(9)
قصة " ماليش غيركـ " ..
----------------------------------
الحاج عمرو : يابنتي مش خطوبة صاحبتك النهارده .. حد يسيبها بدري كدا ويروح
لينا : مش هتعمل خطوبه .. !
الحاج عمرو : ليه يابنتي كدا ايه اللي حصل
لينا : مفيش يا بابا .. مش عارفه فجأه كدا اتحولت ومبقتش عاوزه تتخطب
الحاج عمرو : خير خير
لينا : ان شاء الله خير .. انا قلقانه عليها اوي.. تصور يا بابا فجأه مبقتش عاوزه تتكلم معايا .. وقالتلي امشي من عندها
الحاج عمرو : معلش ياحبيبتي اي بنت بتبقى تحت ضغوط اليوم دا .. ومتعرفيش حصل ايه بينها وبين اهلها .. الله وحده اللي عالم بالنفوس ... متزعليش نفسك
لينا : حاضر يا بابا .. ونعم بالله
--
( لينا كانت قاعده بتقلب في صفحات كتاب .. وفجأه افتكرت السي دي اللي إلياس اداهولها .. وقامت بسرعه جابته من الشنطه وشغلته .. واتفاجئت انه بصوت إلياس !! )
إلياس فـ السي دي :
انا مكنتش عارف اقولك الكلام دا وجها لوجه .. خايف تحرجيني او تمشي وتسيبيني .. بس كنت متأكد ان بالطريقه دي هتسمعي كلامي للآخر ..
انتي دخلتي قلبي من غير ماتستأذني .. وخليتيني بحبك
( شهـقــــــــة كبيره من لينـــــــــا )
من اول نظره وانتي في بالي ..
وماقدرتش افكر الا فيكي ..
ليل نهار بكلم فـ نفسي ..
أي مكان بعرف انك رايحاه بروحه وبراقبك من بعيد
بقيتي زي المية فـ حياتي
دلوقتي لما تتخطبي هعيش من غيرك ازاي ؟؟
هعيش ازاي بعد ما خدتي قلبي ؟ كنتي الروح اللي فيه وبـ خطوبتك هتاخدي روحي .. هموت .. هتعذب بجد
انا محتاجلك تكوني ليا ..
انا هحافظ عليكي
انا شفت فيكي اللي مشفتهوش في بنات الدنيا كلها
انا مجنون بيكي .. والله العظيم مجنون بيكي
بقيت مجنون حد اسمه لينـــــا ..
انا " ماليش غيركـ " اوعي تكونـي لغيري
( خلص كلام إلياس .. وفضلت لينا مبرقه ومذهولة من اللي سمعته وفجأه موبايلها يرن )
لينا : مساء الخير
إلياس : مساء الاحساس اللي مش قادر اوصفه
لينا : نعم ؟ مين معايا
إلياس : هدي نفسك .. سمعتي السي دي صح ؟
لينا بعصبيه : انت متصل ليه
إلياس : عاوز اعرف ردك على كلامي
لينا : لا معلش ممكن تفسر ؟
إلياس : بس كدا ؟ أمرك .... انا والله العظيم بعني كل كلمه قلتها في السي دي .. والنهارده لما عملتيلي الفطار تخيلتك وانتي مراتي وبتجهزيلي الأكل وبجد كان احساس مفيش اروع منه و .....
لينا قاطعته : إلياس لو سمحت انا مخطوبه ..
إلياس : لسه متخطبتيش .. لسه يومين على خطوبتك
لينا : طيب بعد اذنك الكلام دا مينفعش يتقال
إلياس : مش مهم ينفع ولا مينفعش .. انا اللي يهمني انك تكوني ليا
لينا بتعلي صوتها : انت مبتفهمش ؟؟؟ بقولك هتخطب ومش هبقى ليك .. هبقى للانسان اللي بحبه .. نبيل نبيـــــــل هبقى لـ نبيل وبس ..
( وقفلت السكه في وش إلياس ... إلياس اتصل تاني وثالث ورابع وفضل كتير اوي يتصل وهيا متردش .. )
لينا : يا أخي سيبني فـ حالي ومتتصلش عليا لو سممممحت
إلياس : بقولك ايه ... انتي هتكوني مراتي .. والا قسما بالله العظيم هتندمي عللي هعمله ..
