(6)
قصة " ماليش غيركـ " ...
-------------------------------
فـ المطعم :
لينا : شوية شوية يا نوران .. هتشفطي الكوبايه مع العصير
نوران : ماميمااميما ... عطشانه
منى : سيبيها دلوقتي تزور هههههههههههههههههههههه
( نوران شافت محمد داخل من باب المطعم وبعده نبيل فـ زِورت فعلا )
لينا بتخبط على ظهر نوران : ههههههههههههههههههه الله اكبر عليكي .. هوا عينينا جامده للدرجادي
نوران مبرقه : بصو بصو
( كلهم بصو ع الباب وشافو محمد ونبيل )
لينا : ايه دا نبيل جه
منى : هوا الدنيا حر ولا قي واحده قلبها بيولع
نوران : الله يسامحكو والله العظيم
لينا ومنى في وقت واحد : ليه عملنا ايه
نوران : مش كنتو تقولو ان نبيل هيجيب محمد ويجي .. انا مش عامله حسابي ومتجهزه كويس
لينا ومنى : هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
نوران : مقصدش حاجه على فكره .. انا انا انا....
منى قاطعتها : انا ايه بس ... ماخلاص فهمنا قصدك
نوران : لالالالا على فكره انا مش بحب محمد دا مجرد اعجاب
لينا ومنى : هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
( نوران اتعصبت و دمعت من ضحك لينا ومنى )
منى : وانتي تعرفي محمد منين يا نوران
لينا باستهزاء : لازم تحفظ اسمه وشكله من اليوم اللي سبتينا فـ المول وروحتي .. من ساعتها وهيا مبتتكلمش الا عليه
نوران : بس بس قربو مننا اوي
---
نبيل وعينه على لينا : السلام عليكم
لينا منزله راسها وبترد مع نوران ومنى ف نفس الوقت : وعليكم السلام ورحمة الله وبركاته
محمد بتوتر : السسس السلام عليكم .. ازيكو يابنات
البنات : الحمدلله تمام
منى : اقعدو انتو واقفين ليه ؟؟
( نبيل قعد ومحمد مش على بعضه ولسه متوتر وواقف )
نبيل : يا استاذ محمد .. مش هتقعد ولا ايه
محمد : هه لا لا هقعد هقعد
--
لينا سرحانه وبتكلم نفسها : يا نهار غوامق .. لو بابا جه دلوقتي عشان ياخدنا من المطعم وشاف نبيل ومحمد قاعدين معانا .. هتبقى نهايتي النهارده !!!!!! ومش هيبقى في خطوبة الخميس الجاي .. هاااااااااار اسود دنا مقولتش لـ نوران على الاتفاق اللي حصل مع نبيل وبابا .. يارب نبيل مايجيب سيرة الموضوع دا عشان نوران متقولش اني بخبي عنها حاجه ..
( نبيل بيبص على لينا وهيا سرحانه .. وقال يسرح فيها زي ماهيا اكيد سرحانه فيه ... ومحمد بيبص على نوران .. ونوران مخنوقه لسه من كلام لينا ومنى معاها .. فـ مكلضمه وبتلعب في موبايلها .. اما منى بقى فـ هيا قاعده زي قرد قطع بتبص على عصافير النيل اللي قدامها )
منى : وحدووووه .. هوا ايه الكل سرح كدا وسايبني ؟؟
محمد : انا ااسف والله انا....
نبيل قاطعه : منى عدي الليله على خير ياحبيبتي .. ماشي ؟
منى : ههههههههههههههههه عنيا
--
( إلياس داخل المطعم .. وعمال بيدور على الطرابيزه اللي اخته قاعده عليها .. لحد ما لقى الطرابيزه ف الزاوية .. ومش باين منها الا لينا ع الطرف .. قعد على اقرب كرسي ليه .. وفضل باصص على لينا من بعيد ومبتسم .. وفجأه شاف لينا بدلت مكانها مع شاب .. )
إلياس مصدوم وبيكلم نفسه : بقى دي اللي نوران بتقولي عليها محترمه !!
