(5)
قصة " ماليش غيركـ " ..
-------------------------------
فـ بيت طنط فاطمه :
نبيل : قسما بالله يا ماما لو ما رحتي فاتحتي أم لينا فـ الموضوع .. لأكون انا متصرف من وراكي .. عشان كدا بقى كتير اوووووووي اووووووووووووووي وانتي كل يوم تاخديني على أد عقلي ... لكن دي اخر مره .. يا تفتحي الموضوع ياتسيبيني انا وابويا نفتحه
ام نبيل : انت قليل الأدب .. متتكلمش معايا بالطريقه دي تاني .. وهبقى افاتح اختي ف الموضوع ف الوقت اللي يناسبني وبمزاجي ... وخليك فاكر ان انا في ثواني ممكن افركشلك الموضوع كله فـ لم نفسك احسنلك واتكلم معايا عدل .. انا امك مش واحد صاحبك فاهم ولا لا ؟؟؟؟؟؟؟؟؟
نبيل بأفأفه : فاهم يا ماما ..
-----------
( بعد ساعه ونص )
ام نبيل : انت يازفت
نبيل : ايوا ؟
ام نبيل : انا كلمت حماتك .. و......
نبيل قاطعها : انتي احلى ااااااااااااااااام في الدنيا ... ها بقى قالتلك ايه هه قالتلك ايه
ام نبيل : يا واد اهمد والله العظيم اسيبك على نارك لحد بكرا ..
نبيل : لا ياست الناس انا سكت خالص اهو .. احكيلي بالتفصيل الممل
ام نبيل : كلمت حماتك وقلتلها اننا جايين بكرا نخطب لينا رسمي عشان نبيل خايف عليها من شباب الجامعه .. بس اهو يبقى فـ ايديها دبلة عشان محدش يفكر فيها .. وكدا كدا يبقى الوضع كما هوا عليه
نبيل : كما هوا علييييييييييييييييييييه ؟؟؟؟؟؟؟؟؟؟؟؟؟ نـــــــعــــــــــــــم ؟؟؟؟؟؟؟؟؟؟؟؟؟؟؟؟؟؟؟؟؟؟؟
ام نبيل : ما دي الطريقه اللي هتخلي الحاج عمرو يوافق انك تخطب لينا .. فخطوبه رسمي احسن من كلام فـ الهوا .. وكمان الحاج عمرو قال الخطوبه لما تبقى فـ سنه تانيه والجواز بعد الجامعه ... وهيا لسه ف سنه اولى فانت تسكت وتخرس خالص .. ومش عايزه جدال ولا نقاش تاني ف الموضوع دا
نبيل : رضا رضا .. حد طاااااااااااايل ... بقالي 7 سنين بحب على روحي مجتش على 3 سنين يعني !!!
هااااااااااااااااااااااااار اسود
ثلاث سنين .. ثلاث سنين نتخطب فيها ويبقى الوضع كما هو عليه ؟؟؟؟؟؟؟؟؟؟؟؟؟؟؟؟؟؟؟؟؟؟؟ لا دا عند ام ترتر .. بس اما اشوف رأي ترتر ايه ف الموضوع دا هههههههههههه
ام نبيل : هى هى هى
نبيل بيضحك ضحكه هبله : انا هقوم بقى اجهز نفسي واحضر لبسي بقى وكدا ... تصبحي على خير يا ام نبيل يا ام الخير كله
ام نبيل : انا مخلفه شوية عاهات .. وانت من اهله ياسيدي
------
الساعه 11 بالليل .. لينا جاتلها مسج من نبيل :
" اخيرا بقى ... اخيرا هشوف وشك وهوا مكسوف على حق .. هشوف اللحظه اللي بتمناها بقالي 7 سنين .. والله حاسس ان قلبي هيقف من فرحتي .. الوقت مش عاوز يعدي وبكرا مش عايز يجي .. انا عارف انك مش هتردي ع المسج بس كان لازم اقولك حاسس بإيه دلوقتي .. كانت واقفة في زوري بقالها 7 سنين ومليش الحق اني اقولها .. لينـا .. ياحبيبتي .. يامراتـــــي ... يا مــــــدام .. والله العظيم بحبك وبحلم تكوني ليا من زمـآن آوي واخيرا حلمي هيتحقق .."
