قصة ( ماليش غيرك ) الحلقة (2):

الحلقه (2)
---------------------------------
( صحيت لينا من النوم وراحت لمامتها )
لينا : صباح الخير يا اغلى واجمل أم فـ الدنيا .. صباح الخير يا مصر ^^
ام لينا : هههههههههه صباح الخير يا حبيبة ماما .. ولا اقول يا قمر على رأي نبيل
لينا بإحراج : فيه ايه يا ماما هتمسكهالي ذلة ولا ايه
ام لينا : لا أبدا أبدا .. بس عاجبني حب الشباب اليومين دول ,, صحيح الحب من جيل لـ جيل بيختلف .. انا لما حبيت ابوكي واحنا فـ الكليه كنا......
( موبايل لينا بيرن )
لينا : هيييييييه والله نوران حاسه بيا .. اخيرا ههرب من الحدوته اللي بتحكيهالي بقالك 19 سنه ...
أم لينا : وهفضل اقولهالك لحد ماتخلفي .. واما تخلفي هحكيها لولادك ... آه اومال ايه قصة حبنا مش أي أي ولا زي زي
لينا : الو
نوران : الوووو ازيك يا لولو وحشتيني ياوزه
لينا : انا تمام يا بطه ازيك انتي اخبارك ايه
نوران : كلو تمام التمام والأمن مستتب .. ايه بقى معبرتنيش امبارح بـ ولا مكالمه اخص عليكي زعلانه منك .. كنتي فين ياهانم ؟
لينا : حيلك حيلك اللي يسمعك كدا يقول عليكي متجوزاني وراجل البيت بقى ههههههههههههههههههههه .. كنا عند منى بنت خالتي عشان عيد ميلادها
نوران : طبعا طبعا .. اللي لقا احبابه .. لازم طبعا معبرنيش ... ها شوفتيه واتكلمتو وكدا ؟؟
لينا : بتجيبي من الاخر انتي هههههههههههههه بس بقى متفكرنيش انا مصدقت خلصت سرحان فيه امبارح ..
نوران : ياسلام على الحب اما يولع فـ الذره
لينا : ههههههههههههههههههههههههه احم احم
نوران : المهم ياختي تعالي اتغدي معانا النهارده عشان نطلع برا برا على المول عاوزه اشتري لبس
لينا : ماشي بس غريبه هتشتري ايه احنا لسه خاربين بيت اهالينا الاسبوع اللي فات !!
نوران : ممممممممم بصراحه كدا عاوزه اشتري لبس لأخويا " إلياس " .. عاوزه اعمله مفاجئه بقى دنا ماليش غيره بعد ما ماما وبابا توفو
لينا : إلياس ؟؟ هوا مش مسافر يابنتي ومش عاوز يرجع مصر ودراسته هيسيبها ويجي ؟؟
نوران : خلصها ياختي من زمااااااااااااااااان بقاله شهر اهه وراجع على مصر بقى اخيراااااااااا
لينا : يلا حمدلله على سلامته وربنا يخليهولك يارب
نوران : آمين يارب ... يلا اخلصي في خلال ساعه الاقيكي ف البيت عندي
لينا : ياستي حاضر بلبس اهو بلبـــــــــــــس
نوران : هههههههههههههههههههه ايوا كدا .. يلا مستنياكي باي
لينا : باي
-----
لينا : ماااااااااااماااااااااااااااا انا نازله رايحه لنوران اهه .. تعالي اقفلي ورايا
ام لينا : استني .. انا كدا كدا نازله معاكي
لينا : رايحه فين كدا ياموزه ؟؟
ام لينا : اتعدلي يابت .. رايحه لخالتك اتغدى معاها .. اومال هتغدى لوحدي وانتي عارفه ابوكي شغله بيخلص 10 بالليل ..
لينا : ماشي تمام سلميلي عليها وعلى منى وعلى نسمه
ام لينا : يوصل ياحبيبتي
--
( ام لينا وصلت بيت اختها .. ونبيل عينه على الباب )
اختها فاطمه : ايه دا فيكي الخير انا كنت لسه هلبس واجيلك
ام لينا : القلوب عند بعضها ... عاملين ايه ع الغدا ههههههههههههههههههه
فاطمه : طول عمرك مفجوعه حتى وانتي عيالك على وش جواز الفجعه فيكي برضو
ام لينا : بس لا العيال يسمعوكي يقولو ايه عليا هههههههههههههههههه
فاطمه : ههههههههههههههههههههههه اتفضلي ياحبيبتي نصاية ونحط الاكل .. بس تعالي هنا عاوزاكي ف موضوع
( نبيل نط من مكانه وراح باس ايد ام لينا وسلم عليها وقام شادد كرسي السفرة وحاطه جمب الاوضة اللي فيها ممته وخالته عشان يسمع كويس اللي بيتقال :> )
---
فـ بيت نوران ...
