(12)
قصة " ماليش غيركـ " ..
-----------------------------
فـ كافيـة السوسنه :
خالد : معلش يا بو الشباب اتأخرت عليك
علي : وايه الجديد يا بغل .. اقعد اقعد انت على طول متأخر .. ها ايه اللي اخرك المرداي .. حتة طريه برضو
خالد : هههههههههههههههههههههههه لا دي امي
علي : اوعى تقول فاتحتك في الجواز تاني
خالد : اه ياعم .. والمرادي بقى بتقولي مش هيبقالك ميراث الا اما تتجوز
علي : لا ياعم كله الا الميراث هنعيش ازاي من غير فلوس الحاجه
خالد : يالا يابن الـ**** هنشوف صرفه ياعم
علي : طب ماتتجوز واحده فلاحه مبتفهمش الا ف العجين
خالد : هههههههههههههههههههههههههههههههههههههههه انت رايق اوي والله
علي : طب ماتشوف بت من اللي تعرفهم تكون على نياتها وهبله
خالد : مفيش ياعم كلهم ولاد ***** مينفعش حد يتجوزهم .. إلا ......
علي : إلا مين ؟؟
خالد : الا البت نسمه دي
علي : ايه معرفتش تاخد منها حاجه
خالد : مخدتش الا بحبك وبموت فيك وخسارة رصيد وخلاص
علي : ههههههههههههههههههههههههههههه شكلها مش سهله ع فكره
خالد : ياعم دي هبله وعامله زي الصلصال بشكلها بإيدي
علي : خلاص لو شايفها هبله ماتشيل البضاعه ياعم بدال ماتخسر الميراث وابقى طلقها ياعم وقول المشاكل كتيره .. مش اول ولا اخر واحد يعني
خالد : مممممممم خليني أأجل المووضوع دا شويه لحد ما اتأكد انها متلمستش فعلا مش بتمثل عليا انها محترمه ..
علي : قشطه يا شقيــــق .. لف يا معلم خلينا ننسى
خالد : ههههههههههههههههههههههههههههههه انت جايب مزاج ولا ايه
علي : عيب عليك جيب صاحبك دايما عمران بالمزاج
خالد : النبي عمهم كلهم
--
فـ بيت طنط فاطمه :
طنط فاطمه : ولا يا نبيل ؟؟
نبيل : نعم يا ماما
طنط فاطمه : انت اجازتك هتخلص امتى
نبيل : مش لما الجرح يخف يا ماما ... مش قادر اقف على رجلي عشان اروح الشغل .. شكلي همد الأجازه
طنط فاطمه : ان شاء الله انا ياحبيب ماما وانت لأ
نبيل : بعد الشر عنك يا بطه .. عامله ايه ؟؟؟؟
طنط فاطمه : عامله حواجبي كركركركركركركركر
نبيل : مـــامـا .. انا جعان عامله ايه ع الغدااااااااااا ؟؟؟؟؟؟؟
طنط فاطمه : بطاطس وبتنجان وطماطم وجبنه .. ايه هتنهب
نبيل : دنا عيااااااااااااااان والمفروض تغذيني
طنط فاطمه : في عيان يقول جعان ؟؟ اما الاكل يجهز هبقى اقولك
نبيل بتنهيده : ماشي يا امي .. سيبيني اريح بقى شويه
طنط فاطمه : ربنا يقومك بالسلامه ياحبيبي
( خرجت طنط فاطمه من اوضة نبيل .. ونبيل كل شوية يسرح في حاله وحال لينا والحلم اللي عاش 16 سنه بيحلم بيه ولما اتحقق طلعله إلياس وعاوز يهدم كل اللي بناه .. )
نبيل بيكلم نفسه : لو هوا عنده حاله نفسيه وعاوز يقتلني عشان يدافع عن واحده حبها فـ اسبوعين .. يبقى انا اعمل ايه وانا بحبها من وهيا صغيره !!! انا الاولى اقتله هوا
استغفر الله العظيم يارب .. يارب فرج كربتي وكربة لينا واجعلي فيها نصيب
--
نسمه : الو
خالد : نسوووووووووووووووومه انتي فين ؟؟؟
نسمه : أهوو عايشه
خالد : مردتيش عليا ليه لما كنت بتصل وبعد كدا لقيت الخط اتفتح واتقفل
نسمه : اصل حصل .......
