قصة " ماليش غيركـ " ..
-----------------------------
فـ بيت نوران :
نوران مسكت موبايلها تتصل على لينا عشان تشوف اخبارها ايه بعد ما إلياس اتسبب فـ فصلها من الجامعه
نوران : ألو
لينا : مين معايا
نوران : انا نوران .. انا جبت خط جديد .. بالله عليكي ماتقفلي
لينا : عايزه ايه يانوران ؟
نوران : وحشتيني يا لينا
لينا : ههههههههههههههه اه .. اه وانتي كمان
نوران : انا عارفه انك مش طايقه تتكلمي معايا بس بجد انا ماليش ذنب فـ ان اخويا يعمل كدا واخسرك
لينا : كان ممكن اصدق كلامك لو كنت وقفتي جمبي فـ كل اللي اخوكي بيعمله فيا .. بس انتي بتقفي جمبه .. بتقفي مع الغلط
نوران : دا اخويا الوحيد يا لينا .. دا اللي باقيلي من بابا وماما .. انتي متعرفيش يعني ايه تعيشي من غير أم ولا أب ولا أخ 16 سنه .. ولما اخيرا اخويا اعتر فيه مش عاوزاني اج
ي في صفه
لينا : انتي سامعه انتي بتقولي ايه ؟؟ انا مالي انا بأخوكي المجنون ؟؟ في داهيه انتي وهوا .. بناقص دي صحوبيه بوظتو حياتي حسبي الله ونعم الوكيل !!
( قفلت لينا السكه في وش نوران وقفلت موبايلها تاني .. وفضلت تعيط .. جه الحاج عمرو وخبط على باب اوضتها ودخل على طول كعادته .. لقى الباب مقفول بالمفتاح )
الحاج عمرو : لينا .. انتي بتغيري ؟
لينا مسحت دموعها بسرعه : اه يا بابا بغير هدومي
الحاج عمرو : ماشي ياحبيبتي اما تخلصي تعاليلي
لينا من ورا الباب : هوا في حاجه يا بابا ؟
الحاج عمرو : هوا لازم يبقى في حاجه عشان نتكلم ؟
لينا : خمس دقايق يا بابا وهطلع حاضر
الحاج عمرو : يلا
--
فـ بيت نبيل :
( محمد وصل لبيت نبيل .. وام نبيل دلت محمد على اوضة نبيل )
محمد : سلامات يا بلبل .. ألف لا بأس عليك ياكبير
نبيل : تسلم يا محمد .. تعال اقعد
محمد : ايه يا عم .. ايه اللي مشلفط رجلك كدا ؟؟؟
نبيل : منا كنت جايبك عشان كدا
محمد : خير ياعم هوا انا سكرت وشلفطتك كدا ولا ايه ؟؟
نبيل : ههههههههههههههههههه لا دا الزفت إلياس
محمد ضحك ومركزش مع كلام نبيل : هههههههههههههههههههههههه .. ايه ؟؟ استنى انت قلت مين ؟؟؟
نبيل : الزفت إلياس
محمد : إلياس أخو نوران ؟؟؟؟؟
نبيل : ايوا
محمد : انت عملت حاجه لنوران ؟؟
نبيل : نوران ايه انت كمان .. بقولك الزفت إلياس
محمد : عمل ايه يعني ؟؟؟؟؟؟؟؟
نبيل : كلمني من كام يوم وقالي انا عاوز اقابلك
محمد قاطعه : فعلا هوا اخد رقمك مني .. بس ليه ؟؟
نبيل : انت هتسكت وتسمع ولا ارميك من الشباك على عربيتك عدل ؟
محمد : خلاص كمل ياعم
نبيل : رحت قابلته في الميدان .. وقالي ان لينا تخصه وعاوزني افسخ خطوبتي بيها
محمد : نععععععععم ؟ لينا ؟ عبيط دا ولا ايه
نبيل : المهم .. كان جايب معاه سكينه عشان لو رفضت اسيب لينا يقتلني بيها بس جت في ركبتي زي مانت شايف
محمد : فيلم هندي دا صح ؟
نبيل : محمد انا مش فايق للهزار والمصحف
محمد : انت بتتكلم بجد .. إلياس عمل فيك كدا ؟؟؟ ليه مجنون هوا ؟؟
نبيل : اه يا عم طلع عنده حاله نفسيه من ساعة ما ابوه وامه اتوفو في حادثه وكان عاوز ينتقم من السواق
محمد : انت عارف ان اي حد عاقل لو سمعك بتقول كدا هيقول انك بتحور عليه ؟؟
نبيل : منا مش عارف اقول لحد .. ولو قلت لحد هيقولي كنت بتتخانق على بنت وانت عارف محدش هيفهم لينا دي تبقى ايه بالنسبالي !! وانا صبرت اد ايه عشان ابوها يوافق يخطبنا لبعض
محمد : لا حول ولا قوة الا بالله .. يعني انا لو في يوم عملت حاجه لنوران هيجي يقتلني بمطوه .. عبيط دا ولا ايه !!