لينا قرأت المسج .. قلبها دق .. ابتسمت اوي وحضنت الموبايل .. عشان اخيرا هيبقالها الحق انها تعرفه بحبهـا ليه .. مسكت الموبايل ... وشافت ان الوقت متأخر فـ انها تبعت مسج ..
فقررت ترد عليه الظهر .. وبعدها قررت ترد عليه الساعه 7 الصبح على معاد شغله .. بعدها محستش بنفسها الا وهيا بعتاله :
" بعد الشر .. سلامة قلبك يابن خالتي "
--
نبيل استلم الرساله وقرأها .. وفجأه بقى بيتنطط ع السرير وبيكلم نفسه بصوت عالي :
نبيل : بعد الشررررررررررررر وسلامة قلببببببببك يابن خاااااااااااااااااااااااالتتتتتتتتييييييييي
نعم ؟؟؟؟؟؟ ايه ؟؟؟؟؟؟؟؟؟ ابن خالتي ؟؟؟؟؟؟؟؟؟؟؟؟؟؟؟
( قعد ع السرير وبطل تنطيط )
نبيل فـ سره : مبتكملش حاجه حلوه للآخر .. بس قالتلي بعد الشررررررررررررررر وسلامة قلببببببببببببببببببببببببك هع هع هع مين قدك ياعم نبيـــــــــــــــــــــــــــل ...
--
فـ بيت نوران :
نوران : صباح الخير يا لولوس يا قمر
إلياس : لولوس هههههههههههههههههههههههه بقالي كتير مسمعتهاش ... صباح النور يا دكتورة
نوران : ههههههههههههههه وهتسمعها كل يوم ياحبيبي .. يلا الفطار جاهز
إلياس : اما انتي تيجي تصحيني وتقوليلي ياحبيبي وتعمليلي فطار .. اومال مراتي هتعمل معايا ايه
نوران : هههههههههههههههههههه شكلها هتحط رجل على رجل وهتقول الله يرحم أيامك يا نونـــا يا اختي .. وبرضو هتلف هتلف ومش هتلاقي غيري يحبك أوي من غير اي مطالب
إلياس : ياسلام .. هوا انا لاقي اصلا عروسه اتجوزها عشان تعملي الفيلم دا كله
نوران : متقلقش انا هدورلك على عروسه تريحني .. قصدي تريحك هههههههههههههههههههههه
إلياس : والله انا خايف اتجوز تكوني لمراتي حماتها هههههههههههههههههههههههههههههههههههههههههههه
نوران : انا من رأيي تجوزني انا الاول وتخلص مني وبعدها تتجوز انت
إلياس : مش انا قلتلك مش هسيبك الا على بيت جوزك ؟؟ يبقى مش هتجوز قب ماتتجوزي
نوران : حبيبي ياخويا والله .. ربنا مايحرمني منك ابدا
( إلياس حط ايده على كتف نوران ومشي معاها لحد السفره عشان يفطرو سوا .. )
إلياس : قوليلي بقى .. هتدوريلي على عروسه من فين بالظبط
نوران : مش عارفه بس اكيد من عيلة لينا .. انا معرفش حد غيرهم
إلياس : عيلة لينا !! اومال لينا مالها ؟؟
نوران : لا لينا هتتخطب لابن خالتها
إلياس : مممممممممم عن حب يعني وكدا ؟؟ ولا تقاليد العيله كدا ؟
نوران : هوا حب من طرف ابن خالتها .. لكن هيا مجرد اعجاب عشان وعدت باباها انها مش تكن ليه مشاعر الا بعد الخطوبه ..