بقى دي اللي شفت فيها التحفظ اللي كنت هموت وارجع مصر عشان اشوفه !!
فرقت ايه يعني بينها وبين اي مصرية فـ لندن !! الحجاب ؟ ياخي يولع الحجاب .. استغفر الله العظيم يارب
( قام إلياس من مكانه عشان يخرج من المطعم وعلى وشة ملامح الاحتقار والصدمه لـ لينا )
إلياس لسه بيكلم نفسه : انا ازاي فكرت اني اروح اخطبها .. بس انا الغلطان .. انا اللي مصدقت شفت بنت .. انا اللي عبيط .. انا اللي بريالة اللي ريـل على اول بنت شافها اما رجع م السفر .. الحمدلله اني قعدت بعيد فتره .. كان هيبان على وشي نظره الاحتقار دي ..
إلياس فـ عربيته : انا هرجع اقول لـ نوران انها متعرفش صحبتها دي تاني ..
نــــــــوران !!
المفروض نوران تكون معاها فـ المطعم
( وبسرعه إلياس مسك موبايله واتصل على نوران .. ونوران لما شافته بيتصل طلعت برا المطعم ترد عليه عشان صوت المزيكا .. ومحمد قام وراها عشان يسمع هيا بتكلم مين واشمعنا طلعت برا ترد على اللي بيتصل )
نوران : لولوس حبيبي
إلياس وهوا شايف نوران قدام باب المطعم : انتي فين ؟
نوران : مش انا قلتلك اني هروح المطعم مع صحابي ..
إلياس : اه قولتيلي .. بس مقولتليش رايحه مع مين .. هوا مين عندك
نوران بتوتر : لينا و آآآآ .. و منى بنت خالتها
إلياس : بس ؟
نوران : اه ياحبيبي هما دول البنات بس
إلياس : يعني فيه صبيان ؟؟
نوران : اما هرجع البيت هفهمك كل حاجه ماشي ؟
إلياس : ماشي ..
( نزل إلياس من عربيته عشان يعمل قفشه على اخته وفي نفس الوقت يقول لـ لينا كلمتين فـ عضمها ويحذرها من الكلام مع اخته تاني )
نوران : هأأأأ ( مخضوضه يعني )
محمد : معلش انا اسف .. انتي اتخضيتي ياحلوه
( فـ نفس الوقت إلياس وقف جمب عربيته يشوف مين الولد اللي بيكلم اخته عند الباب )
نوران : يا حلوه ؟
محمد رافع حواجبه : آه .. ولا اقولك يا عاشقه يا متيمه
نوران ابتدت تدمع : انت ازاي تكلمني بالطريقه دي .. انت تقصد ايه
محمد بنفس رفعة الحاجب : اقصد لولوس حبيبك .. هوا انتي مقولتلهوش انك قاعده مع ولدين ولا ايه ؟؟ مش عيب تكدبي عليه يا كوكو
نوران والدمعه محبوسه فـ عينها ومتضايقه من لهجة محمد : حتى لو بكلم حبيبي ومقولتلهوش عليك وعلى نبيل .. انت مالك بتحقق معايا على اساس ايه ؟؟؟
محمد : على اساس ايه ههههههههههههههههه .. على اساس اني المغفل اللي كان ناوي يخطبك .. على اساس اخلاقك اللي من اخلاق لينا .. ها ها ها بقى عمرك ماعرفتي ولد ؟؟؟ دانتي دايره على حل شعرك بقى من ورا الكل
( نوران محستش بنفسها الا وهيا بتضرب محمد قلم على وشه بـعز قوتها .. وفي نفس الوقت .. إلياس بيجري من بعيد عشان يشوف اخته ضربت محمد بالقلم ليه )
محمد بعصبيه وصوت عالي : وكمان ايدك طويله ..