نبيل : انا جايبك عشان تفكر معايا
محمد : ممممممم هيا لينا متعرفش صح ؟
نبيل : تعرف .. كان عندها خبر من نوران ان الزفت كان هيقابلني ويقتلني
محمد : يعني مكنش في تفاهم يعني
نبيل : بقولك كان قايل لـ لينا انه هيتجوزها وانه بيحبها .. ولما قالتله انا بحب نبيل قالها انا هقتله ومش هتكوني لغيري
محمد : الواد دا بيتفرج على افلام ابيض واسود كتير اوي
نبيل : اعممممممممممممل ايه ؟؟؟؟؟؟؟؟؟؟؟
محمد : اسجنه .. بلغ عنه .. دا اساسا ميستاهلش انه يعيش .. دا كدا ممكن يضر بأخته وبسمعتها .. واللي اتضرت فعلا .. انا لايمكن اتجوز واحده اخوها مجنون وماشي بمطوه ف جيبه
نبيل : مالهاش ذنب نوران انها تتفضح في دمياط كلها ... انا مش عاوز شرطه ودوشه .. عاوز احل الموضوع بالذوق
محمد : يعني ايه تحله ؟؟ يعني انت مستعد تتخلى عن لينا ؟؟
نبيل : اومال انا جايبك ليه ؟؟؟؟؟؟؟؟ ماتفكر معايا يا محمد انا عقلي طار
محمد : انا مش قادر استوعب اللي انت قلته اصلا ومش مصدق
نبيل : محمد قوم روّح انا آسف اني دوشتك معايا .. قوم
محمد : ولاااااااا .. انتي بتقولي انا قوووووووم .. طب استنى عليا بقى
( محمد رغم صدمته من كلام نبيل .. الا انه مكنتش عارف يساعده غير بالهزار .. وابتدى يهزر معاه بالمخدات ويزغزغ فيه )
--
فـ بيت لينا :
لينا : انا اهو يا بابا .. انت اتغديت ولا لسه
الحاج عمرو : امك عملتلي بيضتين اومليت صبرت بيهم نفسي على ما تعمل الغدا
لينا : اها .. بالهنا والشفا
الحاج عمرو : مالك بقى ..؟
لينا : ماليش عادي تعبانه بس
الحاج عمرو : هوا انا مش عارف بنتي ؟
لينا : مفيش حاجه يا بابا .. تعبانه والله انا هقوم انام وبكرا وعد مني نبقى نتكلم ماشي
الحاج عمرو : استني اتغدي
لينا : ماليش نفس .. تصبح على خير يا بابا
( وقامت لينا باست باباها في دماغه ودخلت تنام .. فضل الحاج عمرو قلقان من تعب لينا ومتأكد ان في حاجه حصلت في الجامعه خلتها ترجع بدري .. بس قال في نفسه كل شيء هيتعرف فـ اوانه )
--
فـ كافية السوسنة :
خالد : حبيب قلبــــــــــــــــــــي
علي : برنس الشــووق .. تعال اعدل دماغك
خالد : لا انا عاوزك تصحصحلي كدا
علي : بدام عاوزني اصحصح يبقى في حتة طريه .. ابععععععت ابعت
خالد : مش طريه اوي يعني .. انا هديك رقم نسمه تتصل عليها تعاكسها طول الاسبوع .. شوفها هتيجي معاك ولا لأ
علي : يعني خلاص رسيت عليها انك تتجوزها ؟؟؟
خالد : تمام يا معلم هيا المطلوبه للمهمه دي
علي : عالبركه .. اشحنلي بقى اخوك مقشفر
خالد : وانت من امتى اساسا فـ جيبك قرش
علي : حدد .. انهو قرش بالظبط ؟؟ حشيش ولا جونيه
خالد : هههههههههههههههههههههههههههههههههه حبيبي
--
فـ بيت عبدالله :
عبدالله : يا امي
ام عبدالله : اانا في المطبخ ياحبيبي .. تعال
عبدالله : بقولك ايه انا عاوزك ف موضوع
ام عبدالله : خير الاكل هيجهز اهو
عبدالله : لالالالا مش أكل .. أمّـا آني عايز اتدوووووز
ام عبدالله : هديك بالطاسه في وشك .. اتكلم عدل
عبدالله : احم .. ماما انا عاوزك تيجي معايا تخطبيلي واحده
ام عبدالله : مين ياحبيبي
عبدالله : عارفه منى اللي حكتلك عنها ؟