( طبعا نسمه قالتله على كل اللي حصل بينها وبين اختها منى )
نسمه : هوا انت بجد بتحبني يا خالد
خالد بتأتأه : هه ... مممم انتي لسه بتسألي ؟؟ طبعا اكيد بحبك
نسمه : يعني هتتقدملي بجد ونتجوز .. يعني مش بتضحك عليا
خالد : انتي عبيطه يابت ؟ اكيد طبعا .. انتي عارفه انك الوحيده اللي بكلمها والوحيده اللي حبتها
نسمه : والله
خالد : اكيد ... اديني كام يوم وهاجي لحد البيت اطلبك من اخوكي
نسمه : الللللللللللللللللللللللللللله بجد بجد بجد بحبك ..
خالد : ونا كمان .. انا هقفل دلوقتي عشان معايا عميل في المكتب ماشي
نسمه : ماشي .. وانا كمان مش هقدر اكلمك الايام دي الا للضروره اوووووووووي عشان اختي هددتني انها لوشافتني بكلمك هتقول لاخويا
خالد : خلاص وان شاء الله خير متقلقيش .. باي
نسمه : باااااااااااي
--
فـ جامعة لينا :
عبدالله كان من ضمن المتفرجين على لينا وإلياس .. وبمجرد ما سمع لينا بتقول انه مش اخوها .. حب يعمل حركه شهامه عشان منى تشوفه بطل !!
عبدالله رايح لـ إلياس بخطوات ثقه ..
عبدالله بزعيق : انا مش قلتلك متورينيش وشك تاني ؟؟؟؟؟؟؟؟؟؟؟؟
إلياس مستغرب من الشخص دا وبيدقق فـ وشه اوي
عبدالله : ايه اتخرست دلوقتي ؟؟؟؟؟؟؟؟؟؟؟ ماتوريني جمال صوتك ولا هوا انت مش بتتشطر الا ع البنات ؟؟
وانتي ( بيكلم لينا ) انا مش قلتلك لما المجنون دا يمشي وراكي تاني تصوتي وتلمي عليه الناس ؟؟؟ مصممه تراعي ظروفه ليه ؟؟؟؟؟؟؟؟؟؟؟؟
لينا متوتره وعرفت ان عبدالله بيدافع عنها وهيجبلها حقها .. ففضلت ساكته
إلياس : انت تعرفني يا جدع انت ؟؟؟؟؟؟؟؟؟
عبدالله : انا ابن خالتها ياحيوان وعارف كل حاجه عنك
إلياس : يعني ايه لينا تراعي ظروفي ؟؟
عبدالله : يعني اللي انت تعرفه
إلياس بيكلم لينا : يعني انتي كنتي عارفه ان عندي ظروف صحيه وضحكتي عليا في الميدان عشان اسيب خطيبك ؟؟؟؟؟ انتي يطلع منك كدا ؟؟ بتضحكي عليا انا .. انا مبيتضحش عليا
( إلياس بيندفع ناحية لينا كأنه هيضربها )
عبدالله : انت بقى كدا زودتها
( وقامت خناقه كبيره بين إلياس وبين عبدالله .. لكن للأسف عبدالله اللي كان بيتضرب لأن إلياس جاتله حاله عصبيه وفضل يضرب بعز قوته ... اللي فرق بينهم فـ الخناقه دي هما سيكيورتي الجامعه )
العميد : انتو بقى اللي عاملين الشغب دا في الجامعه
عبدالله : يا فندم انا كنت ..........
