موضوع: قصة ( ماليش غيرك ) الحلقة (7) : الإثنين أغسطس 19, 2013 3:02 pm
(7) قصة "ماليش غيركـ " ..
------------------------------
الحاج عمرو : بسم الله ماشاء الله ... ثلاثه مره واحده يا لينا
لينا قامت وقفت وبتفاجئ وخوف وتوتر : بابا !!!!
الحاج عمرو : انتي سبتي فيها بابا .. دانتي اللي بابا .. تحبي آخدلك صوره للذكرى ( وفجأه علّى صوته في الكلام ) عشان اما أشوهك تبقي فاكره شكلك زمان كان عامل ايه @:@
( لينا رمت نفسها ع الكرسي وحاسه ان جبال من سوء الفهم هتتحط في دماغ ابوها وليلتها مش معديه على خير )
لينا بصوت مهدود : يا بابا انت فاهم غلط
وبـ حركه سريعه وقفت عند باب الحمام بتنادي : منــــــــــى ؟؟؟؟؟ نــــــــــوران ؟؟؟؟؟؟
الحاج عمرو : ماشاء الله ماشاء الله .. دا الاستاذ نبيل منور اهو .. انتو فاكرين نفسكو خلاص اتخطبتو ؟؟؟؟؟؟؟
( نبيل ساكت وعمال يقول في نفسه .. طلعنا من حفرة وقعنا في دوحديرة )
الحاج عمرو : ايه دا ايه دا ؟ والباشمهندس إلياس كمان .. يا مرحب مرحب
إلياس : اهلا ياعمي ازي حضرتك
الحاج عمرو رافع حواجبه : انا مش عم حد ... انا ابو البنت دي وانتو 3 شباب قاعدين معاها في مطعم كبير وواسع .. بنتي وحسابها فـ البيت ... ( وبابتسامه واسعه ) انتو بقى تحبو اعمل فيكو ايه ..؟؟
( قبل ما اي حد يرد .. منى ونوران وصلو للطرابيزه وسلمو على الحاج عمرو .. )
نبيل قام م الكرسي : اعرفك ياعمي .. انا نبيل أخو منى بنت أخت مرات حضرتك .. و دا إلياس أخو نوران .. والوجه الجديد دا " محمد " وخطيب نوران .. وانا كنت جاي اخد اختي ... وإلياس ومحمد كانو جايين ياخدو نوران عشان يفسحوها هما الاتنين ... وملقتش غير لينا اللي قاعده لوحدها والباقي كان بيغسل ايده من الاكل .. واحنا حالا حالا لسه واصلين اهو وماشيين اهو ..
الحاج عمرو بنظره ثاقبه لمحمد : انا مش شايف يعني دبل .. فين دبلتك انت ونوران
لينا بتوتر : بابا .. هوا انت مش هتناقشني في موضوع المطعم
( الحاج عمرو خبط على الكنبه جمبه .. يعني لينا تيجي تقعد جمبه )
الحاج عمرو : انا قلتلك ايه ف المستشفى ؟؟ مش قلتلك عمري ما هشك فيكي تاني
لينا : وانا عمري ما هعمل اي حاجه تخليك تشك فيا
الحاج عمرو : على فكره انا مستني قدام المطعم من ساعت مانبيل وصلكو .. عشان اعرف اذا كان هيقعد معاكو ولا لا .. ولقيت الراديو مشغل اغنية ام كلثوم .. فقعدت ف العربيه اسمعها .. لحد ما نبيل شرف .. وبعدها الياس شرف .. بعدها الخناقه حصلت .. وبعدها اتفاهمتو .. وقلت كفايه كدا
لينا : يعني انت يا بابا سبتني دا كله وانت عارف انهم قاعدين جوا معانا ..