ام عبدالله : اه اللي قابلتها فـ الجامعه ومن سنك دي
عبدالله : ايواااااا هيا دي
ام عبدالله : طب هيا موافقه يعني
عبدالله : مبدأيا كدا شكلها موافقه ^^
ام عبدالله : وامتى هنروح للي واخده عقلك
عبدالله : ايه دا .. ايه دا .. ايه دا ,,, انتي هتبتدي شغل حماوات من دلوقتي
ام عبدالله : هههههههههههههههههههههههههههههههه يعني انا بسأل بس
عبدالله : مش عارف ههههههههههههههههههههههههههههههههه بس اما اعرف هقولك .. يلا بقى انا جعاااااااااااااااان
ام عبدالله : انا مخلفه بلاعه يا ربي .. كل ماتشوف وشي تقولي جعان
عبدالله : جوزيني واخلصي مني
ام عبدالله : لا يا روح ماما هتجوز نفسك بفلوسك
عبدالله : لا اله الا الله .. هوا انا جبت سيرة الفلوس دلوقتي يا امي .. انا الحمدلله قادر على الجوازه كلها .. انا بقصد بكرا اتجوز وتخلصي من كلمة انا جعان دي
ام عبدالله : انا بهزر ياحبيبي
عبدالله : جعااااااااااااااااااااااااان
( طرررررخ .. " تقريبا صوت الطاسه " )
--
( بعد اسبوع )
نسمه كانت خايفه جدا ليطلع كلام اختها منى صح .. ويكون خالد بيلعب بيها .. فاتصلت على فيروز عشان تساعدها
نسمه : الو فيروز
فيروز : هاااااااااااااي نسووومه
نسمه : ازيك عامله ايه ؟؟
فيروز : آم فاين .. انتي هاو آر يو ؟؟
نسمه : الحمدلله عايشه اهو
فيروز : ايه فينك من زمان .. مش بشوف منك ميسدات خالص
نسمه : مانتي عارفه منى مهدداني ممسكش الموبايل .. وانا بجد مش قادره على محاضره من محضاراتها تاني
فيروز : مممممممممممم وهوا عامل معاكي ايه
نسمه : زفت .. من ساعت ما قلتله يتقدملي وهوا مردش عليا ولا بعتلي مسج
فيروز : بس انتي قولتيله انه مش يتصل صح ؟
نسمه : ايوا صح .. بس عاوزه اعرف هيخطبني ولا لا
فيروز : اكيد هتبقو انجيجد قريب
نسمه : انا خايفه مش يخطبني ويكون كلام منى اختي صح ويكون بيضحك عليا
فيروز : والله مش اعرف اقولك ايه .. بس اصبري اكيد هيتقدملك
نسمه : صابره اهو اسبوع ولا حس ولا خبر
فيروز : طب ماتتصلي عليه طيب وتسأليه مش يكون احسن ؟
نسمه : لا مستحيل انتي عاوزه اختي تدبحني
فيروز : يابنتي اسأليه اذا كان هيتقدم ولا لا ..
نسمه : مممممممم مش عارفه
فيروز : يلا يلا اقفلي معايا واسأليه
نسمه : اوك
فيروز : وكلميني قوليلي اللي حصل اوكي ؟
نسمه : اوك
( اتصلت نسمه بـ خالد .. ولما خالد شاف رقمها استغرب انها بتتصل وهيا قالتله انها مش هتتصل عليه الا للضروره )
خالد : اهلا بروح قلبي اللي غايبه عني
نسمه بصوت واطي عشان محدش يشمعها : اهلا خالد ازيك ؟
خالد : تمام الحمدلله .. ايه فينك من زمان متصلتيش
نسمه : ما انت عارف ظروفي يا خالد
خالد : ممممممم
نسمه : خالد ؟
خالد : عيون خالد
نسمه : هوا انت بجد بتحبني؟؟؟
خالد : بتسألي تاني ؟
نسمه : يعني انت مش بتضحك عليا زي باقي الشباب ؟
خالد بتوتر : نسمه انتي بقيتي شكاكه اوي .. انا طول لاسبوع اللي فات دا بمهد لأمي اني عرفت واحده في الشغل .. مستحيل طبعا اقولها عرفتها ف التلفون .. فـ استني كام يوم لحد ما اقولها اني معجب بيها وهتجوزها
نسمه : مممممممممممم ماشي ياحبيبي .. انا هقفل دلوقتي عشان منى متدخلش عليا تلاقيني بتكلم ف التلفون