( ومسك شعرها من تحت الحجاب وشده في ايده جامد وفي خلال ثانيه إلياس كان بيجري وزق محمد من على باب المطعم وطبعا محمد وقع جوا المطعم وكل المطعم اتجمع في حته بعيد عن الخناقه )
إلياس : تمد ايدك على اختي يا ابن الـ ***** .. انا اختي مبتتضربش يا ابن الـو*** ..
محمد : اختك دي اساسا مش متربيه ومقرطساك انت واهلك
( نوران منهاره عياط في حضن لينا وبتحكيلها اللي حصل .. وعلى سوء الفهم اللي حصل من محمد .. ونبيل واقف جمب لينا بيسمع ايه اللي حصل من نوران لانه عارف غباء محمد .. وبالتالي سابه يتضرب شوية )
نبيل : يا استاذ إلياس .. استهدى بالله كدا ونتفاهم بالاصول
إلياس بعصبيه : أصول ايه دا ابن ****** ومطلع اختي شمال وفوق كدا بيجيبها من شعرها عشان ضربته بالقلم ..
( إلياس ماسك تيشرت محمد وبيكلمه بعصبيه ) : شايف نفسك راجل اما تضرب واحده ست ؟؟؟؟؟؟ دا انت مرااااااا وريني يابن الـ*** رجولتك فين .. ولا مش بتتشطر الا ع النسوان ؟؟
محمد : انا مش عايز ارد عليك عشان انا عارف اني غلطان واني فهمت غلط .. لكن وديني كلمه زياده هيبقالي عندك حق عرب
نوران بانهيار : حق عـ عـ عرب في عينك .. خدلي حـ حـ حقي يا إلياس س س
نبيل : ياجماعه استهدو بالله بس وتعالو نتفاهم وكل اللي حق عند التاني ياخده عشان بس كل حي اما يروح لحاله يبقى فاهم هوا غلط في ايه ومغلطش ف ايه
لينا : نبيل لو سمحت مش عايزه اشوف وشك انت ومحمد في اي مكان اروحه انا ونوران
نبيل ببصة زعل : انا اسف اني حبيت اعمل مفاجأه لـ محمد
إلياس : يعني انت اللي جايبه عشان يعمل ف اختي كدا
نبيل : ياعم صلي على النبي ..
الكل : ( عليه افضل الصلاة وأتم التسليم )
نبيل بيكمل كلامه : انا خطيب لينا .. وكنت موصلهم للمطعم و.....
إلياس مقاطع نبيل : خطيب لينا ؟؟ .. خطيبك دا يا لينا
لينا : ( مردتش وبصت لنوران باحراج )
نوران : انتي اتخطبتي لنبيل ؟
نبيل : اه انا حددت مع باباها الخطوبه الخميس الجاي .. انتي مقولتلهاش يا لينا ؟
إلياس بعصبية : قالت ولا مقالتش مش موضوعنا ايه اللي جابكو قعدكو معاهم ؟؟؟
نبيل : انت بس هدي نفسك واحنا هنعرفك كل حاجه
إلياس : ماتتنيل تقول
نبيل : حضرتك محمد بيحب نوران من زمان اوي وكان جاي عشان يسألها موافقه ولا لا .. بس كدا
نوران بابتسامه : كنت جاي تخطبني انا ؟
محمد ووشه ف الارض : ايوا كنت جاي اسألك توافقي عليا ولا لا .. عشان مبقاش محرج وخايف اما اتقدم لاترفض
إلياس : وهوا ايه يعني ملهاش اهل تروح تسألهم
محمد : منا قلت لحضرتك كنت حابب اعرف رأيها بس ومكنش هيبقى في كلام تاني معاها .. وانا حبيتها من كلام لينا عنها وعن اخلاقها وعلى شهاده الجميع .. بس لما لقيتها خرجت برا المطعم وبتقول يا لولوس ياحبيبي .. صدمتي في مشاعري خلتني اطول لساني وانت لو مكاني يا استاذ إلياس كنت هتعمل كدا
نبيل : شفتو التفاهم حلو ازاي ... تعالو بقى نقعد ونطلب حاجه نشربها وتتكلمو كلكو سوا ..
