(4)
قصة " ماليش غيركـ " ..
------------------------------
اول ما لينا وأبو لينا وصلو البيت .. موبايل لينا جاتله رساله من نوران :
" طمنيني عليكي يا لينا .. انا وإلياس مخضوضين عليكي "
أبو لينا قبل اي كلام .. قال لـ لينا هاتي الموبايل دا
قرأ الرسالة .. وطبعا الرساله زادت الطينه بلة !!
أبو لينا كل اللي عمله انه شد لينا من ايدها جامد ودخل بيها اوضته .. وقفل الباب وراه بالمفتاح
أبو لينا بصوت عالي : انا تفهميني ان نوران مالهاش أخ .. وفجأه يطلع لها أخ ويفتحلي الباب يقولي انت مين ؟؟؟؟؟؟؟؟؟؟؟؟؟؟ بتضحكي عليا انا ؟؟؟؟؟ انا اللي طول عمري بعاملك على انك صحبتي تقومي تعملي فيا كدا ؟؟؟؟؟ انا اللي وثقت فيكي والناس تقولي بنتك متربيه احسن تربيه وفي الآخر اطلع معرفش أربي ؟؟؟ اما حد يجيبلي سيرتك هقوله ايه ؟؟؟؟؟ عايزاني امشي فـ الشارع مطاطي راسي .. انا على اخر ايامي هطاطي راسي عشان كنت فاكر اني بربي بنتي الوحيده صح !!!!
لينا بعياط جامد : والله يا بابا انت فـ فـ فـ فاهم غلط .. انا هـ هـ هـ هفضل رافعه راسك طوول عـ عـ عـ عمرر رر ري
أبو لينا قرب على لينا وضربها قلمين على وشها .. كل قلم أسرع من التاني
لينا مغطيه وشها بايديها : اسـ سـ سـ سـ سمعني يا بـ بـ بـ بابا والله مظـ ظـلومه
أم لينا من ورا باب الاوضه : افتح ياعمرو الله يخليك خلينا نحل الموضوع بهدوء الجيران هتتلم على صويتها
أبو لينا بزعيق : مش طالع الا لما اربيها .. انا معرفتش اربي 19 سنه .. لو وصلت اني اقتلها هقتلها
ام لينا ( عياط )
لينا جريت على الدولاب الجرار ودخلت جواه ومسكت الباب بعز قوتها عشان باباها ميفتحهوش
لينا : انت ليه مش عايز تسمعني .. انت صحيح طول عمرك مدلعني وطلباتي اوامر.. بس انت ربيت صح .. والله العظيم ربيتني صح .. ولو في يوم مشيت مطاطي راسك هجيب راسي احطها تحت رجلك وارفعك .. والله يا حاج عرفت تربي وفاهم الموضوع غلط .. فاهمه غلط .. فاهمه غـ غـ غـ غلط .. فاهمـ.......
( وقعت لينا مغمى عليها بسبب كتمة الدولاب وانفعالها واحساسها بالظلم)
ابوها حس بيها وهيا بتقع لان باب الدولاب اتفتح .. وسمع هبده قوية جواه ..
فتح باب الجرار وفضل يسحبها ويشدها لحد ماطلعها برا الدولاب وحاول يفوق فيها مش بتفوق ..
وام لينا برا الباب عماله تعيط وتخبط جامد لأن فجأه مبقتش سامعه صوت حد فيهم
ابو لينا فتح الاوضه وجري شال لينا ونازل بيها جري ع السلم .. ركبها العربيه ووداها الطوارئ
( بعد ربع ساعه فـ الطوارئ )
صوت عياط جامد من غرفة الطوارئ اللي فيها لينا
ام لينا بتجري على بنتها : بالله عليكي بطلي عياط عشان.......
لينا قاطعتها : عـ عـ عـ عـاوزه بـ بـ بـابا
ام لينا : بابا في الحسابات ياحبيبتي وهييجي كمان......
لينا قاطعتها : هاتتتي موبـ بـ بـايلك
--
لينا : الو
نوران : لينا قلقتيني عليكي مردتيش على مسجي واتصالاتي ليه ؟؟ ماله صوتك ؟
لينا : انا في مستشفى الششششروق جمبك .. تعـالي انتي واخوكي وخليه يجيب جواز سفره عشششان بابا مششش مصصدقنننننني ..
