( نسمه باصه على الشباك ومكسوفه تحط عينها في عين امها واخوها .. )
منى : يعني اقول انا صح ؟ على فكره هتبقى احسن وأخف وأهون لو قلتي انتي .. ولا جرائتك مبتطلعش الا من ورانا ؟؟
طنط فاطمه : اخلصي وقولي حصل ايه
نبيل بيوشوش ممته : تراهنيني على 100 جنيه ان الموضوع هيطلع تافه ؟؟
طنط فاطمه بترد عليه بوشوشه : اتنين جنيه بس
نبيل : هااااااااااااا اشجوني حصل ايه
منى : الست نسمه دخلت عليها الأوضه وكانت بتتكلم ف التلفون .. عارفه كانت بتكلم مين ؟؟؟ بتكلم فيروز صاحبتها وبتقولها ان نبيل لو اتجوز لينا هيا مش هتحضر الفرح
نبيل في ودن ممته : انا ليه وافقت على الاتنين جنيه ؟؟
نبيل : طيب وايه الجديد يعني ؟؟؟ مامعروفه ان نسمه مش بتطيق لينا من ساعت ما اتولدت .. نعمل ايه احنا بقى ؟؟؟ هتجرجرينا كل شوية عشان تشكيلنا منها ؟؟؟
منى : بس متوصلش انها تقول كدا للغريب .. تقولنا كدا ماشي
نسمه مدمعه : انتي عمرك ماكنتي جمبي في اي حاجه .. دايما مع لينا في اصغر واتفه التفاصيل انما انا ولا كأني اختك .. فمتجيش تعاتبيني على حاجه بعملها من وراكي .. انتي معودتنيش ابقى صاحبتك واصارحك بكل حاجه .. كل صحباتي اللي عندهم اخوات بيكونو قريبين منهم وبيقفو معاهم ضد كل الناس .. وانتي بتقفي مع لينا ضدي .. ( بـ عياط ) عاوزاني اقلدك ليه بقى ؟؟
منى حضنتها : متكلمتيش ليه من زمان .. انا بشوفك دايما متسلطه على لينا وكلنا قايلين ان دا طبعك وشخصيتك فعشان كدا بنتحامى لـ لينا
نسمه بانفعال : هتكلم اقول ايه والبيت كله مبيعديش يوم الا ويجيبو سيرة لينا اكتر من مره ..و دايما تقارنوني بيها .. متزعلوش بقى لما ابص برا البيت واعرفلي ولاد واعرف بنات مش كويسه
منى : وانتي عرفتي منين انه عاوز يتجوزك .. ؟؟؟؟؟؟ دا بيضحك عليكي
نسمه : لا مش بيضحك عليا .. هوا فضل كتير اوي اوي يجري ورايا لحد ماوصلي مع فيروز انه جاي يخطبني بس عاوز يتعرف عليا اكتر الأول ..
منى : طب عشان خاطري متكلميش معاه تاني لحد ما تخلصي ثانوية عامه ويجي يخطبك رسمي .. وهوا لو بيحبك مش هيقدر على بعدك وهتلاقيه يوم نتيجة الثانوية العامه متقدملك .. انما بدام بتقضيها حب ف التلفون يبقى عمره ماهيتقدم .. ماكدا كدا واخد اللي عاوزه
نسمه : ممممممم
منى : بصي انا هقولك حاجه .. بس متاخديهاش على انها مقارنه
نسمه : يووووووو يوووووووووو اكيد هتجيبي في سيرة لينا
منى : ايوا هجيب في سيرتها .. عارفه اخوكي ليه مدلوق وهيموت عليها؟؟؟ عشان عمره ما ادتله ريق حلو رغم انها بتحبه ... شفتي مستنيها كام سنه وعمره مافكر يكلم بنت لحد ماهيا تخلص دراسه .. انا عاوزاكي تستخدمي نفس سلاحها .. عشان بالطريقه بتاعتها عرفت ان نبيل بيعشقها .. مش بيحبها وبس .. انتي كمان اعرضي على خالد العرض دا وشوفي رأيه ايه .. لو بيحبك زي ما بيقولك يبقى هيستناكي .. مش بيحبك هتلاقيه بيخلق مشاكل من الهوا ..
