منى : انا فعلا مش هوجع دماغك ولا هوجع دماغي مع عيله قالت على نفسها كبيره عشان حطت كحل وبقت عامله سنها من سني .. انا هخلي نبيل هوا اللي يكسر دماغك
نسمه بتوتر وسرحان : انا عارفه انك مش هتقولي لنبيل عشان انتي عارفه ان خالد بيحبني وصدقيني بجد هييجي يتجوزني
منى باستنكار : هاهاهاهاهاهااااهاهاها .. انتي عارفه ان مفيش ولا ولد بيتجوز واحده عرفها من ع النت ولا من ع التلفون وبيضحك عليها ويقولها هتجوزك عشان يعيشلو يومين لحد ما ياخد غرضه وبعدها يسيبها زي الكلاب بعد ما يبوظ سمعتها ... ولو فكر انه يتجوزها بيبقى طول عمره مستحقرها من جواه وبمجرد ما في يوم يلاقيها بتكتب حاجه ع النت هيجي يشدها من شعرها ويشوف بتكلم مين والشك هيبقى على ودنه
نسمه : يووووووووووووهوووووووووه لوك لوك لوك مبتبطليش رغي في الموضوع دا انا بجد زهققققققققت ... قلتلك هوا حالفلي انه يتقدملي
منى : ومجاش لييه ؟؟؟؟؟ هه ؟؟ مجاش ليه ؟؟؟؟؟؟؟
نسمه : قالي اما نتعرف على بعض اكتر عشان منبقاش متسرعين
منى : انتي بتستهبلي يا نسمه ؟؟؟؟؟؟؟؟ الراجل اللي عايز يتقدم لوحده بيتعرف عليها في بيت اهلها ويتخطبو وبعدها بيستأذن من اهلها انها تكلمه في الموبايل يتعرفو اكتر !!!
نسمه بخوف : بس والله هوا قال انه هيتجوزني وكمان مش كل الولاد خاينين وانا سمعت كتير اوي عن بنات اتجوزو عن طريق التلفون
( منى قعدت ع السرير وقللت من عصبيتها )
منى : انتي صح .. في ناس كتير اتجوزو عن طريق التعارف ف التلفون .. بس صدقيني 1% من الناس دي عايشين بسعاده .. كلها بتبقى شك ومشاكل ... والعلاقات اللي ابتدت غلط بتنتهي بغلطه تندم عليها البنت
منى : يعني بذمتك لما واحده تكلم واحد غريب لمده اسبوعين وتحبه وتبقى بجحه زيك كدا في وش اختها وتقولي بحبه !!
نسمه ساكته
منى : اسمعي يا نسمه بقى الله يهديكي هتمر عليكي اوقات وهتلاقيه بيقولك انا اشضمني انك مش بتكلمي حد .. زي ماكلمتيني هتكلمي غيرك
نسمه : ايه التفكير القديم دا... بقولك خالد بيحبنـــــــــــــــــــــــــي بيحبني
(منى اتعصبت تاني ومسكت دراع نسمه جامد ) منى : قسماً بالله ياتقولي لخالد انه يجي يتقدملك خلال الاسبوع دا .. يا هقول لنبيل وقسماً بالله ما هيسيبك عايشه
( قامت منى من جمب نسمه ومشيت لحد الباب عشان تخرج من اوضتها )
منى : الا تعاليلي هنا ... انتي عرفتي نمرته منين ااساسا ... مين اللي ادهالك ؟؟؟
نسمه : مممممممم
منى : هتقولي ولا اجيبك من شعرك
نسمه بتوتر وخوف : من من من .... من فيروز
منى : الله الله الله مش دي الصاحبه المثاليه اللي دافعتي عنها وقولتيلي دي ظفرها برقبه لينا ؟؟؟؟ اهي بوظتك ومش هتنتهي صحوبيتكو الا بفضيحه
نسمه : بوظتني ليه ؟؟؟ دي عايزاني اتجوز بسعاده !!