لينا : يعني ايه يعني ؟؟ بتهددني ؟؟ ايه اللي تقدر عليه ؟؟
إلياس : المفروض تكوني لقطتيها من الهوا .. المنظر اللي بتشوفيه في كل افلام الابيض والاسود .. ايام ماكان الحب حب بجد .. تحبي اوضحلك اكتر من كدا .. ولا اسيبك تعرفي خبر نبيل صدفه ؟؟
لينا ( مذهوله وصمت تام )
إلياس : سكتي ليه ؟؟ انا عموما اللي عندي قلته .. وبكرا هتشوفي كلامي دا مجرد تهديد ولا كلام جد .. ومش هسيبك الا لما توافقي على جوازنا ..
لينا : انت بتحلم
( وقفلت السكه في وش إلياس للمره الثانية .. واتصلت على نوران فورا )
نوران : الو
لينا بتعيط : انتي ادتيله رقمي لييييييييييه
نوران : اديت رقمك لمين ؟؟ انا مش فاهمه حاجه
لينا : اخوكي اتصل بيا وقالي انه بيحبني وهددني
نوران : اخويا انا هددك ؟؟ بصي يا لينا .. السبب اللي خلاني أأجل خطوبتي هوا ان الياس اعترفلي انه بيحبك واداكي اسطوانه فيها اعترافه .. بس بصي دا بيهول الموضوع عشان عاوزك تبقي ليه .. مش تهديد يعني ولا حاجه
نوران فـ سرها : اللي كنت خايفه منه حصل !!
لينا : انهي حب دا اللي يخليه يقتل الشخص اللي بحبه من صغري ؟؟
نوران : نعم .. اخويا انا قالك كدا ؟؟؟ آآ مممم ( عيطت )
لينا : ايه ؟؟ بتأتأي ليه ؟؟ وبتعيطي ليه دلوقتي ؟؟؟؟؟؟
نوران : لينا .. عمتي سفرت اخويا لندن عشان يتعالج من حالة نفسيه جتله اما بابا وماما توفو في حادث العربيه وانا وهوا اللي ربنا نجانا .. وكان مصمم انه يقتل السواق اللي كان بيسوق العربيه وكذا مره نمنعه في آخر لحظه ..
لينا : انا مالي بالكلام دااااا ان شالله يولع مطرحه .. وقفي اخوكي عند حده يانوران احسن لك
نوران : ميرسي يا لينا .. وانا اخويا مش بيولع مطرحه .. انا اخويا تعبان نفسيا واللي زيه مش بيحسو بالكلام اللي بيقولوه ولا اللي بالحاجات اللي بيعملوها
لينا : انتي بتستعبطيني صح ؟؟ بتضحكي عليا وبتقوليلي كدا عشان اوافق عليه صح ؟ طب دا بُعدك انتو الاتنين
نوران ( صمت )
لينا : ساكته ليييييييه قوليلي ان الكلام دا مش صح .. يعني معقوله معقوله بجد ينفذ تهديده
لينا بـ انهيار : متسكوتيش كدا وردي عليا .. هيقتله ؟؟؟؟
نوران بـ حشرجه : بس يا لينا بالله عليكي
لينا :بس ايييييه بس ايييييه حرام عليكو بوظتو حياتي وبوظتو حلمي اللي كان نفسي يتحقق من زمان .. ياريته ماكان رجع من السفر ياريته ماكان رجع ( عياط )
( لينا قفلت السكه في وش نوران وقفلت موبايلها خالص وفضلت تعيط وتفكر في كلام إلياس لحد ما نامت )
--
فـ مدرسة نسمه ..
نسمه : فيروز اسكتي مش قادره اقولك حصل ايه امبارح معايا
فيروز : ايه اكيد حاجه تخص يور لاف ( your love)
نسمه : ايوا هوا في حد راعب حياتي غيره .. انا اتقفشت امبارح ومنى اختي لمت عليا البيت كله ورعبتني بجد
فيروز : اوبسسس .. بجد ؟؟ وعملو معاكي ايه
نسمه : اختي غيرت الموضوع وقالتلهم حجه تانيه .. وقعت قلبي بجد .. بس اوووووووف بعد ما مشيو فضلت تديني محاضره طويله عريضه واضطريت اريحها .. وقالتلي انا ناديتهم عشان تعرفي الرعب اللي بيحصل لما واحده بتكلم ولد وتنكشف .. اووووف بجد رخااااااامه ملهاش حدود !!