نوران : خلاص متكلميش كتير .. انا جايه اهو
( تم انهاء المكالمه )
نوران في خلال ربع ساعه كانت فـ المستشفى
وابو لينا اول ما شاف إلياس راح مسك فيه جامد
الحاج عمرو : ليك عين ياحيوان تيجي هنا .. والله لو شفتك تاني ماهسيبك الا وانت في قبرك
إلياس وهوا بيحاول يخلص من قبضة الحاج عمرو : اهدى يا حاج .. اقسم بآيات الله انا ما عرف بنتك .. انا جواز سفري اهه بص على تاريخ خروجي من مصر من 13 سنة وتاريخ دخولي لمصر .. النهاااااارده من 3 ساعات ومكنتش معرف نوران اني جاي .. اقسم بالله ماكنت معرفها
أبو لينا بتلهف أخد جواز السفر يتأكد فعلا من كلامه
ولقى كلامه فعلا صح .. رمى جواز السفر في وش الياس ومشي بخطوات سريعه لغرفة الطوارئ
--
لينا شافت باباها دخل الاوضه فنزلت وقفت جمب السرير من خوفها .. والحاج عمرو بيقرب منها
لينا : والله العظيم مظلومه يا بابا انا هثبتلك اني مظلومه نوران جايه فـ السكه وهتشـ..........
( حضـــن عميــــــق وقوووووووووي جدا )
الحاج عمرو ولسه حاضن لينا : مش تقوليلي يابنتي ان ليها اخ مسافر ولسه راجع
(لينا بتضم ابوها وتحضنه جامد ونازله عياط )
الحاج عمرو : متعيطيش بقى .. ماهو انتي بقى اللي مقولتليش وعمال اقولك انا سامعك يابنتي سامعك اتكلمي واحكيلي وقوليلي اللي حصل .. وانتي عمالة تقوليلي انا طاطيت راسك وكلام يضايق خالص .. دنا كان هيغمى عليا من كلامك بجد
لينا : ههههههه ( وعياط تاني )
الحاج عمرو : خلاص بقى .. الجاكيت غالي و نفيتي فيه بما فيه الكفايه ....
لينا ( عياط )
الحاج عمرو : والله هشيلك من رجلك زي زمان
لينا بشحتفه : اصلا انت بقيت عجوز مش هتعرف تشيلني
الحاج عمرو : طب اهوووووووووووووووووو ( شالها )
لينا : هههههههههههههههههههههههههههههههههههههههههههههههههههههههههه نزلني نزلني ...... ظهرك هيوجعك .. انا بقى عايزه جيلاتي
الحاج عمرو : لا عيطي احسن انتي كدا جايه عليا بخسارة ..
لينا : هههههههههههههههههههههههههههه طب فسحني طيب
الحاج عمرو : هفسحك في المطبخ وفي الصالون وهحجزلك شالية في الدولاب عشان الهوا المرحرح
لينا : مرحرح !!! طب انا بقى مصاحبه الواد الياس وبنخرج كل يوم سوا و......
( شبشب طاير فـ الهوا )
طلع الحاج عمرو ومراته وبنته .. وسلم على الياس وقاله حمدلله على سلامتك وانا اسف على سوء الفهم وخلينا نشوفك ... وسلّم على نوران ,,
سلام سلام
---
فـ بيت نوران ..
إلياس قاعد على سريره وسرحان وبيقول في نفسه : هوا انا اول مره اشوف بنت !! انا شفت بنات كتير احلى منها اشمعنى هيا اللي رشقت في دماغي !! يمكن عشان صاحبة نوران من صغرها ومعاها على الحلوه والمره واهلها كانو أهل لـ نوران .. انا ليه مش عارف اطلعها من راسي ليه بفكر فيها لييييييييييه .. معقوله دا اعجاب ؟؟ !! .. انا هتجنن تفرق ايه عن غيرها يعني ؟؟؟ انا هنام احسن وبكرا يحلها الحلال ...