منى وهيا ماشيه : هههههههههههههههه تتجوزي بسعاده ؟؟ كانت اتجوزت هيا قبلك وكلمت ولاد قبلك .. بس هيا ناصحه .. تبوظ صحابها وتعيش معاهم جو الحب وهيا صاغ سليم محدش جه ناحيتها
(وخرجت منى من اوضة نسمه .. وهيا مرعوبه على اختها العنيده اللي دايما تمشي ورا كلام صحباتها وكلام اهلها ممنوع انه يتسمع .. وبتقول في نفسها نبيل هيضيع على ايد لينا .. ونسمه هتضيع على ايد خالد .. استر يارب )
نسمه قفلت الباب بالمفتاح وقعدت تعيط لأن مفيش حد حاسس بحبها لخالد غير فيروز .. ومحدش عارف خالد بيحبها اد ايه الا هيا ..
-- فـ بيت خالد :
خالد : صباح الخير يا حاجه
ام خالد : صباح الخير يابني
خالد : انا خارج مع صحابي شويه هتعوزي حاجه اجيبها وانا راجع ؟؟؟
ام خالد : تعال يابني عاوزاك في موضوع
خالد : خير ياحاجه .. اوعي تقوليلي جواز تاني
ام خالد : وفيها ايه يابني اما تتجوز مش احسن ما تعشم بنات الناس بالجواز وتسيبهم
خالد : ياماما ياحبيبتي انا مبكلمش بنت محترمه عشان اخاف اسيبها ... كل اللي بكلمهم مضروبين وكانو لانه في بؤ غيري
ام خالد : يابني انت بقى عندك 30 سنه وانا عاوزه افرح بيك عشان ربنا يهديك وتبطل اللي انت بتعمله دا
خالد : ياستي انا مش بتاع جواز ... يعني اتجوز واحده واخونها ؟؟؟؟؟؟
ام خالد : والله العظيم يا خالد لو متعدلتش لا تكون ابني ولا اعرفك ومش هيبقالك نصيب في الميراث هضيعه كله ع الناس اللي عاوزه تتجوز ومش لاقيه مرتبه ينامو عليها
خالد : خلاص يا حاجه .. سيبك انتي من شغل امينه رزق دا .. وانا عنيا حاضر هتجوز
ام خالد بفرحه : انا بقى عندي العروسه
خالد : قولي بقى من الاول انك عملتي كل الدراما دي عشان شفتيلي عروسه
ام خالد : بت زي القمر جمال واخلاق وعود بس على اد حالهم شويه
خالد : لا خليها في بيت اهلها وانا هجيب واحده عشان تمتع نفسها باللي اتحرمت منه طول عمرها ولا ايه ؟؟ انا هختار عروسه على مزاجي ماشي ؟؟؟ يلا سلام انا اتاخرت
ام خالد : سلام يابني .. ربنا يكتبلك في كل خطوه سلامه
--
فـ بيت لينا :
منى : ازيك يا موزه .. انتي كل يوم بتحلوي كدا ليه
ام لينا : بس يا بكاشه دا انتي اللي قمر في السما .. ربنا مايحرمني من كلامك الحلو دا .. انا لو عندي اخ لـ لينا كنت خليته يتجوزك
لينا : الف سلامه عليكي ياحبيبتي .. تعالي اقعدي عايزاكي ف موضوع
منى : ايه ؟؟ إلياس تاني ؟؟
لينا : لامش إلياس خالص
منى : وهوا اخباره ايه صحيح
لينا : اتصل عليا مره من وقت اللي حصل في الميدان ومن بعدها متصلش
منى : قالك ايه يعني ؟؟
لينا : عادي اتصل يقولي ازيك وبتاع وبيعتذر عن اللي عمله وكدا
منى : هوا في ايه ماتقولي ايه اللي حصل بالتفصيل .. ها وبعدين
لينا : ياستي مفيش بعدين .. قلتله انا محتاجه فتره اسبوعين اقعد فيها مع نفسي عشان اعرف انسى نبيل
منى : ايه ؟ تنسي نبيل ازاي يعني ؟؟؟ ونبيل ؟؟ والسنين اللي استناكي فيها دي ؟؟