فيروز : اوف حركات الاخوات دي ملهاش لازمه .. ها على معادنا النهارده ؟؟
نسمه : هههههههههههههه اكيد على معادنا .. بس مش عارفه البس ايه
فيروز : البسي طقم ضيق كدا عشان توريله انوثتك
نسمه : ماما ونبيل مش هيرضو يخلوني انزل بالضيق دا
فيروز : مش مشكله تعالي بأي حاجه وانا هلبسك من عندي اوكي ؟ بس متتأخريش عشان خالد متفق معايا انه هيرنلي ونطلع احنا الاتنين من الباب الوراني ويشوفك وتتكلمو وكدا اوك .. مستنياكي .. باي
نسمه : اوك باي
--
نبيل : ابو الشبااااااااااااب كلهم .. ورد يا اسطى
محمد : هههههههههههههه صباح الخير يا رجوله .. وردوش يا معلم
نبيل : ايه الاخبار يا عريس
محمد : الحمدلله الدنيا ألاجه
نبيل : طب انا عندي اخبار مش تمام
محمد : ايه ناوي تاخد الدبل تاني انا كتبت عليهم الاسامي خلاص هههههههههههههههههههههههههههه
نبيل : لا ياعم مبروك عليك .. انا بكلمك ف حاجه تانيه
محمد : خير يا بلبل في ايه ؟؟
نبيل : قالولي أبلغك ان الخطوبه هتتأجل وكدا !!
محمد : نعم ؟؟؟؟ هوا كلام عيال ولا ايه !
نبيل : معلش ياحماده .. نوران تعبانه خالص وعندها دور برد بقالها كام يوم.. وكانو فاكرين ان يوم الخطوبه هتبقى كويسه بس حرارتها مرتفعه جدا ..
محمد : مممممم طب وفيها ايه يعني .. احنا كدا كدا مش عاملين خطوبه بناس واهل وزيطه .. دا احنا بس كـ كلام كبار و تلبيس دبل يعني ..
نبيل : معلش يا ابوحميد .. الحاجات دي مفهاش استعجال واهم حاجه صحة نوران .. وان شاء الله تبقى كويسه وألف سلامه عليها
محمد : اه .. الحمدلله .. ماشي الله يسلمك يا بلبل .. انا هكلم إلياس اهو اطمن منه على نوران واعمل الواجب
نبيل : طول عمرك أبو الواجب يا ابو حميد .. ورد
محمد : وردوش
---
فـ بيت فيروز :
خالد : الو
نسمه : الو
خالد : ازيك ياقمري
نسمه : تمام ياحبيبي انت عامل ايه
خالد : انا واقف برا بيت فيروز اهو مستنيكو
نسمه : ايه بسرعه كدا .. آآآآآ مممممم ماشي
خالد : يلا متتأخروش عليا اوك ..
نسمه : اوك
-
فيروز : ها واقف برا ؟؟
نسمه : اه وصل
فيروز : طب استني يا نسمه هبص على ماما بصه اشوفها فين .. عشان نعرف نخرج من الباب الوراني اوك
نسمه : اوك ربنا يستر
فيروز : بطلي بقى التوتر اللي بتمشي ترميه في كل حته دا
نسمه بتلعب في صوابعها : خـ خـ خـايفه يافيروز مش عارفه ليه قلبي مقبوض
فيروز : مقبوض ايه انتو هتشوفو بعض بس وتسلمو على بعض وندخل تاني .. الحكايه كلها على بعض تو مينيت
نسمه : مممممم ماشي يلا بينا
فيروز : لا انا هقف عند الباب هنا عشان اراقب ماما وانتي روحي وتعالي وخلي عينيك عليا عشان لما اشاورلك تعرفي ان حد جاي ماشي
نسمه : يوووه بقى هيا ناقصه توتر .. اوك ماشي
( خالد اول ما شاف نسمه طالعه من الباب الوراني .. فتح شباك العربيه .. و راح مشغل أغنية ايهاب توفيق وعلّى الصوت :
" نفسي آخدك من ايديك واطلع معاك عند السحاب .. ننسى دنيتنا وزمانا ننسى ايام العذاب .. دي حكايتنا ياحبيبي تتحكي في مليون كتاب .. اه تعال في حضن قلبي كل دقه بتناديـــــــــك " ..