خالد : ماشي خلي بالك من نفسك اوك
نسمه : وانت كمان اوك .. باي
خالد : باي
( نسمه قفلت المكالمه مع خالد واتضايقت منه لما إستعر يقول لممته انه عرفتها فـ التلفون .. بس قالت مش مشكله المهم اننا بنحب بعض ونتجوز )
--
فـ بيت لينا :
الحاج عمرو : ليناااا ؟؟؟
لينا : ايوا يا بابا
الحاج عمرو : ايه يابنتي الساعه بقت 10 الصبح .. انتي مش هتروحي الجامعه
لينا اتوترت : هه .. لالالا هلبس اهه ونازله حالا
الحاج عمرو : طب يلا عشان اوصلك
لينا : بلاش عشان متتاخرش وانا كدا كدا هروح مع نوران
الحاج عمرو : ماشي ياحبيبتي يلا اتأخرتي المحاضره الاولى هتفوتك
لينا بخنقه : حاااااااااااااااااااااااضر يا بابا قلت حاضر بلبس اهووووووووو
--
( خرج الحاج عمرو من البيت وفـ طريقه لشغله .. لقى نوران بتوقف تاكسي .. فـ راح ضاربلها كلكس عربيته )
الحاج عمرو : ايه يا نوران .. انتي هتركبي من هنا ..؟؟ دانتي المفروض تعدي الشارع وتركبي من الناحيه التانيه !!
نوران : مممم ليه يا عمو .. دنا رايحه الجامعه .. والطريق من الناحيه دي
الحاج عمرو : انتي مش هتعدي على لينا وتروحو سوا ؟؟
نوران : اصل انا ولينا في بينا سوء فهم فمش بنتكلم .. هيا عامله ايه يا عمو ؟؟
الحاج عمرو : هيا كويسه ياحبيبتي .. يعني انتي مش هتروحي معاها الجامعه
نوران : لا ماهو ممنوع تدخل الجامعه
الحاج عمرو يرفعة حاجب : ايه ؟؟ ممنوعه ؟؟
( نوران حست انها لخبطت الدنيا خالص .. وكانت بتحسب ان أبو لينا عرف كل حاجه عن موضوع الفصل بتاع لينا )
نوران بتوتر وخوف : آ آ آ .. انا اتاخرت ياعمو ع المحاضره ومنى قالتلي ان هيا اللي هتوصل لينا .. بالاذن بقى
( الحاج عمرو فضل ساكت وبيفكر في كلام نوران اللي مش مترتب .. فقرر انه يروح الجامعه يشوف في ايه بالظبط !! )
--
فـ بيت نوران :
( إلياس كان قاعد يفكر في كل المصايب اللي سببها لـ لينا .. وان ازاي بطرقه دي هيخلي لينا تكرهه مش تحبه .. فقعد يفكر كتير في حاجه يثبت بيها لـ لينا انه مش متهور ومجنون ومش بتاع فضايح )
إلياس : بت يا نوران ؟
نوران : في ايه تاني
إلياس : هيا لينا بتحب لون ايه ؟؟
نوران : بتحب تبعد عنها ومتشوفش وش حد فينا
إلياس اتعصب ومسك نوران من دراعها وبزعيق : بقولك بتحب لون ايه ؟؟؟؟؟؟؟؟؟؟؟؟؟
نوران بـ ضيقه وخنقه : الأزرق الأزرق .. سيب دراعي بقى حرام عليك مش انا وهيا دنا اختك
( إلياس خرج من البيت وهوا بيشوح لـ نوران بإيدها " يعني مش مهم مش ناقصك " )
--
يا ترى إلياس هيعمل ايه لـ لينا ؟؟ او بمعنى اصح هيجيب ايه لـ لينا عشان يثبتلها انه مش مجنون الا بيها عشان يثبتلها انه مش مجنون الا بيها ♥؟؟
ويا ترى محمد وصدمته من موضوع إلياس هيخليه فعلا يصرف نظر عن نوران ؟؟ ولا هيستخدمها وسيله للأنتقام من اخوها ؟؟
ويا ترى الحاج عمرو لما يروح الجامعه ويكتشف ان بنته المتفوقه اللي عمرها ما غابت يوم عن المدرسه من وهيا فـ ابتدائي اتفصلت من جامعتها هيعمل ايه ؟؟؟ وايه رد لينا عللي بيحصل ؟؟
وعبدالله هل هيعرف فعلا يوصل لـ قلب منى قبل ما يوصل لباب بيتها ؟؟
ونسمه هتعمل ايه مع خالد وممته ؟؟
الإثنين أغسطس 19, 2013 3:12 pm