منى : ربنا يهديكي يا نسمه .. بس قبل ماتنزلي اوعديني انك مش هتتكلمي معاه تاني .. عشان لو شفتك بتتكلمي معاه مش هغطي عليكي زي ما عملت من شوية .. وعد ؟؟؟
نسمه : ماشي وعد
منى : خدي تعالي هنا
نسمه : ايييييييه عاوزه آكل
منى : هاتي حضن وبوسه حلوين من بتوع زمان
نسمه : هههههه ماشي
--
فـ بيت إلياس : ( يوم خطوبة نوران .. الظهر ) لينا : عارفه ؟؟ حكايتك انتي ومحمد ولا حكاوي الأفلام .. من قلم وشدة شعر لـ كرسي الكوشه تاراراراراراااااااااا .. طب والله ينفع اسم فيلم هههههههههههههههههههههههههههههههه
نوران : هههههههههههههههههههههههههههههههههههههههه اه والله .. ياخوفي ليلة الدخله يعملي مفاجأه ويرد لي القلم اللي سكعتهوله هههههههههههههههههههههههههههههههه
لينا : ياشيخه بعد الشر .. دي هتبقى ليله والعه
نوران : معذوره .. اصلك مسمعتيش رنة القلم على وشة كانت عامله ازاي هههههههههههههههههههههههههههه
إلياس : صباح الخير يا حاجه نوجا .. بيضتين اومليت وحته جبنه بقى ف السريع عشان الحق اروح الشغل وتسلملي ايدك مقدما .. اموااااااااه
( وطلع من المطبخ من غير ما يستنى رد من اي حد .. او حتى يفتح عينه ويشوف مين ف المطبخ .. ولينا نزل عليها ضحك على اساس إلياس كان بيحسب عمته هيا اللي فـ المطبخ )
لينا : اتفضلي يا نوجا سندوتشاتك اهيه
طنط نجاه : تسلم ايديكي يا عنيا
لينا : اتفضل يا استاذ إلياس .. البيض الأومليت والجبنه
نوران : انا لو خسرتها بسببك مش هسامحك يا إلياس .. وحقيقي بجد انت بوظت عليا فرحتي ..
( طلعت نوران لاوضتها .. وقالت لـ لينا تكلم نبيل وتخليه يقول لمحمد .. ان قراية الفاتحه هتتأجل اسبوعين كمان عشان نوران جالها دور برد وراقده في السرير )
لينا : خير يا نوران ايه اللي حصل
نوران : هتبقى قلة ذوق مني لو قلتلك متسألنيش عن اي حاجه
لينا : لا ياحبيبتي .. انا هسيبك على راحتك
نوران : طيب كلمي نبيل الاول وخليه يبلغ لمحمد رسالتي دي ممكن ؟
لينا : طب بصي انا هقعد مع نوجا تحت ساعه وانتي فكري مع نفسك وقوليلي وقتها على قرارك النهائي
نوران بعصبيه : لو سمحتي يا لينا متجادلنيش .. ( بـ عياط ) انا مش عاوزه الليله دي تتم دلوقتي انا عيانه وتعبانه ومش عاوزه اي حاجه من اي حد .. ممكن بقى تروحي وتسيبيني في حالي
( نزلت لينا من اوضة نوران وخرجت على طول من باب الشقه .. وقعدت على السلم كلمت منى وحكتلها على رغبة نوران .. وكلمت الحاج عمرو يجي ياخدها )
-- ياترى ردة فعل محمد ايه لما يعرف من نبيل انها أجلت خطوبتها اسبوعين ؟؟ و لينا هتعمل ايه لما تسمع اعتراف إلياس اللي مسجله على السي دي ؟؟ وهل نسمه هتوفي بوعدها فعلا لـ منى .. ولا هتخلفه ؟؟