نوران : اتاخرتي ليه يا هانم .. اشحال مكنتش موصياكي ؟؟؟
لينا : معلش ماما كانت بتلبس وبتجهز وبابا وصل ماما لخالتي الاول وبعدها وصلني عندك
نوران : الله يابختك يا لينا .. انا اخيرا هحس ان عندي عزوه واهل اما يجي اخويا من السفر
لينا : ربنا يخليلك عمتك يا نوران مقصرتش معاكي في حاجه .. واهو إلياس جاي اهو وهتزيطي بقى وهيخفف عنك حرمانك من بابا وماما
نوران بنبرة حزينه : هههههه إلياس يخفف عني !! دا اكتر واحد اتأزم لما الحادثه حصلت .. عشان كدا مكنش حابب يقعد ف مصر ف راح كمل دراسته برا مصر
لينا مدمعه : كفاية بقى الله يرضى عليكي .. بالله عليكي ماتدمعي
نوران : معلش يا لولو شغلتك بهمومي
لينا : هموم ايه بس يا نوران .. لما متشكيليش انا هتشكي لمين ؟؟
نوران : والله يا لولو انا معتبراكي اختي وامي وكل اهلي
لينا مسكت ايد نوران : ربنا ما يحرمنا من بعض ونفضل اخوات دايما
نوران : يارب يا لولو ... يلا بقى نروح نتغدى هقع من طولي وانتي هاتك يا رغي ونكد
لينا : شوف البت هههههههههههههههههههههههه ,,, يلا بينا
-
فـ بيت طنط فاطمه بعد ما أم لينا مشيت ..
ام نبيل : مالك لاوي بوزك كدا ليه ؟؟؟
نبيل : مش انا قلتلك تفاتحيها يا ماما
ام نبيل : مكنش الوقت المناسب ياحبيبي وعلى يدك اهو .. لسه هفتح الموضوع لقيت عمتك بتخبط الباب وداخله والحاجات دي محتاجه خصوصية
نبيل : طيب .. تصبحي على خير
ام نبيل : وانت من اهله ياحبيبي .. متزعلش مسيري اكلمها قريب
نبيل بيبرطم فـ سرة : كل مره تقول كدا !!
--
بعد 5 ايام .. فـ بيت طنط فاطمه ..
منى : البت لينا وحشاني بقالي اسبوع معرفش عنها حاجه
نسمه : اللي يسمعك يقول مشوفتيهاش بقالك سنه !!
منى : بس بس.. انا هقوم اكلمها ..
نسمه : ماشي وانا هروح اكلم فيروز
منى : اهي " فيروز " دي انا مش مرتحالها نهاااااااااااااااائي بت شايفه نفسها كدا
نسمه : مش لازم ترتاحيلها المهم انا ارتاحلها .. ما انا مش مرتاحه لـ لينا فتحت بؤي يعني ؟؟؟!!!!!
منى : خلاااااااااااااص اتفلقي روحي كلميها وانا هكلم لينا
--
نسمه : ازيك يا زوزاا عامله ايه
فيروز : هاي يا نسمه انا كويسه .. آي ميس يوووووووو بجد
نسمه : وانتي كمان والله .. بتعملي ايه ؟؟؟؟
فيروز : قاعده ع الياهو بشيت
نسمه : انتي مش بتزهقي ابدا من الياهو والشات !!
فيروز : اصلا لو كنتي جربتيه كنتي عرفتي انه حلو اد ايه ومسلي سوو ماتش
نسمه : اجرب فين بس اصلا انا معنديش حساب ياهو .. ومش بحب اقعد ع اللاب اصلا
فيروز : عشان متعرفيش ايه اللي جوا الانترنت اصلا .. اصلا لو عايزه تحبي وتعيشي الغرام اقعدي ع النت وانتي تشوفي العجب وتبقي ف دنيا تانيه كلها بمبي في بمبي
نسمه : ياسلام ؟؟ ازاي ؟
فيروز : تعاليلي البيت وانا هفهمك واوريكي ازاي .. بيس ؟
نسمه : ماشي هقول لماما واخلي بابا يوصلني عندك النهارده
فيروز : اوكي مستنياكي .. سي يووو
نسمه : سي يو
( طبعا للأسف نسمه ساذجه وبتمشي ورا كلام صاحبتها ومتعرفش صاحبتها تقصد ايه بالكلام دا ) !!