لينا: بالله عليكي سيبك م الموضوع دا انا مصدقت شلته من دماغي
منى : مممممم كنتي عاوزاني في موضوع ايه غيره؟
لينا ضحكت اوي : بصي ياستي .. فاكره عبدالله اللي لما حضرتي المحاضره معايا كان جمبك وطلع من نفس دفعتك بس بيحضر درااسات والمشرف على دراسته هوا الدكتور اللي كان بيدي المحاضره
منى : عرفته من ساعت ماقلتي عبدالله .. مالوش لازمه كل التعريفات دي ... ها ماله ؟؟؟
لينا : مشي ورانا من الجامعه لحد ما وصلتيني البيت وطلعتي قعدتي معايا شويه
منى : ايه دا وانتي عرفتي ازاي
لينا : كان بيحسبنا اخوات وان دا بيتك ... وراح كلم بابا وقاله عليكي
منى : يانهاري وعمو عمرو قاله ايه ؟؟
لينا : قاله دي بنت اختي وانا هشوف رأي البنت الأول لو وافقت عليك يبقى افاتح اهلها في الموضوع
نوران : وتكلمني ليه ما انت خلاص قطعت اللي كان بينا
إلياس : انا كل ماتصل عليها الاقي الموبايل مقفول هيا غيرت رقمها ؟؟
نوران : مش عارفه بقولك مكلمتهاش من ساعةماحصل في الميدات
إلياس : قسما بالله لو كانت بتخدعني لوريها ايام جحيم في نبيل
نوران : ساكته
--
فـ جامعة لينا : ( عبدالله واقف بعربيته عند الجامعه مستني يشوف منى هتيجي الجامعه ولا لا .. وفي نفس الوقت لينا وهيا داخله الجامعه شافت عربيته وطلعت موبايلها عشان تبلغ منى وتفرحها ..
إلياس : اهلا اهلا باللي مطنشاني
لينا متفاجئه : إليــــــــــاس !!!!!!
إلياس : انتي فاكره اما تقفلي موبايلك يعني مش هعرف اوصلك ؟؟؟؟؟؟؟؟؟؟
إلياس بعصبيه مسك دراع لينا : اللي جابني هوا الاتفاق اللي اتفقناه في الميدان .. ولا انتي ناسيه ؟؟
لينا : ارجوك سيب ايدي انا مش عايزه فضايح
إلياس بصوت عالي : انا بقى عاوز فضايح .. ولا انتي فاكره اني هسيبك المرادي تضحكي عليا بكلمتين وتخليني امشي وبعدها تقومي قافله موبايلك ومتكلمينيش ؟؟؟ لينا : والله فاتحه الموبايل والله فاتحاه
إلياس : وطبعا عاملاني في البلاك ليست
لينا ساكته وهيا بتتألم من مسكة إلياس لدراعها
إلياس : هههههههههههههههه كان لازم افهم اني محطوط ف البلاك ليست
لينا : الله يرضى عليك الجامعه بتبص عليا
إلياس بصوت عالي : خليهم يبصو ... أخ وبيربي اخته اللي متربتش محدش يقدر يتكلم
( لينا بصت على نظرات الطلبه حواليها وهما فاكرين ان إلياس دا اخوها وانها فعلا بتعمل حاجات غلط واخوها بيربيها .. )
لينا بعياط : انت حيوان وحقير .... دا مش اخويا ياجماعه والله ما اخويا .. دا واحد بيضايقني
( في نفس الوقت دا .. عبدالله كان من ضمن المتفرجين على لينا وإلياس .. وبمجرد ما سمع لينا بتقول انه مش اخوها .. حب يعمل حركه شهامه عشان منى تشوفه بطل !! )
--
يا ترى عبدالله هيعمل ايه ؟؟؟ وإلياس هتبقى ردة فعله ازاي ؟؟
وليه لينا كدبت على منى .. وقالتلها انها اتفقت مع إلياس انه يسيبها فترة اسبوعين ؟؟
وهل خالد رأيه ان نسمه زيها زي كل البنات اللي كانو لبانه في بؤ الشباب ؟؟
الإثنين أغسطس 19, 2013 3:06 pm
@