العميد بزعيق : لما اطلب انك تتكلم يبقى تتكلم .. دلوقتي انت تخرس
وانتي ( بيكلم لينا ) فرحانه اما طالبين يتخانقو عليكي ؟؟
لينا وشها كله دموع وبتتشحتف وباصه في الارض
العميد : انا مش بكلمك ؟؟؟؟؟؟؟؟؟؟؟؟؟؟
إلياس : انت بتكلمها كدا ليه ؟؟؟؟؟؟؟؟؟؟؟ انت فاكر نفسك عشان عميد يبقى تشوط فـ بنات الناس ؟؟؟؟؟؟؟؟؟؟؟
لينا برقت واستغربت من موقف إلياس مع العميد .. وعبدالله اللي استغرب اكتر .. وقام زاغد إلياس في كتفه
العميد : انت اتجننت يا ولد ؟؟؟؟؟؟ انت مفصول من الدراسه سنتين
إلياس : ببببببببببببب ( حركه بتتعمل بالفم ) طــــــــززززز ... انا اساسا مش طالب هنا ... افصل براحتك بقى
(فـ نفس الوقت دا .. لينا وعبدالله كانو طلبه فـ الجامعه .. واترعبو لما لقو العميد قام ان إلياس هيتفصل سنتين .. )
إلياس : يلا عاوز حاجه بقى يا أمور الجامعه ... سايبلك الجامعه اولع بيها انت والطلبه
( خرج إلياس من مكتب العميد جري وخرج من الجامعه وراح على البيت )
العميد : وانتو يا حيوانات .. طلبه ولا مش طلبه
(لينا وعبدالله ساكتين ومنزلين راسهم ف الارض )
العميد : تبقو طلبه ... الكارنيهات لو سمحتو
عبدالله : حضرتك انا بحضر دراسات عليا ومش معايا كارنيه انا بدخل الجامعه بتصريح دخول
العميد : هههههههههههههههههه كمان بتحضر دراسات ... اتعتبر ان الرساله بتاعت اتلغت يا حضرت ... وانتي ؟؟؟ بتحضري دراسات انتي كمان ولا طالبه
لينا بصوت عياط : طـ طـ طـ طـالبـة ..
العميد : اعتبري نفسك مفصوله من الدراسه نهائيااااااا
لينا بانهيار : انا ماليش ذنب والله العظيم ولا هوا ليه ذنب ان دراساته تتلغي .. و.......
العميد : انتي كمان هتدافعي عنه هنا في مكتبي ... مشكفايه ان الخناقه كلها بسبب واحده حيوانه زيك .. هااااااااااااتي الكارنيه واطلعي برا ومتجيش الجامعه دي تاني الا بـ ولي الأمر عشان يستلم ملفك ... وانت يا استاذ سلم التصريح بتاعك فورااااااااا
( لينا أغمى عليها من المكتب .. لما حست ان الشيء الوحيد اللي كان بينسيها رعب إلياس انتهى وبقت مفصوله .. ومقدرتش تتحمل الاتهامات اللي مكنش ليها ذنب فيها)
( عبدالله شال لينا وراح بيها لـ البيت اللي نزلت فيه هيا ومنى المره اللي فاتت .. ولينا فاقت فـ عربية عبدالله .. لأن عبدالله مكنش يعرف اي حاجه عن الاسعافات )
لينا فتحت عينها وشافت نفسها نايمه في الكنبه الورانيه ...
لينا بصوت مهدود : عبدالله
عبدالله : انسه لينا .. انا اسف اني دخلتك عربيتي بس مكنش ينفع اسيبك لأني قلت اني ابن خالتك ..
لينا : انت رايح بيا فين
عبدالله : انا مشيت وراكي انتي ومنى من اسبوعين وعارف طريق بيتك فكنت هوصلك
لينا بخوف : انت مجنون ؟ نزلني هنا البيت قرب ولو بابا شافك مش هيحصلي ولا يحصلك كويس
عبدالله : انتي في ايه ولا في ايه ؟؟ انا اتكلمت مع باباكي واكيد هيتفهم الموقف
لينا مخضوضه : كلمت بابا O_O ... وقلتله اني اتفصلت ... قلتله ولا مقلتش
عبدالله : مقلتش .. انا قلتله انك اغمى عليكي وكل الطلبه كانو في المدرجات واستأذنته اجيبك البيت
لينا مش مصدقه اللي بتسمعه : وعادي كدا قالك ماشي
عبدالله : هوا كان في الشغل وقالي ان المسافه بعيده من الشغل للجامعه واني استنى معاكي لحد ماييجي ... فقلتله البيت قريب من الجامعه وهوصلك لحد باب البيت .. ودلوقتي تلاقي ماما مستنياكي
لينا : وماما كمان عارفه وعادي
عبدالله بص لـ لينا فـ المرايا : هوا في ايه ؟؟؟ انتي راكبه مع واحد سوابق ؟؟ وكمان انتي ازاي فيكي دماغ تفكري في باباكي وممتك ورأيهم في اني اوصل واحده مغمى عليها البيت
لينا بصوت حزين : يعني افكر اني اتفصلت .. ولا اني حرمتك من الدراسات اللي كنت بتعملها عشان تتقبل فـ الوظيفه ولا افكر فـالطلبه واللي هيقولوه لما يشوفوني تاني
عبدالله : ربك فـ ايده كل حاجه .. لا العميد ولاعشرة زيه يقدرو يغيرو قضاء ربنا
( لينا فضلت ساكته لحد ما وصلت البيت .. وهيا نازله من باب العربيه ... عبدالله فتح شباكه ..)