--
فـ بيت لينا :
منى : الوووووو
لينا : ايلوووووووو
منى : ههههههههههههههههههههههه .. بت عندي انترفيووو بكرا
لينا : يااااااااااااه اخيرا هتشتغلي .. الله يعينهم عللي هيشوفوه منك
منى : يا رخمممممه .. المهم انا عاوزه انزل اجيب بدلة كدا عشان أبان بنت ناس وبت جد وكدا
لينا : طب هتنزلي امتى ؟؟ ممكن نجيب نوران معانا عشان عاوزه بدلة برضو لـ انترفيو
منى : ماشي تمام .. باباكي هيوصلنا ؟؟
لينا : هوا سواق ابوكي ,,, اكيد هيوصلنا دا رجله على رجلي فـ كل حته
منى : ربنا يخليهولك يارب .. طب تمام ألحق انا اجهز لحد ماتقولي لباباكي وتنزلي تعدي عليا ماشي ؟؟
لينا : اوك حاضر ..
---
لينا : الوووو
نوران : لولو حبيبتي ازيك
لينا : زي الفل ياباشا كله من رضاك عننا ^^
نوران : يابت يا بكاشة هههههههههههههههههههههههههه
لينا : ههههههههههههههههه بقولك يا نوران انا نازله مع منى بنت خالتي نجيب طقم رسمي تحضر بيه الانترفيو بتاعها .. فـ جيتي على بالي اكمنك عاوزه طقم انتي كمان لانترفيو الاسبوع الجاي
نوران : تصدقي صح يا لولو .. معنديش طقم رسمي اروح بيه .. ربنا يخليكي ليا ويخليلي ذاكرتك اللي عارفه كل هدومي هههههههههههههههههههههههههههه
لينا : عيب عليكي دا نص دولابك عندي
نوران : هههههههههههههههههههههههههههههه هتروحو المول امتى بقى ؟
لينا : دلوقتي حالا بالا ... ربع ساعه واكون عندك تحت البيت .. هرنلك تنزلي .. اشطه ؟
نوران : قشطاااااااااااات .. باي
لينا : باي
--
( لينا و منى ونوران راحو المول سوا .. ومنى استأذنت انها ترجع البيت عشان جابت البدله خلاص ومحتاجه توضب نفسها وتراجع ورق الشغل وكدا .. ولينا ونوران فضلو فـ المول بيلفو على طقم مقاس نوران .. )
نوران : بت يا لينا ..
لينا : ايه ؟؟؟
نوران : مش دا الولهان بسلامته ابن خالتك
لينا بتفاجئ : ايه دا .. ايه اللي جابه المول هنا ..
وفـ سرها : ( ماااااااااااااااااااشي يا منى اكيد خلعت باوامر منه ) انا بقى مش معبراه ومش هبصله .. هه
< بعد عشر دقايق >
نبيل : ولا يا محمد
محمد ( صاحب نبيل من ايام طفولته وجاره كمان ) : ايه يا زفت
نبيل وهوا مبرق عينه بضحكة طفل عبيطه جدا : مش دي لينا ؟؟؟
محمد : لينا مين ياجدع ؟؟ حتة جديده ؟
نبيل : المدام يا متخلف
محمد : ايه دا انت اتجوزت
نبيل : هووووصصصص اشفهمك انت خليك فـ السجاره اللي بتشربها .. ليناااااااا يازفت ليناااااااااااا المدااااااااااااااام
محمد : ههههههههههههههههههههه الله يحرقك من دلوقتي بتقول عليها المدام .. فاهم ياعم فاهم
نبيل : اسكت بقى مش وقتك تعال نروحلهم .. وانت ابقى لاغي صحبتها عشان متركزش معانا .. بس متستهبلش عشان دي اخلاقها من اخلاق لينا مش من ضمن الحوش اللي تعرفهم ..
محمد بفرحه : موافق موافق
---
هل نسمه هترضى انها تعيش قصة حب على النت من ورا اهلها زي ما فيروز عايزه ؟؟
وهل نبيل هيروح يكلم لينا فعلا فـ المول .. وهل لينا هتحرجه ؟؟
ومحمد هيعرف يلاغي نوران فعلا ولا هتحطه فـ وسط هدومه ؟
تابعونا فـ الحلقه الجايه