الحاج عمرو : مش هيبقى خطيبك يابنتي ؟؟ قلت وماله تقعدو سوا بدام نوران ومنى معاكو .. وكمان اخو نوران .. انا قلت بتتعرفو على بعض وكدا
لينا حضنت باباها اوي : انا بحبك اوي يا بابا وعمري ماهعمل حاجه غلط او اخليك تشك فيا مهما حصل .. ثقتك فيا عندي بالدنيا .. ابيع امي عشان ثقتك يا حاج
ام لينا من المطبخ : سمعاكي يا بكاشه
لينا والحاج عمرو : ههههههههههههههههههههههههههههههههه
لينا : بس عجبني دور الأب ف المطعم :>
الحاج عمرو : مش كدا ؟ عجبني انا كمان هاهاهاهاهاهاهاها
((((( وضحك الجميع ومات القرآء من الرعب هههههههههههههههههههههههه ))) --
--- فـ بيت إلياس :
إلياس : مين أدك يا ست نوران .. انا جيت من السفر من هنا والعريس جه من هنا .. مش مكتوبلنا نقعد شوية مع بعض واخيرا هرتاح منك بقىىىىىى ..
نوران : اخص عليك يا الياس .. طب مش هوافق على محمد
إلياس : لالالا وافقي ابوس ايدك ورجلك .. بصي اما تتجوزي هأجر شقه جمب بيتك واسكن فيها بدال ما احنا قاعدين مع عمتي .. واهو بالمره نكون جمب بعض ونشأر على بعض في الطالعه والنازله ..
نوران : يااااااااااااااه هتبقى اجمل ايام بجد .. وهتبقى اجمد خال فـ الدنيا كلها
نسمه : ايوا يابنتي مبسوطه خالص انا حاسه اننا نعرف بعض بقالنا سنه مش اسسبوع .. اتعلقت فيه اوي اوي ومقدرش يعدي عليا يوم الا واسمع صوته .. ولا كلامه اااااااااااااااااااه من كلامه ( تنهيده ) يسحر يا فيروز يسحررررررر
فيروز : مش قلتلك اسمعي كلامي ومش هتخسري .. اهو دا بيسموه الحب الحــــــــب الحـــــــــــب
نسمه : معقوله اكون حبيته فـ اسبوع ؟
فيروز : ياحبيبتي الحب مالوش لا يوم ولا وقت .. بيجي كدا سبرااااااااايز
نسمه وحطت ايدها على خدها : اه ممكن هوا الحب
-- فـ الجامعه :
منى : يااااااااااه يا لينا انا مش مصدقه اني بزور الجامعه بعد ماخلصت دراسه .. صحيح كان طالع عيني بس ايام جميله .. كفايه اللمه والضحك بيني وبين زمايلي .. يااااااااااه كأني كنت فيها من عشر سنين !!
لينا : دا هما سنتين عٌمي !! تعالي بقى ارجعك لأيام زمان واحضرك محاضره من بتوعنا .. الدكتور اصلا مسخره وكوميدي جدا .. وتحسيه شاب زينا مش دكتور ..
منى : ماشي يلا ..
( في اول المحاضره )
الدكتور : البنت اللي قاعده ف الصف الرابع .. انتي معانا هنا ف الدفعه دي ؟
منى : هه ؟ انا ؟؟ اناااا اناااااا .. انا في سنه رابعه يا دكتور بس بحضر هنا عشان شايله ماده في اولى
الدكتور : اهاا منا بقول اني درستك قبل كدا في سنه ثالثه ومكنتش عارف ايه اللي جابك هنا .. عموما نورتي
منى : ميرسي يادكتور ..
عبدالله : هوا انتي بجد فـ سنه رابعه ؟؟
منى باحراج : هوا حضرتك تعرفني ؟؟
عبدالله : بصراحه اه ههههههههههه
منى : ايه دا بجد .. تعرفني منين ؟؟
عبدالله : انا كنت في الدفعه اللي قبلك بس شايل ماده .. فكنت بحضر وبشوفك في المدرج .. ايه اللي جابك بعد السنين دي كلها
الإثنين أغسطس 19, 2013 3:02 pm
@:@