اما نسمه فوقفت عند الباب وسندت عليه .. وضمت شفايفها وسرحت في كلمات الأغنيه.. واول لما خلص الكوبليه .. خالد وطّى الصوت شوية .. وشاور لـ نسمه تيجي ..
خالد : انا مش مصدق نفسي .. انا حاسس ان القمر نزل من السما واقدر ألمسه وأتملى فـ جماله ..
نسمه : ههههههه يا سلام
خالد : تعالي قربي من العربيه اكتر .. محتاج اشبّع قلبي من الشوق اللي فيه
نسمه عضت شفايفها وقربت عليه : ها كدا كويس
خالد : كمان والنبي
نسمه : ها .. كفايه كدا عشان محدش يشوفني
خالد : طب قربي كمان هديكي حاجه .. قربي متخافيش الطريق كله فاضي مفهوش صريخ ابن يومين
نسمه منزله راسها في الارض : آآآآآمممم هتديني ايه بقى
خالد : ارفعي راسك بس وبصيلي .. نظره واحده بس .. خلي عنيا تيجي في عينك ..
( نسمه حطت عينها فـ عين خالد .. لأول مره تسرح في عنين حد .. )
خالد : انا مش عايز حاجه من الدنيا دي غيرك .. مش عايز حاجه غير اني كل يوم الصبح الاقي العينين دي نايمه جمبي وكل ما ابصلها احس انها بتحضني
نسمه : ياسلام كل دا عشان شفت عيني
خالد : انتي مش حاسه باللي حاسه دلوقتي .. انا لو اقدر حالا حالا اخدك ونهرب ونتجوز ونعيش حياه جميله بعيد عن الناس وبعيد عن العالم كله .. حته مفهاش الا انا وانتي وبسسسس
نسمه نزلت راسها بخجل رهيب : ياريت .. تسلملي ويخليك ليا
خالد : اتفضلي .. دي هديه بسيطه مني ... اتمنى انها تعجبك
نسمه : ليه كدا كلفت على نفسك .. انا هديتي اني اشوفك
خالد : خديها بقى عشان متتأخريش
نسمه : تعيش لي يارب .. ميرسي
(وخالد مستني نسمه تدخل البيت عشان يمشي .. ونسمه راجعه على بيت فيروز وبتتلفت وراها عشان تبص على خالد .. اتكعبلت بس موقعتش .. وقعدت تضحك لخالد من بعيد .. وشاورت لخالد بـ باي باي .. وخالد ردلها الـ باي باي
ودخلت نسمه بيت فيروز .. وقفلت الباب ووقفت وراه وهيا عاضه شفتها اللي تحت .. )
نسمه : هيغمى عليا يا فيروز بجد .. ايه الرقه دي يخربيت عينيه .. غرقت في نظرات الشوق اللي فـ عينيه
فيروز بتشد ايد نسمه : تعالي ندخل اوضتي وبعدها تحكيلي بالتفصيل اللي حصل ..
--
فيروز : طيب فتحتي الهديه ؟؟ طلعت ايه ؟؟
نسمه : تصدقي نسيت افتحها هههههههههههههههههههههههه
فيروز : يااااااااه بجد انتي بارده .... هاتي انا افتحها
نسمه : الله
فيروز : وااااااااااااااااااو .. ايه العسل دا
نسمه : حتى فـ هداياه رومانسي
فيروز : ههههههههههههههههههههههههه هوا ايه محدش غيرك بيحب ولا ايه .. اصلا الدولاب الصغير دا فيه كل هدايا حبيبي
نسمه : بس بس .. هاتي الدبدوب دا اما أشم ازازة البرفان اللي ماسكها
فيروز : امممممممممممم .. برفان جادور كمان .. آميزينج بجددددد
نسمه حاضنه الدبدوب : نفسي أخد الهديه للبيت .. بس مش هقدر .. انا هاخد البرفان بس كأني اشتريته .. اما الدبدوب خليه عندك عشان منى هتشك فيا لو لقتني داخله بدبدوب ماشي
فيروز : ماشي يا هارتي ..هاتي بقى الدبدوب دا هتفطسيه .. ياعيني دا اتعجن في بعضه
نسمه : يوه بقى مش من حبيبي لازم افعصه في حضني
فيروز : طب قومي قومي روحي .. انتي اتأخرتي اوي كدا ومش عاوزين اختك تطلعلنا بمشاكل تانيه
نسمه : عندك حق .. يلا اشوفك بكرا ف المدرسه ..