( إلياس بيقول فـ سرة .. كل يوم بعرف عنها حاجه تخليني منامش الليل كله .. وبعدهالك يا لينا .. ايه اخرة تفكيري دا ... مصيبه اكون حبيتك .. ربنا يقدم اللي فيه الخير )
نوران : واحد اتنين ثلاثه حــوّل .. هل تسمعني ؟؟
إلياس : ايه ؟
نوران : سرحت فـ ايييييييييه بقولك عاوز لانشون ؟
إلياس : لا ياحبيبتي انا يادوب انزل عشان متأخرش على الشغل ..
نوران : ماشي .. خلي بالك من نفسك واما توصل هناك رنلي
إلياس : هههههههههههههههههههههههه انتي بعمايلك دي هتخلي شروطي في اللي هتجوزها انها تكون زيك
نوران : اصلا مفيش حد زيي
إلياس : ههههههههههه وانتي كمان خلي بالك من نفسك .. ولو هتخرجي تروحي فـ حته يا ريت تعرفيني
نوران : الله الله الله .. انت هتعملي فيها جوزي ولا ايه .. بقولك ايييييييه خد اول طياره وارجع مكان ما كنت .. آل أعرفه آل
( إلياس رافع حاجبه ) : نعم ياختي ؟؟؟
نوران : بهزر بهزر .. عٌلم وينفذ سيدي الرئيس .. هل لديك أي أوامر أخرى ..
إلياس : نعم .. أين قبلة خدي ؟
نوران : هههههههههههههههههههه اهيييه ( (
--
فـ بيت طنط فاطمه ..
نبيل : يلا ياماما هنتأخر على خالتي
ام نبيل : الساعه 4 ونص يالا انت هتستعبط
نبيل : انا هجهز العربيه ومستنيكي برا .. ماااااااااااشي
ام نبيل : ماشي
نبيل : ايه دا فيروز .. اهلا اهلا بعد اذنك
فيروز في سرها : عبيط دا ولا ايه !!
ام نبيل : زوزو ازيك ياحبيبتي ؟
فيروز : الحمدلله انتي ازيك ياطنط .. هيا نسمه هنا
طنط فاطمه : اه ياحبيبتي قاعده ف اوضتها ادخليلها
( طنط فاطمه بصوت عالي : نسمـــــــــــة فيروز جت .. انا نازله مع اخوكي )
نسمه : ماشي خليها تخشلي
--
فيروز : ازيك ياقمر آي ميس يو بجد
نسمه : تمام .. وانتي كمان مجيتيش المدرسه ليه النهارده
فيروز : كنت مع حبيبي
نسمه : ااااااااه اوعدنا يارب
فيروز : ان شاء الله .. فكرتيني بقى .. خدي رقم زيزو اهه ..
نسمه : ايه ؟ يعني اانا اللي هتصل ؟؟
فيروز : لا ياهبله .. انتي سيفيه عندك عشان لما يتصل تعرفي انه هوا ..
نسمه : ااها ماشي هيتصل امتى
فيروز : هوا قالي الساعه 6 المغرب .. يناسبك ؟
نسمه : اه يناسبني تمام ..
--
في بيت الحاج عمرو :
نبيل : ازيك ياعمي
الحاج عمرو بنظرة ثاقبه : اهلا يابني
نبيل : أظن خالتي فاتحت حضرتك ف الموضوع بتاعي انا ولينا .. صح
الحاج عمرو : اه حصل .. بس انت مقولتليش مستعجل ليه
نبيل : ياعمي انا عندي 27 سنه ويادوبك خطوبه الوقتي .. ولحد ما لينا تشد حيلها وتخلص جامعه .. نكون جهزنا الشقه واختارنا عفشنا وكل حاجه جاهزه .. وزي ماحضرتك قلت .. الجواز بعد الجامعه ان شاء الله .. يعني اكون انا على سن الـ 30 ف حلو اوي كدا
الحاج عمرو : ماشي يابني .. انا هقوم بقى عشان الحق الشغل
نبيل : هه ؟!!!!!