عبدالله : لينا
لينا : اه سوري نسيت اشكرك .. ميرسي
عبدالله : لينــــا ... انا مكلمتش باباكي ولا اعرف رقمه من اساسه .. وكل اللي قلته ف العربيه عنه كنت بكدب فيه عشان مش عاوزك تتخضي
لينا مبرقه :انا كنت عارفه والله العظيم . امشي من هنا بسرعه
عبدالله : انا اسف على كل اللي حصل النهارده ... سلام
( لينا دخلت البيت وباين على وشها العياط من الكحل اللي سايح )
الحاج عمرو : اهلا .. انتي جايه بدري ليه ... دنا لسه مرحتش الشغل
لينا : عادي بقى
الحاج عمرو : عادي !! مالك وشك مصفر ومسحوب كدا ليه
لينا : تعبانه وعاوزه ارتاح .. تصبح على خير
( الحاج عمرو مستغرب من الطريقه الناشفه اللي لينا بتتكلم بيها ... وعارف كويس اوي ان بنته مش بتتكلم بالطريقه دي الا وفي مصيبه عملتها وخايفه يبان عليها )
--
نبيل : الوووو
محمد : صباح الخير يا بلبل ... انت لسه فاكر تعبرني
نبيل : معلش يا محمد انا في موال كبير اوي
محمد : خيرمالك ؟؟
نبيل : انا عملت حادثه وعاوزك تجيلي البيت
محمد : لا اله الا الله .. الكلام دا امتى
نبيل : اما تيجي هحكيلك على كل حاجه
محمد : ماشي ... بس لو فيها قلة ذوق مني ... هيا نوران عامله ايه
نبيل اتعصب : البنت دي مستحيل اسيبك تتجوزها
محمد : ايه ؟ انت عرفت حاجه عنها ؟ مش انت قلتلي ان اخلاقها من اخلاق لينا ؟؟
نبيل : اماتيجي برضو هحكيلك عشان انا عايزك تساعدني
محمد : طيب مسافة السكه اهه ... انت ف مستشفى ولا فين ؟
نبيل : انا ف البيت يا ذكي ... مستنيك تعال
--
فـ بيت نوران :
إلياس : تعالي يانوران اما اضحكك
نوران : ياااه بقالي كتير مبتضحكنيش ... يلا يلا قول قول
إلياس : انا رحت للينا الجامعه النهارده واتسببت في فصلها ههههههههههههههههههههههههههههههههههههههههههههههههههههههههههههههه
نوران : ليه كدا يا إلياس حرام عليك
إلياس : تستاهل لانها خدعتني ... الناس كلها بقت عارفه اني عندي حاله نفسيه بسببها هيا وابن خالتها
نوران : نبيل كمان كان ف الجامعه
إلياس : لا دا ابن خاله واحد تاني اسمه عبدالله
نوران : مفيش حد في عيلتها اسمه عبدالله ومعندهاش الا خاله واحده ونبيل بس اللي ابن خالتها
إلياس : نعم ؟؟ يعني انا اتخدعت مرتين
نوران : إلياس لو سمحت كفايه تخريب فـ حياتي وحياة لينا ... بجد دي شخصية بحبها وانت حرمتني منها بعد السنين دي كلها ومليش وش اني اكلمها بعد اللي بتعمله معاها
إلياس : امشي روحي على اوضتك انا بعمل اللي على مزاجي مش هتتحكمي فيا
( نوران راحت اوضتها ومسكت الموبايل تتصل على لينا )
--
هل لينا هتقول لباباها انها اتفصلت من الكليه ... وهل الحاج عمرو هيصدق انها تعبانه وبس ؟؟
وهل لينا هتكون ردة فعلها مختلفه لما نوران تكلمها ؟؟؟
وهل فعلا نبيل هيحكي لمحمد ظروف إلياس واللي عمله فيه ؟ وهيمنعه من انه يتجوز نوران ؟؟
وهل خالد هيسمع كلام علي .. ويتجوز نسمه عشان يبقاله نصيب ف الورث وبعدها يطلقها ؟؟
كوووووووووووووووووووووووووووول دا تابعونا فيه الحلقه الجايه ^^
الإثنين أغسطس 19, 2013 3:08 pm