فيروز : ماشي
--
لينا : الو .. ازيك يا منى
منى : اهلا يا لولو .. ايه مالك صوتك مخطوف كدا ليه
لينا : انا عاوزه اتكلم معاكي في موضوع بس مش هينفع ف التلفون .. انتي وراكي حاجه النهارده
منى : في ايه قلقتيني .. حتى لو ورايا حاجه .. أفضالك .. يلا مستنياكي
لينا : اوك وانا هلبس واخلي بابا يوصلني على طول
--
فـ بيت طنط فاطمه :
طنط فاطمه : اهلا اهلا بـ مراة ابني .. تعالي في حضني ياحبيبتي
لينا : هههههه ازيك يا طنط وحشاني ..
طنط فاطمه : طنط ايه بقى .. اتعودي تقوليلي يا ماما .. خلاص بقى دا بكرا الخطوبه
لينا : اه .. بكرا .. مممممم هيا منى فين يا طـ... .. يا ماما
طنط فاطمه : كنت هزعل اوي لو كنتي كملتي طنط .. في اوضتها ياعيون ماما .. خشيلها ياحبيبتي
لينا : ميرسي يا ماما .. استأذنك اروحلها
طنط فاطمه : خشي ياحبيبتي من غير ما تستأذني
--
( لينا كانت بتكلم خالتها وهيا ماسكه اعصابها .. وبتسرح في كل مره تقول لخالتها " يا ماما " او خالتها تقولها " يا مراة ابني " ... دخلت لينا اوضة منى واول ما شافتها عيطت .. منى خدتها في حضنها كعادة كل البنات اما يشوفو واحده بتعيط )
منى : انا قلبي مقبوض من ساعت ماكلمتيني .. خير يا لينا قوليلي ايه اللي حصل ..
لينا : مـ مـ مـحصلش حاجه .. عادي .. مفيش
منى : لا في .. اومال قلتيلي ليه عاوزه تتكلمي معايا في موضوع .. وبتعيطي ليه بدام مفيش حاجه ؟
( لينا حست انها لو حكت لـ منى .. هتقلقها بزياده وممكن تقول لمامتها ومامتها تكبر الموضوع هيا ونسمه .. والموضوع يبقى مفتوح في العيله كلها ويطلع في الاخر زوبعة فنجان مش اكتر )
لينا : اصل فرحانه اني هتخطب بكرا لنبيل .. وفرحتي قلبت عليا بعياط .. وماما كل شوية تدخل عليا فـ مش عاوزه اعيط قدامها
منى : مش مصدقاكي ..
لينا : صدقيني بجد دا كل حاجه .. كمان انا مش زي اختك ولا ايه .. حقي اني اعيط في حضنك .. سواء بسبب او من غير سبب .. هه
منى : هههههههههه انتي عارفه يا لينا ... لو الولاد بتتعامل مع بعض زي ما احنا كبنات بنتعامل مع بعض .. هتبقى مصيبه ههههههههههههههههههههههههههههههههههههه
لينا : هههههههههههه بطلي تضحكيني كدا .. اديكي بوظتيلي برستيج العياط
منى : ربنا مايجيب الدمعه دي في عينك ابدا ..
لينا : آمين يارب
( تك تك تك تك تك تك )
منى : ايوا يا نبيل
نبيل : وانتي عرفتي منين ان انا اللي بخبط ع الباب
منى : ماهو لو حد غيرك مكنش خبط .. كان دخل على طول
نبيل : عشان تعرفي اني اخلاق .. هه سامعه يا منى انا واد اخلاق وبستأذن اهه وهموت وادخل اسلم عليكي يا منى .. واخده بالك يا منى ..
لينا : ههههههههههههههههههههههههههههههههه
منى : هههههههههههههههههههههههههههههههه خش ياحبيبي يا خطيبي ياللي هتبقى جوزي .. ( وبتغمز لـ لينا ) ..
لينا مبرقه عينها بكسوف : ششششش ايه دا يامجنونه ..