الحاج عمرو : شغلي يابني الساعه 6 .. تعال اوصلك للباب وندردش حبة
---
الحاج عمرو قدام البيت : انت عارف يانبيل اني بحبك وعايزك لبنتي بس...
نبيل مقاطعه : بس ايه ياعمي بالله عليك ماتقول بس
الحاج عمرو : يابني اسمع متخلنيش اسيبك وامشي .. انا مش عاوز لينا تنشغل بيك وبالخطوبه وبالجهاز وتنسى دراستها ..
نبيل : ياعمي انا بحضر دكتوراه والدراسه دي مهمه عندي جدا ... فأكيد دراسة لينا هتبقى أهم من دراستي وعمري ماهعطلها عن دراستها ابدا ... بالعكس انا هشجعها تحضر الماجستير بعد الجامعه .
الحاج عمرو : بجد يابني هتخليها تحضر ماجستير ؟
نبيل : اه طبعا ياعمي ودكتوراه كمان .. وانا واثق ف لينا انها هتقدر توفق بين دراستها وبين جوزها .. ومش هضغط عليها كمان اننا نخلف .. هتبقى دراستها بين عيني والله العظيم
الحاج عمرو : خلاص يابني .. على بركة الله ... تعال يوم الخميس الجاي بالشبكه ونقرأ الفاتحه ونهيصلكو ...
نبيل هجم على الحاج عمرو وبيبوسه : رينا يخليك ياعمي يارب .. ولا عمي اييييه بقى .. اقولك يابوياااااااااااااا
---
فـ بيت نسمه :
( الساعه 6 المغرب )
( تلفون نسمه بيرن .. بصت في الموبايل لقيته " خالد " )
نسمه بتوتر : الو
خالد : يا اهلا بأحلى صوت
نسمه بكسوف : اهــلا
خالد : ازيك يا نسومه .. تسمحيلي اقولك نسومه ؟
نسمه : تمام الحمدلله .. عادي اللي يريحك
خالد : انتي فاكره اني كدا مش مرتاح .. انا مرتاح لأني اخيرا كلمتك
نسمه : مممممممم ميرسي
خالد : انتي سكتي ليه .. اول مره تكلمي ولد صح
نسمه : بصراحه اه
(خالد في سره : هاهاها كلهم بيقولو كدا ف الاول )
خالد : تصدقي وانا كمان اول مره اكلم بنت .. انا قعدت كتير اوي متردد ومتوتر قبل ما اتصل .. بس قلت اتصل واللي يحصل يحصل ..
نسمه : بجد انا اول واحده ؟
خالد : انا لما شفتك وانتي طالعه من المدرسه وسألت عن اخلاقك .. قلت هيا دي البنت اللي هكمل حياتي معاها
نسمه : ( صمت )
خالد : بصراحه يا نسمه بقى .. انا حبيتك من ساعت ماشفتك .. قولي عليا مجنون قولي عليا كداب .. قولي اللي تقوليه .. بس بجد حقيقي حبيتك ومش قادر اشيلك من دماغي من ساعت ماشفتك .. وحاسس انك لو بقيتي لغيري انا ممكن اموت نفسي
نسمه : بسرعه كدا
خالد بخبث : انا بوعدك اني هعيشك في عز ودلع وهنكون اجمل عشاق
نسمه بانبساط : بجد ؟
خالد : طبعا ياحبيبتي .. معلش مقدرتش احوش لساني وهوا بيقولك ياحبيبتي
نسمه بكسوف : تسلم
خالد : انا مش عاوزك تتكسفي مني .. اعتبريني باباكي اخوكي قريبك .. واوعي تتكسفي مني ... اما تحسي بأي حاجه ف قلبك قوليهالي .. متتكسفيش ..