--
فـ بيت طنط فاطمه :
نسمه : الو
فيروز : هاااااااااي ايه يا بنتي مش بتفتحي ياهو ليه
نسمه : مش عارفه متوتره
فيروز : بطلي تبقي جبانه انتي مش بتعملي حاجه غلط بقولك خطوبه وهيخطبك عاوزه ايه تاني بس .. اوف
نسمه : طب خلي اخويا بس يخطب وابقى اشوف انا الولد دا اخباره ايه
فيروز : اااااه نبيل .. وازي ست لينا بتاعته ؟
نسمه : يوووه بقى متجيبليش سيرتها انتي كمان
فيروز : ليه هيا عملتلك حاجه ولا انتي غيرانه منها كعادتك
نسمه : لا ياحبيبتي مش غيرانه منها انا واثقه فـ جمالي
فيروز بخباثه : طب مش حرام الجمال دا محدش يشوفه وميتهناش بحب رقيق كله شجن وعشق وحنيه ؟
نسمه : مش فاهمه
فيروز : يابنتي الولد اللي قلتلك عليه هيموت ويكلمك ..
نسمه : خايفه
فيروز : متخافيش .. بصي كلميه يوم لو مرتحتيش اقطعي معاه و ولا كأنك عملتي ياهو اصلا ماشي ؟
نسمه : ممممممممم ماشي ابعتيلي الرقم عالياهو وربنا يستر بقى ..
-
محمد : ايوا يا زفت
نبيل : خير يالا
محمد : بقولك ايه .. هيا نوران مستواها الاجتماعي عامل ايه
نبيل : مش فاهم
محمد : يعني ابوها بيشتغل ايه .. امها بتشتغل ايه .. ساكنين فين .. مستواهم عموما عامل ازاي
نبيل : اه اه .. مش فاهم
محمد : ياض يابن الـ***** مش فايق لروقانك انا
نبيل : ماشي يامحترم ..
محمد : معلش مقصدش يا نيبو بس الموضوع دا شاغلني اوي .. جاوبني بقى
نبيل : ولا يهمك .. ابوها وامها متوفيين و....
محمد مقاطعه : حلووووووووووو
نبيل : حلو فـ عينك دا كابوس لأي حد !!
محمد : طب كمل
نبيل : ابوها وامها متوفيين زي ماقلت .. ساكنه على النيل .. ومستواها الحمدلله عال العال .. باباها سابلهم ورث يسترها .. وعمتها اللي بتربيها .. وليها أخ واحد لسه واصل مصر من كام يوم .. واكبر منها بـ 8 سنين .. بس دا اللي اعرفه
محمد : مممممممممم طب ماتكلم لينا تكلملي نوران
نبيل : محمد .. انت صاحبي بقالك 20 سنه .. وانت لو عاوز نوران فـ الحلال .. يبقى موافق اني اكلم لينا على حواركو .. انما هتلعب وتقضيها تسلية زي ما بتعمل مع اي بنت .. معلش انا مش هسمح ان دا يحصل .. عشان مش هسمح لأي حد انه يأثر على علاقتي بـ لينا او بأي حد ليه علاقه بـ لينا
محمد : في ايه يا عم .. انا عاوزها ف الحلال .. خلاص كبرنا وبقى عندنا 27 سنه وعاوز استقر بقى
نبيل : لو بجد صادق ف الكلام دا .. انا هعمل المستحيل عشان نوران تبقى من نصيبك .. لانها محترمه بجد ومتحفظه جدا .. وسمعتها من سمعة لينا
محمد : عشان كدا انا مطمن ليها ..
نبيل : خلاص سيب الموضوع دا على ربنا ثم عليا ..
محمد : دا عشمي فيك يا ابو النسب
نبيل : هههههههههههههههههههههه اوام كدا ابو النسب .. ماشي ياسيدي .. هشوف موضوعك دا واي جديد هبلغك بيه اول بأول .. ورد ؟
محمد : وردووووووش يا معلم .. تصبح على خير
نبيل : وانت من اهل الخير
--
هل محمد فعلا ناوي نيه خيـــر لـ نوران ... ولا اللي فيه داء التسلية عمره مابيبطله ؟؟
وإلياس هل هيبطل يفكر فـ لينا .. ولا هيحاول يكلم معاها ؟؟
وفيروز ناوية على ايه مع نسمه ؟؟؟
ونبيل هيعمل ايه بخصوص ممته وعصلجتها لـ خطوبته لـ لينا ؟؟؟
كل دا الحلقه الجايه
الإثنين أغسطس 19, 2013 3:01 pm