( وطلب نبيل 5 قهوه .. وبيدور على منى مش لاقيها .. )
نبيل : هيا منى فين ؟؟؟
لينا : تقريبا كدا راحت الحمام تستخبى فيه .. استنى هروح اشوفها
نوران : لا خليكي انتي انا هروح واشوفها وبالمره اعدل الطرحه ( وبتبص لمحمد بحرقة دم )
محمد : انا اسف يا نوران والله تصرف لا ارادي مني متحكمتش ف اعصابي
نوران هزت براسها : اوكي
---
دخلت نوران الحمام .. منى منى منى ؟؟؟؟؟؟؟؟؟؟؟؟
منى من جوا الحمام : ايوا مين بينادي
نوران : هكون مين يعني ؟ انتي رايقه اوي انتي رحتي فين ساعة الخناقه
منى : انا شريت
نوران : ايه ؟؟
منى : شرييييت .. يعني مقدرتش امسك نفسي فالخناقه .. انا بترعب اوي من اي خناقه تحصل قدامي عشان شفت اتنين كانو بيتخانقو وانا صغيره وواحد فيهم مات فـ من وقتها واي خناقه بتحصل قدامي بستخبى وغصب عني بعملها على روحي
نوران : عارفه يامنى ؟
منى : ايه ؟
نوران : انا اسفه اني سألتك .. طب وعارفه ايه تاني ؟
منى : هههههههههه ايه ؟
نوران : انا اسفه اني جيت ادور عليكي اصلا .. عارفه ايه كمان ؟
منى : اشجيني اشجيني
نوران : انا اسفه اني في يوم عرفت لينا وبالتالي عرفتني عليكي .. اشوف فيكي يوم من اولة
منى : ليه يابنتي بتدعي عليا مش بحكيلك عقدتي النفسية
نوران : انا اخويا اللي بيتخانق برا
منى : الاسمراني الطويل ابو شعر ناعم دا اخوكي ؟
نوران : ايوا هوا
منى : اخص عليه .. حد يتخانق مع قمر زي دا
نوران : اظن كمان مشوفتيش مين اللي بيتخانق معاه صح ؟
منى : هوا انا لحقت .. انا بصيت على اخوكي ومشلتش عيني من عليه لحد مادخلت الحمام
نوران : قسما بالله انتو رايقين اوي النهارده وانا بجد حقيقي على اخري ومحدش حاسس بيا ( وعيطت )
منى : الله الله الله .. انتي بتعيطي يا نوران .. انا اسفه والله انا كنت بهزر .. انا بس اخوكي لفت انتباهي عشان طويل ماشاء الله
نوران : من قبل الخناقه كمان كنتو بتريقو عليا
منى : وحد يزعل مننا يا نوران .. احنا على طول بنتريق على بعض في كل حاجه ومبنزعلش من بعض
نوران : ايوا بس حتة الحب دي مفهاش تريقه .. انا مش بتريق عليكو انا ممكن ألسن ف الكلام بسسسس
منى : تعالي انا اسفه ( وخدت نوران بالحضن وطبطبت عليها ) ..
منى ونوران لسه في حضنها بتعيط : ها قوليلي بقى اخوكي اسمه ايه ؟؟؟ واتخانق ليه ؟؟؟ وايه اللي جابه اصلا ؟؟؟ واشمعنا محمد اللي مسك فيه ؟
-----
( في نفس الوقت .. القنبلة الموقوته وصلت عشان توصل لينا ومنى ونوران .. طبعا عارفين مين هوا القنبله الموقوته ؟؟ ايوا الحاج عمرو )
--
ايه بقى اللي حصل بعد كدا ..
استنونا الحلقه الجايه ^^
الإثنين أغسطس 19, 2013 3:02 pm