نسمه : صعب انا طبيعتي شخصيه خجولة
خالد : لا مش صعب .. انا كمان خجول .. بس مقدرش احوش مشاعري وخصوصا انك اول واحده اكلمها في حياتي كلها
( منى فتحت باب الاوضة على نسمه عشان تفكرها تصلي المغرب قبل ما العشاء تأذن ... ونسمه قفلت في وش خالد من التوتر )
منى وهيا باصه على موبايل نسمه : ايه ياختي شفتي عفريت ؟ مش على بعضك ليه ؟
نسمه : هه مممم لا بس فيروز اتصلت والخط قطع فجأه .. اكيد البطاريه فيها حاجه...
منى : مممممممم ماشي .. قومي صلي المغرب .. العشاء هتأذن كمان ربع ساعه
نسمه : اوكي
( وجريت نسمه على الحمام وهيا ماسكه قلبها وبتحمد ربنا ان اللحظه دي عدت على خير )
--
فـ التلفون :
منى : ليناااااااااااااااااا باركيييييييييييييييييييييلي .. عملت الانترفيو واتقبلت وهشتغل فـ البنك بقى اخييييييييييييرااااااا
لينا : الف مبرووووووووووووووووك يامونمون .. عقبالي بقى اما اتخرج واشتغل
منى : ان شاء الله ... انا عازماكي انتي ونوران على العشاء النهارده بمناسبة اني اشتغلت بقى ..
لينا : نعم ؟ لا طبعا دا احنا اللي عازمينك
منى : منا قلت اقول كدا عشان ادبسك انتي وهيا في العشا هههههههههههههههههههههههههه
لينا : ههههههههههههههههههههههههههههههههههههه وماله عشان اول شغلانه بس .. ومسيرها تترد ليا ولنوران
منى : ههههههههههههههههههههههههههههههههه ربنا يسهلها عليكو وتخلصو جامعه الاول ..
لينا : ان شاء الله
--
منى : ماااااااااماااااااااااا انا اتفقت مع لينا اننا هنتعشى برا النهارده
طنط فاطمه : ماشي ياحبيبتي متتأخروش بس عشان جوز خالتك عامل حظر تجول الساعه 9 ونص
منى : ههههههههههههههههههههههه متقلقيش عامله حساب اونكل عمرو وهنمشي الساعه 6 عشان نلحق نروح قبل الحظر
طنط فاطمه : ماشي ياحبيبتي اطلعي بقى اتحايلي على نبيل يوصلكو
منى : وماله هههههههههههههههههههههههههههه مش هيقول لأ
طنط فاطمه : هههههههههههههههههههههه
-
لينا : الو
نوران : يا هلا يا هلا
لينا : ههههههه ازيك يا وزه
نوران : زي الفل يا بطتي .. ايه لحقت اوحشك ؟ مش لسه مكلماني من نص ساعه
لينا : ياستي انتي على طول وحشاني .. منى اتقبلت ف الانترفيو وهتنزل الشغل من بعد بكرا
نوران : ايه دا بجد .. الف الف مبروووووووووووووووووووووووك
لينا : الله يبارك فيكي ... بصي بقى انا وانتي هنشترك وهنعزم منى على عشاء في مطعم اللي هوّا عشان نذلها بيه طول العمر
نوران : ههههههههههههههههههههههههههههههههههه ماشي موافقه .. هتتحركو الساعه كام
لينا : الساعه 6 ان شاء الله ... هعدي عليكي اخدك ونروح عند منى الاول وبعدها ننزل من هناك .. ماشي
نوران : ماشي .. هقوم اجهز اهو
---
نوران : حبيب قلبي
إلياس : اهلا بمراتي .. خير هوا في حاجه ولا ايه ؟؟
نوران : لا بعد الشر .. انا بس حبيت ابلغك اني هنزل مع لينا الساعه 6 عشان بنت خالتها اتقبلت ف الشغل فعازمينها ع العشا
إلياس : مممممممممممممم
نوران : افهم ايه من ممممممممممممم دي ؟
إلياس : ماشي .. بس ياريت قبل ماتتفقي بعد كدا تكلميني تستأذني مني .. مش تكلميني تبلغيني انك نازله !!