نبيل : احم احم .. ياساتر
منى : انت داخل خيمة ابو جهل ؟؟ ايه مفيش سلامو عليكم ولا اي وحشتيني ولا اي كلمه حلوه
نبيل : ماهو لو القاتل صبر على القتيل كان مات لوحده ( وبرق لمنى )
لينا : ههههههههه ازيك يا ابن خالتي
نبيل فـ سره : " ابن خالتي ايييييييه ايييييييييييه "
نبيل : اه اهلا يابنت خالتي وانتي عامله ايه ف دراستك ؟؟
لينا فـ سرها : " ايه بنت خالتي دي !! اول مره يقولها .. دا شكله بيمشي بنفس نظامي .. مااااااشي مااشي "
لينا : انا تمام الحمدلله يا ابن خالتي .. دراستي زي الفل يا ابن خالتي .. وانتي اخبار شغلك ايه يا ابن خالتي
نبيل فـ سره : " وبعدهالك يا لينا .. "
نبيل : انا ؟
لينا : اها ؟
نبيل : انا بحبــ.... ( رن موبايل نبيل ) ..
نبيل غير كلامه وبدال مايقول " بحبك " قال " بحب شغلي جدا مريحني وان شاء الله اما تخلصي دراسه ويبقى نفسك تشتغلي انا هشغلك معايا .. هتحبي الشغل اوي بالرغم من انه متعب ..
لينا : هههههههه طب رد ع الموبايل
نبيل :
--
محمد : الوووووووووو
نبيل : اهلا يا ابو حميد .. عامل ايه .. بتيجي فـ اوقات جميله
محمد : ههههههههههههههههههههههه طب عشان مطولش عليك .. اخو نوران كان عاوز نمرتك عشان يعزمك انت واختك بنفسه .. اديهاله ؟
نبيل : يااااه عليك يا محمد .. هوا انت شايفني بنت عشان تسألني تديله ولا لا .. اديله ياعم .. يلا سلام الوقتي
( بعد دقيقتين )
- إلياس : الو
نبيل : اهلين اهلين اهلين .. كيف حالك ايش اخبارك
إلياس : انا عاوز اشوفك ضروري ..
( نبيل استأذن من لينا ومنى انه يطلع يكلم برا )
نبيل : خير قلقتني يا إلياس ..
إلياس : انا اسف .. بس اقدر اشوفك فـ الميدان دلوقتي ؟
نبيل : دلوقتي حالا ؟؟
إلياس : اه معلش الموضوع ضروري اوي
نبيل : يخص محمد ونوران يعني ؟
إلياس : اه .. بس متجبش سيرة لمحمد بعد اذنك
نبيل : حاضر انا عيوني لمحمد .. ربع ساعه اكون فـ الميدان .. مسافة السكة يعني
إلياس : طب تمام وانا قدامي عشر دقايق واكون هناك
==
نبيل : معلش يا بناويت .. انا مضطر استأذن .. واحد صاحبي عايزني دلوقتي حالا في موضوع مهم .. فهشوفه عاوز ايه ..
منى : مين يعني
نبيل : مممم حد متعرفهوش .. يلا مش هتأخر سلام
لينا ومنى : سلام
--
فـ بيت إلياس :
نوران : لولوس .. انت ماسك ايه في ايدك ..
إلياس : مالكيش دعوه
نوران : يعني ايه ماليش دعوه .. سكينه دي ؟؟
إلياس : يووووووووووه قلتلك مالكيش دعوه يلا سلام
( خرج الياس من البيت وركب عربيته ومشي بسرعه .. نوران قالت فـ سرها .. نبيـــــــــــــــل .. O_O
--
نوران : الو
لينا : ايوا
نوران : انتي فين بكلمك على تلفون البيت مامتك قالت مش موجوده
لينا : انا عند خالتي .. خير في حاجه تاني عاوزاني اتهدد بيها
نوران : بصي خلينا نبقى نتخانق بعدين .. بس دلوقتي الياس نزل من البيت ومعاه سكينه .. نبيل فين ؟؟؟
( لينا قفلت السكه في وش نوران )
--
هل إلياس هينفذ تهديده فعلا ؟؟
وهل لينا هتلحق نبيل وتحذره ؟؟
وتابعونا في الحلقه الجايه
الإثنين أغسطس 19, 2013 3:04 pm