نوران : خلاص يا كتكوته متزعليش .. ممكن يا لولوس ياحبيبي انزل مع لينا نتعشى سوا ؟
إلياس : مممممممم سيبيني افكر
نوران : لا انجز الساعه 5 ههههههههههههههههه
إلياس : ههههههههههههههههههههههههه ماشي ياستي ... بس تكوني ف البيت قبل 9 ونص
نوران : عٌلم وينفذ يا مولاي
إلياس : هيّا انصرفي ..
نوران : الوداع
إلياس : رافقتك السلامه
--
محمد : ولا يانبيل .. عملتلي ايه فموضوع نوران
نبيل : هههههههههههههههه متستعجلش على رزقك يابني انا لسه مش عارف اكلم لينا عشان اكلمها على نوران
محمد : استعجل بقى الله يرضى عليك ..
نبيل : هتعملها على روحك ولا ايه ...
محمد : الحاجات دي مفهاش هزار .. بجد انا مستعجل ومش عايزها تضيع من اييدي
نبيل : خلاص ياعم متقفشش عليا كدا
محمد : بجد هموت واشوفها واتكلم معاها تاني ... ولو حتى لثواني
نبيل : وانا هخليك تبيض يا عم محمد
محمد : يعني ايه ؟
نبيل : يعني هوديك تشوف نوران وتتكلم معاها .. واهو فرصه انا كمان اشوف لينا واتكلم معاها
محمد : بجد انت ربنا باعتك ليا م السما
نبيل: ههههههههههههههههههه اركب اركب خلينا نروحلهم المطعم .. على اساس اني زي ماوصلتهم ارجعهم تاني ..
محمد : اركب الهواااااااااا
--
إلياس سرحان في لينا مع نفسه وهوا راجع من شغله .. وبيقول ف نفسه : ياااااااه لو اشوف لينا تاني .. ويرد على نفسه : طب منا ممكن اروح لنوران المطعم اشوفها واهي تبقى حجه اني جايه اوصلهم .. لا لا لحسن لينا تحرجني وانا مبحبش حد يحرجني .. لا اصلا انا هقول لنوران يلا بينا نروح ونوران هيا اللي هتعزم عليها تيجي معانا ولو رفضت يبقى احرجت صحبتها ما احرجتنيش انا .. صح كدا ..
وصل ألياس المطعم ..
وركن عربيته ..
وفي نفس الوقت كان نبيل ومحمد ركنو عربيتهم ودخلو المطعم .. عشان " كل عصفور يشوف سجّـانة "
إلياس ثبت المرايا عليه ..
وفضل يظبط شعره ويحط برفان ..
إلياس بيكم نفسه في المرايا : برنس يا واد يا لولوس .. افتح اول زرارين في القميص لتقول عليك مدفي صدرك … ايواااا تمام كدا .. نشمر كمان كم القميص عشان ندي حبة شياكه و شخلعه ..
شخلعه !!!! ياخسارة 13 سنه تعليم في لندن هههههههههههههههههههه ... انا بقول انزل احسن انا كدا زي الفل .. ( ورمى بوسه في الهوا لنفسه فـ المرايا )
--
ياترى ايه ردة فعل نوران لما تشوف اول ولد عينها تيجي فعينه ؟؟
وايه ردة فعل لينا لما تتفاجئ بـ نبيل و إلياس ؟؟ والعكس ؟؟
والأهم من كدا .. ايه ردة فعل إلياس لما يلاقي اخته قاعده في مطعم مع شباب ( نبيل ومحمد ) ؟؟؟
وايه اللي هيحصل مابين نبيل و محمد وإلياس ؟؟؟
تابعونا فـ الحلقه الجايــــــة مع احداث شيقه للغايه ^^
الإثنين أغسطس 19, 2013 3:01 pm
